رواية عشقتة حتي اذلني الفصل السابع بقلم نوران
متيمان في العشق
مودة
كانت خطوبة غدير والايام الي بعدها كلش متعبه بالنسبه الي لان امي انشغلت وياها والبيت وادارته كلها الي تعبت وفكري دائما مشدود ردنا يكون كل شي باكمل وجه ونفرح غدير اللي ما كدرت تحس بفرحه وهذا جعفر ما سهلها عليها
رحنا عدهم وبقينا من بداية الاسبوع لحد يوم الحنه الصبح ببيتهم اني بهاي الايام احبس روحي بالغرفه وانزل على كد الوجبات حتى لا التقي بخضير صارلي فيلم رعب اني اللي بعمري ما خايفه خضير خلاني اتختل وبيوم كلت مو اني اللي طبعي انهزم واضم نفسي هو غلطان اني ما مسويه شي غلط نزلت بعد العشاء كانوا مجتمعين كلهم وضحك وسوالف كعدت وسهرت وياهم كالعاده عمتي سهيلة وزوجة خضير علياء ماكو خلصت السهرة وكل واحد راح لغرفته ضلينا اني وسارة وغدير وريم كاعدات كرزات وجبس وحبشكلات لطيفه اخذنا الواهس وصارت السهرة مطولة واحنا ضحك وسوالف اول وحدة انسحبت غدير لان جعفر اجا ومبين انزعج من كعدتنا طفرت وراحت كمت صعدت وراها اشوفها تلكاني خضير عالدرج اريد ارجع ما ترهم صعدت من يمه بدون كلام هو ما سوى شي بس كلمات قليله بصوت مسموع مو ناصي بس اخذت حيلي من خوفي لا احد سمعها ردت اكوم اكمز
-اي عفيه ضلي بالغرفه لا تطلعين اول وتالي تصيرين الي ويومها وين تنهزمين مني روحي ارجعي هناك لغرفتج وعدي ايام على اصابعج وتصيرين مرة الشيخ
نزلت اركض وراه نسيت غدير ونسيت نفسي هذا يريد يفضح نفسه ويفضحني كمت احجي بصوت ناصي
-خضير شنو بعقلك
-كل خير
-شنو كل خير كل عقلك انت
-وانت شايفتني اتشاقى وياج يعني
-اسمعني باجر نحجي بالموضوع هسه اخاف احد ينتبه لو يسمعنا باجر انتظرك بالبستان يم النهر بنفس المكان
ابتسم بوجهي
-انت كدها وتتواعدين لو بس لسان
-شوف اني اريد انهي الموضوع ونسده وباجر نتفاهم
-واني حاضر للي تأمرين بي بس كون من صدك تجين مو بس حجي لسان ونتفق على تفاصيل زواجنا
-خضير كافي عاد
-شنو اللي كافي يا عيون خضير
هزيت راسي بعدم رضا وكملت دربي هذا مو معقول ومو طبيعي الصدمه الاكبر انداريت لكيت مصعب بوجهي نازل ومبتسم يا ربي بس لا يكون سمعنا شسوي وشلون هذا ابن عمتي سهيلة واكيد سالفتنا راح توصلها اجيت اتخبل من التفكير اللي اكلني
دخلت للغرفة بمكان ما اهدئ اختي ردت احد يساعدني حتي اهدا جسمي يرجف كله رحت لفراشي بسرعه اتغطيت اريد اغفى اسمع غدير تبجي وانعصر قلبي عليها بس ما بيدي وياها شي انتظرت الصبح مو لان احب وهاي الخرابيط اريد اخلص نفسي وبس طلع الصبح ركضت للنهر اشوفه لخضير حضرت كل قوتي وبرودي ورزانتي المعهودة حتى اكدر ارده
وصلت هو سابقني ابتسم من شافني
-يا ربي شنو هالصبح اللي ببدايته اشوف هيج خلقه اروح فدوة لهالوجه
-خضيركتلك كافي شنو شبيك تخبلت
-حجايتج هاي تدفعين عليها بس مو هسه محد يكول للشيخ هالكلام راح افوتها هالمره
-خضير لا تهددني اني مستحيل بيوم اقبل بيك اني اجيتك واريد افتهم شنو هذا كلامك وشنو داعي تصرفاتك انت رجال متزوج عيب هالافعال وفوك كل هذا علياء بنت عمي مستحيل اني اقبل اقهرها واخرب بيتها
-شوفي مودة سالفة انت متقبلين اكولها الج تقبلين بيه وانت مقتنعه واما اني متزوج فالرجال يكدر يتزوج مره ثانيه وثالثه لحد الاربعه وبنت عمج ما راح يصير الها شي وحقها ماخذته وزيادة واذا على مشاعرها هنا عادي الرجال يتزوج على مرته
فتحت عيوني عليه شنو هالثقه العالية اللي عنده يحجي ولا مهتم
-لا تفتحين عيونج هيج مودة ارحمي المقابل محد كال الج عيونج مو مال توجهين نضرهم لعيون بشر ثاني لان قلبه ممكن يوكف وتعال جيب فصل وودي فصل وخلصي روحج هههه
