رواية اسود توب الفرح الفصل الثامن بقلم خالد أسامه
رحنه تغدينه
وبعدها انتهاء صاحت علمود نشر الملابس
كومي رغد صعدي شري الملابس
دروحي
كومي دا اكلج
رغد .اخذت السله حتى اشرهن فوك
صعدت والحمدلله مجان موجود مهيمن
كملت الملابس بقه بس قطعتين ضجت لان ما شفته يمكن جنت حابه اشوفه ماعرف ليش احس روحي فاقدته
شبي الحلو يسولف ويه حاله
رغد .فزيت خرررب ببليسك انت امين طلعت
صارلي اهواي واكف ومتأمل ابحسنج وجمالج
مهيمن .لتبالغ
والله ما ابالغ انتي فعلا كمر
شكرا من ذوقك
رغد اني تره احبج وحق الحسين مكاذب
مهيمن .بس اني مخطوبه
لا فدوه فصخي فدوه رحتلج
مهيمن انساني والله مافيدك
ما انساج ولا اطلعج من راسي وانتي الي يعني الي
بان .رغد يله الباب مالتنه تندك
يله مهيمن .اروح باي
مرت خمس ايام لا حس ولا خبر من عقيل
رحت الماما كتلها خلي اليوم انمر ابيت خالي
الام .ليش شكو
رغد .ماكو بس اني ضايجه واريد اشوف البنات
البنات لو استاذ عقيل
ماما غير خطيبي ولازم اسئل عليه
اي خطيبج بس لازم هو اليسئل مو انتي بعد السواه
ميخالف ماما الغايب عذره وياه
الام .امري لله خلي اخابر ابوج وكله
اي ماما عفيه كمت بوستها وحظنتها ورحت طيران ابدل
بان .خير شو دخلتي مثل الاعصار
لج كومي بدلي راح نروح البيت خالي
بيت عقيل
اي
يبوووو
بيت الغثه ..اني ماروح عندي واجبات
يطبج طب اني اروح
طلعنه اني وامي نتمشه ماما فدوه خلي نفوت ع محل الحلويات ناخذ علبه جكليت
الام .ليش شنو مسوين حفله
لا ماما بس عيب نفوت ويدنه فارغه
الام .😒😏😏 والله بنات هالزمن احنه جنه نخجل من اهلنه يطلعونه وياهم كوه نمشي انظل نتعثر هسه ست الحسن هي تاخذ الخطيبها هديه
وصلنه ودخلنه البيت خالي استقبلونه البنات ومره خالي استقبال حلو
كعدت يم البنات سولفنه شويه
بنات لعد وين عقيل شو ماله حس
هبه .موجود بس يشتغل
رغد .هو من زمان يشتغل شنو الجديد بالموضوع
زينب .لا عيني شغله زاد
رغد .هااا وهيج ناسي خطيبته ..حسيت من اسوالف البنات اكو شي
مره خالي صاحتنه عالجاي اريد اكوم ولزمتني بنت خالي الصغيره
باوعت عليها 😐 ها اكو شي
اي اكو اخويه يحب وحده غيرج
شنو 😳😳😳
من صدمتي رحت الامي اركض
ماما يله كومي
الام .خير تونه وصلنه
لا ماما اذكرت باجر عندي امتحان ولازم اقره
مره خالي .حبيبتي شربي الجاي عالاقل
لا خاله شكرا غير يوم ان شالله
طلعت من البيت اركض وعيوني مابطلت بجي ماعرف ليش ما اسألت احد او استفسرت عن موضوع عقيل
بس سمعت كلام اختهم الصغيره هبه
بس اني دونتها في راسي زينب اكيد راح اظم عليه السالفه بس الصغيره لا حجت الي بكلبها والصح
لازم استفسر اني عالموضوع
بس شلون راح اعرف هو يخوني او لا رجعت للبيت والف فكره في بالي اخر شي جتلي فكره اخابره من رقم بابا واشوفه وين ما وين تعشينه ومن غير ما يحس والدي اسحبت تلفونه
لان هو في طبعه ميسئل عالتلفون هواي عادي وين ما يشمره يشمره
وكمنه وكلمن راح الغرفته حتى بابا
صار الليل تقريبا ساعه ١ بالليل شفت بان نامت
دزيت رساله
شلونك عقيل اني رغد محتاجتك باجر ضروري تجي البيتنه
.......
عقيل جنت العب بالتلفون منزل لعبه وجتلي رساله من عمي
قريتها عرفت هاي رغد راسلتها نسيتي اهلج وغلطهم وتريدني اجي الهم
😏😏والله بطرانه بعد الصار من اخوتج هم اجي وادخل البيتكم لو يبقه اخر يوم من عمرج هم ما اجي بس وكت عرسي اجي اخذج وبعد تحلمين تشوفيهم هالجلاب
رجعت دزيت الها
خير شعندج احجي هسه
...
