رواية عشكني ابن شيوخ كاملة جميع الفصول بقلم مجهول
.. تريد تحاسب حاسب بناتكم مو تحاسبني مالك دخل
.. تدرين لو وحده غيرج حاجيه هيج وياي وبهاي صيغه وعلي جان دفنتها بمكانها بس عيب اسويها لان ماعرفج بس الايام جايه نشالله حجاها وهوه صاك على سنونه ووجهه احمر وركبته شرايينه شويه وطك من العصبيه
#تعريف شخصيات 🖤
مرحبا يحلوين ليوم قصه تختلف عن القصص الي جنت اسويها قبل وهاي اول تجربه الي بكتابة روايه عراقيه نشالله تعجبكم يلا نبدا بتعريف الروايه✨♥️
........
البطل سلطان : العمر 32
ابن شيوخ وشيخ عشيره استلم المشيخه من ابو الكل يحلف براسه بشيمته وجبروته وتعامله ويا ناس عمره ما اجه احد عنده وما رجعله حگه ابن اصول ونشمي
من البصره
غيرته قويه وعصبي ناررر من يعصب ميشوف احد كدامه
طويل وضخم البنيه . اسمراني البشره
مزوج قبل ١٠ سنوات انجبر يزوج من جان عمره٢٢ بسبب الشيخ عبد العزيز ابو لسلطان جبره يزوجها لان بت عمته واوله من الغريبه ماعنده اطفال سبب منها لان متخلف كلوله تزوج هواي بس رافض الفكره مو لان يحبها بس هوه ميحب الزواج ورافض هاي الفكره من البدايه زواجه كان اجبار وعلاقته بيها مو ك اي زوجيين علاقتهم سطحيه صح مر على زواجه ١٠ سنوات بس لحد الان ماعنده رغبه بيها وهيه جانت هواي تكله تزوج اني ما اخلف وتبجي وتتوسل بي بس يكلها ما اريد صح علاقته بيها سطحيه بس ما مقصر وياها ابداً وقايم بواجبها كلشي تريده يجيها يحترم السنين البينهم
حتكولولي ليش ما طلكها كل هل وقت ؟!
لان هيه ماعدها احد بس امها وامها مره جبيره وعمته يحترمها ويحبها وهم يوكف بعينه ابو احتراماً اله ...
عائلته
الاب : عبد العزيز رجال صارم بس كلبه طيب وخلوق ومتسامح عمره ٦٢
الام : فاطمه مره فقيره من اهل الله عمرها ٥٧
عنده 3خوات و 2اخوان
نرمين : الاخت الجبيره وره سلطان عمرها 30 مزوجه وعدها طفلين زين ومريم
فهد: عمره 27 مزوج مرته ساره حبابه ومن اهل الله عمرها بكد فهد عدهم طفله اسمها رواسي
زينب : عمرها 24 مزوجه وماعدها طفل لان صارلها كم شهر من ازوجت
مرام & فراس : تؤام عمرهم 19 اخر العنكود مرحيين وينكطون عسل 😁 ثنينهم اول كليه هندسه
..................................
البطله :
سلار محمد : عمرها 19 من بغداد كرديه
ساكنه بغداد بيضه كلش
شعرها على شقار عيونها كبار عسليه شفايفها صغار ومنفوخه خشمها صغير عدها غمازتين شعرها طويل لركبتها طولها ١٥٩. وزنها ٥٥ اول سنه كليه محاماة اعجاب للصفحه ومتابعه لتصل جميع القصص التي ننشرها دوسو على الرابط وانضمو قصص عراقيه واقعيه
عائلتها متكونه من امها وابوها وثنين أخوه
سيف: ضابط عمره ٢٦ حنطي البشره على سمار وطويل وجسمه ضخم ومرتب شكله حلو يجذب ورجولي عصبي بس متفاهم
يوسف: عمره ٢٤ متخرج ويشتغل ويه ابو تجاره البسه رجاليه
ابيض على حنطي طويل وجسمه مرتب وحلوو شكله لطيف وجذاب بنفس الوقت هادئ وهوه قريب جداً على سلار واسرار بينهم وخبال😂
ريهام: ام سلار عمرها ٤٥
محمد : ابو سلار عمره ٥٢
بمنطقه المنصور بغداد امكانيتهم جيده والحمدالله
#بارت الاول
...