-خضير اني ما جايه اضحك ولا اسولف اني اجيت اكولك اني ما اقبل بكلامك وخلص
-مو بكيفج غصب عنج
-خضير انت ليش هيج تسوي
-ما تعرفين؟؟؟؟ صدك تحجين مودة اني من يوم اللي وصلتوا لهنا اني كلت مودة اليوسرحته احلى شي عندي شعري واصل لتحت ضهري يمكن اخواتي احلى شكلهم بس اني مميزه بشغلات انثويه اكثر منهم موده شعرها قصير كلش وغدير شعرها وسط اني شعري جدا طويل وجدا جدا جميل بدا الحفل واني فرحانه وبس اركص كانوا اللي بالبيت ويانا بس نسوان شكم مره لان اجوي يم العروس يشوفوها
صار وقت الغداء وعدهم تقاليد اهل العروس اذا قريبين ميطبخون بيوم الزفه واهل العريس يدزون الاكل الهم حظي الحلو مدري الفكر مدري المشلع دزوا الاكل بهذاك اليوم ويه معصب والادهى والامر امي وزوجة عمي صاحوني اخذه منه واوديه للمطبخ عود هاي اني اصغر وحدة عدهم ولو اعرفه مصعب ما اطلع ولا اوصل طلعت ادردم لان اني طبعي هذا اضوج وخايفه على فستاني لا يتدمر بالاكل شفت مصعب وجان كعادته معصب وحواجبه متكومات بوسط وجهه هههه
اخذت من ايده واحد وهو شال الثاني عبرنا للمطبخ خليت الي بايدي عالطباخ وهو حط اللي بأيده عالميز بوسط المطبخ ما حجيت وياه ولا كلمه رحت ارجع للحفله صار بوجهي اريد افوت ما يخليني بس كلت مصعب اخذ ايدي وجرني وراه حذائي عالي اريد اسيطر بالمشي ما اكدر وبس اتعثر طلعنا من البيت وللسيارة اللي جان راكنها بعيد عن الانظار اريد يعوفني ماكو صحت صوت الاغاني اعلى من صوتي وصلنا لسيارته دخلني بيها وصعد هو اني هنا انتهيت هاي العائله كلها مشاخيط وهذا واحد منهم
-لج اني شكلت عن لبسج
-الحفله بس نسوان
-حتى لو بس امج هذا لبسيش لج ما تخجلين وانت هيج
-معليك انت بابا يقبل
-اي واني امشي بحجي بابا سارة حجيت وياج حجايه ما سمعتيها هسه راح اشوفج شسوي
جر شعري بايده قوي اني عطت وبجيت محد هيج معاملني قبل طلع مقص اني هنا انتهيت بس اصيح لا واتوسل حط المقص اني انتهيت بالبجي شعري اغلى شي عندي جرني اكثر عليه صار وجهي مقابيل وجهه بين توسلاتي ودموعي طبع بوسه بخدي خلاني اهدأ مباشرة بس ضل شعري بايده وقص منه خصله اني عطت من قصها وضربته قوي بس ما اهتم ابدا فك ايده من شعري واني ابجي
-يلا انزلي روحي وملابسج تجي الزفه تغيريها وشعرج بالج تفلينه بعد تره اخلصه كله خصله وره خصله
نزلت من سيارته اريد شي ابرد ناري بي سيارة مصعب حديثة وجميله جدا لونها احمر وكلش يهتم بيها من قهري اول شي سديت بابها قوي كلش بحيث رادت تنكسر شفته ما مهتم اني لابسه خواتم بايدي واحد منهم يشخط نزعته وشخطت المقدمه مال سيارته كلها كدام عينه عصب وفتح الباب ينزل الي عفته ورجعت ركض للبيت صح بردت ناري بسيارته بس هو حركني بشعري اباوع عالخصله هوايه كلش ردت اموت بيومها من البجي طبعا الكل ملتهي محد انتبه رحت غيرت ملابسي الغبي عباله راح اهتم لكلامه لبست جينز ضيق ثلجي وبدي اصفر والستره مزيج اصفر وازرق قصيره بس شعري كل ما اباوع عليه انقهر لفيته لان مبين مكصوص ورجعت للحفله سألتني امي كلت الها فستاني وكع عليه اكل وهي اصلا ما دققت لان تعرفني شكد ما هي تحب الموضه والاناقه اني اكثر خلصت الحفله واني القهر خانكني خنك على شعري واجتي الزفه وشافني بيومها واكيد ما عجبه لبسي بس لو يموت ما انفذ اللي يريده ولا اسوي اللي بخاطره وطلعوا واخذوا غدير الناس عبالهم ابجي على اختي واني قهري كله على شعري وشلون راح اعدله الله يكسر ايده اني اعلمه الا اردها اله اضعاف
--------
ها وهسه ياهو العاقل بيهم اللي هو بطل قصتنا اكيد كلهم مخابيل مو صح
يتبع.....
