رواية لبوة الحياة الفصل الثامن بقلم ساره العبيدي
أنتَ ياكلشي حلو أنگال بالساني
أنتَ يا كُل القصايد والأغاني.🖤🔥
امي: شبيج صافنه احجي منو هذا وشنو سوه
جوري: لايمه ماكو شي هيج لحالي
أمي: شنو لحالج واني سامعتج تحجين منو هذا احجي لو يصيرتصرف ثاني وياج
جوري: لا يمه صدك تحجين ماكو شي جنت احجي على أسيد لان سمعني أغني ورزلني يكول ناس وين وأنتي وين
أمي: مايلام بيج هسه وكت تغنين بي ماتشوفين وضعنا شنو لو ما مأثر بيج خاتون
جوري: بقيت ساكته بقلبي ادعي على أسيد لي خلاني بهذا الموقف
راحت امي كملت شغلي مر اليوم عادي اسيد ما اجه بعد للبيت بالليل اجه خالي وسام طمنا باجر تطلع بيبيتي من المستشفى و وصانا محد يضوجها ولا يبجي كدامها ولازم ندير بال عليها
كلش أحب بيبيتي اكثر من أمي هم لان هيه ربتني وتعبت عليه
كتله خالي عوف كلشي عليه بيبيتي اني اخدمها بعيوني
راح خالي وكل واحد طب بغرفته ينام رحت على ياسمين اكلج ليش مانظف بيت هسه باجر الصبح نلتهي يجن نسوان خوالي وبناتهم على اساس فدشي يتفيكن براسنا كومي هسه خلي نظف حتى الصبح ماعدنا شي
ياسمين: البيت نظيف مابي شي ليش نظف هسه يمعوده لو حتي اساعدج بتنظيف ست جوري
جوري: امداج ليش شنو قابل ابقي كاعده مو بحالج هسه اني انظف واكمل حتى الصبح اتفرغ لبيبي
نزلت من يم ياسمين لان كاعده بالغرف الفوك نظفت خارج البيت بعدين طبيت على الاستقبال والصاله والمطبخ خليت البيت يلمع من نظافه
طبيت سبحت وطلعت باوعت للساعه ب1بالليل
مو نعسانه كلت خلي اقرا شويه قران وانام فرشت سجادة الصلاه وصليت ركعتين وقريت قران ونمت
كعدت الصبح على صوت هوسه يبؤؤ أجوي خوالي وبناتهم ونسوانهم وخالتي هيام وكلهم مجتمعين
ب10 اجتي بيبيتي وجدي وخالي وسام وذبحو فجر دم علمود سلامات بيبيتي وزعوا للفقراء
وسوينا غده وعزموا عليه أكيد أسيد بنص خابره خالي لان وكف وياهم فصارت علاقته زينه كلش بيهم
وسام: الو مرحبا شلونك اسودي
أسيد: الو اهلا وسهلا بخير أنت شلونك الحجيه شلونها
وسام: بخير الحمدلله توني طلعنا من المستشفى اكولك اسودي مسوين غده لازم تجي تتغده ويانا
أسيد: لا والله اعذرني مكدر اجي لان محل تاركه صار فتره هسه تسوكت لازم ارتب اغراض ان شاءلله العصر امر على حسام
وسام: لا مرفوضه اعذارك لازم تجي انتظرك يلا مع السلامه
أسيد: لا مكدر اعذرني والحمد لله على سلامة الحجيه
وسام: ازعل عليك والله ما احجي وياك بعد خلص على راحتك
أسيد: عمي كلشي ولا زعلك ان شاءلله اجي
وسام: هسه أنت خوش ولد ههههههه يلا كمل شغلك لعد اودعناك
أسيد: تمام الله وياك
اجه وسام للمطبخ اريد طبخ وغده معدل ولا تخلون شي ماتسوه ام جوري عزمت أسيد على غده لان ولد ماقصر ويانا
امي؛: اي خويه زين تسوي ربي يحفظك
وسام: محتاجين شي تردون شي
امي: لا خويه خير ربك كثير
اني اسمع ونار بقلبي حقير يجي ولا يهمه شئ ولا يخجل بسيطه والله الا اطلعه سم عليك ياأسيد احجي ويه روحي
