رواية فصلية بديلة الفصل الحادي عشر 11 بقلم ام ملكوت

شهم_

طلعت وشفتهه كاعده على كرسي متحرك معقوله هيه نفسهه الصوبناهه هذاك اليوم

يعني جان مقدرلهه تدفع ثمن اخوهه من بدايه بس لا لحضه شيكول هذا ابو رائد..

ابو رائد: شيخنه انتو ردتو بنيه من عدنه تكون فصليه وماحددت منو من بناتنه ننطيهه مو صحيح..

الشيخ: صحيح

ابو رائد: واني انطيتكم بنت بنتي سماء لان بناتي الثنين وحده مخطوبه ووحده ناهي عليهه ابن عمهه وخطبتهه بعد اسبوع

فاضطريت انطيكم حفيدتي وهيه امانه الله وامانتك شيخنه اريد تديرون بالكم عليهه وياريت تسوون مثل ماتفقنه ..

الشيخ: ولا يهمك دامهه بنت من بناتكم مايهم تكون بنتك او بنت بنتك اهم شي يوكف الدم

قبل لا يصير بيناتنه..وهيه بنتي وامانه الله ورسوله وامانتي لا تخاف عليهه..

ابو رائد: جزاك الله خير شيخنه

شهم_

بنت بنته يعني يصير خالهه 

الكل ب الكتل ابني ميخالف خالهه اخوهه نفس الشي تبقى بنت من بناتهم ويحبونهه ويحترك قلبهم عليهه اكيد ..

2 تع

الشيخ: يله اودعناكم مع السلامه..

سماء: تحركت السياره واني عيني ملتفته على امي وبيت جدي اتاملهم لاخر مره قبل لا ادخل جحيمي المنتضرني..

بقيت منزله راسي لحدما وره ربع ساعه وصلنه للبيت وجان اشبه بقصر بس بالنسبه الي قفص او سجن من ذهب راح اعيش بي ايام مجهوله..

الشيخ: يله بويه نزلي..

سماء: شيخ ماكدر الا على كرسي..

الشيخ: اي صحيح بويه باقر طلع الكرسي وصيح لمرتك تجي تساعدهه وتنزلهه..

باقر: حاضر بويه ..

الشيخ: شهم انت روح جيب السيد وتعال حتى يعقدلكم يله بويه..

شهم: حاضر..

هاي رفت مشيته هيج طيحت قلبي شحال زمخته ولا شحال ضيم روحي اذا ضربني الله يساعدني ويقويني ويصبرني واهم شي ينطيني القوه حتى اعيش بعد مايضربني..

شويه واجت مره حليوه يجي عمرهه بالثلاثين استقبلتني وبوستني ونزلتي اكعد بالكرسي

حسيتهه لطيفه يالله ثالث فرد لطيف من العائله طبعا الثنين الاولين هوه الشيخ والاسمه باقر..

كعدت ودفعتلي الكرسي ودخلتني للبيت هوى الحديقه يشرح الصدر بس لمن دخلت البيت اختنكت 

حجاره وكفت بمجرى التنفس حسيت روحي طبيت لسجني شفت هواي نسوان بس محد سلم بس مره جبيره وثنين بنات شابات ..

الشيخه: هلا يمه تفضلي البيت بيتج..انه الشيخه فضيله ام شهم

سماء: هلا يمه انطيني ايدج ابوسهه..دنكت وبست ايدهه..

الشيخه : يمه ليش بالكرسي بيج شي..

سماء: لا صارت عندي اصابه قبل فتره وسببتلي شلل مؤقت برجلي..

الشيخه: يبووو الله يكومج بالسلامه بنيتي..

سماء: الله يسلمج شيخه..

وتالي اجلي البنات الشابات..

سمر: هلو اني سمر اخت شهم

سحر: واني سحر اخت شهم واخر عنكود

سماء: هلو بيجن تشرفج بمعرفتجن اني سماء..

سحر وسمر: عاشت الاسامي

سماء: شكرا..

الشيخه: يله يمه اخذن البنيه جهزنهه حتى يمهرون لمن يجي السيد..

سحر وسمر: حاضر يمه..

سماء_

اجن دفعلي الكرسي بس ماكدرت اصعد فوك لغرفه شهم ودوني لغرفتهم البنات وبدلن ملابسي

وخللي مكياج خفيف ماكدرت اكلهن لا حسيت نفسي مثل اللعبه كاعد يخلولهه مكياج وهيه ساكته .. 

سماء: انشالله..

سحر: الله شحلاتهه مرت اخوي عين الله عليهه ..

سمر: اي ماشالله كلش نازكه..

سحر: الا اكول سماء انتي منا يعني من ميسان..

سماء: لا اني من البصره بيت جدي هنا..

