رواية هوس لا ينطفئ ( لعنه الجوكر) الفصل السادس 6 بقلم مايا النجار

عمار بغضب.اقسم بالله اختي ما هتاخد سراج ده صايع يا فاروق لولا انه بيخاف منك كان ضاع خالص وملهوش كبير ابوه مش قادر عليه امال لما يعمل حاجه مع اختي اجيب حقها من مين انت مترضهاش علي اختك

فاروق بغضب وهو يضرب الارجيلة (الشيشه) التي امامه لتقع علي الارض مكسوره ويقول.مش كل ما اكلمك تقولي اختك ملكش دعوه بيها خليك معايا انا دلوقتي مش عايز تديه اختك تمام بس قوله علشان هي مش ناقصه وساخة و امشي من وشي دلوقتي علشان هقولك بوقين مش حلوين يلا انطر

نظر اليه عمار وقال وهو ينهض.هي بتيجي عندكم وتبقي وحشه

قال كلامه وذهب ليقول فاروق ببرود وهو ينظر خلفه.ايوه نحو نختلف عن الاخرون هات شيشه غير اللي لحست الاسفلت يا حوده

في المساء كانت تصعد إلى الاعلي بعد ما انتهت من عملها تري الذي تنزل من الاعلي نظرت اليها و ابتسمت لتقول.عامله ايه يا حبيبتي بقيتي كويسه

شغف بابتسامه.كويسه يا طنط ميرسي ليكي جدا تعبتك معايا

صباح بهدوء.ولا تعب ولا حاجه احنا اللي بنتاسف علي اللي حصل معلش حقك عليا

شغف بهدوء.حصل خير

تنظر اليها صباح وتبتسم وتقول.بلاش اللبس ده يا حبيبتي انتي بنت وعايشه  لوحدك و هنا مش أمان خلي بالك من نفسك كويس

شغف.حاضر يا طنط

اومأت لها صباح لتذهب شغف الي الاعلي و تدخل شقتها تغلق الباب وتقول.مامته عسوله اوي ازاي تجيب البني ادم ده مش عارفه ربنا يعينها علي المصيبه دي

قالت كلامها بغيظ من هذا الوقح الذي يجعلها تفعل اشياء لا تتخيل أن تفعلها هي لم تتخيل ذات يوم انها سوف  تخطأ في حق  احد ساعدها مثل ما حدث في الصباح لا تتخيل أن تقول هذا الكلام لاحد بهذا الشكل تفيق علي صوت تعلمه جيدا تنظر الي (الكلب)الصغير الذي يأتي عليها بسعادة لتقول بفرحه.ميجججججو

تصرخ بفرحه وتحمل هذا الجرو الصغير وتضمه بقوه وهي تقول.انت جيت هنا ازاي

ينبح الجرو وكانه يرد عليها يدق الهاتف تخرجه شغف من حقيبتها  الخاصة بها وتفتح تستمع الي التي  تقول.قولت مخلكيش تقعدي لوحدك و بعتلك ميجو تتسلي معاه

شغف بابتسامه وهي تجلس وعلي اقدامها ميجو.بجد فرحتيني جدآ يا داده بس المشكله اني بنزل طول النهار بره وكده هيقعد لواحدة

الداده.بصي اقفلي الباب كويس و سبيله اكل و ماية تكفيه لحد ما ترجعي

شغف.حاضر يا داده اه صح بابا عامل ايه مرنش عليا من امبارح

الداده.معلش يا حبيبتب بس بابا مشغول هنا علشان الشغل وكده طنط نوال سألت عليكي و هي صاحبه فكرت ان ميجو يقعد معاكي

شغف بهدوء.اشكريها ليا و قولها ميرسي علي المفاجأة الجميلة دى

الداده.حاضر يا بنتي تلاقيكي لسه داخله دلوقتي من الشغل روحي ارتاحي وانا هرن عليكي بكره يلا باي

شغف.باي يا داده

تغلق شغف الهاتف وترميه بجانبها وتقول وهي تنظر إلى ميجو.بابا مسالش عليا يا ميجو ومش بيهتم بيا اصلا انا بالنسبه ليه موظفه تعمل كل الي هو عايزه غير كده انا مش بعني ليه حاجه كأني مش بنته ده حتي ماما بتقول عليا غلطه في حياتها ومش عاوزاني هما ليه بيتخلوا عني في اكتر وقت انا محتاجهم جنبي فيه تعرف طنط ام البني ادم البارد خايفه عليا وبتقول بلاش اللبس ده ماما و بابا عمرهم ما خدوا بالهم انا بلبس ايه عمرهم ما شافوا اني بنت و محتاجاهم هما مستنيين ايه علشان يشوفوا اني عاوزاهم مستنيين لما اموت ولا تحصل ليا مصيبه ساعتها بس هيعرفوا اني محتاجاهم يعني اموت نفسي علشان يشوفوني كده هيبصوا عليا مثلا والله اشك أنهم هيعملوها كمان انا بكرههم يا ميجو بكرههم و هفضل اكرههم طول عمري دمروا كل حاجه حلوه في حياتي هما السبب في وجعي برغم انهم المفروض يكون سبب في فرحتي بقو هما اللي بيوجعوني

كان يجلس وهو يشرب من ارجيلته  (الشيشه)و ينظر إلى سراج الذي يلعب في الهاتف لا يعرف هل يقول له الذي يحدث ام يفعل مثل ما قال عمار ليقول سراج وهو يضع الهاتف امام وجهه.الزفه دي هعمل اجدع منها في فرحي البت روان تستاهل احسن من كده

يحمحم فاروق ويقول ببرود مصطنع.ما خلاص يا معلم صاحب القرش صياد

يترك سراج الهاتف وينظر إلى فاروق ويقول.يعني ايه يا ونش

فاروق بجمود.حبيبتك النهارده جيلها عريس و الواد جاهز من مجاميعو يعني ممكن يشيل اليومين دول

ينهض سراج بغضب ويقول.نععععععععععم و عمار مقالش ليا ليه وانت ساكت من الصبح ليه

فاروق ببرود.في ايه يا سراج يمكن مجتش فرصه يقولك وبعدين ده نصيب خلاص انسي

سراج بغضب وصوت عالي.لو نصيبها مش معايا اقسم بالله العظيم لهكون قاطع نصيبها من الدنيا هي و اخوها يومهم اسود

قال كلامه ويرمي الطاولة من امامة و اخرج (مطوه) من جيبه و ركض نهض فاروق بسرعه وقال وهو يركض خلفه.ايه الجنان ده يالا سرااااااااااااج

الفصل السابع من هنا