رواية الإرهابي وذات النقاب الجزء الثاني الفصل السادس بقلم ام غايب
چان عيد !
وطاحت المرجوحه بيه
وصارت الونسه
بسامير وخشب
اشككت دشداشتي
الحلوه الجديده
لملمتها وخفت اكول
وضاچ من عيني الدرب
هاي أول بچيه اليه
ومنها زاعلت اللعب ♥️🌿.
______________________
ميمونه _حكلج شغله بس اريد منج تهدئين حسين
فلك_باوعت عليهه بقلق وانتظار الله اعلم شراح انصدم بعد
ميمونه_هددو بمقطعج
فلك ..حسين شاف هذا المقطع يعني وبسببي صار كلشي يعني ابني وحسين بسببي ماتوا حسيت ظلمت الدنيا بعيني اكثر ومن جهه اتذكرت بعد حسين عني باخر فترة
اخ ... اخ ... جنت حايره واكول ليش ابتعدت مكتلي ابد ومواجهتني ليش ... ليش ياحسين شكد جنت غامض شلون كدرت تعيش وتتعايش وياي بدون متواجهني
ميمونه .. يجوز عنده ثقه بيج
فلك .. كام حتى ميتقربلي شكد جنت ادوخ بالتفكير واضوج منه اكول بس بوقت شهواته يريدني
ميمونه .. يمكن اذا يكلج بعد ميكدر يبقيج لذالك احترمت حسين حسيته اذا فعلاً هيج هو انسان عقلاني وواعي واصلاً شكله يوحي الهذا الشي يلله كومي حنروح البيت اهل خضر
فلك .. ما اروح البيت ذولي لو اموت امهم متنجرع واصلاً بأي وجه هم حقهه اكول بس ما احبهم خل نروح بيت خاله فدوه لو وديني ال الخاله
ميمونه .. حرت اصلاً اني اريد اروح مجاوبتهه اخذت الصينيه وطلعت غسلت مواعين دخل خضر بنتره كلي هاي بعدج والقهرني بدخلة علي ورا متحملت بس مجاوبت وراهه راد جاي ردت اسوي كال ماكو داعي وطلعوا اني هم رحت ال فلك كلتلهه كومي نروح بيت خاله هم اشوفهم اني فلك سالتني عن خضر ... كتلهه كومي يلله يمكت غلط هالشي بس صدمني خضر ... خضر
يحبني بس من ابتعد هيج احسه لان بالقرب تزيد
مشاكلنه ومنتفق ابد طلعت سلمت على ام شاهين
الي استغربت روحتي وخضر ماكو سالتني كتلها
مأخذ يوم التقينا اذا مسوه مشكله كالت كولي ياالله يمعوده
هي هاي الحياة سمعت فلك كلتلهه طول عمره مدمر
اختي والي يشوفه يكول ماكو هيج يحبهه
ام شاهين يا ولج يمه بدال متهدين بينهم
ميمونه .. شكراً خاله مقصرتي
فلك .. شكراً حسيت انتي امي مو غريبه والله الله يحفظ ولدج
ام شاهين .. حبيبتي نورتينا عذريني والله على التقصير بس هدي بأختج موتشيتيهه والله يصبرج يارب
طلعنه اجذب اذا اكول مخايفه وخاصه اذا شافني خضر يمكت يسحلني بالشارع كمت ادعي مااشوفه حسيت سياره ورانه
درت مخروعه ... باروعت اربعه ... لزمت ايد فلك وكرصتهه باوعت عليهه عيونهه حمر ورموشهه مو باجيه صايرات على سواد لان هيه طبيعته رمهه جوزي وعيونهه جوزي فاتح .... فبارزات اكثر
