رواية احببته لكنني متزوجه الفصل الثامن بقلم مجهول
احمد دائما جان يبينلي على انه يحبني وجان دوم يغازلني ويسمعني اشعار ويدزلي فيديوهات حب ويكلي اني حبيتك من كل كلبي معرفت شجاوبه لاني متزوجة وحبيت هو يشوف حياته ويا غيري مو ويايه الى ان اجه يوم جنت ادز لاحمد ومجاوبني لمدة يوم كامل حسيت بالنقص حسيت حياتي بدون ما احجي وياه فارغة حبيته اي حبيته كلش وجنت اكتبله امانة جاوب امانة فدوة لكلبك جاوب والله راح اموت من خوفي عليك احمد لاتخبلني وينك بالاخير دزلي احمد وكتب :
احمد : شفتي اشكد تخافين عليه لان غبت يوم وخلي اكلج ليش سويت هيجي حتى اعرفج على نفسج بانج تحبيني وما تعيشين من دوني واني صرت جزء من حياتج كافي سهى اعترفي بحبج وخلينه نبدا قصة جديدة قصة ميانة حنان ومشاعر واحاسيس قصة تبدا بيج انتي وانتي تكونين نهايتها .
سهى : احمد اعترف اني احبك بس انت بعدك ما متزوج ليش تربط نفسك ويا وحدة مثلي متزوجة ؟روح دور على غيري وتزوج لان انت مو صغير
احمد : بس كوليلي انتي تحبيني لو لا ؟
سهى : هسه كتلك اي احبك اي احبك .
احمد : خلاص ميهمني بقية البنات وما ادور اي انسانة حتى تكون شريكة حياتي لان انتي تسوين الكل .
وبدأ قصة حبنه وضلينه مع بعض لمدة سنة وخلاني اعيش احلى ايامي الي حتى مجنت عايشها واني ابيت اهلي من الصبح لحد الليل وما يمل مني ابد وزوجي كالعادة بنات وشرب وجنس ويا روحه وطلعات وطبات جنت نايمة وحلمت بانو احمد دازلي رسالة بوقت متاخر كعدت واخذت الموبايل ويايه وفتحت الفيسبوك ولكيت حلمي صحيح واحمد دازلي رسالة وكاتب بيها ضايج حيل لان انتي مو ويايه وخلي اكلج مراح اتزوج الى ان اتزوجج انتي وبس حياتي بلاج ما اله طعم احبج يا كل دنيتي فكرت هواي بكلام احمد وانقهرت عليه هواية لان هو ديفكر بيه واني متزوجة وما الي حل ولاقوة . مر اسبوع ونحن كالعادة نحجي ونسولف ونضحك ومرات اغار عليه وكله منو هاي و منو هاي معلقة ع حسابك . رحت حظرت الغدا ورجع يونس وجهة كلش تعبان صبيتله الغدا وكلت تعال الاكل جاهز اجه كعد وهو ساكت كتله
سهى : تحتاج شي بعد ؟
يونس : اي محتاج اكعدي يمي اريد احجي وياج بموضوع
سهى : اتفضل ؟
يونس : كام يبجي وكال ما اعرف شلون اكلج ؟
سهى : كول ؟
يونس : حبيت وحدة ابنية وياية بالشركة وصرت اعشقها وما اكدر اعوفها لحظة وحدة صرت مدمن عليها واني متزوج .
سهى : هي تعرف انت متزوج ؟
يونس : اي تدري بس هي هم تحبني بس ما اعرف شنو الحل شسوي اريدها اريد اتزوجها وكمل حياتي وياها.
سهى : اي شكو بيها طلكني وتزوجها .
يونس : لو بيدي جان طلكتج من زمان بس اخاف من ابوية وابوج والعشيرة .
سهى : براحتك
