رواية سيرة القدر الفصل السادس بقلم فجر المساري
كتلها خاله تعبانه ونعسانه اريد انام اخذتني
وصعدنه فوك دخلنه لغرفه فارغة مابيها اي
قطعة اثاث بس بردات…
سراب يمه انتظري بهل يومين واجيبلج اثاث
هزيت راسي اي ..
طلعت خالتي غيرت ملابسي وبديت انظف بالغرفه
لان جانت كلها تراب ومتروكه مسحتها وكملت
فتت للحمام غسلت وبدلت طلعت تراك اجتي خالتي جايبتلي
فراش دوشك ومخده وبطانية ..
فرشت ونمت مكعدت للمغرب .. كعدت ..
لبست حجاب ونزلت جوه وياهم فتت للمطبخ
ساعدت خالتي بالعشه وكعدنه ناكل اني وزوج
خالتي كملنه غسلت لمواعين ونظفت
كملت وصعدت فوك لغرفتي انام…
كلت خلي افتح تليفوني واشوف شنووو اخبار
البنات من يوم الي صار سديته مفتحته وشفت
هوايه مسجات من البنات صديقاتي يسئلون عني
خطيه بعد مرور 3 اشهر واني منقطعه عن الكل
حجيت وياهم كملت وياهم ونمت لثاني يوم…
كعدت ونزلت وصادف يوم جمعه…
فتت للمطبخ…
سراب صباح الخير… صباح النور
خاله اني اسوي ريوك من اليوم كل شغل البيت
عليه معليج باي شي…
كعدتها ع الكرسي يمي وبديت احضر لريوك
سويت جاي وطلعت من الثلاجه اجبان ومربئ
وزوج خالتي جاب صمون…
كعدنه نتريك… قاسم هااا عمو ان شاء الله مرتاحه
يمنه ..الحمد لله عموو…
كملنه… قاسم… يالله طالع محتاجين شي
اي جيب وياك مسواك وفواكه… صار… وطلع
سراب ..نظفت البيت من فوك لجوه حسيت عندي
طاقه فرحت لان راح ارجع لدوامي وصديقاتي
لحياتي القديمة شكد حلوه ذكريات المعهد كملت تنظيف البيت وطلع ..
يلمع لمع لان خالتي خطيه مريضه فمتكدر
وحدهه تنظفه…
عمي جاب المسواك ..
سراب خاله شنوو اسويلكم ع الغده ..بكيفج
سويتلهم مقلوبه وشويت دجاجه وزلاطه وتغدينا
خاله… هااا حبيبتي
عندي فلوس ممكن نطلع العصر لسوك ونشتري
اثاث للغرفه… اي ميخالف نروح العصر
اني كمزت وحضنت خالتي…
ولج ع كيفج خنكتيني… اسفه خاله
ع
مي قاسم يضحك… خجلت…
سراب… للعصر طلعنه اني وخالتي لبست بنطرون
اسود وقميص اسود وشال اسود لان بعدني
حزينه ع حجية نعيمة ورحنه افترينه كل محلات
الاثاث واشتريت غرفه بسيطه الي وعجبتني
لوحات اخذتها وساعه واخذت تلفزيون وستلات
زغير… واجرنا سياره وصعدوا العمال الاثاث
واخذنه احنه تكسي للبيت وسياره الاثاث تمشي
ورانه . ..
وصلنه للبيت شفت عمي قاسم طلع وياه اثنين
صعدوا وراحوا بالسياره نزلنه ..
خالتي قاسم منو هذوله ..
قاسم هذوله صباغين جبتهم حتى يصبغون غرفه
سراب لان صبغها قديم…
خطيه جان جايب صباغ وصابغها لون وردي فاتح
كلس حلووو وهادى عجبني وفرحت…
ان رب العالمين منساني وعوضني بيهم
واني يتيمة سبحانك يارب ماارحمك واعظمك
حاشاك تقطع بعبدك…
وتاجلت نصب الغرفه ورا يومين لان لغرفه
مصبوغه جديد وبعده منشف…
بيومها نزلت نمت بالصاله ع القنفه اتكسرت
من النومه…
ومر يومي عادي بين تنظيف وطبخ…
ورا يومين عمي قاسم جاب عامل نصب الغرفه
لغرفه لونها ابيض تخبل وصبغ وردي طلعت فد شي
واشتريت بردات لون ابيض وبيها ورد وردي
وصار دوووام بالمعهد…
كعدت من الصبح سويت ريوك وغسلت وبدلت
وحضرت كتبي عبالك طفله وتريد تروح اول يوم
لمدرسة لصف الاول… هههههه شعور حلووو
جنت كلش فرحانه ..
ولبست تنورة بف طويله سوده وقميص اسود
وشال اسود لان حزينة واباوع ع نفسي بالمرايه
وين جنت وين صرت… اباوع ع نفسي كبرت
20 سنة خلال هالاشهر واباوع ع شعري من
شوكت طلع هالشيب براسي…
وعيوني بيها الف قصه وقصه بيها وجع وغدر
وخيانه والم ..