لا تدورين وجهج اكو سياره ورانه بيهه اربعه
فلك .. ابني وكتلو شيريدون مني بعد
ميمونه .. رادت توكف جريتهه ... امشي يمعوده
فلك .. اريد اعرف شيريدون مني بعد
ميمونه .. احس كلبي راد يوكف ... من الخوف شديصير ياربي امشي بسرعه وفلك بطيئه واني اجرجر بيهه خفت كلش وتندمت على هالخطوه شكد ميحجون مااصدك اتوقع الشغله مجرد كلام
ميمونه .. موبايلج وين خلي نخابر على خضر
فلك .. مابيه رصيد
ميمونه .. هسه نشتري ... سرعت خطواتي والسياره احسهه بدت هم تسرع لدرجه شكيت يدعمونه ... سحبت فلك على الرصيف .... اختفت المحلات الحد ما طلعنه على الشارع خفت اوكف وخفت أأجر تكسي لان تذكرت خضر جان سايق هم اجرته وتعرفت علي منهه ساعه سوده مصخمه كلت بكلبي ... وكف تكسي وورا ثاني كمت اباوع عليهم اثنينهم الله اعلم اي واحد بيهم وياهم بودي اركع راسي باي طابوكه تعبت من هالحياة
فلك .. شبيج بابا تلكيهم جماعة رجلج
ميمونه .. لا يمعوده ... اني غبيه بس ماعندي حل تعبت والله من كلش
فلك .. وين نروح هسه بيت خاله غير
ميمونه .. طبعاً لعد وين
فلك .. امشي نصعد ... و .
ميمونه .. تقربت على التكسي فلك وباوعت ... عابت راحو ناس عاديين بس انتي تسحبين مدري منين
ميمونه .. بقيت لايبه و الخوف مسيطر عليه يمكن من خضر او من ذولي اختلطت مشاعري
صعدت بالتكسي و اني خايفه كلش الدرجه ابعد وجهي من الجامه و قريت الف ايه ... غلط افهم بس لازم الكه حل ويه خضر ... حقه يزعل و شيسوي بس كلامه صعب شكد اذاني و من اغلط يستخدم وياي اسلوب يكرهني بروحي
وصلنه بأمان البيت خالتي باوعت على بيته الباب مفتوح ... بقيت اباوع على الباب فلك نزلت و راحت للباب تدكه
اني بقيت واكفه كبل طلع خضر بس شكله منصدم مدري انصدم دارت فلك تصيحلي و من شافت خضر تقربت عليه
فلك .. كتلج رجلج مسمعتي مني لان وين ما اولي الكاهم
ميمونه .. باوعت علي تقربلي ....
خضر .. تعالي دخلي اليوم محد يخلصج مني على هاي العمله
ميمونه .. يعني انت بتعرف لعد ليش سويت هذا الاكشن
خضر .. دتعالي دخلي لا اموتج حرف واحد اخلصج خلاص
جان يحجي بهمس بيني وبينه وفلك تباوع
خضر .. البقيه بحياتج فلك ملحكت اشوفج تعالي انتي هم دخلي بيت خالتج مموجودين
فلك .. وينهم لعد
خضر .. خالتج بالبصره واليوم شفت ابو جعفر سألته كال من يلتحق ابنهه تروح للبصره مدري كرايبهه
فلك .. انتو شكاعد تسوون خالتي وين كلشي مو طبيعي ديصير وغريب فجأه
خضر .. دتعالن عيني دخلن احنه بالشارع
ميمونه .. بقيت اباوع علي تبعد وكلي دخلي مشتاقه البيتج دخلت قبله وفلك ورايه ....