انشغلنا بلطبخ امي ونسوان خوالي على طبخ احنا بنات على مقبلات وتحضيرات
جوري جوري عندي موضوع وياج تعاي
اي خاله اجيت صفا كمل شغل هسه اجي بس اشوف خاله هيام شنو تريد
هلاو خاله شنو تردين
هيام: لحكيني للغرفه ماكو احد
جوري: احس اكو مصيبه هههه
هيام: سدي حلكج وتعاي
جوري: ماشي اجيت بس ترزلون بيه والله حرام عليكم
هيام: حرمت عليج عيشتج كعدي واسمعي وبلا كلمه الي أن اخلص كلامي جيرانه ام عبدالله شايفتج بلفاتحه وعاجبتها وحجت وياي تريدج لابنها اني بنظري توافقين ولد اني اعرفه خوش ولد اخلاق وأدب وحالته زينه ومتخرج يعني كامل والكامل الله
جوري: خاله جاي تحجين اني اريد اكمل دراستي
هيام: منو كالج يبطلج هو متخرج ويريد وحده تدرس ياغبيه فكري زين
جوري: امي ماتوافق وخالي مصار زمان من مات
هيام: اكلج جاي تعلميني تره اخويه مات وكدام عيني ناره بقلبي بس هاي قسمتج وخوش قسمه ولمات الله يرحمه قابل بيدنا شي ماسوينا لخاطره وثاني شي اني حجيت ويه المريه كتلها بلا عرس ولا حفله ولا هوسه كالت اصلا مانريد هسه زواج بس اريد اضمن لبنيه ماتروح لغيري
جوري: معرف خاله اني هسه مامفكره ازوج كل لبالي دراستي
هيام: شوفي يشهد الله انتي مثل بنتي ولان اعرفه خوش ولد حجيت وياج لو اعرف بي مو زين اني ارفض من يمي انتي لا ترجعين خبر هسه عندج مجال وفكري
جوري: ماشي خاله أفكر وارجعلج خبر
هيام: ماشي بس لا تكولين لاي شخص الموضوع حتى امج اريدج تفكرين بدون ضغط من أحد وتقتنعين بعدين اني اصرف هسه روحي كملي شغلج
جوري: ماشي خاله
طلعت واني متفأجه من كلام خالتي اني اريد اكمل دراستي اذا ازوج يبطلني اعرف هيه تكول لا اووووووو والله دوخه خلي اكمل شغلي عود أفكر اذن الظهر
كملنا الصلاه وأجه خالي كال حظروا الغده الكل موجود
حظرنا الغده ونقوا الولد
والبنات غسلوا المواعين لي كملنا منها حتى تخف علينا شويه واني حظرت الشاي
بسيطه يا أسيد هسه تغديت وشبعت لازم اطلع الغده من خشمك
كملنا الغده وصبيت الشاي للولد واجه ابن خالي سجاد عمره 12سنه فدوه لاخويه حبيبي اخذ الشاي بس هذا لكلاص انطي أسيد لان مايشرب بلاستكان تمام مو تنسه
تمام اخذه وراح
من صبيت الشاي جبت كلاص خليت بمكان الشكر ملح وفلفل حار صبيت الشاي وخليته بكلاص حتى ماخربط معهم اووف ياريت اكدر اشوف وجهك شلون راح يصير هسه على هذا الشاي المعدل ههههههه
أسيد بعد صار مكدرت اروح واوصل للبيت مره ثانية رغم لازم اشوف حسام خطيه وضعه تعبان فكنت اخابره يطلع للباب واخذه للمحل لو نفتر بشارع لو للقهوه نغير جو ويه ولد حسيته شويه تحسن كام هو يجي من دون ماخابره عليه
حسام انت مو تركت دراسه
حسام: اي مالي خلك ادرس معرف كلشي بيها
أسيد:عندي فكرة ليش ماتجي تشتغل وياي اني محتاج واحد وياي وأنت احسن من الغريب وهم تغير من روتين الممل شنو رأيك
حسام: معرف الله كريم
أسيد: من باجر تجي وياي لا تصفن ولاتفكر انت اخويه صغير ولازم تنفذ بدون نقاش ههههههه
حسام: هاي هيه لعد من هسه اذا تريد خوش وعشاك على حسابي يوم اكطعه من راتبي
