رواية لعبة القدر كاملة جميع الفصول بقلم سلسبيل احمد
" فتحت عيوني بأرهاق على صوت خبط مزعج أوي و في العادي محدش بيخبط على باب اوضتي بالشكل ده.. محدش بيخبط بالشكل المزعج ده غير واحد بس..!! "
- اصحي يا حيـ.ـوانه
= انا لو صحيت هخرج اطبق وشك يا زفت
- دقايق لو مفتحتيش ...
هستني دقايق غيرهم عادي
" نفخت بضيق وانا تحت الغطا و سمعته مشي من قدام الباب قومت دخلت الحمام غسلت وشي وبعدين بدأت اتوضي وصليت الصبح.. وخرجت له بالاسدال"
- بتفوقي في ساعه الا ربع ؟؟ ليه؟ الاميرة ديانا؟
- عايز ايه؟ هو انا ناقصه تلزيق على الصبح!!
" بصلي بطرف عينه وهو بيشرب الشاي الى ماما عملته له "
بصتله برفعه حاجب: طب وبعدين يعني اجيلك بعد شوية؟
= انا كنت جاي اقولك خبر قولت لازم انتي اول واحده تعرفيه يحببتي
- حببتك في عينك قول انا مش بحب المقدمات
= عارف
- طب انجز قول
= انا هخطب
- مش موافقة قولت شوفلك غيري
= يا حبيبة قلبي هو حد جاب سيرتك انا هخطب ساره ممدوح
- كداب بنسبة 99%
= وصادق بنسبة 1%
- كداب بقولك
= انا كنت جاي اعزمك.. و ماما جايه بليل تعزم امك متعرفيهاش بقا لحسن امي تعلقني وتقولي اني بعمل فتنه بينها وبين اختها
- امك يا بيئه؟
= هو ده الى همك فكل الى قولته؟
- عارفه انه حوار من بتوعك يا أسر
= اممم طيب هسيبك تستوعبي على مهلك وهنزل انا عشان عندي تجهيزات كتير يابنت عمي
- كداب برضو خلي بالك..
= الخطوبة يوم 22 يا كتكوتة
- اهري.. اقعد اهري كده وبرضو مش هعبرك
بص لكوباية الشاي وبصلي: قومي يابت انجري شيلي الكوباية دي واغسليها يلا
" سابني ومشي!! و ماما خرجت من البلاكونه وهي ماسكه طبق غسيل "
- خدي طبقي دول هو أسر مشي هو لحق؟
= ده واد عبيـ.ـط
- ليلي عيب كده
" ابتسمت بزهق وسكت.. هو كل شوية يطلع لي بحوار جديد عشان اوافق يبقي فيه بينا علاقة رسمية! علاقة حب! مش قادر يستوعب اني مش شيفاه غير أخ..! ومطلعني كدابة وبخبي مشاعري!! واخرتها بيمثل عليا انوه هيخطب! عبيـ.ـط فعلا اوي
بقلمي سلسبيل احمد "
>>>>>>>>>>>>>>>>>>>>>>>>>>>>>>>>>>
' اللهم صلِ وسلم وبارك على سيدنا محمد '
|| بعد ايام ||
" فات كام يوم مكنوش كتير كتير.. بس كانو كفايه اعرف مين فينا الى عبيـ..ـط كنت في حمام القاعه الى فيها خطوبته.. فضلت ابص لنفسي في المرايا.. كنت لابسة فستان تحفه.. كل حاجه كانت بيرفكت كنت بمثل القوة... عرف يصدق اني مش فارق معايا.. بس من جوايا.. حاجه تانيه! براكين! وصدمه صدمه لسه مش قادره استوعبها.. مش قادره اصدق انه طلع بيتكلم بجد.. في هزة في ايدي و عيوني الدموع هتتجمع فيها!! ده أسر.. ده صديق طفولتي من وانا بيبي.. والشخص الوحيد الى كان بيدافع عني
محدش ينفع يقرب منه غيري..! ليه دلوقتي هو مع واحده تانيه ؟ "
" نفسي بدء يضيق فا خرجت من الحمام بسرعه للجنينه الى بره القاعه وفضلت اتنفس بعمق.."
" وقفت دقيقة واتنين.. وتلاته.. بعدين سمعته..
ده صوته المميز.. الى كان فيه نبره قلق. "
- ليلي.. انتِ كويسه؟
بلعت ريقي ورسمت ابتسامه على وشي ولفيت تبص له: أسر؟ ايه الى مخرجك هنا وسايب خطيبتك.؟
= خرجت عشانك
ابتسمت ببلاهه: مش فاهمه!؟
- ممكن تفتكريني مجنون.. بس انا عارف ان فيكي حاجه.. انتي مش مبينه.. بس انتي طول عمرك شاطره.. و قوية بتعرفي تخبي وتداري يا ليلى
" ثقتي كانت بتتهز.. لو انا زي ما بيقول.. فا قدامه بالذات كل حاجه بتبوظ مني ومش بقدر اكدب "
= انا فعلا مش فاهمه تقصد ايه؟ أكيد مش موضوعنا لأن دي صفحة و اتقفلت و انت بتخطب! مش واخد بالك من ده؟
بص لعيوني وهو بيقرب: انتي الى واخده بالك؟
فاهمه انك بتدمري كل حاجه بينا؟
رديت وانا بحاول متعصبش: احنا مفيش بينا حاجه
اصلا عشان تدمر احنا اخوات و ولاد عم.