فلك .. ساعة السوده على عيالج شكد جان حسين غامض مو مثلهم ساعة تحسيهم مجرمين ساعة خيرين
ميمونه .. طبك الباب ودخل ... دخلت للهول وباوعت على الفراش المفروش من جنت مريضة تذكرت شلون جان يحسسني طفله بيده
فلك .. وين اكعد اني ... اقصد وين ادخل هسه اني لازم ميشوفنه رجلج
ميمونه .. شمدريني
فلك .. هو مو بيتج لو اني متوهمه
ميمونه .. باوعت خضر فاتج الابتوب وبيه بيت خاله مبين والسطح يا سطح ماادري
خضر .. اخذي راحتج ام علي البيت بيتج اعتبري وراح من الهول دخل للمطبخ ... جان يسوي بوري ينكط اباوع البيت نضيف
خضر .. هيج واصله مرحله ميمونه احمدي ربج فلك موجوده
ميمونه تضربني .... تهدد بيه خضر ... عاف البوري و تقرب عليه يا يوم ضاربج لو مهددج انتِ صايره مو طبيعيه باوعت علي وجهه اصفر بس مهتميت
ميمونه .. انتَ مو طبيعي والله شفت كلامك
خضر ..لج عملنج متسولف
ميمونه .. شنو الي ميتسولف بشو غلطت
خضر ..لج انتِ مغلطانه يعني
ميمونه .. انتَ مو طبيعي اني اعترفتلك
خضر .. اعترفتي انتِ ليش تحجين وياه اصلاً
خضر.. لج نار نار مشتعله بگلبي والله
ميمونه.. اني گتلك خضر شفت نفسك شحجيت تگلي واحد
خضر.. واحد وعشرين يوم حسيت روحي اميرة بحظنه
ميمونه.. مگتلك هيج وتعرف ليش گتلك... گبل ضرب ايده بالسنگ حيل لزمني وخزرني گتله دتحجي بشي قديم ليش
خضر.. ولا يوم نسيته مشتعل گلبي نار بسببه وبكل بساطه تلتقين بهذا الحيوان تحبي مو... احجي بعدج تتذكرين
ميمونه.. ردت احجي اندكت الباب... باوعلبي بحديه... وگلي مترحين بعد ولتتوقعين اعبرلج سالفه طلعتج من البيت... اول ماراح اجتي فلك
فلك.. شكو ولج... سمعته يحجي على حذيفه لان حجيتي ويا... هذا مخبل زوجج شلون متحملته ماادري
فلك.. سمعت صوت مو غريب عليه
.. لا بس اخذ ملابسي واروح
خضر.. اريد افهم السالفه حمصه شبيك زين انت ويا شاهين اني شو حتى ماأجيتني
حمصه.. خضر سويلي طريق ملابسي بالغرفه
فلك.. هذا حمصه
ميمونه.. اي
فلك.. تمنيت احجي الي بگلبي واگله امدايه من كل عقلي صدگتك من وعدتني
باوعت ميمونه فتحت البوري تغسل وجهه وتبجي
فلك.. معقوله بس علمود حذيفه هيج سوه لان گلج على ابني لو شنو... ميمونه متحجين
ميمونه.. فلك عوفيني فدوة هسة تعبانه حيل
فلك.. عفتها وگعدت بالگاع مالي خلگ.. طلعت موبايلي طلعت رقم خاله گلت بس اعبي رصيد اخابرهه بعد ماتحمل ابقه يم عيال ميمونه ابني وحسين راحو
گمت ابچي شگد احاول أگول اصبر... وارجع اتذكر ابني مات ياريت لو باقيه على أمل رجعته
جنت مدنگه وميمونه هم باقيه على المغسلة واگفه تبجي كل وحده بينا عدها هم جبير... للحظه گلت لو ابويه وامي موجودين مو جان لو شيصير عدنا بيت و وطن نتحامى بيهن
جنت ثانيه رجلي لصدري غمضت عيني اجه خضر دخل للمطبخ
ميمونه.. باوعت عليه جنت حاقده علي مااعرف اصلاً قبل ليجي هو جنت تعبانه وطاقتي خلصانه من الي گاعد اعيشه من طلعت من بيت أبويه لليوم
