رواية ضحية والدي الفصل الحادي عشر بقلم يمهر حسين
باوعت علي شغل السيارة وراح حيل ضجت من راح بقيت افتر واحوس بالغرفه طكت روحي مليت من هالوضعيه.كمت افكر شوكت راح ارجع للبيت وليش لي هس ابوي ماسوى شي اوووف ياربي ساعدني
بقيت على هاي الحاله للساعه12.فتح الباب عدنان :نزلي تتغدين
سهى:هاا. هس نزلت تغديت وصعدت لغرفتي ورة شويه دخلت الحجيه للغرفه وكعدت تسولف وياي.اثناء حديثنه كالتلي: لي هس ماتراضيتو.استغربت من كالتلي هيج
سهى:مافهمت؟ ويه منو اتراضى
الحجيه:شوفي بنتي ترى اني اعرف كلشي
سهى:والله ماكاعد افهم شنو تقصدين
الحجيه: ليش متقبلين تراضين قصي
سهى:دقيقه عمه شكاعد تحجين على شنو نتراضي
الحجيه:ترى هو حجالي كلشي.بقيت متفاجاة من كلامها وحبيت افهم الموضوع
سهى:شنو حجال قصص♥️ شيوخ♥️ ومشايخ♥️ وضباط♥️ وفصليات♥️
الحجيه:هو كالي انو انتي حبيبته وانو انتي زعلانه منو لان شفتي مع وحدة غيرج ويريد يصالحج وانتي متقبلين.كل مايحاول يراضيج ترفضين وتنهزمينن على مود هيج هو جابج هنا حتى تهدين وتصالحي.وحتى كالي اخاف هي تكلج انو انتي مخطوفه ومعرف شنو.هذا كله حتى بس اساعدج تنهزمين لان موراضيه تصالحي
.من كالتلي هيج مثل الصدمه او الفلم وتذكرت وكت عالريوك من عدنان كالي هيج وقصي كام يأشرلو .كمت حجيتلها كلشي.بالبدايه ماصدكتني .معرف شون الحجيه صدكت هيج جذبه بس اكول مرة جبيرة بالعمر وبسهوله ينضحك عليها
سهى:بعدين قصي خاطب.شون هيج صدكتي.والبارحه ماشفتي شنو سوو بيه من جيت وشفتي حالي.حاولت انهزم ومسكوني قصص ارسلان الجاف
الحجيه:صدك خاطب.!والله يابنتي تاهت عليه اصدك منو .كلتلها على كلشي وكمت ابجي.تاثرت كلش بحالتي وصدكتني
الحجيه":والله يابنتي لوميته ولا داريه بهالسالفه
معقوله هيج يسوون حسبي الله ونعم الوكيل
تريدين الصراحه يمكن اصدك صفوان وعدنان يسوون هيج.بس قصي لاوالله ابد ماتوقعت يسوي هيج ويشارك بهيج عمل معاهم.قصي الحجي مربي احسن تربيه.كلش نقهرت من عرفت الصحيح وكامت تبجي
سهى:هس الحل شنو شون اكدر اخلص منهم
الحجيه:المشكله اذا اكول اني للشرطه راح يروحون بيها وكلبي ماينطيني اسلمهم للشرطه.واذا الحجي عرف بالسالفه كبل ينجلط ويمووت .
