رواية اسود توب الفرح كاملة جميع الفصول بقلم خالد أسامه
كافي تركوني دمرتوا حياتي الله ينتقم منكم وتلبسون ثوبي
حتى تحسون بلي يحرك افادي
لج مو اجي افرك حلكج انتي عليمن تدعين شنو متخافين لا اجي اسكطج لو عاجبج تظلين عايشه عالضرب
شوفي بان عدلي اسلوبج وكوني مطيعه الي ولا ظلين غبيه طول عمرج
ولتخلين وسن تستغل وضعج وتعاملج خدامه اني مصافي بالي الج زين
اظاهر انتي عاجبتج هالعيشه
خالد اطلع من غرفتي ماريد اشوفك افهم انت نكره
لج انتي شنو من ياطين الله خالقج اللسانج ضمي ابحلكج ولا تفتحينه وتحجين
اني ادخل هذي غرفتي وبكيفي وشوكت ما يعجبني وياني وياج تقفليها بيوم
تره ورب العرش ما ارحمج
خالد افتهمت اطلع اريد ارتاح تره من الصبح الحد هسه ما شايفه الراحه
راح اطلع بس ساعه اوساعتين ارجعلج تحضري 😏
..........
اعرفكم ع حالي اني بان عمري ٢٣ سنه مواصفاتي بيضه شكره عيوني صفره طويله يعني حلوه تقريبا شكلي مثل الي بالصوره
جنت اعشق الحياه واحب الضحك والشقه
حياتي بيوم عرسي تحولت سوده
الف مره تمنيت الموت وحاولت انتحر بس اختي واهلي كانوا يوكفون بوجهي وكنت ارجع استغفر ربي واتوب اله
راح تكولون انتي كافره وتفكرين بس بنفسج
بس لا اني العشته كان صعب والداعيشه هسه اصعب بهواي
عندي ثلاث اخوه متعصبين حيل بالاخص الكبير والوسط بله الصغير ارحم اشويه منهم واني بان واختي وحده اسمها رغد
اخويه الجبير متعصب وميتفاهم ابد ويده والضرب اني من سكنه بغداد
بس من منطقه شعبيه وميرضون بالبس المكشوف او البنطرون لازم عبايه ام الراس وماكو مكياج وصبغ اظافر او شعر يعني محرومات من ابسط الامور
لبسوني العبايه اول ما صرت صف سادس ابتدائي اني كنت ما احبها ابد ودائما اوكع من البسها بس منتصر اخويه الجبير جبرني البسها واني صغيره يكول جسمج يلفت النظر مو جسم طفله عبالك مره
اني واختي هي اكبر مني بسنتين كانت مخطوبه الابن خالي
اسمه عقيل حيل يحبها وخطبها وقرر زواجهم يكون بعد ما تاخذ شهاده الثالث متوسط
اني نجحت للمتوسطه صرت اول متوسط دخلت للمدرسه وتفاجاءت بيها كانت حيل حلوه تفرق عن الابتدائي
يعني عالم بس خاص بالبنات حبيت اجواه المدرسه شفت بنات اعدادي تمكيج وصبغ وتلبس اكسسوارات عجبتني وبديت اغير من شكلي مثلهم بديت البس واصبغ بس بدون علم اخويه لان جوه العبايه محد يشوف
اختي نجحت للثالث متوسط
كمنه نروح ونجي سويه نتمشه للمدرسه لان مو هواي تبعد عن الببت
اخوتي يشتغلون نجاره عدهم محل
منتصر مزوج وصار سنتين بس مصار عنده اطفال وبدوا يراجعون اطباء علمود الطفل
اخويه الثاني حسن طالب فنون جميله وحسين اعدادي
بابا انسان جدا هادئ وفقير ويحبنه اني واختي حيل وبهذا عمرنه واحنه بالمتوسطه ينادينه ويكعدنه بحضنه ويشتريلنه حلويات بالاخص قمرالدين
ههههههههههه لان يعرفني هذا يكون عشقي احب اكله هوه والجيس مالته
هههههه الله شكد طيب
حياتنه طبيعيه مابيها شي بس منتصر يعقدها علينه شويه طبعه طالع ع عمي الجبير او خالد متعجرف ومتسلط وميعجبه العجب
الصدك الله يساعد بناته عليه شلون متحملين ابوهم
يمه هاي لو اني جان من زمان متت هههههه
اني من دخلت متوسطه تغير شكلي وجسمي وبدت عيوني الشباب تلتفت عليه هواي
بس اني جنت ما اهتم الهم او الكلامهم
نجحنه اني واختي رغد والحمدلله صرت صف ثاني متوسط واختي تخرجت من الثالث بالعطله حددو موعد زواجها من ابن خالي وراح تروح وتعوفني وتعيش بالرمادي وحكون وحيده بالغرفه
جنت حيل ضايجه لان توني كبرت وتعلقت بيها هواي ماريدها تروح هسه وتعوفني ابد لان محتاجتها تكون يمي وتوعيني ع لعب الدنيا وكلاواتها
.........
