رواية عشقت رجلا متزوج الجزء الثاني الفصل الحادي عشر 11 بقلم نجم اليل

       

" 

حنين...جنت الدنيا ليل كاعده وصافنه .. وتذكرت من جنت عند عمتي 

                      

جنت ضايجه وكاعده بالحديقه واجه محمد كعد تمدد واني جنت صافنه حتى سلام مارديت علي عاد كال 

                      

محمد...وين صافن الحلو .. 

                      

رمشت عيوني وباوعت علي وكتله 

                      

حنين...هيج ولا شي ولا دكول حلو رجاً ترا حتى صداقه ماصدقك 

                      

هو جان متمدد عدل كعدته وكال.. 

                      

محمد...شوفي لاتخليني اقدس مو ع كل كلمه وتهددين خوش  كافي عاد ماملتي ترا طلعت روحي كاافي ترا زهكت .. 

                      

شنو انتي مازهكتي .. 

                      

حنين...بقيت ساكته هو كام ينفخ بعصبيه .. وراح وعافني 

                      

يمكن صح اني زودتها بس ولو مايصير يكول هو يعرف بعدنه نحب وهيج اشياء حتى لو بسيطه وتافه نرجع واني ماريد هذا الشي.. 

                      

رد اجه وكعد وعاكد حواجبه ومخزر محجيت شي انه بقيت ساكته وارغبه 

                      

وكالتله .. 

                      

حنين... محمد شوف تريد تزعل او لا بس بعد لا تتقرب مني ولا تحجي هيج لان احنه بعدنه ناس تحب ناس واي شي من هذني الامور البسيطه نضعف .. وحنه ياريت ننسى 

                      

هو تنهد وكال 

                      

محمد...هسا بس فهميني ليش ننسه ونترك غير اكو سبب 

                      

حنين...ندى 

                      

محمد...هسا احنا اول ناس تحب لو اول بشر ياخذ ثنين .. لو شلون يعني  

                      

حنين...القصد انو مرتك مو ناقصه شي ولا مقصره وياك بشي والحب مو سبب كافي .. 

                      

محمد...الله كريم بس شوفي انتي الي مو لغيري 

                      

حنين...ماريدك لا انت ولا غيرك 

                      

محمد...اهم شي ماتخذين غيري 

                      

حنين...يابه ماخذ ..ماريد طالعه روحي منكم ترا الزلم بس هم 

                      

محمد...بس اني خفيف ع المعدة 

                      

حنين...هدم بيت الثقه 

                      

ضحكنه ... 

                      

ابتسمت ع هل موقف وصحتني رساله .. من رقم غريب.. وكاتب ..

                                  

              

                    

-الو انه محمد عود ردي علي  

شفت ومارديت ردت انطي حظر رد دز 

محمد...والقران اذا انطيتي حظر شوفين شي مو صاير .. 

رديت علي بتردد .. 

حنين...عفيه محمد ليش هيج تسوي والله مايصير غلط

هو رد مبين من رده معصب ..

محمد...شوفي انعل ابوج لا بو حتى الغلط كلشي غلط رفضناج غلطنه حبيناج غلطنه صدقناج غلطنه اجي اتزوجج غلطنه وتالي يعني .. 

حنين...شوف دير بالك تغلط ترا اني مو خالدة خوش ولا عبالك تخوفني والله هسا اكدر انطيك حضر واكسر السيم كارت والتلفون واني اسويها ليله سوده مو انته خوش بس لا تغلط .. 

كلشي ولا واحد يعيرني او يغلط ترا لحمي مر بهيج شغلت وجدي ماعرفه مو هذا النايم اذا غلط ارد علي بقى لا تغلط .. 

هو رد .. 

محمد...ماشي امسحي الرقم وامسحي كلشي ومن هل يوم لا اعرفج يابنت الناس ولا تعرفيني  واذا كلبي رادج ادوسه بالقندره ونعل ابو الحظ الخلاج جدامي وحبيتج ياله .. وهسا انه انطيج حظر  

بقيت صافنه تعجبت من رده وتفاجئت بسرعه ختفت الصوره لان جان حاط  .. 

دليل ع انه نطاني حظر .. 

ماعرف ليش بدقيقتها تندمت بس والله ماسمح لاحد يغلط علي او يعيرني 

وهيج احسن بقيت ابوع ع رده نزلت دمعتي .. 

