رواية فصلية بديلة الفصل التاسع 9 بقلم ام ملكوت

سماء_ 

نزلنه على الصوت العالي وشفت امي وبيبي ونسوان خوالي واكفات بالصاله ويسمعن على حجي الديوان..

_يمه شنو شصاير

ام سماء: اشش ماكو شي يمه اليوم الكعده واهل الولد الله يرحمه وعمامهم اجو 

للديوان وعشيرتنه وعمامنه هم وياهم كاعد يتناقشون ويلكون حل للقضيه..

سماء: هاا انشالله يارب تنحل ..

بقينه منتضرين وتالي صارت سكته شويه وسمعنه الزلم كلهه طشت وطلعو بره 

واجو جدي وخوالي للصاله وسالتهم بيبي شصار على شنو اتفقتو..قصص ماي هوبس 

رائد: يردون فصليه واحنه وافقنه وكالو ياخذونهه باجر..

ام رائد: يمه بناتي يمه مانطيهن روحو كلولهم ماعدنه بنات مانطي بناتي انه مانطيهن ..

سماء_

الماجنه محسبين حسابه صار وطلبو فصليه واكيد راح ياخذون رشا لانهه الوحيده مامتزوحه بين خالاتي

شلون هسه يربي وبعدين ويه هاي السالفه نكول الحمدلله فرجت مانشوفهه الا ضاقت علينه اكثر..

رائد: يمه مانكدر مجبورين ننطيهم رشا والا راح يصير دم وكتل واولهم اني وخواني ننذبح على ايدهم 

يعني تردين تشوفينه مذبحين كدامج وناس بريئه مالهه ذنب بشي تنكتل تقبليهه يمه.

.

ام رائد: يمه والله ماكدر بنتي عزيزتي هاي شلون انطيهه فصليه وتصيرلهم خدامه والله اليعلم شراح يسوون بيهه يمه ..

رائد: لا مايصير شي بيهه ابوي شرط عليهم بس تحبل وتجيبلهم طفل يردونهه النه سالمه ومامتاذايه وهمه وافقوا يعني شغله سنه او اكثر بنتج ترجعلج..

سماء_

بقيت صافنه على كلام خالي واني ماخذه نضره عل فصليه ان ممكن يعذبوهه او يخلونهه خدامه للابد ومرات ناس تبيعهه او تكتلهه خلاص

بس طلعت هينه يعني تعتبر نفسهه متزوجه عادي وبس تجيبلهم طفل بمكان الراح تكدر ترجع لاهلهه معززه مكرمه ..

انه اعرف وافتهمت هذا الشي بس شيفهم رشا الكاعده هسه كبالي وترجف وتبجي من الخوف..

رشا: ماريد بويه ماريد اروح فصليه دخيلكم خلوني خدامه جوه رجليكم

بس لا تودوني فصليه خويه حاجي ابوي كله يرفض طلبهم وماينطيني الهم خويه عفيه..

رائد: خويه ماكدر يهون عليج نتذ بح كدامج انه وخوانج وناس ابرياء مالهم ذنب

تتيتم وتترمل وخويه هيه شغله سنه وترجعين اعتبري نفسج مزوجه عادي ..

رشا: لا تجذبون علي مارجع اذا رحت وياهم مارجع بعد مايخلوني اعيش راح يعذبوني راح يموتوني خويه ماريد..

1 ت

سماء: خلاص حبيبتي اهدي ماكو شي انشالله مو كلج بس تجيبين طفل الهم ترجعين يعني اعتبري زواج عادي

ابو رائد: بحزن....جدي لا تاملينهه باجر رايحه بس ب العبايه وهدومهه لا زفه اكو ولا عرس زين اذا عقدولهم عقد شرعي..

رشا: ماااا ماريد والله ماروح والله اذب ح روحي وماروح مو بكيفكم ابنك يروح يكتل بالوادم وتردوني ادفع ثمن غلطاته انه ماروح ماروح..

سماء_ 

حجت هيج ماحس الا جدي ضربهه راجدي وطيحهه عالارض تبجي وتناشغ..

_ليش هيج جدو يعني فوكات ماراح تعيش بالضيم انت تسوي هيج..

ابو رائد: ماتسمعين كلامهه تريد 

تذ بح ولدي تريد ولج انه ادفع روحي علمودهم مستعد انطي بناتي كلهن حتى المزوجات بس كون يعوفون ولدي بخير..

سماء_

( نعم هنا العشيره كلها تفرق بين الولد والبنت من ابي الى عمامي الى خوالي الى جدي الى عمه والى ما لا نهايه.... 

رشا: ماريد وماروح ولو تذب حني هنا اشرفلي من ان اروح واتعذب واصير خدامه لليسوه والمايسوه

وادفع ثمن غلطه انه مارتكبتهه والكل يسمعني اذا باجر وديتوني اخلي واذبح روحي بدون ماحد يحس علي ..

