رواية عشقت رجلا متزوج الجزء الثاني الفصل الثاني عشر 12 بقلم نجم اليل

                      

جنت احس الكل مرتاح اله اني وهناك اجه ابويه ومحمود .. 

                      

يبووو الخوف تملكني والقرف وكلشي .. 

حسيت الم بطني من الخوف .. 

                      

نطوني حب فلاجين .. عبالهم بطني بس بطني احسها جاي تتمزق من الداخل بسبب الخوف اخاف يوم يستفرد بيه ويسوي سوايته القذره وانه اموت واموت حالي والله ... 

                      

الام والخوف وتوتر وتفكيري بمحمد كله دايزيد الالم بطني .. 

                      

ماعولت اليوم يخلص ونروح .. 

رجعنه وباليل كاعده بالفرش .. 

                      

وكلت .. 

                      

حنين...يمه عود اريد اروح وي عمتي هناك .. 

                      

رنا...هلا بيج 

                      

ام حنين...بكيفج كولي لابوج وروحي .. 

                      

هزيت راسي .. 

                      

وثاني يوم رحنه لسود اني وعمتي .. 

وهناك طبت ع بسطيه جان هذاك الغثيث العينه زايغه .. 

                      

يبوو عاد ع حظي .. 

طبينه تشتري عمتي وهو يعامل وعينه عليه ضل يمشي هيج وهيج لحد مصار عندي 

                      

عمتي تباوع حسيت اكو شي يتسلل ع فخذي .. دنكت شفت ايده يفرك بفخذي رفعت وجهي احس وجهي راح ينفجر بعدت عنه بسرعه هو غمز ونطاني ورقه .. 

                      

وراح ع عمتي شفت الورقه بيها رقمه شكيتها ورميته بالكاع دست عليها .. 

                      

هو شافني عاد تفلت ع رقمه هو ابتسم .. 

خلصت عمتي طلعنه .. 

                      

ورجعنه للبيت وجانت بنتها تمشي ورانا باوعت وره شفته يمشي ورانه ويضحك .. 

                      

عزززا هذا شجابه .. 

                      

جانت الدنيا عصر كلت لعمتي تاسرع كمنه نمشي سريع وهو يسرع ورانا .. 

                      

صار تنفسي سريع قرب علينه رفعت راسي شفت محمد .. 

                      

دنكت راسي بسرعه وهذا يمشي وراي خرب بحظي .. 

                      

وصلنه سلمنه علي بس مارفع راسه عليه ابد ولا حتى سلم علي ... جان هل شي يحركني من داخلي حسيت ضعت وضاع مني هذا ابو المحل من شافنه وكفنه رجع .. 

                      

ضل يحجي وي عمتي واني ولا عبالك موجوده 

                      

مشينه وهو مباوع علي .. حسيت اجتني البجيه .. 

                                  

              

                    

خلي هيج احسن بقيت حابسه دموعي لدرجه كمت ماشوف من دموعي بسرعه نزلن مسحتهن بسرعه .. 

طبينه وحساسي بين الخوف والضياع والخسارة .. 

خايفه من هذا ومن محمود .. وضايعه بحساسي اريد محمد وماريده مزوج .. 

وخسارة احس صدك خسرته .. 

وراها ب3 ايام اجه محمد ع عمتي ياخذها .. 

ورحت وي عمتي بعدما اخذت الاذن من ابوي .. 

سلم بس علي متجاهلني ولا عبالك موجوده اصلاً وهل شي قهرني .. 

صعدنه وياه ومشه بينه جان مشغل اغنيه .. صلاح حسن مو ردت تخلص من عندي اني راح اخلصك مني .. 

جان مشغلها ومركز بالطريق .. رجيت راسي ع الجام وصفنت ع الطريق .. 

حسيت حتى جيتي غلط .. ردت اكول الهم رجعوني ..

نهضمت كلش ونزلت دمعتي محبيت اوكفها كافي صار سنين وهي واكفه .. 

بقيت ع كل كلمه من الاغنيه تنزل وصافنه .. 

مسحت دموعي وصلنه ونزلنه .. 

ونزلنه الغراض وطبينه بالبيت .. 

اول يوم عادي اصلا ماشفته حتى .. ندى 

ماجت .. ثاني يوم اجت ندى بس هوى ماجه .. وباليل طفت الكهرباء وصعدنه فوك السطح .. 

