رواية احببته فخذلني الفصل التاسع بقلم ساره العبيدي
انا وشوقي والولع جينا جميع
وما جازلك منّا ثلاثتنا خوي
ضيّقت لي صدري وانا صدري وسيع
وهدّيت لي حيلي وانا حيلي قوي
رحت معهم وصلنا للبيت لكت الولد نفسه لي سوه مشكله بجامعه عدهم
ابو اسمهان: تفضلي بنتي لا تخافين ردنا نتأكد منج من موضوع ماحبينا نفضح بنتنا او نجيب مشكله الج ويه اهلج
كاظم شايف اسمهان ويه ولد وانتي جنتي وياهم ومره ثانيه شايفه تآكل من نفس العلاكه لي جانت بيد الولد نفسه صارت مشكله وانتي جنتي موجوده اثناء المشكله هسه نريدج تحجيلنا السالفه حتى نفهم الموضوع
ليلى: عمو الولد هذا مايعرف اسمهان يعرفني لي وهو خطيبي بس بعد ماصارت رسميه انتظر اكمل دراسه واسمهان مالها دخل بي اصلا حتى ماتشوفه بس من يروح اخابرها تجي يمي والاغراض جابهم لي واني واسمهان كعدنا نأكل سوه
ابو اسمهان:: بنتي متاكده من الحجي الله يوفقج لاجذبين لا تخليني ابطلها من جامعه احجيلي الصحيح
ليلى:: عمو متأكده اذا تريد اخابر خطيبي يجي كدامك يحجي براحتك اسمهان مالها دخل ولا يمها الموضوع بلعكس ماكو مثل تربيتها واخلاقها وكل واحد يشك بيها هذا مريض نفسيا
كاظم؛: احترمي نفسج شنو قصدج لو مو بيتنا جان عرفت شنو احجي وياج واعلمج حدودج شنو فهمتي لو لا
ليلى: اني ماحجيت شي غلط وعيب عليك سويته المفروض تتأكد اول والكلام مو الك اني ماعرفك الحجي ويه عمو انت ليش دخل نفسك
ابو اسمهان: كاظم عوف البنت وأنت سمعت الحجي بنفسك وتاكدنا بنتي ماتسوي هيج شي
كاظم:: عمي اني ماحجيت غير شفته وهذا من خوفي عليها هيه بنت عمي وأكيد ما اقبل بشيء مو حلو عليها
اسمهان:: بابا هسه تأكدت وسمعت الحجي ممكن أخذ ليلى لغرفتي لان كلش كافي صار كدامها
ابو اسمهان: بنتي ليلى سامحينا على صار واسمهان هم مثل اختج اخذي راحتج وياها شوكت ماتردين كوليلي ارجعج لبيتكم
ليلى:: لا عمو ما صار شي واكيد اني اعزها واحبها مثل اختي
رحنا اني واسمهان لغرفتها وخطيه كلش مقهوره من صار وخجلانه مني وكامت تبجي قهرتني هواي كسرت كلبي
ليلى: اسمهان كافي بداعتي ترا اني اختج مو غريبه ابوج من حقه يسالج ويتاكد غير خايف عليج يلا كافي شنو اليوم بس مشاكل انتي ناويه تبقين تبجين خلي اروح لعد
اسمهان:: لا خلص بعد ما ابجي ارتاحي خلي اجيبلج شئ تشربي
ليلى: اي هسه توب صار شئ يسوه بس بلا زحمه ثلج واذا عدكم حبشكلات ويه لعصير ههههههه
اسمهان: انجبي انتي مو مال إحترام نوب تتطلب ههههههه
بيج قصص وروايات منقولة
خطيه راحت جابت فواكه وعصير بقيت يمها شويه الي ان ارتاحت نفسيتها ورجعتني للبيت هيه وابوها وراحوا
طلعت جهاز من جنطه وتفاجأت الخط بعده مفتوح
ليلى: ليث لحد الان على الخط شنو مامليت شتسمع اصلا صوت ماكو
ليث: اكلج عليش رجعتي ليش مانمتي عدهم باجر راجعه فدمره ماتسوه بعد
ليلى: ههههههه صدك لعد خلي اخابرها تجي تاخذني
ليث: عوبه لا تقهريني كافي وهذا ابن عمها شنو مراقبكم لازم
ليلى: والله معرف ظاهر هيج الحمدلله ماكو شي هسه اني اروح اشوف شكو ماكو وادرس باجر عندي امتحان اذا صار مجال اخابرك
ليث:: تمام عمري بس انتبهي لنفسج ياعافيتي
سديت الخط ورحت نظفت البيت كله وغسلت ملابس عندي وصخه 🤦♀️🤦♀️
بعدين كعدت ادرس
مرت الأيام هدوء وليث دائما وياي اتصالات مسجات لو يجي للدوام يشوفني
اجه وكت الامتحانات اني واسمهان وحده تساعد الثانيه وحده تستمع للثانيه والحمد لله عبرنا السنه بخير
عبرت الكورس الثاني لان كان هدوء كلشي على وضعه مصار شي جديد ولا حجيت ويه ليث بموضوع زواج او شيء
وفيصل حبيبي نجح للثاني متوسط الحمدلله..
