رواية أحببت من لايبالي ( كاملة جميع الفصول ) بقلم مجهول

دك صوت اكثر شي اكره بالحياه والي هو المنبه انطيته غفوه ورجعت كملت نومتي رجع دك مره ثانيه اوف كايمه كايمه الله ياخذ المدرسه وساعتها طلعت من غرفتي ونزلت للصاله شفت امي كتلها 

.... صباح الخير ماما 

امي صباح النور حبيبتي يله بدلي وتعالي تريكيى

.... اي هسه بس اغسل وجهي 

رحت ابدل ملابسي بعد مغسلت والي هي صدريه سوده وقميص ابيض وشال اسود يله بين مااكمل تبديل خلي اعرفكم عن نفسي 

مرحبا اني اسمي براء عمري 17سنه صف خامس علمي طولي 150 و وزني 62 اعرف دبدوبه بس معندي كرش الحمدلله اما شكلي فاني بيضه وعيوني صفر وشعري بني وطويل لحد نهايه ظهري ممكن الي يسمع مواصفاتي يكول عليه جميله جدا بس اني عاديه كولش مثلي مثل اي بنيه عاديه ،عندي 2اخوان واخت وحده اخويه الجبير

محمد:عمره 23طالب بكليه الصيدله واني بعده 

وروان :عمرها 15صف ثالث متوسط

وامير : اخر العنقود عمره 9 صف رابع ابتدائي واكثر شخص احبه بعائلتي لان لطيف وحلو وعنده خدود وغمازات وشعره نازل على عيونه جنه بنيه 

اما والدي عمره50 موظف بشركه 

ووالدتي عمرهه44محاسبه بس تركت الشغل من تزوجت بابا .... 39

كملت تبديل ونزلت حتى اتريك سمعت صوتهم اف شنو هالهوسه من الصبح منين يجيبون هالطاقه وهمه هستوهم كاعدين مااعرف دخلت للمطبخ كتلهم 

براء: صباح الخير 

.. صباح النور 

روان :اي عيني شكو عليج تبدلين وتجين تتريكين عبالك خدم عندج احنه 

براء : تجاهلتها كالعاده لان اذا جاوبتها راح اصير مشكله فخلي اسكت احسن الي 

امي :كافي روان مو بدينه 

بابا : شبيج وياها قابل شكالت اي ميصير براء كاعده وتريد الناس تخدمها 

براء :طبعا لازم اسمع هالكلام الي مثل السم كل يوم عفت الاكل وكتلهم سفره دايمه اني رح اروح للدوام 

محمد :براء حبيبتي انتظريني اني اوصلج 

براء :بابتسامه صغيره شكرا حمودي هياتها المدرسه اريد اتمشى 

محمد:براحتج حبيبتي 

هاي حياتي الي لازم تبدا بهاي الاسطوانه كل يوم دائما اكول الى متى تضل روان تسويلي مشاكل وابويه واكف بصفها ودائما ضدي مع انو اني مالي علاقه باحد وقتي كله بغرفتي حتى اختلاط معندي لا باهلي ولا بالناس الي مااعرفهم علاقتي سطحيه ويه الكل حتى صديقات معندي لان كله تكول عليه مغروره وشايفه نفسي بس اني مو هيج اني ملكيت الي يقربني منه حتى احجي واصير اجتماعيه يله الحمدلله اهم شي الله راضي عليه وهذا اهم شي بالدنيا المهم 

وصلت للمدرسه وطبعا اثناء ماامشي مااخلص من كلام البنات الي بيج قصص عراقية واقعية حلوه اسمعه كل سنه بس اغلس مغروه ، شايفه نفسها ، قبيحه ، اكرهج ، متصنعه ، سمينه وغيرها وغيرها من الكلام الي يموتني بس مااكدر احجي مااعرف ليش احنه البشر منفكر انو الي ننتقده ونقلل من قيمته مثلنه عنده كلب وعنده مشاعر يحس ويضوج من نجرحه ليش دائما نكره الي ياذينه بس عادي عدنه ناذي ونجرح غيرنه يله شسويلهن يحجن يحجن ويسكتن وحدهن دخلت لصفي خليت جنطتي وكعدت اراجع دروسي دك الجرس ودخلت المدرسه وبدينه نشرح وحصه وره حصه لحد ما خلص الدوام 

طلعت واني دامشي شفت امير 

براء :هاا حبيبي اموري شلونك ليش جاي مشي لعد وين السايق مالتك 

امير :هلو بروئه شلونج عطلت سيارته فاجيت مشي 

براء :هاا يله لعد انطيني ايدك خلي نروح للبيت 

امير : يله امشي 

براء :نمشي اني وامير ونسولف حبيبي فدوه لكلبه سوالفه تونس 

وصلنه للبيت تلكتنه ماما بوستنه وكالت روحو بدلو ورتاحو حتى من يجون الباقين اصب غده واصيحلكم 

براء وامير :اوك ماما

.. راحت براء لغرفتها اول مدخلت بدلت ملابسه لتراكسود اسود برز بياض بشرتها الناصع وفلت شعرها وراحت توضت وصلت حتى تنام 

اما روان دخلت للبيت تمشي على اطراف اصابعها حتى ما يلكفها محمد ويه حظها اجه محمد وراها وصاح روووان عبالج ماشفتح ادبسزز 