سلار:
المكان : بغداد الساعه: 8:32
صباح الخير ماما
: صباح الخير حبيبتي
وين بابا ولولد
طلعو للشغل من صبح
اها تمام ماما خايفه دعيلي عفيه اول يوم اليه بلكليه مرعوبه كلشش
لا حبيبتي لا تخافين ثقي بنفسج وامشي بثقه وخليها على ربج هوه اليسهل
تمام ماماتي حبيبتي اني حروح مححح
مححح يكلبي الله يسهلج ويفتلحج باب خير ❤️
....
طلعت من البيت اخذت تكسي لان بعدني مشايفه سايق واخواني طلعو من صبح ف اخذت تكسي وصلت للكليه كلبي يدك سريع وخايفه ومرتبكه سميت بسمالله وطبيت باوعت ناس تختلف حياه تختلف مجتمع يختلف عن المجتمع الحنت بي بل مدرسه هنا اختلاط ولد وبنات منعرف الزين من الشين باوعت منا مناك رحت سئلت على قاعتي كلولي بهيج رقم وهيج مكان رحت للقاعه باوعت
ولو وبنات كل واحد بكرسي مالته سلمت ودخلن كعدت على الكرسي بدت المحاضرات وتعرفت على ثنين بنات رغد وريم كلش حبابات تبادلنا الارقام والحسابات مرت الايام والاشهر صارلي شهرين وياهم قوت علاقتنه اكثر وصرنا وحده ويه ثانيه سوالف وضحك ونطلع ونطب اقرب صديقات صارو الي فد يوم رجعت للبيت
... هلاو ماما جوعانههه انيي كلششش
هلا حبيبتي ي روحي بدلي وغسلي وتعاي اصبلج اكل
تمام مامي
رحت غسلت وبدلت نزلت شفت بابا كاعد ع سفره واخويه يوسف مو الضابط لا الاصغر منه
سلمت وبدينا ناكل ويا مدناكل بابا حجه
حضرو نفسكم " ام حنان عمتي كاعده بل بصره رجلها عربي من بصره "
عزمتنه على عرس حنان بتها حضرو نفسكم حتى نروح كالت اذا متجون ازعل خل نروح نغير جو
يي بابااا اني من هسههه اروحححح اللهه عرسسس اروحح معليه
ههههههه على كيفج باباتي نروح نشالله
تمام عيني ابو سيف نجهز نفسنه بس شوكت نروح ؟
نشالله جمعه نطلع بعد يومين
نشالله بس لازم نشتري سوالف العرس
ي عفيههه ماماا ليوم لازم نروح العصر عندي نواقص هواييي
ههههه مخبله ميخالف نشالله يمه
كملنا غده لميت المواعين ورحت نمت مكعدت الا لل٦ العصر كمت نزلت
ماما نروح
ي روحي بدلي
تمام
رحت صعدت بدلت تيشيرت ابيض علي كتابه اسود Superme وبنطرون تسعين وشلت شعري كعكه : للمعلومه اني مو محجبه اهلي مطيني كامل الحريه بلبسي وشعري بس الثقه المطيني ياها محافضه عليها حطيت حمره ومسكارا اخذت جنطتي ونزلت
خلصت يلا
رحنا وتسوكت فساتين ٢ ومكياج وشغلات الي وتعشينا ورجعنه هلكت كبل نمت كعدت صبح رحت للكليه وهكذا استمر اليومين اجتي يوم الجمعه ساعه ٥ الفجر حضرنه غراضنه وبدلت لبست بنطرون ساده اسود وتيشرت ابيض وجاكيت جينز مهم اخذت جنطتي والغراض صعدنه كلنا واخويه سيف اخذ اجازه وهم حيجي واني هم اخذت اجازه من الكليه
رحنا كضه الوقت وصلنا لبيت عمتي دكينا الباب فتحه زوج عمتي سلم على بابا ولولد وماما وعليه دخلنا عمتي كاعده جانت تلف جدر الدولمه ولبيت هادء نايمين يمكن كامت
هلاا نور البيت عاش من شافكم
باست ابويه من راسه وسلمت علينا وباستنه كلش احب هاي عمتي لان حبابه وعلى نياتها ماعدها غيره ونفاق ومن هل امور صح منجيهم وميجونا هوايه بس علاقتنه ما مكطوعه نسئل ويسئلون بل موبايلات عاد كعدنا وقدمت المي