فقدت احباب قلبي… لزمت بطني اوووووف ياربي
ليش هيج فقدته ودموعي نزلت ..
مسحتها استغفر الله ياربي… لا اعتراض ع حكمتك
لبست حذائي واخذت جنطتي ونزلت…
اريد اطلع صاحت خالتي ..
سراب ..اوكفي
سراب .. نعم خاله
وين رايحه خاله للمعهد مو كتلج باجر اداوم
اي ادري بس شون تروحين للمعهد
امشي لراس الشارع ومناك اصعد بالكيات للمعهد
لا عيني اخاف عليج ..
خلي اشوف جيرانه محمد… بلكي يوصلج
بطريقه ديوصلج وراحت عليهم…
اعرفكم بنفسي اسمي محمد عمري 25 سنة
مهندس اشتغل بشركة اهلية بالمنصور قريبه ع
المعهد ممتزوج عائلتي ابويه متقاعد وامي
وعندي خمس اخوات اكبر مني متزوجات واخ واحد
اكبر مني احمد دكتور اسنان متزوج وعنده ولد
وبنيه واني اخر العنكود مثل ميكولون ههه
والمدلل وعلاقاتي ويه البنات مجرد تسليه وضحك
وطربكه مشفت بيهم الي تملي عيني وتعجبني
وفد يوم جمعه وجانت عطلتي بس الجمعه
جنت طالع اكمل كم شغله عندي لان باقي الايام
دوام وماعندي مجال فاستغل العطله واكمل شغلي
وكفت تكسي يم بيت جيرانه حجي قاسم
خوش ناس وعايش بس هو وزوجته حجية حميدة
ماعدهم اولاد،…
وصار كم سنه واحنه وياهم جيران… المهم
نزلت بنية شابة اوووويلي
شكد حلوووه شون جسم…
بس اني الي اعرفه ماعدهم اولاد هاي منو
ضجت جانت لابسه نظارات شمسية مكدرت
اشوف عيونها ولابسه كله اسود نزلت وفاتت
للبيت واجت وراها سياره بيكم بيها واغراض
اثاث غرفه نوم… وفاتت جوه…
محمد ..شفت عمي قاسم واكف يم سياره ماعرف
شيحجي وياهم…
محمد السلام عليكم حجي
قاسم وعليكم السلام ابني…
محمد خير عمي محتاجين مساعدة…
وخاله حميده جانت واكفه وبدت تحجي انو
هاي البنيه بنت اختها وهي يتيمة واجتي تعيش
وياهم وتكمل دراستها بالمعهد… المعلمات…
محمد اني بكلبي كلش فرحت يالله اجتي ع رجليها
مثل ميكولون من يمي…
عمي لا تشيلون هم اني اخذها بطريقي للمعهد
لان قريب ع شغلي وارجعها…
حالها حال وحده من خواتي…
قاسم وحميده… الله يبارك بيك ابني…
محمد واني بيني وبين نفسي الا اجيبج لطريق
والعب بيج طوبه…
سراب… صار يوم دوامي بالمعهد وخالتي تخاف
كلش عليه مخلتني اروح وحدي كالت ابن جيرانه
محمد يوصلج بطريق لشغل… هي طلعت راحت
عليهم واني بقيت انتظرها ..
سراب هاااا خاله…
اجتي خالتي وكالت يالله حبيبتي،يله طلعي الولد
راح يوصلج يوميه بطريقه للمعهد…
سراب ..طلعت وكفت باب البيت وهو دايطلع
سياره من الكراج مشفته خالتي واكفه بالباب
اجه اشرتلي صعدي اجيت افتح باب لسياره الورا
حته اصعد واسمعه يكولي ..
اختي العزيزه صعدي ليكدام ماكو احد ويانه
سراب اني متت من الخوف عززه هذا شيحجي
يكول وحدنه… راح نروح ..يله قابل شراح يسوي
اخ منج ياخاله ..
اشوفها تضحك اني صعدت سلمت عليه
السلام عليكم… جاوبني وعليكم السلام
واجتي عيني بعينه ..وبيني وبين نفسي هذا
شكد حلووو… ودنكت ..وطول الطريق ساكته
ومدنكه وهو مشغل اغنيه فيروز نسم علينه الهوا
وساكت وكف السيارة يم افران ومحلات
محمد… هسه ارجع ماطول ونزل… باوعت عليه
شفته دخل لفرن وبسرعه رجع مااتاخر واجه
واني رجعت دنكت مخليته يشوفني…
وصعد بالسياره وبيده علكتين وانطاني وحده
بيها بطل مي وقوطيه ببسي، وقطعه بيتزا 🍕
محمد هاج… اني باوعتله
كتله لا شكرا ماجوعانه خليها الك اني اتريكت
بالبيت قبل لا اطلع .. ضحك وكلي جبت الي
هاي الج اخذيها يمعوده لا تفشليني
هسه تجوعين بالمعهد اني انحرجت منه
اخذتها وتشكرت منه… وصلني للمعهد وفتحت
باب دانزل واسمعه يكولي ست شنو اسمج😒
خزرته وكتله سراب 😑
