رواية ضحية والدي الفصل الثالث عشر بقلم يمهر حسين
باوعت صرصر كمت اصيح بصوت عالي واكمز من مكان لمكان
قصي من سمعني اصيح وشافني هيج جفل وكام على حيلو
قصي:ولج فهميني شبيييج
سهى: صرصر والله صرصر
قصي:خرب يومج ولج حسبالي شفتي عبوة.وكعتي كلبي
حسيت تفشلت من هيج كالي رحت لفراشي خجلانه من موقفي ونمت كعدت الصبح وعدة اليوم مثل اي يوم عادي نفس الروتين وملل
صارت الدنيا مغرب.وجنه كاعدين اني والحجيه بالطارمه
الحجيه:شنو اسوي عشه
سهى:مادري
الحجيه:والله اني مشتهيه كبه
سهى:ليش لا.خلي نسوي
الحجيه:قصيي.قصيبيي
قصي:ها عمه
الحجيه:مشتهين كبه روح جيبلنه لحم مثروم وجريش
قصي:شنو تتوحمين لازم. اخاف حامل هههههه.والله عمي موقليل طلع
سهى:هههههه
الحجيه:عمت عينك عالهسالفه موعيب بعد هيج عمر.بعدين عمك موكادر يكوم على حيلو نوب عاد.....
ضليت اضحك على سوالفهم.راح قصي وجاب مسواك وسوينه الكبه اني والحجيه وتعشينه طلعت كلش طيبه
.بس لاحضت كل اليوم قصي يخابر مع خطيبتو ومتعاركين لان اسمعو مرات من يحجي عرفت بينهم مشاكل
صارت الساعه8ونص باليل.رحت اغسل مواعين
اندك الباب وطلع قصي عالباب واني اباوع من الشباك
دخل عدنان وياه بنت شابه تطلع اكبر مني بكم سنه كلش مرتبه وانيقه لابسه بنطلون اسودوقميص احمروحذاء عالي .تفاجئت منو هاي ؟دخلت وسلمت على قصي وباسته من خده كاعد يمشون وشافتني وجت دخلت من باب المطبخ من شافتني فاتت باوعت عليه من فوك لي جوة كأنو مو عاجبتها اني وكالتلي:انتي سهى؟
سهى:اي
ماردت عليه وفاتت جوة وهم فاتو وياها كعدو كلهم بالغرفه ويه الحجيه.ورى شوي نادتني الحجيه.رحت عليها للغرفه
سهى:ها عمه رايدة شي؟
الحجيه:لابنتي بس ناديتج حتى تكعدين ويانا لاتضلين وحدج.رحت كعدت بصفها لاحضت كل الوقت البنت تباوعلي وضايجه مني.وقصي كأنما موعاجبوجيتها لهنا
كاعد يحجون.دقيت الحجيه بيدي كتلها منو هاي؟
الحجيه:هاي خطيبت قصي
سهى:اهااا.رجعت شاورتها بصوت واطيء:يعني حتى هي تعرف انو خاطفيني؟
الحجيه:والله هيج مبين لو ماتعرف ماجان قبلو يجيبونها هين
كمت اني رحت للغرفه الي تنام بيها الحجيه .ضليت نص ساعه وحدي افكر معقوله حتى هي تعرف وعادي عدهم اي طبعا اذا اخوتها وخطيبها شي اكيد راح تعرف لعد شكد خايسين وموهامهم شي .بعدين طلعت من الغرفه باوعت شفتها ويه قصي واكفين يحجون بالهول ويتناقشون نقاش حاد صوتهم شوي عالي من شافوني سكتو.رحت للمطبخ شربت مي ورجعت.سمعت عدنان صاح قصي اني فتت للغرفه
ورى شوي دخلت البنت للغرفه الي اني بيها وسدت الباب
وكالتلي:سمعي زين الحجي الي راح اكلج اياه قسما بالله اذا ماشلتي عينج من قصي طلقه براسج ومن دون محد يعرف
تبلهثت حيل وخفت من كالتلي هيج
سهى:انتي شكاعد تحجين عيب عليج هيج تكولين بعدين شون افكر بواحد خاطفني.ردتلي:كولي لنفسج هالحجي ترى كلش اعرف كلشي يصير يصلني.ترى هو يحبني ويموت عليه مايباوع لهيج شكيلات
سهى:اذا هالكد واثقه منوليش دتحاسبيني؟ بعدين انتو كلكم مشتركين بخطفي واخوج الي حاول يعتدي علي كل هاي السوالف راح تتحاسبون عليها ونهايتكم مزتوتين بالسجن .من كلتلها هيج تخبلت وكالت:انتي الي ناديتي صفوان حتى يتحرش بيج بعدين تكلبين السالفه ضدو وتطلعين مضلومه على مود يكف بصفج قصي .