انتظرت الرد وتفاجاءت منه يعني مهامه يجي باجر ويعرف شريد منه
اوك ع راحتك لتجي
...
ماكو شي بس حبيت اشوفك
غير يوم عود اشوفج ومو ابيتكم لا نطلع واشوفج لان مشغول بالشغل مو فارغ الج
...
صار ع راحتك
بس والله للعب بيك طوبه
بسيطه عقيل
كمت رجعت التلفون عالميز بالهول من بعد ما مسحت الرسائل
وصبحنه الصبح عدنه دوام وكالمعتاد بان تلتقي بالطريق اشوف اسامه
والظهر من نرجع ايضا تشوفه اليوم انطاها التلفون وبي سيم كارت ومنصب برامج
رجعنه فرحانين هي لان راح تحجي وياه واني لان راح اكدر اكشف عقيل
....
رغد ولج تعاي شوفي منصب كل البرامج بس شلون راح نجيب الرمز السري للنت من اخوتج
والله ما اعرف يا بان
بان بسيطه اني ادبرها ....اخويه حسن بي طبع كلشي يريد يحفظه يكتبه بدفتر مفكره حتى ما ينساه
رحت غرفه الشباب دورت بالمجر لكيت المفكره
كلبت اوراقها وفعلا لكيت الرمز كاتبه واسم الشبكه ايضا كاتبه اخذتهن وشتغلت عليهن وتنصب النت عندي
فتح كبل عندي كل البرامج بس بعدني ماعرف شلون اشتغل بيهن
صار الليل دكيت ع اسامه
الووو
هلووو ياعمري
هلو بيك
عفيه عرفتي تشتغلين بالتلفون
اي بس البرامج لا
البرامج سهلا هسه اعلمج
فيس بس فوتي يطلع كلشي كبالج مسنجر كذا فايبر كذا
حبي اني احبج
واني احبك اسامه
شوكت ننجمع في مكان والله ميت ع شوفتج
اسامه تره ما اكدر اطلع وياك تعرف وضعي شلونه
حبي منروح مكان بعيد او مغلق
نروح حديقه
الله كريم حبيبي
تدرين بان اتمناج زوجتي في اقرب وكت
اني هم حبيبي اتمناك زوجي
بان الباجر عود مري عالمحل خلي اشوفج
اوك
ظلينه نسولف لساعه ٣ بالليل وبعدها سديته
ورحت عالبرامج اسوي مثل ما كلي وفعلا بديت اتعلم
صارت ساعه ٥ الفجر نعست حيل وتعبت لفيت راسي ونمت
صحينه وانتهاء اليوم شكلها تعبان حيل وامي دايخه بيها واني هم من السهر حسيت نفسي مالي خلك ف قررت ما اداوم اليوم اغيب
رغد عفيه عود اخذيلي الواجب من شهلاء لان مالي خلك اداوم
اي عيوني اكيد مالج خلك من السهر
يمعوده لحد يسمعج هي اول واخر مره غير اريد اتعلم
اي اتعلمي وثاني يوم غيبي
كافي رغد شنو مصدكتي
يله روحي ولتنسين سلميلي ع اسامه وياج
دطيري اسلم ع اسامه حتى انصاد
منو يصيدج
اخوتج
لا ما يتواجدون
يله باي
راحت رغد ولزمت البيت كله تنظيف وامي طبخت
وانتهاء بقت نايمه
واني انظف نسيت اليوم متواعده ويه اسامه اجيله للمحل خرب شلون انسه هيج امر
اركضت دزيتله رساله
حبيبي اليوم اني غايبه عن المدرسه لان صحيت تعبانه والله ونسيت موعدنه
محاوبني
ظميت الفون ورحت كملت شغلي
الام ..بان تعاي دكيلي ع هذا الرقم مال دكتوره حتى نحجز لانتهاء
اي ماما دقايق
رحت ادك حسيت جسمي انهز فزيت عبالي انتلت او شي وشويه اذكر التلفون مالتي ضامته جوه هدومي
عزه هاي هيج من يدك معناها الكل راح يسمع الهزه لازم اخلي مينسمع اكثر
رحت دكيت
عالدكتوره وحجزت ساعه ٥ موعدنه
كملت كل شغل البيت ورحت ارتاح بالغرفه مددت عالجربايه وطلعت تلفوني شفت اسامه داك عليه ١٠ مرات ودازلي رسائل كومه بكل البرامج
ضحكت هاي شبي تخبل رجعت دكيت
اول دكه شاله
الووو
خرب ببليسج
خرب عمي
لج وينج من الصبح ادك وانتي ماكو
جنت انظف
شتنظفين