أسيد:هههههه هاي بدايه هيج نهايه راح تروح فليساتي لا عمي اني ادفع حساب بمناسبه موافقتك على شغل
حسام وافق يجي يشتغل وياي واني فرحت حتى اتقرب أكثر لهم ومن اخطب يصير وياي
خابرني وسام عزمني وكنت متردد اروح ماريد اشوفها الا واني مخلص موضوع خطوبتي منها لان اعرف عقلها تفكيره سلبي وكل لبالها اضحك عليها غبيه وبس لسان متبرئ منها بس مكدرت ارفض عزيمه لان رجال أكبر مني واول مره يعزمني واصر عليه اجي
رحت واني الف فكره بالي شوكت أكسر راسها يابس صح أحبها بس هيه ماجاي تفتهم وتعاند وكل كلامها سم بسيطه جوري الا اخليج تبجين من حبي
رحت وطبيت والولد رحبوا بيه وكملنا الغده والأكل عاشت الايادي ومامخلين شي مامسوي
كملنا وغسلنا واجه وكت الشاي بعد هالغده الدسم قدم سجاد الشاي اسيد هذا الكلاص لك لان كالولي ماتشرب بستكان كتله لا عمي عادي حتى بالقوري اشرب كلهم ضحكوا عليه
كال لا جوري كالت مايشرب فلا تخجل واخذ الكلاص
فرحت بداخلي من سمعت اسمعها اوف اخيراً حنت لي كون اكدر اخذه هسه لحضني
اخذته وشربته وياريت ماشربته سم مو شاي اني اعلمج عيوني صارت حمر معرف شسوي كبل طلعت للمغسله غسلت وجهي الولد عبالهم بيه شيء بس شحجي شكول بقيت ساكت واني صرت اكره مو أحبها ولج اتمناج هسه بيدي واعلمج انتقامي شنو
اترخصت كتلهم عندي شغل بلمحل وكلت لحسام ابقه ويه الولد باجر تعال
طلعت وأريد بس لزمه بيدي اني اعلمج حيوانه اني هيج تسوين بيه والله الا اكسر راسج ياجوري الا تتندمين على كل تصرف غلط تصرفتي وياي
جوري ميته من فرح من سمعت راح ركض 😂😂
كملنا الغده والتنظيف وكعدنا كلنا بصاله
كاموا يحجون على مدارس وزواج والبيت وكل وحده تحجي شكل طبعاً من قرروا يزوجون خالي طه الله يرحمه
خالي احمد طلع بيت وحده
بقت بس بيبيتي وجدي وخالي طه واني وياسمين وياهم
اوووي هذوله مواضيعهم كلها ماتخصنا بنات كوموا خلي نروح للمطبخ نسوي حلويات نلعب حزوره
كلهم راحوا وياي كعدنا وحدنا نحضر كيك وكل وحده تحزر حزوره وكمل اليوم على خير
بعد يوم طويل تعب يقرا الف كل واحد الكل نام اني نزلت انام يم بيبيتي خاف تحتاج شيء بالليل خطيه
كعدت افكر بكلام خالتي هيام
بيبيتي: جوري يمه كاعده
جوري:اي بيبي رايده شي
بيبيتي: اي يمه اريد مي اشرب
جوري: تدللين هسه لحظه
انطيته مي تشرب عوافي يروحي
بيبيتي: يعافيج يمه ليش كاعده ماتنامين ماتعبانه
جوري: هسه انام لا يظل بالج المهم انتي ترتاحين
بيبيتي: شرتاح واني نار بقلبي ابني مافرحت بي جهزت لعرسه تالي اخذه التراب مني شكد. ما ابجي احس نار بقلبي ماتبرد
جوري: بيبي كولي يالله لا اعتراض على قدر الله
الله حبه واخذه اذا تحبي صدك ادعيله مو تبجين هو مايرتاح بقبره بسبب بجي مالتج يلا نام وارتاحي الله ارحم بي من عدنا
بيبيتي: الله يرحمه قطعه من قلبي هذا ربي اغفر له وارحمه
جوري: الله يرحمه بيبي يلا نامي
بيبيتي: انتي ليش. مو نايمه احس تردين تحجين شي.