سهى:لعد شكد حقراء انتو وتفكيركم مسموم.كبل ضربتني راشدي من كلتلها هيج وجرتني من شعري حاولت ادافع عن نفسي بس جان حيلها اقوى مني
كطعت شعري وموتتني ضرب كمت اصيح.
دخلو للغرفه على عدنان وقصي بالكوة حجزوها عني.كام قصي يحجي ويغلط عليها
قصي:ولج انتي شون هيج تسوين ترى معد اتحملج والله ولااتحمل تصرفاتج
اجت الحجيه عالهوسه وشافت حالتي.عرفت انو هي سوت هيج بيه
الحجيه:ولكم اتقو الله بهالبنيه هو شنو ياهو اليجي حاط عليها
اني بس ابجي .اخذتني الحجيه للغرفه الخ وضلت تحجي وتدعي عليهم نمت بالغرفه اني والحجيه.كعدنا الصبح على عياط قصي وخطيبته متعاركين عركه جبيررة الي فتهمتو هو يريدها تروح وهي ماتقبل تريد تضل وياه .صوتهم كام يعله اني كمت تااروح اغسل
طلعت من الغرفه ورحت غسلت باوعت على نفسي بالمرايا شصاير بيه من وراها الحقيرة يعني اني ناقصني حتى تجي هاي هيج تسوي بيه
رجعت مريت من يمهم عدنان والحجيه واكفين بالهول معاهم هي تعيط وتكلو:اعرف ليش انت باقي هين واعرف ليش بس تريديني اروح حتى صفوان طردتو ترى اني موغشيمه.هوتخبل كلش من كالتلو هيج .جان اكو موجود مثل الوسيقه التحفيه مرميه عالميز.شالها وضربها عالحايط موقصدو يضربها على احد.من ضربها طارت شضيه منها واجت بخشمي شكته شك كبل خليت ايدي على خشمي احس دم بيدي صار معد اكدر اتنفس
وكمت اشوف الدنيا ضلمه ووكعت...
......يتبببببع🌿
#ضحيه_والدي
#تكمله_البارت_13
بقيت فترة دايخه .كعدت على صوت الحجيه فوكي وعدنان
الحجيه:همزين فتحتي..سودة عليه المصايب كلها فوكج وماعندج حض.كامت تبجي فوكي.وعدنان اسمعو يصيح قصي ويكلو صحت.سألت الحجيه
سهى:شكد صارلي فاقدة
الحجيه:وكعتي من ضرب قصي الموسيقه بالحايط باوعنه عليج بالكاع واكعه وخشمج بي دم .رحنه نركض عليج فاقدة ماتردين علينه. قصي تخبل عليج شالج ورحت اني وياه للمضمد صحيتي هناك بس رجعتي فقدتي .خيط خشمج المضمد لان نشك شوي من جوة وخلالج مغذي ونطاج علاج جبناج للبيت وبعدج فاقدة هس تاصحيتي.تفاجئت معقوله كل هذا واني مدري.ضليت بفراشي يووم كامل على هاي الحاله والحجيه تجيب كلشي لي عندي قصي خلاص ماشفته ولاسمعت صوته .رحت تااغسل وهم اشوف نفسي بالمرايا باوعت خشمي مخيط وشكلو متغير شوي.حيل ضجت وكمت ابجي متت قهر.رحت لفراشي وضليت ابجي.انفتح الباب باوعت قصي.وخرت وجهي منه ماريد اشوفه.جه كعد يمي وكالي :متريدين حتى تشوفيني باوعت علي وجهه كلش تعبااان وحاس بالندم وعيونه حمرر كالي:تريدين ترجعين لأهلج.باوعت علي مصدومه مامصدكه هيج كالي.