واحنه نريد نروح للمدرسه كان دوامنه مسائي لان مدرستنه شفتين صباحي ومسائي فو وكتنه كان مسائي طلعنه اني ورغد نمشي بالطريق هي تراجع لان عدها امتحان واني اباوع عالناس والمحلات وامشي انتبهت ع اختي سرحت وراحت بتجاه الشارع رادت تندعم
السياره ضربت هورن واني امشي اسمعت صوت شاب كال انتبهووووووا وحسيت شي سحبني من عباتي
واني اسحبت رغد وكعت عليه اشوف الناس التمت علينه وابو السياره يعيط علينه
............
انتن ثولات شلون تمشن ابنص الطريق اي غبيات انتبهن جان اندعمتن اختي كامت تبجي لان هي في طبيعتها خوافه وهادئه حيل ميطلعلها صوت بالشارع ابد
اني من شفت ابو السياره يعيط نهديت بي هد
...........
اوكفت ع حيلي دفعته من صدره بقل قوتي رجع ورا راد يوكع وكتله انت صدك واحد متستحي
وماعندك اخلاق بدل ما تعتذر نازل تعيط علينه وتغلط بس امبين انت عاجبك تتعارك ..ف امشي منا لا اسويها وياك كعده وطيح حظك بيها
جنت احجي بزود لان اعرف وره ظهري اخوي وعمي وهمه مايسكتون ويدورن للفصل والعكدات دواره
.........
كتله انت تعرف اني بتمن وانت جاي تعلي حسك
من شده عصبيتي ونهياري عليه
الناس كلها كالته امشي وتقي الشر هذوله اهلها محد يكدلهم
والله يا الله بس النسوان علينه بقت حرك سيارته ومشه شلت جنتي اريد امشي خطوت اول خطوتين
رغد ..بان وين عباتج
شفت نفسي عباتي ماكو واكعه مني دورت بالكاع ماكو
التفتت وراي شفت ولد شايلها واكف بصف المحل مال المعجنات لابس صدريه مال طبخ
رحت جريتها من يده ابقوه وكتله
...........
تره الصفنه من الك لل .............؟🐴🐴
هوه هز راسه وعتذر
اسف اسف اختي بس الحادث ماعرف شلون خلاني اجر عباتج وصارت بيدي والله اعتذر منكم
.......
بان ..مصار شي انت ردت تنقذنه وجريتني من عباتي بس مره ثانيه لسويها لان مو كل الناس ترضه بسوايتك
واني عديتها الك لان انت كنت تريد تنقذنه
........
والله اعتذر منج وصح كنت اريد انبهج من السياره وصحت عليكم بس ما انتبهتوا عليه
واسف لان صار طحين بالعبايه
..........
اخذتها من يده شفتها كلها طحين متلوثه ظليت انفض بيها وبعدها عفته ومشيت
دخلنه للمدرسه كانت اول حصه الي نكليزي واني ما احب مدرسته ابد لان انسانه حقيره بشكل عبالك دكتوره
مو مدرسه وهوه اصلا الانكليزي اموت منه هي جاي تشرح ع قاعده واني اسرحت بالولد شكله لفت انتباهي حيل
حلو طويل متروس شويه عيونه ساحره ونظرتها جادحه صاحب حاجب من الله مرسوم رسم
والنوب لابس قميص اسود ولاف راسه باليشمغ ملون لونه اصفر مسوي لفه عمانه اجنن طالعه ع شكله
صدك شكله يموت واني اتذكر كلامه وعتذاره
وبنت الذينه
٠٠٠٠٠٠٠٠٠٠٠
اي ست بان وين صافنه وشارده من الدرس
كومي احجيلي شجنت احجي
...............
فزيت واني ماعرف شجانت تكول
كمت امتمت بالكلام بس اريد اخلص من هالموقف والحمدلله دك الجرس
ونتهيت من التوبيخ مالتها لان جان شفظها وياها اظل تخرط حجي عليه
وتكلي جيبي ولي امرج وتعال ياعمي خلصنه
طلعت للساحه اني وصديقتي شهلاء هاي اعز من روحي عليه
واتمناها تكون من قسمه اخوي حسن او حسين لان ابنيه حبابه وخدومه وطيبه واهلها ونعمه الاهل صيتهم مالي المنطقه وحجيتلها عالصار ويانه قبل لنوصل للمدرسه
..................
ولج شهلاء اسكتي اليوم صرت ابموقف بايخ محد مر بي
...
خير شنو موقفج هذا ياستار
......
ولج مو ردنه نندعم بالجيه للمدرسه والله ستر علينه ما رحنه بيها اني واختي
....
عزه بعينجن صدك الله سترجن
.....
لو تعرفين منو نقذنه
....
منو
....
الولد الدائما احجيلج عنه اكلج حيل يعجبني وبالاخص لفه اليشمغ مالته او وكفنه يم باب محلهم
لا لا صدك تحجين
اي والله شبيج
الله عليج احجيلي اسوه وياج
....
ولج شفته لازم عباتي بيده
شنوووو.......؟
ولج اي عباتي جانت بيده حاضنها ..