ياارب شوكت اخلص تعبت.. 

مرت الايام .. بقيت مانطيته حظر يوميه اباوع  ع رده .. واباوع ع الصوره والكي بعده حاظرني .. 

اخر شي مليت كمت حذفت المحادثه بس مامسحت رقمه سجلته كتبت علي اسم بنت .. 

اخاف احد يشوفه اكول صديقتي.. 

وراها بيوم حذفت الرقم .. 

ضلت ايامي ممله .. وبيوم امي وبيبي قررن يروحن ع بيت محمود عم ابويه مرته ماتكدر .. 

اني رفضت بقيت ماحب اروح ابوي ضل وعمتي هم راحت .. 

بقى ابوي وجدي بس.. ضليت يمهم ابوي راح جاب لفات اكلنه وابوي طلع جدي راح ينام يوميه ينام قيلوله النهار .. 

اني لكيت تفاحه اخذتها ورحت اخذت سجينه .. ورحت اكصكص واكل .. 

خلصت خليت السجينه يمي وتمددت بالفراش شوي نعست تو بديت اغفه اسمع صوت باب .. 

            

              

                    

رحت اريد اشوف منو طلع محمود ركضت ع الغرفه اريد اقفلها هو يدفع بالباب احس 

بطني توجعني من الالم  .. 

هو دفر الباب قوي وطب مبتسم .. 

تقدم لعندي واني ابعد ادفر بي قيد اديني .. 

كام يوزع بوسات مقرفه ع وجهي واني ابعد 

دفعني ع الفراشي وبسرعه صار فوكاي ادفع بي ماكدر 

وهو ساد حلكي وخر ايدي يريد يبوسني بعدت وجهي  

تذكرت السجينه مديت ايدي ودفرته مدت الموس وجهته علي .. وكتله 

حنين...اطلع منه لا اصيح 

هو ابتسم بحقاره ورد علي .. 

محمود...ماتكدرين 

كام يتقدم اني بعدت ومديت السجين اخوف بي كمت اتفل علي واشتم .. 

حنين...والله انعل ابوك اذا تسوي شي ياله ولي 

هو خزر وكال ..

محمود...هاي ع منو تغلطين 

كتله بشجاعه..

حنين...عليك ياقذر يامتخاف الله ونعل ابوك لا بو يابن الكلب مد ايدك وشوف اكسرها والله 

محمود...بنت القندرة 

كال هيج وتقدم مديت السجينه بوجها

حنين...انت ابن القندرة يازفر شنو ماعندك حرام مو ذاك اليوم رحت ع مكه بس الله لا ينطي الخلوك توصل ع هيج مكان مقدس 

هو رد وكال 

محمود..راح اروح وبعدين اجي 

غمز ومشه غميته وتفل علي .. 

طلع رحت ع الغرفه قفلت الباب احس صار الم بطني مو طبيعي كمت اتلوى من الخوف .. 

ماعرف حتاجيت محمد بهذا الموقف كعدت ابجي مصدومه .. اذا بالبيت ماحس بمان وين احس اخلي امي توديني ع عمتي احسن .. 

يبوو هناك محمد .. بس اخاف من محمود اخاف يجي يوم ويسوي عملته وبعدين محد يفيدني 

بقيت ابجي محتاره .. رحت سبحت منقرفه من حركاته .. 

اختلطن دموعي وي المي .. باوعت ع زندي بي طبع ايد صاير احمر الله لا يوفقك .. 

تمنيت عندي شجاعه اكول لاهلي بس اخاف ماكدر اخاف يذبحوني .. وتمنيت محمد موجود تحاجيته بهذا الوقت اكثر من اي وقت.. 

حتاجيت امي يمي اروح بحضنها .. 

شويه واجت امي وعمتي وبيبي . . 

ومرت عمي اجت باليل من اهلها .. 

ابوي اجه هم .. 

            

              

                    

كلت اكول لمريم بس اخاف دكول لامي وامي دكول لابوي ويكتلوني .. 

لزمتني الرجافه كمت بس ارجف صخنت ابوي اخذني ع الصيدليه نطوني ادويه  . 

ونطاني ابره رجعنه خليت امي تضربني الابره 

رحت تمددت وغفيت .. كمت حطيت مخده كدامي حطيت راسي عليها .. 

وذكرت محمد ولو انه شوكت نسيته .. 