اسويلكم ريوك لحظه اكيد بدون ريوك طالعين من صبح
لا عيني لا تعبين نفسج ام حنان منشتهي والله
امي كلتلها "
لا عيني شنو هلحجي تعبكم راحه حبيبتي هسه اكعد البنات حبيبتي سلوره روحي كعديهم شيصعدني اني وهم ميصير اعوف امج
" ابويه واخواني كعدو بل استقبال يم ابو حنان "
ي عمه تدللين هسه اصعد اكعدهم
عمتي عدها بس ٢بنات حنان الجبيره عمرها ٢٣ وحتزوج وثانيه مرام عمرها ١٣ سنه عمتي بعد مكدرت تخلف اكثر لان مو زين عليها ف جابت بس الاثنين ذوله "
صعدت فوك فتحت غرفه حنان شفتها رايحه بسابع نومه غرفه ضلمه ودافيه صدك شهي واحد ياخذه غيبوبه هم مو بس ينام😆 وصلت يم راسها وجان اعيط باذنها ماشوف الا هيه كامزه من مكانها ومفزوعه اني متحملت منضرها وكعت بلكاع فاطسه ضحك صدك ضحكتني 😂
ايااا بتتتت اخ منك يلساني لج اكو واحد هيج يكعد بني ادم لج رح اصير عقيمه ماخلف نوب زواجي هسبوع الله يهلكج يا مطيه امداج
هههههههه تستاهلين متكولين عندي بت خال اسئل عليها كلبه
الي ميسئل عليه ماسئل علي نوكطه.
نجبي نجبي كومي مشتاقتلج لججج
نيهم والله
كامت تباوسنه وحضنتها
ي شخبارج شنو شعورج ك زواجج هسبوع
والله ميته خوف وقلق
الله يسهل لا تفكرين حياتي نشالله تم على خير
نشالله يلا تعاي ننزل عيب عمه وخالو جوه خنسلم
وك ولولد هم
صدك ! همزين كتيلي حتى البس شالي
شالج؟ من شوكت ولج كدامهم تلبسين
لج بتي رجلي من اهل شيوخ غير يكسرني اذا طلعت لاحد ملابسه شال يمعوده.
اوييي عابتلج من كل عقلج هيج اخذتي واحد
لج دنجبي لو تشوفي هيبه وجمال شفايتلج يموت فديته خو ولد عمامه يمههههه الا اشرددد يموتوننن اشوفج ياهم بلعرس تموعيننن موع ولعباس
هههههههه حموت خربيومج دمشي امشي
كيفج بس هاي اني وهاي انتيي اذا موكعتي بواحد منهم اني مو بت ابويه
اهوو بعد لحي نجبي يلا وامشي ننزل
نزلنا جوه سلمت حنان عليهم وحضرنا الريوك كعدت اختها مرام. وتريكنا لمينا المواعين ونيهم لميت وياها عل واهس بعدين نضفنا لبيت لان عيب اخليها وحدها ف كملنا تغدينا وخلصنا
اكل رحت صعدت بغرفه حنان نمت لان كلش تعبانه كعدت ب٨ المغرب كعدتني حنان
كومي ولجج كافيي عفيه ضايجه وحدي كومي نسوي حلويات ونباوع فلم شي
عوفيني حبابه والله نعسانهههه وخرييي
كومي عادد اهوو ضجت والله
كمت كمت وخري دا اروح اغسل
كمت غسلت طلعت من حمام
شنسوي ؟ هسه ... كتلها لحنان
اني حسوي شاميه واحضر غراض السهره
تمام لعد اني حسوي كيكه بارده عدكم مواد مالها؟
ي عدنه امشي لعد نحضر
يلا
نزلنا جوه شفتهم كاعدين كلهم بصاله ضحك وسوالف
هلاووو
هلا صح نوم ،،،، ردو كلهم
سويت الكيكه البارده حطيتها بل فريز حتى بسرعه تبرد وحضرنه كلشي اني وحنان رحنه يمهم كعدنه بلصاله
منو يباوع ويانا فلم ؟ اني سئلتهم
بتي يا فلم انتو باعو احنا كايمين نكعد بلحديقه نسولف ،، بابا كال هيج
ي والله انتو شباب باعو احنا نروح نسولف بره جو حلو مو بارد طيبه ،،، زوج عمتي كال هيج عاد كامو طلعو بلحديقه بابا وابو حنان وعمتي وماما بقينا احنا الاربعه
اني ما اباوع اروح انام تعبان .. سيف كال هيج
اهوو نته نفسيه عفيه كتله هيج