البيت غير
ليش اليوم ممداومه شفت بس اختج
اي من سهر البارحه مكدرت اداوم
لا والله اي وهاي يوميه غايبه حظرتج
لا بس اليوم لان جسمي وعيوني تعبانات من السهر
اي وشلون يوميه
ليش احنه يوميه حنسهر
اي اكيد غير اريد اسولف وياج
بس اني ماكدر يوميه
لا مو يوميه سهر يكفي بس اسمع صوتج شويه وروحي بعدها نامي
اي ميخالف
هسه شلونج
مشتاقتلك
صدك
والله اصلا ضايجه لان مشفتك اليوم
اي عادي هسه اشوفيني
شلون اشوفك
غير ادزلج صورتي
وين ادزها
بالبرامج مثلا الفايبر
هااااا يعني اكو هيج تطور
اي لعد شعبالج كلشي اكو
زين علمني
اي صار بس خل اول ادز وبعدين اعلمج
صدقه المحمد شلون كالع جنك كيكه
يله دورج انتي
شلون
اول دخلي عالكامره وخليها امامي وبعدين اخذه الصوره ونطيها ارسال
اي سويت
خرب ولج راح اموت شكلج يموت مو طبيعي بدون حجاب
اي اني حلوه بس اهلي غصبوني عالحجاب اني ماحبه
لا حبيبي لتكولين اني ماحبه هو ستر وجمال البنيه الحجاب هو مكمل الجمالج ياعمري
صدك تحجي اسامه
شكلتي
شنو مكلت شي
لا كلتي اسمي بله كولي مره ثانيه
هاي شنووو والله اخجل من هالامور
لا العباس عليج كولي اسمي
اسامه
يمه كلبي اصوب ابسهم حبيبتي بانووو
كافي راح اسده
لا ولج غير ميت ع سماع صوتج
اسامه
كلبي وعيوني وروحي
تحبني
ولج شنو احبج غير اني مجنون بيج يمكن الحب منخلق بس علمودي
كلامك حلووو يملي كلبي فرح
دوووم ياروحي انتي ..يله حبي جتلي طلبيه
اوك اسومي باي
الله شكد حلو الحب والاحلى اذا ختم بزواج
يارب اختم حبي الاسامه بالزواج يارب لا تبعده عني طول العمر
بان عندج هواي واجب هاج وامتحان باجر عندج هم
بالليل راسلت اسامه
الباجر اداومين .اي اداوم .لعد مري للمحل .لا ما امر .ليش متمرين .ضروف .ع راحتج حبيبي
طبعا اني كلت هيج حتى اعرف نسبه حب اسامه الي
وثاني يوم وصلت المحله ودخلت جان العامل موجود
مرحبا اسامه وين
هسه اصيحه دقيقه
طلع كله طحين منضره يجنن ومضحك
خرب 😍😍 شنو مسويتلي مفاجاءه عود
اي حبيبي
دتعاي
وين اجي ولك كلت الاختي تمشي هي وصديقتي واني اشويه الحكهم ماريد اتاخر عليهم اسومي
دتعاي حبيبي
تقربت منه
قرب وجهه ع ركبتي وباسني
اسامه شبيك
بان انتي كيكه واني ما اتحمل اله اضوك هالكيك
حضنته من ركبته وبادلته البوسه .حبيتها حيل حسيت روحي ملكه فعلا
شكد حلو الحب
بان تره اني اعشق البنوته الدلوعه والجميله هيج مثلج ماريدج ابد تتغيرين عليه
لا حبيبي ما اتغير عليك
حوك يده ع خصري وطبك صدري ع صدره وحسيت انرفعت من الكاع
شالني ويبوس بيه
كافي اسامه خلي اروح والله رغد راح ترجع اطيح حضي
انطيني بوسه وروحي
😚😚😚 باي حبيبي
باي ياعمر حبيبج
ولج ليش هالتاخير
رغد قابل شنو غير اريد اشوفه احجي وياه خوما اظلين اتحاسبيني عفيه خليني اعيش الحب واستمتع بي
عيشي عيني عيشي محد مانعج
شهلاء .ولج بان تعاي سولفينه شلونه اسامه واسلوبه
ااااخ كلبي كله جمال وذوق شهلاء من يسولف يدوخ من يباوعلي انسطر وله من يحضني
خرب حضنج
اي حضني وباسني والله معت بيده شهلاء انصحج تحبين واحد مثله والله
يموت اووووف ساح كلبي ابحبه
بان شوقتيني اعيش الحب
اي شهلاء عيشي والله
فديت حبيبي اسامه
ومريومين واحس رغد مو طبيعيه