جانت بنت عمتي تلعب بالحبل .. 

كلت خلي اجرب .. جنه بالحوش  اخذت الحبل منها رفعت ثوبي لحد ركبي .. 

وشديته من ناحيه الخصر وسويت لفه بحجابي مثل المصريات .. 

ونطيت مبايلي لبنت عمتي وجان مشتغل اغنيه  

كمت اكمز بالحبل والعب بي واضحك وعمتي جانت تشطف البيت .. 

ورايحه اكمزل ماحس غير ع صوت ندى ومحمد محمد كال .. 

محمد...ادري كنغر تكمزين هيج 

اني ضحكت وندى ماتت ضحك هو ضل يصنف اني نزلت ثوبي ونطيت الحبل لبنت عمتي خجلانه .. 

واخذت تلفوني .. وعدلت حجابي طبت ندى ع عمتي هو بسرعه خزرني وكال..

محمد...لا تكمزين منه خرا (يقصد شباب) 

لا ضلين تكمزين مثل الكنغر خوش 

هزيت راسي بتوتر وفتت 

بقيت اتذكر مواقف الى ان نمت ..  

. 

بعد مرور 10 ايام .. 

حنين... جنت كاعده بالمطبخ يم امي سمعنه طبكه باب طبت بنت عمتي رنا .. 

رحت ركضت ع الباب مدري ليش خطر ع بالي محمد رحت وكفت يم الباب جانت عمتي ورجلها ..

عصرت ايدي بقهر طبو جوه .. 

ورجل عمتي للعصر وراح .. 

بقينه نحجي وكلت لعمتي .. 

حنين...شعجب جيتي .. 

رنا...والله كلنه نتوونس كم يوم  

ام حنين...البنات شلونهن ندى فاطمه ايناس .. 

رنا...والله الكل زين خطيه ندى جت هي ومحمد ويانه عفتهم راحو ع الدكتورة .. 

عساس خطيه ندى غابت عليها يمكن حامل جت تاخذ تحليل .. 

حنين...كمت ارمش بعيوني .. متفاجئه عضيت شفتي .. 

ام حنين...هاا خطيه الله يجعلها .. 

حنين...خطيه الله يزقها .. 

بقن يسولفن واني بالي مو يمهن .. يمكن صح نساني وبعد مايردني وجاي يبني حياته احسله اخذ حسرة .. 

امي كالت 

ام حنين...شكو هل حسرة 

حنين...يمه خلي باجر نروح ع بيت خالي من زمان مارحنه .. 

ام حنين...هسا اجت عمتج ..

رنا...اي والله خلي نروح عليهم 

كمت عاد من عدهم فتت ع الغرفه خذلتني دمعتي ونزلت .. يعني معقوله نساني 

ياله بعد احسن ربي يوفقه .. 

خانتني دموعي ضلت تنزل مثل الشلال واقنع بحالي نسيته .. عصرت اديه قوي لدرجه ايدي كامت ترجف  

حسيت اكو خنكه كلش جبيره بصدري 

كمت اخذ شهيق وزفير بقوة 

اصعب شي من تحب شخص ومالك اي حق بي وهيج حالي وي محمد احبه بس مالي حق بي .. 

حطيته ع اغنيه نور الزين ذكريات صدك هسا حبنه ذكريات كلشي مات نمت والغنيه باذني .. 

ماكعدت لثاني يوم بال7 من المغرب نمت لل7 الصبح .. 

كعدت لكيت تلفوني ماكو وسماعاتي باوعت لكيتهن ع الشحن يمكن امي حطتهن .. 

كمت صليت ودعيت الهم الله يوفقهم مامقسوملي هي كوة تريكت وبس صافنه بدلت ورحت اني وعمتي وامي ع بيت خالي.. 

وصلنه حضنت مريم كلش قوي هي ضلت ترمش بعيونها .. 

بوست مرة خالي وع سجى شكد مشتاقه الها .. وع ضحى سالمت . . 

عليهم كلهم رميت عباتي ورحت ع غرفه مريم حطيتها هناك .. 

بقيت الهي حالي وي سجى ونلعب مسابقات بالمبايل .. 

ضحى تشارك ومرات لا .. بس اكيد اكو شي بداخلي مكسور ... رغم كل شويه ادعيلهم الله يوفقهم .. 

💔💔

غلسو💔