سماء: حجت كلامهه والكل بقه مصدوم معقوله الكلام هذا طلع من رشا البريئه والفقيره والحساسه معقوله

فعلا كل بنيه وكل مره ضامه بداخلهه لبوه شرسه تدافع عنهه بوقت الظلم ..بس رغم هل شي انكسر خاطري على خالتي حيل

هاي تؤامي هاي روحي شلون اذا راحت وفعلا عذبوهه وخلوهه خدامه لليسوه والمايسوه ماكدر اتخيل يجي احد يهينهه او يزعلهه بكلمه وينزل دمعتهه ..

واني افكر اجت صورتهه وهيه تفتر وتخدم وضعفانه والتعب مبين جوه عيونهه والكل يتمضحك عليهه

اذا جان لازم شخص من هاي العائله لازم يتحمل نتايج غلطه خالي فهو اني مو غيري..

5 ت

ابو رائد: جدي شتحجين انتي

سماء: خليني اكمل..جدو انت جنت دائما تكلي انتي بنت هذا البيت وربيتي بهذا البيت وكضيتي عمرج كله ماخذتلج غرفه بهل بيت وبقلوبنه

ومثل ما رشا اخت حمش وبت هذا البيت انه بنت اخته وهم بت هذا البيت واليصير عليكم يصير علي وحقي ادفع ثمن خالي مثل ما لازم تدفع رشا ثمن غلطته ..

ام سماء: ولج يمه شتحجين انتي تردين تموتيني سماء تردين تشوفين امج مجلوطه كدامج ياله ترتاحين..

2 ت

ابو سماء: سماء انتي لا تدخلين بمواضيع الكبار

سماء: لا الي حق اتدخل لاني جبيره وبنت من بناتكم والي حق ادخل بكلشي يخص عائلتي واني كلامي وقراري نهائي قصص ماي هوبس  ان قبلتو او لا باجر اني اذا ما عاينتني رجلي اروح فصليه زحف الهم..

كملت كلامي وامي انهارت كامت تبجي وتشهك وخالاتي ونسوان خوالي هم يبجن وخوالي يباوعولي بعيون مليانه فخر ورضه ..

اجه جدي وخوالي واحد واحد باس راسي وكلي الله يرضه عليج ويقوي قلبج وراحو كلمن لغرفته وبيته واني اخذتني امي ومريم وهنه يبجن للغرفه ونومني عل جربايه وهم حجيت وياهن..

_يمه خاله لا تبجن انه اريد اتقوه بيجن وانتن تضعفن كدامي هيج ..

ام سماء: ولج يمه ليش حجيتي هيج ليش كسرتي قلبي عليج ليش ضحيتي بروحج وحياتج يمه..

فهميني يمه انتي لو بمكاني ماتضحين بنفسج علمود اختج واخوانج ..

لو بمكاني وتشوفين رشا تريد تدمر حياتهه ماتضحين بروحج بسبيل انهه تعيش مرتاحه وتزوج وترتاح حالهه حال باقي خالاتي ..

ام سماء: ادري يمه ادري وافهمج ولو انه مكانج جان سويت نفسج ويمكن اكثر

بس شسوي مو بيدي قلب الام اناني ماتريد يمس اطفالهه سوء يمه من تصيرين ام تفهميني..

سماء_ 

حاولت الطف الجو شويه حتى انسيهه وارسم البسمه على وجهه..

_لا ماراح احس بيج من اصير ام لان بذاك الوقت راح اذبه على ابوه وارجع لحضنج😆

ويلي راح يصير باجر بقيت مسويه روحي نايمه وابجي بدون صوت اساسا مايحتاج صوت 

دموعي تنزل بدون صوت عشره عشره من زعلي على روحي ومستقبلي الراح يضيع ولا جامعتي الجنت احلم بيهه

بعمري مافكرت اتزوج وباجر اني رايحه فصليه لو متزوجه مو احسلي من الراح يصير باجر

بس لا لا همزين ماتزوجت من قبل ووافقت اروح فصليه جان هسه حياة رشا ومستقبلهه تدمر وانتهت حياتهه ..

بقيت افكر لحدما نمت واني اسبح وادعي ربي ينطيني قوه القلب والصبر على الايام الجايه وان يطلعون اهل الشيخ زينين وياي ومايهينوني بكل دقيقه..

                 .........................

شهم_

شهم: بويه ماعندي غايه بس اريدهم يعوضوني ابني الخسرته وبعدين انه كتلهم بس تجيبلي طفل اطلكهه وارجعهه لبيت اهلهه..

الشيخ: شهم اكيد بس هاي غايتك ..وليدي استر علينه ترى بنت الناس مو لعبه بيدك

ديربالك اسمع مسويلهه شي او مطلع حركه كلبك على ابنك بيهه اخذهه وارجعهه واريد سبع منكم يفتح حلكه ويحجي وياي فاهم..

شهم: بويه البنيه فصليتي وراح تصير مرتي واي شي يصير بيناتنه ماريد احد يدخل بيه

رجاءا بويه ولا تخاف بس تجيبلي الطفل ارجعهه لاهلهه عايشه وسليمه..

الشيخ: اووووف اوووف شيحجي وياكم الواحد كلت احل السالفه بفصل ونخلص مدري منين طلعت سالفه الفصليه تالي..خلي اروح انام احسلي..

الكل: تصبح على خير شيخنه

الشيخ: اجمعين..

الفصل العاشر من هنا