رواية سيرة القدر الفصل السابع بقلم فجر المساري
سراب ..داومت بالمعهدومحمد وكل يوم يوصلني ويرجعني…
ومرات الحظ نظراته غريبه…
صرنه اصدقاء ودائما يسالني عن دراستي وبحثي
واحجيله عن الدراسه وبحث تخرج وهو يحجي
عن شغله…
محمد… سراب نعم…ممكن تنطيني رقمج شسوي بي…
محمد اوزعه ع الجيران يعني مثلا شسوي بي
ادك عليح وطلعيلي،…
سراب… طلعت تلفوني و اخذه مني…
وسجل رقمه ودك من تلفوني ع رقمه وانطاني
تلفوني وابتسم… شنوووو هالصلافه…
كان هو يدك واني اطلعله وصار بينه سلام
محمد… كعدت من الصبح غسلت وكشخت وتعطرت
لبست قميص ماروني وستره وبنطرون لون بيج
ونظارات وطلعت اجتي خاله حميده
امي صاحتني… محمد… نزلت طلبت مني اوصل
بنت اختها للمعهد معرفت شنو اسمها…
اي خاله بس اطلع سياره من الكراج ..تشكرت وطلعت رحت طلعت سيارتي من الكراج
هما بنفس الشارع مقابيلنه… شفت لبنيه واكفه
لابسه اسود شنو قصتها…
وكفت شفت خالتها واكفه بالباب اشرتلها تصعد
اجتي تفتح باب السياره الورا صحت عليها اختي
صعدي ليكدام محد ويانه .
شفتها خجلت واجتي… .
صعدت يالله شنو هالجمال والعيون شكد حلوه
وهي طول الطريق مدنكه وساكته محجت شي
محمد اني متعود اتريك ع كيفي ب10 بالدوام
واكو افران ع طريقي اوكف كل يوم واخذ ريوك
نزلت بوكتها ماطولت رجعت بسرعه انطيتها علاكه
تعذرت مقبلت تاخذها… بلكوه اخذتها وتشكرت
مني صح اني عندي علاقات بالبنات بس هي غير
بقيت تقريبا شهر اوصلها وارجعها وصرنه
اصدقاء نسولف ع دراستها واني احجيلتها ع شغلي
وارتاحيت الها…
كلش محترمه واخلاق…
عرفت هي جانت متزوجه ابن عمها مطلقه
الى فد يوم شفت اجه واحد للمعهد عليها وجرها
واني رحت عليه وتضاربنه وهي قبلت تروح وياه
ياسر… .كثرت مشاكل وطلبات مروه ومليت منها
وطلكتها وفد يوم رحت للمعهد ع سراب جنت
مشتاق الها واريد اشوفها… شفتها طلعت رحت
عليها وجريتها من ايدها وهي تصيح وتعد عليه
صعدتها بسيارتي اجه عليه شاب كام يحجي
ضربته وهو ضربني… اجتي سراب تصيح
عوفني ياسر شتريد مني بعد مو دمرتني
ياسر بس اريد احجي وياج كلمتين وبعدهه مراح
تشوفين وجهي وعد…
محمد،.. سراب كالت اي وراحت وياه وتركتني
سراب ..طلعت من المعهد واصعد بسياره محمد
واكف ينتظرني مشفت الا واحد،جرني من ايدي
صاح باسمي سراب..
التفتت وشفت ياسر😲
اتفاجئت هذا شجابه ضل يجر بيه بقوه واني اصيح
عليه يتركني وصعدني بسيارته وشفته ركض ع
محمد وتعاركوا وتضاربوا…
نزلت من سيارة وكتله ياسر ماريدك عوفني بحالي
كلي بس اريد احجي وياج كلمتين بعد متشوفيني
سراب اييي، بس عوفه
مادري ليش وافقت اروح وياه…. بوكتها
صعدت بالسيارة ويه ياسر…
وشفت محمد بقه يباوعلي بنظره معرفت شنوو
جان طول الطريق اعصاب ويرجف واني ميته
خوف وابجي،الى ان وصلنه للشقه مالته…
نزل ياسر من السياره واجه اندار عليه وفتح باب
السيارة وصاح نزلي،وجرني من ايدي،
اخ ياسر شبيك ايدي صعدني فوك ودخلنه للشقه
يحجي اليوم اصفي حسابي وياج…
اني خفت هذا شيححي
اي حساب ..
دخلنه للشقه جوه ودفعني،ع القنفه وكعت وتاذيت
انضربت ايدي وجعتني بس اسكتت .. خفت منه
كمت بالكوه وعدلت نفسي
وكعدت ..
سراب ياسر شتريد مني عوفني بحالي مو كافي
اللي سويته بيه دمرتني ودمرت حياتي
ياسر .. صاح لج اسكتي،..