كنت صغير من رحتي ويمكن نسيت حتى شكلج بس من تلاكت عيونا وضحكنا عرفت اني ما ناسيج ولا لحظه عرفت هذيج مودة الوكحه اللي جانت تعض وتوكلني تراب صارت احلى مره وعندي صار قديم وياج وهسه ما اعوفج لو اعرف الدنيا كلها توكف بوجهي
-ليش تزوجت اذا هيج
-لا كل شويه تكولين ليش وليش ماكو اسباب كعدت صبحيه لكيت عقلي مو ويايه ولا تسأليني ليش تزوجت لان انت كنت ماكو حتى تعاتبين هسه
-بس بعد ما ترهم وما ينفع
-ما الج دخل اني ارهمها
-اني ما اريد
-اني اريد واتخذت قراري واصلا بس ايام واخطبج على ما اكمل اموري واحضر
-شنو هي جبر تفرض نفسك عليه ما اريدك
-ليش
-متزوج
-مودة شايفه النهر هذا اللي توكع بي ما تطلع والله هسه اشيلج واشمرج واخلص من قلبي وياج لا تدوخيني كتلج زواجي شي وحبي الج شي ثاني
-بس اني ما اكدر يعني شنو تريدني اقبل ليله عندي وليله عدها و..... سكتت ودنكت عزه هاي اني شدا اخربط شنو هالكلام اللي طلع مني هو ضحك
-ههههه هذا اعتراضج تغارين عليه مودة لج والله انت هم تحبيني بس تخافين تكوليها مو صح هههه
-خضير كافي اروح
-وين
-للبيت
-ما اقبل
-شنوو؟؟؟؟
-اي ما اقبل تروحين ابقي اريد نتفاهم عالزواج
اجيت اروح ما كدرت رجلي ما تمشي يا ربي شنو هاي اني مو ضعيفه وبعمري بيوم ما صرت هيج انداريت اله
-شتريد مني وليش ابقى انت شنو شايف نفسك وتريد تفرض نفسك عليه فرض اذا انت شيخ فعليهم مو عليه والله اذا تضل تلح بهالسالفه انهي كل شي واخلي اهلي يرجعون منين ما جابونا تورطنا واجينا
كنت احجي ومعصبه وجسمي كله يرجف جر ايدي وخلاها بايده
- صح اني شيخ بس الظاهر حتى الشيخ اله شيخ على قلبه يؤمره وحبج شيخ على قلبي ولا تكولين منو شايف نفسي شايف اني حبيبج ورجلج بعد ايام قليله وهذا القرار اتخذته ولو كل قراراتي اتراجع منها هذا يبقى قائم لحد ما اشوفج بحضني
نفضت ايده ومشيت اريد ابتعد بس قلبي ضل هناك كلامه وعيونه خلوني ما اعرف اتصرف ولا ابقى مودة العاقله اللي الكل تحجي برزانتها
ولا هذا خضير اللي كدام الكل يبين هادئ وعاقل هذا مخبل ولا هاي اني اللي طول عمري ثكيله والناس اللي حواليه تحسب الي حسابها
معقولة هذا هو الحب هيج يضعف البشر ويخليه ما يعرف يتصرف ويضرب كل مبادئه عرض الحائط بس حتى يحصل موعد ولقاء ويه الحبيب حتى الموعد واللقاء بيناتنا مو صحيح ليش قبلتها على نفسي يووو هو شنو الصحيح والله حتى كمت ما اعرف رجعت للبيت واني بغير عالم وهنا بدت اعراض حبي لخضير تظهر عليه بلا ما اعرف اول شي الصفنه ووراها الاحلام وراها تقبل الواقع اللي يكول اني احب خضير
سارة:
بيوم عرس غدير الناس تركص فرحانه واني القهر كاتلني بيومها لبست فستان قصير اسود ضيق والكتف مكشوف والصدر عليه نزلات قماش انيق جدا ابويه واني اشتروه الي من سفرتهم لتركيا وكنت لابسه كعب واني طويله طلعت شكلي كلش حلو بحيث ما افارق المرايا هوايه كل شويه اروح اباوع على شكلي شعري الاسود الطويل فتحته بطوله
