رواية احببته لكنني متزوجه الفصل العاشر بقلم مجهول
الجزء العاشر
كعدت ام يونس وكالت
ام يونس : بنتي نحجي على انفرادية لو عادي كدام يونس نحجي وانتي تعرفين الموضوع .
سهى : اتفضلي مرت عمي كولي .
ام يونس : اليوم عرفت انتي ما تخلفين وكلش حزنت عليج بنتي هاي بيد الله مو بيدنه وتعرفين الرجال يريد يشوف اجهاله واني اريد اشوف اطفال اولادي واصير بيبية واني بهذا العمر .
سهى : ربي يطول بعمرك كولي مرت عمي الي تريدينه واني ما ارفض اي حجايه منج .
ام يونس : اريد ازوج يونس مرا ثانية حتى يخلف ويشوف اجهاله وانتي شتكولين ؟
سهى : مرت عمي عادي خلي يتزوج واتمناله كل الخير بس بشرط يتزوج ؟
ام يونس : شنو هو الشرط بنتي ؟
سهى : يطلكني ويتزوج لان اني ما احب اصير زوجة اولى او وحدة تعيش ويايه بنفس البيت وتصير مشاكل وهاي الشغلات خلي يطلكني واني اروح لبيت ابوية معززة مكرمة ومثل ما كلتي مو عيب المرا ما تخلف
ام يونس : خلي احجي ويا امج وابوج والله كريم .
مر اسبوع من النقاشات بين اهلي وبين بيت عمي وعرفو اني مصرة على الطلاق فوافقو الطرفين بالطلاق ورحنه محاكم وتطلقت ... واخير تطلقت فرحت كلش وكانما خرجت من سجن فرحت كلش لان احمد راح يتزوجني فرحت وكانما هسه انولدت من جديد رجعنه للبيت ودزيت رسالة لاحمد وكتبت بيه
سهى : حبيبي العزيز انا حرة الان واحبك واحبك واحبك واعشقج لان انقذتني من مصيبتي 3 سنوات من العذاب والضرب والاهانة وهسه احس نفسي دا اطير .
دزيت هواية رسائل ومجاوبني ؟ مر يوم ويومين وثلاثة واحمد مديجاوبني