فوران مو طبيعي.. صبيت الجاي جنت اسمعهم يسولفون سوالف طبيعيه عتب حمصه... بس انهيار بداخلي اكو بركان احسة قريب على. الانفجار صبيت الجاي الكوب نفطر وتفرغ بالصينيه الجاي توترت ردت اوخر الجاي وگع القوري من ايدي
عطت وفلك هم عاطت لان لاحها جاي وجان يفور اجه ركض خضر اني بجيت وصحت تعبت... تعبت يابشر دنك... بعدت روحي رفع راسه خلي اشوفج
ميمونه.. عوفني... عوفني... ونصه صوتي عوفني... ياريت متت ولا كلشي عشته لان بعد مااتحمل
فلك.. احترگت رجلي شويه بس انفعال ميمونه خلاني انسه الحرگ واباوع عليها جانت كلش منفعلة ابد مو عداتهه ولا مره شفتها انفعلت حتى من نتعارك تستفزني ببرودها راد يلزمها خضر من ايدها مره ثانيه هم انفعلت
ميمونه.. اكرهك يالله اكرهك بس عوفني... اريد اولي اريد اطلع من حياتك... جرني حيل عطت... دخل حمصه... وخر خضر
حمصه.. هاا شبيك تخبلت خضر
خضر.. لك احترگت وردت سكت وخزرني... ماكو شي حمصه بس الحرگ أذاهه
حمصه.. اي دتعال اطلع
خضر.. حمصه شبيك توكل مو ردت تروح
حمصه.. بطلت مااروح امشي خل نطلع بالباب
خضر.. لتلح روووح
حمصه.. امشي متشوف البنيه شلون تعبانه لتلح انت
خضر.. لك
حمصه.. لك انجب بابا واطلع شبيك وسحبه
ميمونه.. من دخل حمصه وبعده يالله انتبهت لوضعي بس مو بيدي كلش انشدت اعصابي گعدت بالگاع ابچي تقربت عليه فلك
فلك.. خلي اشوف رجلج و وخرت البوشيه عفتهه گالت لازم ترفعين البنطرون گومي حبيبتي گومي
ميمونه.. باوعت عليهه بجيت هما كلهم الناس ممرتاحين مثلنا لو بس احنا لان ماعدنا اب
فلك.. بس احنا قابل منوا النه يمسح دموعنا ويتوجع من ينزلن هو بس الاب والام الي يخافون على بزرهم
ميمونه.. شتگولين بعد مانزلت راسه هم ينوجع گلبه من تنزل دمعتي... مسحت دموعي فلك
فلك.. تحرگه مو بس ينوجع... بابا هذا تتذكري شلون يتخبل علينه لعد هو شلون راحت عافيته غير من اجت چثه عبود... گومي... گومي حبيبتي خلي اسويلج الحرگ الي برچلج
ميمونه.. ميوجعني الحرگ الي برجلي... گلبي محترگ اكثر... گمت وياهه ودخلنه للغرفه مابيها شي خاليه من الأغراض نزعت بنطروني ونزعتني حجابي فلك وگعدت بالگاع
فلك.. باع رجلج شلون صارت حمرة كلش
ميمونه.. باوعت عليهه وگتلها عادي
فلك.. توجعج
ميمونه.. عادي
فلك.. اوووف خلي اروح الرجلج يجيب شي للحرك
ميمونه.. لا تعالي دير بالج
فلك.. شوفيها شگد حمره
ميمونه.. مااريد بهاللحظه انفتحت الباب سحبت البنطرون خليته على رجلي
فلك.. جيبلهه شي هواي حمرة رجلهه
ميمونه.. مااريد
خضر.. ام علي بيها مجال شويه احجي وياهه اريد بس لبسي نقابج لان حمصه بالهول خاف من تطلعين يشوفج
فلك.. نزلت نقابي نسيته هو حتى منه المفروض البس طلعت رحت المطبخ جان گاعد يم باب الاستقبال على الكرسي ومخلي رجل على رجل ويدخن لمحته لمحه خفيفه ودخلت للمطبخ
....................................