بيوم من أيام العطله اجه فهد عصبي نار ومايتحاجه
كاعدين كلنا بصاله وطب يريد يحجي
فهد: يابه عندي موضوع وياك
ابويه: اي احجي اسمعك
فهد: ممكن وحدنا مكدر احجي اهنا
ابويه: ليش منو غريب هو امك واختك احجي شعندك
فهد: اريد ازوج واريد تروح تخطبون لي لبنيه لان جايه خطابه ماريد اخسرها بيج قصص وروايات منقولة
ابويه: بس أنت يابويه ماعندك فلوس زواج اعتبر ساعدتك اني وزوجتك بعد زواج شلون باجر اطفال ومسؤؤليه
فهد: يابه اني اكدر ادبر روحي المهم تخطبون البنت لي
امي: منو هاي لبنيه كاتل نفسك عليها منين تعرفها
فهد: أعرفها من زمان عاجبتني واخلاقها زينه وانتم هم تعرفوها
امي: احجي انطق هالذره منو هاي
فهد: اسماء صديقة ليلى اني أعرفها وعيني عليها واريدها
امي: صديقة ليلى والله اني ماشفت شي عليها ليش مو صديقتج شتعرفين عنها
ليلى: يمه جانت صديقتي بس من صرنا جامعه بعد ماتعرفني ولااعرفها ولا تحجي وياي بس هيه خوش بنيه
ابويه: خلص ام فهد باجر اخذي وحده من عماته وروحي شوفي أهل لبنيه والله كريم
أمي: ان شاءلله الله يقدم بي خير واذا طلبوا علينا شلون وهو ماعنده
فهد: يمه روحي وكلشي ماراح يطلبون منج
ثاني يوم راحت امي وعمتي وخطبوها وكالوا انتظروا نكول ابوها وعمامها
شكد حقيره جانت صدك صديقتي بس هيه سحبت نفسها علمود فهد نشوف بلكي بعد زواج تطلع خوش بنيه
كل هاي الأيام ماشفت ليث بس اتصال ومسجات
وراحت ورا اسبوع امي على اهل اسماء
وابويه و ولد جانوا طالعين
اندك الباب طلعت لكت ليث كدامي
ليلى: عزه ليث شجابك امشي روح لأحد يشوفك هسه يجون أمشي روح
ليث: يعني اجيت ركض علمود اشوفج لان محد ماكو تكوليلي روح مستحيل
طب وسد الباب ورا واني لطم سحبني جوه للبيت
ليث: وين غرفتج احجي شبيج
ليلى: فوك ليث الله يوفقك روح هسه اكيد شافوك جيران أنت ليش تريد تسوي مشاكل لي اذا تحبني روح
سحبني من ايدي وصعدنا للغرفه شالني ويفر بيه بلغرفه
ليلى: ليث نزلني دخت نزلني جاي اسوي نزلني أخاف عفيه حباب بداعتي كافي
ليث: ولج مشتاقلج صار شكد ماشفتج يروحي انتي احس ضايع بدونج ولج عوبه
ليلى: ليث لخاطر حبك لي روح والله هسه يجون تصير مشكله عفيه والله يكتلونا
ليث: ليمد ايده اكسرها له
نزلني اخذني لحضنه بقى حاضني ويبوس بركبتي
عطره سطرني ردت اوكع اخذ شفتي وبقيت ضايعه بعيونه وعطره
فجأه ندك الباب صحيت على صدمه عزه اجوي ليث شلون وين اروح شسوي راح يكتلوني كله بسببك كله
ليث: ولج كافي شبيج خبله اجيت مشي سيارتي مووهنا روحي افتحي الباب وعوفي الباقي عليه امشي صيري طبيعيه
نزلت افتح الباب وخطوه ورا وخطوه كدام ارجف رجف شراح يصير وين راح يروح مصيبه ياربي لو مكسوره ايدي ولا فاتحه الباب