براء :غافيه واسمع صوت صياح خير ياربي شصاير 

نزلت جوه شفت محمد لازم روان ولاوي ايدها ويصيح وهي تبجي وماما تحاول تفك محمد منها بس متكدر لان محمد ضخم متكدرله سالت امير شبي محمد يصيح شسوت روان 

امير: متستحي لابسه صدريه ضيكه ومطلعه شعرها من الحجاب وتتمعلج والشباب يتحاشون بيها وهي تضحك وشافها محمد وكتلها 

براء :وتالي وياها هاي الى متى تضل هيلك هيج ولو هو شطيح حضها غير المشي ويه بنات خوالي الي دمرنها وهيلكنها خاف هي مجانت مهيلكه هسه صارت اتعس فزيت من صفنتي على حجي روان المعزايه 

روان :اني مسويت شي همه يتحارشون بيه قابل اني كايلتلهم تعالو وبعدين شكو بيها واذا علجت بالشارع شنو ارتكبت جريمه 

محمد :لج بابا انتي تفهمين عربي لو لا جم مره كايلج عيب تتمضحكين وتتمعلجين بالشارع عيب يا مسلمه الله عيب ولج ثكلي هاي اختج تروح وترجع مشي محد حاجاها ولا احد حجه عليها شبيج انتي علمين طالعه 

امي :كافي ماما عوفها خلي تولي اهده هسه وشتريد تسوي سوي وانتي روان حسج مااسمعه روحي لغرفتج وسمعي كلام اخوج يله 

روان : وعلى شنو اسكت والله اسمع اختك لان قبيحه وسمينه محد يباوعلها وتره هي هيلك بس مداريه سوالفها بالسكوت مثل الحيه 

هي حجت هيج ومحمد ضربها راشدي فر وجها فر 

محمد:ولج تروحيلها فدوه مؤدبه وحبابه وشاطره ورفعه راسنه بين الناس شجابج عليها انتي ولج متوصلين لاظفرها لا بالجمال ولا بالاخلاق ودفعها وكللها من باجر اني اوديج وارجعج و اي حركه تصدر منج ابطلج والله لو مو ابويه يحجي لو يطلع جدج من الكبر مااخليج اداومين حيوانه وصعد لغرفته 

براء :روان باوعتلي وكالت 

روان :اكرهج الله ياخذج ويخلصني منج 

امير : خو الله ياخذج الج ويرحمنه ويرحم الامه البشريه من شرج خشمج جنه راس بتيته وعابت لهل خلقه امشي بروئه امشي حبيبتي نتغده سوه على عناد الاعداء 

براء :يمه كوه لزمت روحي ومضحكت صدوك سوالفه مثل سوالف البنات خرب بليسك امير 

في مكان اخر خارج العراق 

جاي اشتغل بالمكتب ندكت الباب ودخلت السكرتيره بملابسها المخزيه والي حرام تسمه ملابس اصلا 

السكرتيره : بتموع اوستاذ والدتك دتتصل عليك 

..... كتلها اولا منو سمحلج ادخلين اني كلت تفضل 

السكرتيره :بس اني دك 

..... ما كتلج احجي اني 

السكرتيره :اسفه 

..... ثانيا اني مو كلت مااريد احد يدخل عليه حتى اذا اجاني اتصال ضروري ثالثا هذا لبسج يلبس بالملهى مو اهنا هاي شركه محترمه من نادي ليلي هالمره حذرتج المره الثانيه اطردج كدام كل الموظفين حتى تصيرين عبره لغيرج مفهوووم 

السكرتيره :ح ح حاضر استاذ هاي اخر مره

...... حوليلي الاتصال وطلعي بره

طلعت السكرتيره وهي تحجي ياللهي شكد مغرور لا يضحك لا يسولف بس يصيح ويتامر ويخنزر حتى ملابسي ماغرته ولا اثرت بي بس مو مشكله اجيبك اجيبك دخيل ربك شكد حلو وفوك هذا غني الله حلمي وحلم كل بنيه هذا 

...... وره ما طلعت هالغبيه رجعت نفسي على الكرسي وباوعت للساعه شوكت اصير بال 2حتى اطلع اروح لعيادتي مليت من شغل الشركه يله خلي احاجي امي واطلع 

حولتلي السكرتيره الاتصال

....الووو يمه شلونج 

امي :الوو حبيبي شلونك مشتاقتلج ينظر عين امك انت 

... حبيبتي اني بخير اذا انتي بخير كليلي شلونج ابويه واخواني شلونهم 

امي :الحمدلله بخير يمه ناقصنه بس شوفتك علي الشمري سارق القصص شوكت ترجع اخوتك صار 5اشهر من رجعو بقيت بس انت 

.....يمه مااكدر ارجع هسه لتنسين بقيت بس اني كون امشي الشغل بين الشركه وبين العياده من اخلص الشغل الي عندي ارجع قابل شعندي غير من وره ولدج عافوني وحدي ورجعو

قصي :هااا ...... شلونك ولك تعال ارجع للعراق العراقيات يخبلن استعجل وتعال شوف الجمال الي هنا

..... مصيرلج جاره انت اني وين وانت وين على العموم ان شاء الله من اخلص شغلي بعد شهر او شهرين اكمل الشغل واجي

قصي :ها شنو تحمست لشوفه البنات الي بالعراق 

.... مو اني تافه ومنحط مثلك حتى افكر هالتفكير يله عندي شغل ولي وهاا سلملي على الباقين باي