رغد شبيج
مابيه
بس انتي مو ع طبيعتج
بان كتلج ماكو
لا اشو اكو احجيلي
وبعد الحاح طويل مني
حجت رغد
لج شفتي هذا الحقير من الحادثه ما الكراج الخلفي واخوتي حجو وياه وهو متغير عليه
لا واليقهر عنده علاقه بوحده واخته كالتلي
منيه كالتلج
هبه
عزه بعينج رغد هاي خطوبه وخانج لعد زواج شيسوي
والله يا بان راح اطك اني هم تعبت
بان وسمعنه عيطه بالبيت كمنه مخروعين طلعنه نتراكض ونشوف حسين منهار ومتعصب وحلكه يطلع دم ولازمه حسن وكوه يفوته للبيت
لك وخر عوفي حسن خلي ادمي هذا الجبان ابو البنات
عوفه يمعود والله اكل كتله معدله منك ومن الولد
الام .يمه شكو ياستار ليش هيج وجهك مدمه ويامن تعاركت
حسين ..ويه ابن اخوج الشفيه الجبان المايستحي عباله بنات الناس لعبه
الام ..ولك ياهو
ليش ما تحجي
حسين وكعت كلبي
حسن ..يمه فدوه رحتلج بس سكتي خل يهدء حسين
الام ..ولكم احجولي راح اتخبل شكو
منتصر صار عليه شي
حسين .لا يمه وين طفرتي انتي
يمه وي عقيل تعاركت
رغد ..سمعت اسم عقيل نصدمت 😳شكو ياستار
الام ..شبي عقيل
وج يمه يتواعد ويه البنات وما يستحي ومن اواجهه يكلي انتوا شامرين اختكم عليه
لزمته دميته ادمي
الام ..عزه صخام الصخم وجهه
بس يستاهل هالجلب شنو شامرين بتنه عليه شنو بايره لو حوله شو جنها ليلوه وبعدها صغيره
رغد ..سمعت الكلام رحت الغرفتي اركض
هذا الحقير هيج يكول عليه والله وسفه وحرامات بيك حبي
الزمت حلقتي انزعتها وشمرتها وبجيت شويه
بان ..فتت ع رغد لكيتها تبجي رحت عليها وحضنتها لتبجين ياعمري والله ميستاهل دموعج
لا بان ما ابجي عليه ابجي ع حبي اله وطلع ما يستاهل
بس والله لدفعه الثمن غالي
مسحت دموعي وبعد مرور كذا ساعه من الخبر
اجه منتصر من شغله حظرنه العشه
طلعت واني مصممه بان افصخ من عقيل لان احنه كاطعين مهر محكمه
رحت ع اخوتي فتت للهول
السلام عليكم
وعليكم السلام
الحمدلله كلكم مجتمعين حبيت احجي وياكم وقرر مصيري
اولا الحمدلله ع سلامتك حبيب اختك انت ياحسوني ربي يديمك ذخر الي طول العمر ويديمكم كلكم سند وذخر الخواتكم
اني ما ارضه بواحد يدنس سمعتكم ويكول عني مو زينه ويروح يلعب بذيله وانتوا موجودين ع وجه الارض
اني رايي من رايكم اخوتي
وكلامي وي كلامكم مايصير اثنين
المايريدني ربح ماريده خساره 😠 ولا حتى ينفع يكون كد حمل مسؤوليتي
اني من شوركم
عقيل ما يصيرلي رجال بعد ماريده كشت روحي منه
هاي خطوبه ويلعب مع البنات زواج وعائله وبيت وطفال منو يقودها
لا اخوتي عقيل ماريده لو يصوغني ذهب
منتصر ..عد عيناج رغوده
اني من الاول ما حبيته يكون الج بس ما ردت اكسر بخاطر امي لان ابن اخوها
بس الحمدلله كشف نفسه قبل فوات الاوان
من باجر نطلكج ودللي اني ليش كم اخت عندي هي بس انتي وبان وانتن اثنينجن بعيوني
الاب ..واني مأيد كلام منتصر هذا الذكر ما ينفع يكون زلمه البنتنه
وكلمه رجال ما تنكال ع امثاله
الام..اني هم من رايكم هي اولها وهيج تاليها شلون
عقيل اني سويت هالامر لان ردت اخذ ثاري منهم
هبه .زين ليش ياعقيل شنو ذنب رغد هي حبتك صدك
هبه .انتي صغيره وماتعرفين شي
اي عرفني انت احجيلي شكو بينكم خلي افهم
راح احجيلج
اسود ثوب الفرح