سحر: هااا اكول الترافه البيج مال بزر دلال مو كرب بالبساتين مثلنه..

سماء: لااا بالعكس انتن احلى مني واحد يحجي بخته..

سمر: عيونج الحلوه حبيبتي..

سحر: يروحي تسلمين..

سمر: يله كملنه امشي نطلعج يم الشيخه على مانرتبلج الغرفه الجوه تبقين بيهه لحدما تطيبين..

سماء: ماشي..

اخذني ودني يم الشيخه والنسوان وبقن يصلن على محمد وال محمد وضلن يسولفن وياي.

.غريبه مساع ماسلمن علي وهسه يسولفن وياي ويتعرفن علي..

سعاد: هلو حبوبه اني عمه شهم الجبيره سعاد وهذن بناتي [سهى وسجى]

هند: واني هم عمته الوسطانيه هند وبناتي[سهر وشذى]

ساره: واني عمته الصغيره ساره وماعندي بنات بس ثنين ولد صغار يم ابوهم عفتهم هههه

هبه: واني هبه مرت شعلان اخو شهم الاصغر منه وبعد عنده اخو ساجد اسمه مامتزوج..

سماء: هلا حبيباتي تشرفت بيجن ..

✊️✊️✊️

الشيخه: منو 

باقر: اني باقر يله خلي تجي البنيه تعقد السيد يصيحهه..

الشيخه: اي راح نجيبهه..يله يمه امشي نروح جيبي العبايه اخليهه على راسج ..يله امشينه..

سماء_

اخذتني الشيخه لباب الديوان واني روحي وقلبي وجسمي كلهه ترجف عبالك راح يخلون سيف حاد على رقبتي وبس اتنفس يجرحني لحدما يموتني بالاخير..

رحت وسالني الشيخ وردتت وراه ومهرنه بس بدون لا هلهلوله لا صفكه لا شي ولمن كلت موافقه جان بالي رشا وحياتهه يلي ضحيت بروحي علمودهه 

تذكرتهه وهان كلشي بالدنيا وكدرت انطق واكول موافقه بكل سهوله ... خليت ورجعتني الشيخه للصاله شويه واجت سمر..

سمر: تلهث من التعب...... يله حبي تعالي ويانه جهزنه الغرفه ورتبناهه الج راح تكعدين بيهه كم يوم على ماتطيبين تالي بعد يصير منامج بغرفه شهم ماشي

سماء: ماشي شكرا حبيبتس تعبتكم وياي..

سمر: لا ولو حبيبتي يله خلي نروح للغرفه عن اذنكم ياجماعه..

سماء: عن اذنكم..

الكل: اذنج معاج حبيبتي..

سماء_ 

اخذتني للغرفه ونزعتني الحجاب وعلكته هوه والعبايه البيضه تالي كتلهه..

_اكلج حبي اختنكت من الفستان طلعيلي دهداشه بلا امره عليج

سمر: لا مايصير حبيبتي لازم الفستان زوجج يفتحه الج حبيبتي احنه هيج عدنه العاده وامي كالت شي مافهمته بس كالت كليلهه وهيه تفهم..

سماء: شنو هوه

سمر: كالت نيشانج مسحي بالعبايه البيضه هاذي ..

سماء_ 

راحت سمر شويه واجت وياهه سعاد عمه شهم ..

سعاد: ها يمه محتاجه شي مني..

سمر: عمه بيبي كالت كولي لسماء نيشانج مسحي بالعبايه البيضه بس لا انه ولا سماء نعرف شنو قصدهه..قصص ماي هوبس 

سعاد: هههه ماعليج روحي انتي خلص شغلج هنا اني اكلهه شنو يعني ..

سمر: ماشي يله رايحه اني اي شي تحتاجي صيحيني بالغرفه البصفج اني ماشي حبي..

سماء: ماشي حبيبتي..

طلعت واجت كعدت سعاد يمي ولزمت ايدي وبقت تعلمني على ليله الدخله وشنو لازم اسوي 

4 ت

وغيرهه من هالسوالف واحس جسمي كله صخن وصار يرجف اول مره اسمع هيج شي .. 

خلصت حجي وطلعت واني بقيت خايفه من الكالته الي سعاد بقيت ادعي ربي كون ما اتاذه ولا انوجع 

بس شلون معقوله اكدر اسوي هيج ويا واني رجلي ماحس بيهه مشلوله يارب كون يشوف حالتي ويعوف هاي السالفه لمن اطيب يااارب يارب..

بقيت ادعي منا لصارت بال١١بليل وصار البيت هدوء بس اسمع سوالف البنات بالغرفه يلي بصف غرفتنه ماحس الا انرفس الباب ودخل علي مثل الثور الهايج..

لجميع الفصول من هنا