سهى:يعني خايفه عليهم لاينسجنون .واني شنو ابقه هيج .عفيه ساعديني او احجي معاهم هدديهم مثلا بلكي يقتنعون يعوفوني
الحجيه:والله تاهت عليه.هاي تالي عمري هيج سالفه تغثني .لاتخافين بنتي انشالله تنحل شغلتج ماراح احجي مع هذوله من يجي قصي يصير خير
عرفت من خلال حجيها انو مابيدها شي بس بلكي تحاول
بعد ماكملنه حجي طلعت من الغرفه واجه صفوان تايقفل الباب.بقه واكف يم الباب ويباوع عليه.نضراته كلشش ماعجبتني وحيل خفت منه قفل الباب وراح
نمت وكعدت العصر .وبقيت وحدي بالغرفه الى الليل .ونفس الروتين اجه عدنان ونزلت وياه اتعشه تعشيت وخلصت الحجيه نادتني للمطبخ رحت معاها بقينه نحجي شوي ارتاحيت من هي عرفت وتعاطفت معاي.كاعدين نسولف فات صفوان للمطبخ يشرب مي.باوعت يباوع عليه بنضرات وكحه.مارتاحيت ابد منه
وراها رحت للغرفه وقفلو الباب.تمددت تانام انفتح الباب باوعت صفوان.كتله شتريد
صفوان:مارايد شي...بس ردت اتأكد انج موجودة بالغرفه لو لا
حسيته ديجذب .فات عدنان.وكاله:شعندك هين
صفوان:ماعندي شي بس ردت اتأكد انها مانهزمت
عدنان هم مارتاحله من شافه بالغرفه
عدنان: اي تاكدت هس موو..يله امشي طلعو وقفلو الباب
رجعت نمت وكعدت الصبح ونفس كل مرة نزلت اتريك وكامو يحجون
عدنان:اكلك اليوم خطوبه قصي ومها
صفوان:هاا .هيج فجاة
عدنان:والله مادري .بس خابرني كالي مايكدر يجي اليوم لان الخطوبه اليوم هيج متفقين
بصراحه ضجت بداخلي من هيج كال معرف ليش بس ضجت
صفوان:وشلون منو راح يبقه اليوم هين لعد؟
عدنان: مانكدر نبقه هين اثنينه امي كامت تشك بينه .اليوم لازم اروح للبيت .انت ابقه هين
صفوان:شنو يعني تخلون الشغله براسي
عدنان:عندك غير حل مثلا..
راح عدنان وبقه صفوان
عده اليوم مثل اي يوم ملل ونوم وكوابيس واشتياق للاهل
اله ان صارت الساعه11 واني بالغرفه تانام هس بديت اغفى
انفتح الباب باوعت صفوان
متت من الخوف والرعب كعدت اعدل بنفسي
سهى:شعندك جاي بهيج وقت شتريد؟
صفوان:ماريد اسمع صوتج
كالي هيج وقفل الباب . كمت اصيح كبل جه خله ايدة على حلكي تاماعيط قصص ارسلان الجاف
وبدة يتحرش بيه وكام يخلي ايدو على جسمي حاولت بكل قوتي ابعدو عني ودفرته وصيحت
رجع ضربني راشدي وسد حلكي بيدة .كام يندك الباب
هو معد يكدر من الخوف .سمعت صوت الحجيه تكول :خير بنتي شبيج.عضيت ايدة وصيحت :ساعديني عفيه
رجع سد حلكي.كامت تدك بالباب قوي .اخر شي استسلم هو وراح فتح الباب رحت اركض عليها وابجي
الحجيه:خير شكو شبيج وانت شجابك هين بهذا الوق
سهى:راد يعتدي عليه.احجي وابجي
ضفوان:والله موصحيح دتجذب
الحجيه كبل فتهمت السالفه وراحت علي وضربتو راشدي......يتببببع
ضربته راشدي وكالتله:يابلا اصل شون الك نفس تعتدي على اعراض الناس .ومخليتك بيتي ماالك كعدة هين والقران اسلمك بيدي للشرطه اطلع برة .كام يتوسل بيها ويكللها:والله ساعه شيطان اعذريني