فرشت لعمتي وزوجه ع غير جه واني وبنتها ولدها بغير جها .. 

كمت افتر وحاطه الاغاني جان الاغلب طافين من الكهرباء بسبب عطل .. 

بس كم بيت مشغلين المولد .. 

وجان من ضمنهم بيت اهل خالده .. 

حبيت الضلمه بس زعجني الضو باوعت شفت محمد كاعد يم زلمه يحجون .. 

بقيت اراغبه اباوع علي شويه والزلمه .. 

كام ضل محمد يمكن ينتظره .. 

وجته خالده مدري شتحجي وياه هو كام يريد يطلع هي حضنته .. 

نصدمت من تصرفها حسيت كمت اغلي من داخلي .. 

بعدت رحت تمددت بقيت اباوع النجوم وابجي .. 

الى ان نمت وثاني يوم هم متجاهلني ولا حتى يجي واذا اجه مباوع علي ولا حتى يسلم .. 

جان هل شي كلش يكتلني ماستحملت الوضع كلت خلي ارجع للبيت احسلي مستحمل بعد .. 

عمتي كالت روحي ع محمد صيحيله يجي مدري شيسوي .. هزيت راسي ورحت لكيت ندى بالمطبخ كتله وين محمد عمتي تريده كالت بالغرفه .. 

            

              

                    

رحت علي جان متمدد وكتله .. 

حنين...عمتي رنا تريدك .. 

هو هز راسه وكام اني بقيت واكفه قرب اني جنت واكفه بالباب دفعني من جتفي طخ بالباب كلش 

اذاني عضيت شفتي هو باوع علي ودفعني النوب وكال ..

محمد...ترا جيت ماراح اطير روحي جدامي..

نقهرت كلش من تصرفه رحت ومن اجه بده شتغل 

وطلب جاي من عمتي عمتي كالت صبيله صبيتله ماشربه لان جنت مركزه وياه انوب صاح .. 

وين الجاي عمتي كالت شنو ماوديتيله كتلها مبله يمه 

هو كال بارد .. عمتي صيتله جديد وبسرعه شربه مدري شنو معنه تصرفه بس يمكن بعد مايطق حتى ياخذ شي مني .. 

حسيت حالي ثكيله .. كلت لعد مابقه خلي اروح 

ثاني يوم كلت اروح

بقينه اني وعمتي كتلها والله لا اروح ماضل .. كالت لعد اخلي محمد يوديج .. 

كتلها لا هسا ادز ع ابوي كالت خطيه .. 

كتلها احسن .. 

دكيت ع ابوي كال ماكدر .. حرت شسوي خابرت ع مريم دزلي ساهر كالت هسا يجي .. 

ضليت انتظره وعمتي تحجي عليه مهتميت .. 

اجه ساهر حضرت حالي ردت بس اشوفه اخر مره يمكن بعد ماجي .. 

ماشفته ضلت حسرة بكلبي خلاني اشتعل بناري كوه حبست دمعتي.. 

صعدت ومشه ساهر رحنه وكل الطريق لازمه حالي مابجي واعصر باديه . 

وصلني طبيت للبيت .. 

امي شافتني تفاجت سلمت عليهم ضليت اتظاهر بالبرود .. وارسم ابتسامه .. 

قصص ارسلان جاف 

مرت ايام واجه اليوم الي نروح بي ع خوالي .. 

رحنه اني وامي ابوي اخذنه خوالي بغير محافظه .. وصلنه وسلمنه ع الكل ..

كعدت اني وبنات خوالي وخالاتي نسولف

ونضحك .. 

وفجأة طب فراس سلم ضل شويه كاعد وراح .. 

جانن بنات خالي يغمزلي .. 

عود ع فراس.. 

سكتت عنهن اني وين وذني وين .. 

ضلينه هناك 15 يوم كلشي ماكو .. 

وجه يوم جنه كلنه كاعدين وكال خالي .. 

عبد الرحمن...اني طالب ايد حنين لفراس 

            

              

                    

حنين...بلعت ريكي بقلق 

ام حنين...والله هي الك كبع واخذ .. 

عبد الرحمن...احنه نريد موافقه حنين .. 

اني كمت بسرعه اسمعهم يضحكون يكولون خجلت .. 

عفتهم احس خنكه بصدري مو طبيعيه .. 

رحت احس عيوني كامن يحركني .. 

بس رافضه ابجي اجن البنات علي .. 