ميمونه.. دنگت مباوعت علي اجه گعد گبالي وراد يرفع البنطرون من الحرك لان اني خليته على رجلي
خضر.. ليش هيج تسوين كل هذا لان گتلج انتي غلط... مااعرف مصدوم بيج والله مامتوقعج هيج
انتي حتى متحسبين حساب الي يم اهلي ويم الغرب هم هسه گدام حمصه شلون صيحتي بوجهي... ليش هاي لان منطيج مجال
ميمونه.. طلگني خضر... باوع عليه بصدمه
خضر.. انتي شگاعد تلغين مخبله انتي شدتحجين... گولي من البدايه هسة حذيفه رجع خل اشوف بلكي ياخذني هلمره والكلب خضر موجود إذا مرادني
ميمونه.. يايابه لهاي الدرجه اني هيج بعيونك
خضر.. اكرهك وطلگني كله لان گتلج انتي متحترمين وغلط وردت اخذ موقف
ميمونه.. طردتني مو مره مرتين خذلتني مو مره اكثر من مره وعدتني هواي ولا مره وفيت
خضر.. ليش شمسويلج اني لج اني توني طلعت من الموت علمودج انتي شنو والله مگاعد افهمج
لج كم غلط بغلط من اجيت لحد هسة وفوگاهه انتي لتبجين
ميمونه.. لان تعبت تعبت كرهت الدنيا فلك اني ليش ممرتاحات ليش
ليش... ليش احنه هيج تعرف شنو من شفتك ساعة السوده
خضر.. ساعه السوده
ميمونه.. گمت من يمه بسرعه اني وحده مو زينه ممتربايه عوفني شتسوي بيه هاي كله لان كلبه وگتلك... جرني
خضر.. لج بابا انتي ليش تسوين روحج مضلومه
لج شلون تنكرين لان عبالج عزوز حيگلي
ميمونه.. لا
خضر.. ابتسم والله... لتسوين روحج على نياتج
ميمونه.. انت شنوا ساعه تتهمني وساعه تشك بيه
خضر.. ممشكك انتي گلتي بلسانج حذيفه ارتاحيت ويا وعفتيني ورحتيله وشمرج مثل الجلاب وانتي مريضه ورجعتيلي من عافج
ميمونه.. عززه انت شنو شنووو امدايه صدگ لان مرحت ويا من گلي تعاي ويايه
مااحس اله طفت عيني ودفعني على الحايط بحيث جتفي من الوجع لزمته وباوعت عليه اجه بسرعه وعاط بيه عبالي راد يضربني ضرب ايده بالحايط وصاح... ارتاحيتي.... ارتاحيتي هسسسسسه
فلك.. سمعت صوت خضر عالي گبل طلعت من المطبخ وركض دگيت الباب... عاط خضر ماكو شي لتدگين الباب
ميمونه.. خليت ايدي على وجهي اثنينهن وگمت ابجي
خضر.. ميمونه
ميمونه.. كمت ابجي بس احاول اخفي صوت بجيتي... جر ايدي جلبت بيهه وشديت عليهن حيل دنگ عليه أكثر وجرههن
خضر.. ميمونتي والله انتي كبرتيهه... ميمونه جاوبيني ليش هيج تحجين لج اموت والله ميمونه احجي لان عصبيه وضايجه مني
جاوبيني ميمونه اني متأكد لان ضوجتج حجيتي هيج
ميمونه.. اختنگت وشهگت سحبني عليه واني مغطيه وجهي وشبگني ويبوس بيه
خضر.. والله مااقصد أمد ايدي عليج ولا احب امدهه عليج بس انتي اااخ ميمونه
ميمونه.. گمت ابجي بصوت
خضر.. اخ ياميمونه لج والله من وراج
....................................