- فيه حاجات بينا يا ليلي فيه كتير... فيه اني بحبك و انتِ كمان بتـ.
قاطعته: اسكت! انت فيه واحده جوه دلوقتي متعلقة بيك!!! انت مجنــ.ـون !! هتبوظ كل حاجه عشان وهم ؟ كنت بتخطب ليه من اساسه
= انا معلقتش حد بيا.. ومحدش فارق لي غيرك!!!
بصتله بنرفزه: اسر انت فعلا اتجننت !
مسك ايدي: انا عارف انك بتحبيني متأكد من ده كمان الى مش قادر افهمه ليه بتخبي ؟
" اتفاجئت من حركته لأنه عمره ما قرب مني بالشكل ده ايدي كانت بتترعش وهو بصلها بتركيز ورجع بصلي لكني سحبتها بسرعه وانا متوتره انه لاحظ! "
- إيدك متلجة و بتترعش!
" عيوني كانت هتدمع فا رفعت الفستان بسرعه عشان أمشي في اللحظه الى شوفت فيها حد من صحابة جاي ناحيتنا "
" فضلت ارن على ماما تخرج و نمشي وقولت لها اني مرهقه مش قادره اكمل اليوم..! "
" واخيرا رجعت بيتي ودخلت اوضتي الحصن والأمان بالنسبالي! دموعي فضلت تنزل بأنسيابيه "
" ولكني واحده واحده بدأت احس اني بفقد الأمان.. الى هو زرعه جوايا من سنين..! "
فلاش باك #
- انتي خايفه ليه يا ليلى قولتلك انا معاكي متخافيش فاهمه
= بس هما قالو هاتي باباكي معاكي
- طب ما تفهميني الأول يا ليلى هما ليه عملوا ليكي استدعاء ولي امر ليه؟
بصيت للأرض واتكلمت: لأني.. كنت..
اسر بصلها بستغراب: عملتي ايه؟
- صْربت بنت اتريقت عليا.. قالت لي إني معنديش اب عشان محدش بيحبني.. عشان كده معنديش اب زيهم..
بصلها بدهشه: بس انتِ عارفه ان كلنا بنحبك صح؟
= مش عارفة
- لا كلنا بنحبك.. وماما كمان بتحبك!
= بس هي علطول بره البيت ومشغولة بعيد عني هي كمان عمرها ما بتيجي معايا زي امهات صحابي
" طبطب على دماغها بهدوء "
- انا معاكي يا لولي.. وكلنا معاكي ولو على مامتك فا هتيجي معاكي بعد كده خلاص؟
" حضنته بفرحه "
باك #
" مسحت دموعي بغضب وانا بستوعب دلوقتي إني فعلا ببوظ كل حاجه.. "
" حاولت اهدى.. واسيطر على اعصابي "
" فات اسبوع كامل.. "
" محاولش يكلمني خالص ولا كان بيجي عندنا.. اكتشفت اني فقدت جزء مهم جدا من حياتي!!! الحياة من غيره بشعه!! انا كنت فاكره ان مخاوفي لما اكون معاه كبيره.. بس طلع ان خوفي وهو بعيد عني اكبر!!! ومكنتش قادره اتعايش مع الوضع ده.. "
" خرجت من اوضتي بعد لما لبست عشان اقول لماما اني نازله و اقابله "
- ألف ألف مبروك يا شهيره
" استنيت لما قفلت الموبايل وبصتلها "
= كنتي بتكلمي مين يا ماما؟
- دي مرات عمك.. أسر حدد فرحه يا حبيبتي بعد اسبوعين عقبالك يا ليلى يارب و افرح بيكي.
" بصتلها بصدمه كأن جردل مياه ساقعه ادلق على دماغي وصوت زن رهيب ظهر في مخي مش راضي يختفي..! "
= انتي نازله ولا ايه يا ليلى؟
" مردتش عليها و دخلت الاوضة وانا بقفل الباب بسرعه فتحت موبايلي بعدم وعي وانا بحاول اجمع نفسي! "
" واتفاجئت انه باعت مسدج "
' لولي.. بنت عمي.. وبنتي.. واغلي حد في حياتي انا بعتذرك عن الايام الى فاتت وإني كنت بعيد بس كنت محتاج فتره اتقبل الوضع عارف ان مكنش بينا حاجه صريحه.. فا تقريبا حصل سوء فهم مني.. لكن دلوقتي فهمت انك لو بتحبيني فا بتحبيني زي اخوك.. وحاليا استوعبت كلامك.. وصدقيني مش هضايقك تاني خلينا نرجع زي ما كنا يا ليلي..
وصدقيني المره دي بجد.. لأني هتجوز.. اكتشفت ان ساره مناسبة ليا.. وبعد لما عرفنا بعض حبيتها... فا قررنا نتجوز.. هتخلصي مني زي ما كنتى عاوزة ياستي.. عقبال لما اطمن عليكي انا كمان يا كتكوتة. '
" ليلى سابت الموبايل من ايدها "