شويه وراحن اجت امي جانت تحجي ويه 

عمتي رنا .. اسمع دكول .. 

ام حنين...ياا خطيه ليش اجه هيج وياها .

شويه وسدته وسالتها ..

حنين...شكو 

ام حنين...هاي عمتج رنا حجيتها خطيه دكول صارت مشكله بين ندى ومحمد واصله لطلاك .. 

حنين...هاا خطيه ليش 

ام حنين...مادري والله كلشي مافهمت الاتصال يكطع .. 

يمه فكري زين ترا فراس خوش ولد وانتي عند خوالج مو دكولين احب عند خوالي ..

حنين...بقيت ساكته طلعت رجفت شفايفي 

من الخوف معقوله يطلكه لان سمع اريد اتزوج .. 

جنت حافظه رقمه سجلته لكيته حاظرني بعده ادك ع الرصيد هم حاظرني ..

اخذت مبايل امي والمغرب صعدت فوك السطح .. حطيت رقمه يتصل .. 

جنت دكاتي سريعه خايفه واتلفت رفع خط وكال الو .. 

سكتت صار شكد مسامعه صوته ياربي . 

تجرأت وكتله .. 

حنين...الو اني حنين 

هو سكت عدة ثواني وتغيرت نبره صوته وكال بنزعاج 

محمد...خيييرررر شكوو

حنين...اسمع خطيه لا طلكها عيشو حياتكم واحنه مالنه نصيب ترا هي حام..

ماكمت وقاطعني .. 

محمد...و انتي منو يمج ومنو شكالج الحال مشاكل اني ومرتي .. اصلا خليها بالج .. ماريدج ولو يضل اخر حل اطلك ندى علمودج ماسويها ..خوش 

ولا دكين بعد .. 

كال هيج ..وسدة لا ممعقوله كعدت ع بايه درج جنت بالطابق الثاني فوك السطح .. 

بجيت وبجيت وبجيت وعيوني ماخلصو بجي .. 

كمت بسرعه رحت ع امي وكتلها موافقه .. 

اخذته يمكن بعصبيه وتسرع مدري اذا صح او غلط 

            

              

                    

هي بتسمت وحظنتني .. 

ونطو الموافقه لخالي بس هو كال اله اسمعها من حنين 

اجه سالني ونطيته 

خابرو ع ابوي يجي علمود بس يعقدون قرآن .. 

ابوي وافق .. 

وثاني يوم اجه هو وجدي وبيبي 

سوو خوالي غدة .. 

وره الغدة عقدولنه قرآن 

ماعرف شعوري بذاك الوقت غير المجهول .. 

خايفه من كلشي .. 

فراس عنده عادي . اصلاً ولا عبالك عقدنه ولا خطيبته .. 

ممهتم ومن يشوفني عبالك يضوج عبالك غاصبينه عليه .. 

مهتميت اله بس جان بالي وفكري كله عند محمد .. حاولت انسه اكرها مكدر .. 

وباليل جان اخر يوم باجر نرجع .. 

كالو روحي ع فراس ودعي .. 

رحت واني متردده وخجلانه ..

رحت وصلت اريد ادخل اسمعه يكول ..

فراس ...لج بس اصبري والله ماريدها بس سكتت ابوي .. 

بقيت اتسمع لحجيه مبين ويه بنيه اخر شي ضحك وكال ..

فراس...ههههه جايج جايج نتظريني اليوم نسهر متشاقلج .. 

سمعت كلامه ماعرف شنو شعوري بس وحده مخدوعه طلع وشافني ومهتم اصلاً 

طلع ولاسأل ولا اي شي .. 

نقهرت كلش 

والي قهرني حالي .. حبيت متزوج ..عم ابويه يتحارش ابو المحل مصيبه وهذا فراس الخ .. 

ليش هيج حظي كاافي تعبت .. 

رجعت ورحت كبل نمت .. 

ماكعدت للفجر جانت ساعه بال6 كمت صليت اكلت كم لكمه علمود طريق ومادوخ ..

صعدنه ودعناهم ورحنه وطول الطريق صافنه .. 

حطيت سماعاتي .. وضليت ابوع ع الطريق .. 

لل12 ابوي وكف عند مطعم نزلنه تغدينه رجعنه كملنه وصلنه ب3 

كبل سلمت عليهم سبحت ونمت .. 

رغم ماحب النوم بس هو المهرب الوحيد من الواقع الاليم...