الحجيه:ماالي حجي معاك يجون عدنان وقصي ينجازون بيك.من كالتله هيج معد يكدر مات من الخوف وكام يبوس برجلها ويتوسل حتى ماتعلمهم وتسد السالفه وتلمها.بقه يتوسل بيها.ماردت علي
اني بقيت بالكاع لامه روحي بيدي صابتني الرجافيه بس ارجف من الخوف معد اهدء.احس حتى الحايط موأمان كلشي كمت اخاف منه
اخذتني الحجيه للغرفه مالتها.وفرشتلي فراش
الحجيه:نامي بنتي نامي
سهى:اريد انام يمج
الحجيه:تعالي قصص شيوخ ومشايخ وضباط وفصليات
رحت نمت يمها بفراشها كمت احس كلشي مو أمان
تمددت بحضنها وغمضت عيوني والدموع تجري
الحجيه: حسبي الله ونعم الوكيل عليهم .انشالله الله ياخذ حقج منهم بجاه الحبيب محمد
نمت وحلمت انو اني بالبيت مالنه ويه اهلي وكانو حقيقه .فجاة كعدت وتذكرت الحقيقه المرة الي اني بيها حسيت نغزني كلبي معد اكدر حتى ارجع انام كعدت بفراشي وكمت ابجي واشهك اله كعدت على صوتي الحجيه:ولج بنتي كافي ارحمي نفسج وكامت تبجي على بجاي.الحجيه: والله راح انجلط بهاليل من هالقهر كومي بنتي غسلي وتوضي وصلي بلكي الله يفرجها عليج
كمت وياها غسلت ورجعت صليت ودعيت من كل كلبي حسيت نفسي شوي ارتاحيت ورجعت نمت كعدت الصبح على صوت الحجيه شايله صينيه بيها ريوك رمتها يمي
الحجيه:كومي تريكي
سهى:مومشتهيه والله
الحجيه:مايصير هيج حرام عليج تعذبين نفسج.ترى النفس الها عليج حق
كعدت تريكت وياهابدون ماغسلت خلضت وكمت تاغسل .باوعت شفت صفوان مقابيلي مورايح باقي بالبيت لان موصينو عليه.رحت امشي علي
سهى:تفووو
مارد عليه بقه مدنك راسوو يعرف نفسو شسوة
عدة الوقت وصارت الدنيا عصر
الحجيه:بنتي اني اروح بشغله هس ارجع
سهى:لا لا تروحين اخاف وحدي ابقي عفيه
الحجيه: لاتخافين ماطول هس ارجع اقفلي باب الغرفه من داخل. بهاي الاوقات اني بغرفتها نزلت من غرفتي من وكت حاول يعتدي عليه
سهى:بس لاتطولين
الحجيه: لا ماطول
راحت الحجيه واني قفلت الباب
ورة نص ساعه اندك الباب
سهى:منو
الحجيه: هاي اني فتحي الباب.فتحت الباب الها فاتت وشايله معاها علاكه انطتني اياها
الحجيه:هاي اشتريتلج هدوم وكم شغله وياهم
اخذت العلاكه فتحتها جايبتلي كلابيات مالبيت اثنين كلش حلوات وداخليات وطوق مال شعر وشامبو وصابون وكلادة كلش حلوة
فرحت حيل بيهن .تسلمين عمه ماقصرتي
الحجيه:كومي لبسيهن خلي اشوفهن عليج
سهى:افوت اسبح والبسهن احسن
الحجيه:براحتج بنتي.
سهى:بس اريد تبقين يم الباب اله اطلع.صارت عندي خوفه من هذاك الحقير
الحجيه:روحي سبحي لاتديرين بال اني موجودة.اشحدة بعد يتقرب عليج
فتت سبحت خليت شامبو وصابون كلش ريحتهم طيبه ولبست الكلابيه لونها وردي فاتح كلش حلوة
طلعت من الحمام ولبست الكلادة هم.وكلش فرحت الحجيه من شافتني لابستهم
الحجيه:خلي نطلع نكعد بالحديقه كافي حابسين نفسنه بالغرف
سهى:تمام
طلعت الحجيه كدامي وطلعت وراها اول ماطلعت للحديقه .الدنيا عصر متأخر والساعه تقريبا6ونص باوعت جوكلش حلووو وهوى بي
بهاي الاثناء سمعت اغنيه
(اتمنى روحي تصير طير وتجيكم وتضل حد مامووت تفتر عليكم) باوعت سيارة اجت وكفت يم الباب .....