جوري: بييي. اي بس ماريد احد يعرف حتى امي بروح خالي لا تحجين لأحد
بيبيتي: احجي صاير شي وياج شبيج تحلفين ما احجي
جوري: لا بيبي ماكو الا الخير خالتي هيام. حجت وياي تكول جيرانه ام. عبدالله شايفتني بالفاتحه وتريدني لابنها. وتكولي وافقي خوش ولد
بيبيتي: شوفي بنيتي محد يجبرج اني وياج بس ام عبدالله ونعم منها خوش مريه راحت وياي للحج مريه تخاف الله سمعتهم زينه صلي استخارة والله يقدم بي خير
جوري: بيبي تعرفين مابالي غير دراسه خاف هو يبطلني شلون اني اريد اكمل دراستي
بيبيتي: يايمه شهاده زينه الج صح بس رجال زين مو كل وكت تلكي وزواج ستر للبنيه انتي فكري زين. واني وياج ماموافقه ارفضي وخلص
الله كريم بيبي يلا نامي وارتاحي ماعليج بيه لا تشغلين نفسج اني أفكر
بقيت افكر مره اكول اوافق مره اكول ارفض نمت معرف شلون
كعدت الصبح حضرت ريوك وكعدوا الكل اياد يبقه للظهر لمدلل طبعاً محد يكعده
حسام تريك وراح للمحل ويه أسيد
امي وبيبي كاعدين بصاله
واني كعدت انظف وارتب بالبيت
وياسمين بلمطبخ
خالتي ريم مادخلها بشئ بس على وجبة تكعد ويانا
للعصر اندك الباب
امي جوري فتحي الباب خاف حسام لو جدج
ماشي يمه رايحه
لبست غطاء على راسي وطلعت افتحه
لكت أسيد كدامي يبؤؤؤ شعنده جاي ويعرف حسام يمه شكو بعد
أسيد؛: السلام عليكم شلونج
جوري: زينه حسام يمك بلمحل
أسيد:اعرف بس اجيت اشوفج ماكدرت اصبر بعد
جوري: اكولك شوكت تبطل كلامك كله قلة أدب
أسيد: لا تتجاوزين لو اشتاقيتلي لعقوبتي وغمز
جوري: هو أنت شوكت استحيت حتى تستحي هسخ وطبكت الباب بوجه
أسيد: ولج تسدين الباي بوجهي نشوف اني لو انتي
دروح يطبك مرض.قليل ادب وفوكاها هو ابو راهي
عايف شغله وصايع يدور بنات
طبيت جوه امي منو على الباب
ماكو احد ابن جيرانه يريد اياد.يلعب وياه
خلص لازم اوافق على هذا الولد على اقل ارتاح من أسيد
خلي اخابر خالتي رحت اخذت جهاز البيت خابرت خالتي كتلها موافقه اني
كلش فرحت لان خوش ولد وجيرانها راح اكون قريبه يمها
كالت هسه اخابر ام عبدالله وارجعلج خبر
بالليل خابرتني كالت باجر العصر تجي المريه واني عليكم سديت الخط
واني معرف قلق على ارتباك وخوف قراري غلط معرف صح افكاري مشتته بس مهم اخلص من أسيد
ثاني يوم نفس روتين الصباح للعصر سويت كيك وخليته بثلاجه هو وعصاير
اجتي خالتي وام عبدالله وكلش فرحانه مو مصدكه موافقه وامي كالت لها لازم انطي خبر لخوالها وعمامها ومايصير الا الخير كعدوا ساعه وراحوا
امي اجت جوري انتي موافقه كتلها اي وراحت
بالليل ب9 كاعدين خوالي كلهم يم جدي وبيبيتي وحسام واياد وياسمين واني
امي يابه اجوي خطابه على جوري وخوش ولد وهيام كلش حمدت بيهم شنو رايك
جدي: بيت منو ابو منو منين يعرفون لبنيه
امي: بيت فلان.........ابنهم عبدالله وام الولد شايفه جوري بلفاتحه
جدي:ونعم منهم خوش ناس هذوله ماينردون شوفي عمها مايصير بدون علمه
امي: اي يابه هسه اخابره
خابرت امي على عمي
امي: السلام عليكم أبو أسيد شلونك شخبارك عندي موضوع خويه مايصير يدون علمك
ابو أسيد: وعليكم السلام خويه الحمدلله تفضلي
امي: ابو أسيد اكو ناس جاين على جوري وخوش ناس ونعرفهم وحتي خوالها يعرفوهم وسمعه زينه وأخلاق
عمي: انطيني اسم الولد وأهله خلي اسال عليهم مهما يكن هذا زواج
امي:حقك خويه بيت فلان......... بمنطقه.........
عمي: اسأل عنهم واشوف الولد شعنده ماعنده ولبنيه شنو رأيها
أمي: موافقه بس شرط تكمل دراسه
عمي: زواج ستر لها شنو تستفاد من شهادة حدها للسادس تترك
امي:الله كريم خويه انتظر منك جواب
عمي: ان شآءالله
سدت الخط امي واني صرت أريد ازوج هذا حتى لو مو شايفته حتى لو مو زين حتى أخلص ظاهر يردون يبطلوني من سادس يعني لا كليه ولا شهاده مستحيل أقبل خلص لازم أخذ هذا اذا هو متخرج أكيد يوافق اكمل دراسه احجي ويه نفسي وامي تتناقش ويه خوالي وحدي بلموضوع وبيبيتي تحجي اذا صار نصيب كلاده مني لجوري
وناصبين عليه
فجأه صوت ضرب على الباب وطلقات نار خوالي رادوا يطلعون بس بيبيتي ماقبلت خافت عليهم