شكلتي لج .. كالها بازعاج
مكلت روح خفتن وراحه كتله واني اباوع صفح
زعطوطه وخري من طريقي يلا
اوي عيني حضره ضابط روح روح
احجي واقلد عليي عاد راح نداريت اشوف حنان ويوسف ومرام غاصين ضحك علينا من نتعارك
اني وسيف منتوالم ابد بس نتعارك😂 هوه عصبي ونفسيه واني اداهر ههههههه
عاد كعدنه احنا ال٣ باوعنه فلم رعب تونسنه هوايه وضحكنا واكلنا كومه ههههه
عزهه كومه اكلت
لج ي عود اني عروس وملتزمه بنضام غذائي نيالي اي والله
ههههههههه دمشي لج شوكت كبرتي وصرتي عروس مادري
دسكت لك كلك اكبر مني بسنه ليكول عمرك ٤٠
اكبر منك بيوم افهم منك بسنه
تلازمو حنان ويوسف حيه وبطنج😂
اشش اسكت اسكت
هههههه خربيومكم
دك موبايل حنان
هسه اجي .. حنان كالت واخذت موبايلها وصعدت فوك ويا مداتصعد
ي عيني ي الغالي هذا روحي عيني روحي هههههههه
نجبي لج هههههه
ويوسف يضحك علينا عاد راح هوه كال حنام وماما وعمتي وبابا وابو حنان طبو فرشت لماما ولبابا وعمو وعمه راحو نامو بغرفتهم
مرام راحت لغرفتها نامت وسيف هم فرش لروحه بل استقبال يم ماما وبابا ويوسف هم
اني رحت يم حنان طبيت لكيتها تحجي
ي كلبي الله يسهلنا وننجمع نشالله
اباوع عليها واسويلها حركات مال رومنسيه عود اعزف جيتار واسوي وجهي مال ذول المتاثرين هههههه وهيه تضحك
شبيج لج تضحكين
ههههه ها كلبي هاي بت خالي دتحشش عليه وداضحك عليها
هاا مو تلتهين وياها وتسهرين وراج تجهيز وعرس لا تعبين كلبي
لا حبيبي هسه شويه وانام اني اروح يمها عيب بعدين نحجي كلبي احبك كومهه يروحي نته
تمام كلبي انيهم يروحي الله وياج دربالج على روحج
تمام انته هم تصبح على خير وسعاده
وانتي من اهل الخير ينبضي باي
باي حبيبي
سدته حنان
ي عمي يييي ناس كاتلها جفاف وناس مليانه احساسسس دزولهياا
هههههه نجبي يوم لالج واجي ادبج دبج بعرسج
ههههه نجبي ماريد هسه بعد الله كريم خلكمل كليه واتخرج والله كريم
نشالله كلبوشتي
اكلج اني منعسانه تعاي اشوفج فساتين شتريتها لعرسج وللحنه
يلا كومي
كمت شوفتها فساتين تخبلت عليهن
عزهه يخبلن حطلعين احلا مني حتبوكين الانظار مني ادبسزز 🥺
هههههه نجبي لج شناقصج نتيي حطلعين لعابه
" حكلكم على ملامح حنان سمره على حنطيه خشمها لا جبير ولا صغير حلو مرتب شفايفها منفوخات جسمها مربرب مرتب طولها تقريبا ١٦٤ شعرها بنص ضهرها لون اسود عيونها وسط صح مو كلش قويه ملامحها بس عدها جاذبيه ومحبوبه كلشش "
هههههه حبيبي انتي الاحله
اكلج شوفيني الفارس مالج تعيس الحظ الي اخذج
ههههههه ايا بومه تعاي اشوفج الككو مالييي
فتحت حنان موبايلها شوفتني صورته
كلش حلو مشالله شخصيه وجمال مبين ابن خير وناس متحرمه
لججج لقطه يخبل الله يديمكم نشالله برفاه ولبنين حبيبي
حياتي يوم لالج بواحد مثله وبعد احسن
ههههه نشالله
لج غير اذا شافوج اهله ياكلوج هسه بنبييي
ههههه لا تبالغين لج
ونبي هسه شوفين اذا مجتي وحده منهم وخطبتج لابنها تعاي عتبي عليه عود
ههههههه دسكتي سكتي
والله
الله كريم يلا نامي ساعه ١١ اخذتنه سوالف باجر وراج كعده وشغل ونيهم احاول انام
تمام يلا خنام
طفينا ضوه ونمنا ......