فلك.. ردت ادگ الباب مااحس اله صوت وگفني صوته الاستاذ
حمصه.. عوفيهم هذا الوضع
فلك.. اختي
حمصه.. اي اختج بس رجلهه جوه وياهه
فلك.. مااعوفها لهذا الإنسان
حمصه.. انتي شگد تحبين تخربين وتسوين مشاكل
فلك..درت عليه بحديه وباوعت عليه هو دمر اختي وبعده يدمر بيهه عباله ماعدهه احد والله اموته بيدي
حمصه.. انتي بس عوفيهم ولتدخلين هو ميسوي شي أولاً خضر يحب ميمونه وبخبال هما مخابيل وتالي متالي يتصالحون وانتي تصيرين بوجه الگباحهه
فلك.. ميمونه مو من عاداتهه هيج تنفعل
حمصه.. اني اسف
فلك.. باوعت علي بصدمه گبل گلب الموضوع
حمصه.. بس ماانسه وعدي الج ابد
فلك.. ابني مات بعد
حمصه.. بيوم الي اشوف بعيني يالله اعتبر روحي خلفت الوعد
ابتسمت بس نقابي مغطيني
حمصه /عينج هيج احلى من تبتسمين
باوعت علي حسيت مدري شصار بيه ....فجأه ركزت علي
شمدري ابتسمت كبل دنكت لان خجلت
حمصه-وعدتج وعد زلم ابنج ارجعه الحضنج ....واذا الي حجو صح بذاك الوكت اكتل كل واحد اله ايد بكتلة علي وادخل السجن ماعندي اي مانع
فلك-غرغرت عيني رأسا ورفعتهن هو ابد منزل عيونه عن عيني
ربكتني نظراته ملكيت مهرب من عيونه وخجلي وارتباكي الي بين حتى من داخل النقاب
بدون مااحجي عفته ورحت للمطبخ
فلك-ابني عايش يعني ابني عايش معقوله يارب
حلم صعب يتحقق بالنسبه الي
صارت بمخيلتي عيون حمصه من يباوعلي .... كبل وجعني كلبي من تذكرت حسين
حسين-احبج
فلك-ليش احسك بس تحب جسمي
حسين-كلشي بيج احبه
تذكرت حضنه كلامه الدفو الي احسه ويا والامان الي مفتقدته
حنيت واشتاقيت وانقهرت من نفسي لان صارت ابتسامه ونظره واني توني خاسرته بس يمكن بسبب شكوكي بحسين
وخرت نقابي ومديت ايدي على الكلاده تذكرت مكالمته الاخيره وهو يكلي ماازعل الي تختاري تخلي اي شخص تريدي
بقيت واكفه بالمطبخ خضر وميمونه مالهم حس ابد
********
ميمونه_ راسي كام يوجعني من البجي والضربه وهو شابكني ومن ردت اوخر مقبل سحبني علي
خضر/لو من كتلج طلعي وجايتني بساعتهه ونايمه بحضني جان سامحتج حتى اذا يجرحني ويوجعني هذا الشي
ميمونه-اذا رخيصه بعينك ليش متعوفني
خضر/اموت والله بدونج مااتحمل اضيع وماندل درب
ميمونه/اني واختنكت
انت تدري بروحك شكتلي
اني اخونك خضر شلون تتوقعهه مني
خضر-خنتيني وهذا الحاز بكلبي عفتيني ورحتي ومن عافج رجعتيلي ليش هيج الهاي الدرجه
ميمونه/لتكمل كلامك والله يوجعني وروح ابويه مرحت ال حذيفه لان اكرهك بس لان مردتك تخسر فلوسك واني ميته ياريت لو صدك ميته
طلكني خضر والله تعبت
خضر-لتحجيهه بعد ابد
ميمونه-سحبني اكثر علي وخرته كوه وكمت من يمه حجه هواي بس كلامه قهرني
مااحس اله فجأه صار صوت