رغد من مشينه كالتلي وين عباتج التفتت شفته صافن وبيده العبايه ...
رجعتله كتله الصفنه مو الك ....
وجريت عباتي من يده سويت حالي معصبه عليه حتى ميحس اني دايخه بي
.....
عزه بعيج بان ولا اجوزين من سوالفج .زين انتي مو عاجبج شلون هيج تحجين وياه انتي ثوله غير يكون اسلوبج حلو علمود يبادلج الاعجاب .اضل اعلمج اي ثوله
لا ولج شلون اخلي ينتبه عليه اني معجبه بي .لا اريد هو يكلي اني معجب بيج من غير ما يحس بيه
ودك الجرس للحصه الثانيه
وكضه وكت الدوام وساعه اربعه ونص واحنه بالطريق
......
رغد ...بان راح انمر من محل المعجنات عود غطي وجهج بالعبايه زين
......
ليش عود اغطي وجهي
لان عيب يشوفنه الولد الي جر عباتج شيكول علينه
شيكول يعني قابل اني كتله جرها لو هوه راد يساعدنه
اي ميخالف غطي وجهج حتى لياخذنه بالعين الصغيره افتهمتي
اي صار 😏😏😏 تدلليل
بان ..اني امشي وادعي من الله اشوفه هم واكف اباب المحل
اووووف ياربي والله دمرني هذا الولد دمار ما خله عقل بيه
امشي بالطريق😃😃😃 وجان المحه واكف
يمه كلبي كام يدك الف بالحظه تكولون اطبول زفه اسمعه صار كلبي باذاني
شويه ونوصل يمه اختي دغتني ابعكسها ع خاصرتي
غطي وجهج
اني غطيته شويه بس عيوني صار بعيونه
عفته ومشيت
بس يالله تجون اسمعون كلبي مزيقه عرس بطبول
وصلنه للبيت واول دخلتنه
امي شلون استقبال استقبلتنه تكولون كاتلين احد وجاين اهل القتيل ع كتالته
الام ..تعالن تعالن بنات الكلبه وبنات الحماره شمسويات اليوم شمخصمات بنات الثوله متحجن شو سكتن
...
بان . يمه شبيج خل نفوت نتنفس شو جنج رشاش ونهد علينه
وجان اسمع صوت منتصر هز اركان البيت هز
كمزت من مكاني من الخوف لان هذا ميتفاهم يده والضرب
لج بان الحيوانه تعالي كبالي احجيلي شنو صاير
بان ..والله يامنتصر الصار احنه جاي نمشي بالطريق وما سمعنه اله هورن سياره ونزل سب وغلط علينه بس الناس ما سكتتله
وخله ومشه
منتصر...وانتي ما مقصره راده عليه وبصوتج اليلعلع وغالطه 😠😠😠 كدام الناس
بله لو نازل وضاربج جان سحصلتي غير الفشله
.....
بان ..والله شحده يمد يده عليه 😤😤😤 واني اختك يامنتصر
منتصر ..من سمعتها هيج ردت حسيتها سبعه
هاي البنيه مينخاف عليها بس هم مارضيت ع تصرفها
لان الناس اظل تلغي لان ابنيه وعلت صوتها والزلم سمعوها واحنه عايشين ابمنطقه شعبيه
...المهم كتلها
بعد لتعيديها اي شخص يتعرضلج احنه موجودين
...
بان ..والله انت ودوم بس وين الحك عليكم اني
....
ميخالف احنه نوصله لو بسابع كاع هم نلكاه
ان شالله يا اخويه
وفتنه للغرفه بس الخوف مسيطر عليه لان جنت متوقعه منتظر يضربني بس الحمدلله جان متفهم الامر
......
رغد ..والله انتي يا بان اله توكعينه في مشكله وترتاحين
.......
بان..ليش عيوني اوكعج ابمشكله هاي فوك ما ادافع عنج لان انتي ردتي تموتين في لحظه طيش وسرحان
لو ضاربتج السياره جان هسه بالمستشفيات ياعيوني
........
انتهاء ..بنات وينكم يله تعالوا الاكل نصبيناه
......
رحنه ناكل ويه العائله انتهاء هي زوجه اخويه منتصر خطيه امنيتها تكون ام صار سنتين مزوجين وماكو طفل وما خلت للعله دوه والكل يكول ماكو شي
واحنه ندعي من الله الرزق ولجميع ان شالله
رغد..انتهاء لتغسلين الماعين اني اليوم ماعندي دروس راح اغسلهن ابمكانج
.......
اوك غسليهن واني راح اخذلي غفوه بسيطه لان احس دايخه شويه
........
بان..لميت الماعيين كلها ورتبت البيت والمطبخ ويه رغد
ورحت الغرفتي اطلع دروسي وجان يخطر في بالي الولد ابو الكعك اووووف جماله والله جمال فتاك
ياربي قربه الي وخلي يحس بيه
بعد ماعندي صبر ع حبه راح اموت اريده يحس بيه ويبادلني نفس الشعور
احجي ويه حالي وجان تنفتح الباب عليه
فزيت وفتحت عيوني ع وسعهن