راح للمطبخ واجه بيده بطل مي انطانياه شربت مي
واجه كعد يمي،…
ياسر يابنت الناس راح احجي وياج هاي اخر مرة
سمعيني وافهميني…
تذكرين من اول يوم من كتلج انتي واني منصير
لبعض… سراب هزيت راسي ايييي
بس سبحان الله صرتي زوجتي واني ماانكر
بعدين تعرفت ع مروة لان جانت مو مثلج فطيرة
صرتي متهتمين بيه وخابصتني بدراستج
واهملتيني واني شاب وضعفت يمها وحبيتها بس
اكتشفت اني ظلمتج ومجنت اعرف انتي حامل
اقسم بالله ماعرف… وصار الي صار
واني دموعي تنزل…
وهسه اني طلكتها لمروة مكدرت اكمل وياهه
وبالبيت كلهم حاربوني وابويه ميحجي وياي
وكلي انت مو ابني ..من عرف ازوجتها .
ومنعوني من كل شي ..واني اشتاقيتلج وحسيت
نفسي حبيتج وماعرفت بهالشعور الى ان فقدتج
سراب… كمت وكفت كدامه اسكت ياسر لخاطر الله كافي،كافي جذب
انت محبيتني ولا احترمتني ولا كلت هاي بنت
عمي ويتيمة وماعدهه احد وين تروح بهالدنيا
انت حبيت الدلال والفلوس الي ينطيكياها عمي
حتي متعب نفسك وتشتغل بس انت مو رجال
الرجال هو الي يصرف ع بيته وزوجته مو ياخذ
فلوسها وذهبها من شغله وتعبه مو يعتمد
ع غيره… .
ياسر ..اتحداك اذا صرت رجال وانت ماعندك
ايييي طموح بالحياه وراح تبقى طول عمرك
فاشل ياظالم…
ياسر من كالت هيج اني فقدت اعصابي وضربتها
راشدي وكعت ع القنفه وخنكتها رادت تموت
بين ايديه تدفع بيا وتصيح يامجرم ياحقير
هو الي يقتل ابنه مو بشر…
ياسر اسكتي،ولج ..
اجه مثل الوحش وهجم عليه راد يغتصبني واني
اصيح واعيط وادفع بيه يوخر عني وحاول
ينزعني ملابسي بالقوة بس قاومته وبقيت
ادفر بي واصيح واحجي حقير الله ياخذك
دفعته بقوة راسه انركعت بالطبله واني طلعت
ركض واخذت جنطتي، جنت تعبانه والشمس
حارة وابجي واشرت لتكسي وصعدت ونطيته
عنوان بيت خالتي اباوع ع الناس من الجامه
وسارحه بفكري ماحسيت الا ع صوت
السايق كلي اختي وصلنه انطيته فلوس ونزلت
دخلت للبيت شافتني خالتي كلتلي شبيج
مجاوبت مشيت وعفتها وصعدت لغرفتي،ركض
كعدت بالكاع وابجي وذكرت تصرف
ياسر ويايه كرهته وكرهت نفسي… دخلت للحمام
غسلت وبدلت وطلعت من الحمام نمت بفراشي
غطيت روحي مطلعت نمت للمغرب كعدت ونزلت
شفت خالتي وعمي قاسم كاعدين بالحديقه رحت
كعدت يمهم ورشيت الحديقه وراها كمت للمطبخ
سويت عشه نواشف وتعشينه محجيت لخالتي
ع الي صار اليوم…
وجيت ياسر للمعهد وعركته ويه محمد… سكتت
ثاني يوم كعدت بدلت لبست تنورة سوده وقميص وشال اسود واخذت جنطتي وكتبي وطلعت ..
وكالعاده اروح للمعهد ..
مشيت لراس الشارع حتى اخذ تكسي للمعهد
اجه محمد وكف ونزل وكلي وين رايحة ست
سراب 😑
سراب… محمد ماريد اسببلك مشاكل خزرني 😒
فتح باب السيارة كلي صعدي
مااصعد…
محمد صعدي لا تخليني اعلي صوتي واحنه بالشارع
سراب ..خفت منا العالم ومخبل يسويها ..
صعدت. وياه وهو اندار ..
صعد ومشينه وفتح وشغل اغنيه فيروز
هو يوميا يفتح اغاني فيروز يكول يحب اغانيها
طول الطريق محجينا شي ساكتين واني مدنكه
وكالعاده مثل كل يوم نزل يم الافران اشتري
فطاير وعصاير ومي واجه صعد اباوع هذا مو طريق
للمعهد هذا غير طريق ..كتله هذا مو طريق للمعهد
مجاوبني واخذني لزوراء وصلنه صاح انزلي
بسرعه وبلا كلام ترى اشوفج شي ماشايفته
اني متت بمكاني خفت هذا شبي تخبل…
سراب عزززه هذا شراح يسوي بيه فتت للحديقة
بعد ان قطع تذاكر الدخول وضلينا نمشي اني وياه
والناس تباوع علينه اووووف ياربي
شكد فشلت هسه عبالهم متواعده وياه متت خوف
اخذني وكعدنه يم شجرة وصاح بيه
سراب ....
