رواية فصلية بديلة الفصل الثالث عشر 13 بقلم ام ملكوت

شهم_

كعدت الصبح على رن النقال شلته وشفته باقر يتصل رديت عليه_بنعاس..الووو

باقر: ادري شنو من بشر انت مسوي البنيه جثه من الضرب ومخلي جرحهه ينزف ونايم ولا على بالك

تدري لو ابوك يعرف بالسويته راح ينسيك حليب امك احمد ربك واشكره محد حجاله وخابرني وكتله نزف جرحهه وجبناهه انه وشهم

والا جان طلع بروحك ونومك مستشفى وياهه..ماتخجل من نفسك مايأنبك ضميرك شنو ذنبهه هذي البنيه تسوي بيهه هيج هاا..

شهم: خلصت

باقر: لا ماخلصت لو احجي منا لباجر ماراح يشفي غليلي بيك

بس والله ياشهم اذا تكرر السويته امس لا اوكف وياك ولا اضمضملك بعد واخلي ابوي يتعامل وياك ماشي..

شهم: هسه هذا الحجي كله لان خليتك تاخذهه عمي ارجع انه رايح ابقى يمهه ولا منيه احد.

باقر: ايا ماتستحي انه ضايج من جيتي وياهه ولك انه ضايج عليهه واشفق عليك يلي صاير بلا عقل وبلا قلب وضالم ..

شهم_

حجه كلامه وسد المكالمه ....

الشيخه: يمه راحن من الصبح اجو رجولتهن عليهن

شهم: هاا يله ماشي محتاجين شي اني رايح

الكل: سلامتك

شهم_

خليت ركبت سيارتي وطلعت للمستشفى وصلت ولكيت باقر وساجد كاعدين بره الغرفه ومبين عليهم السهر والتعب خطيه..

_ها خويه باقر روحو انتو ارتاحو انه باقي يمهه..

باقر: اشوه من حسيت روح ارجع خاف صارت زحمه عليك

شهم:ههه لا خويه شسالفه يله روحو بعد لا تجون انه باقي هنا ماعدي شي.

خليت ونزلت رحت للمطعم جبتلي اكل ورجعت للمستشفى ..دخلت للغرفه وشفت الدكتور يفحص بعيونهه وبرجلهه وهيه كاعده ..

4 ت

_مرحبا دكتور

الدكتور سمير: مرحبا ..المدام كعدت ومابيهه شي انشالله بس ديرو بالكم ماريد رجلهه تتحرك بهاي ال٣ ايام

لحدما يلتأم الجرح والا اذا انفتح الجرح مره ثانيه راح يلتهب ويصير بي عدوه ونضطر نسوي امور احنه بغنى عنهه..

(قصده بتر رجل الله يكفينه الشر)..

شهم: انشالله دكتور..

خله وطلع الدكتور وكعدت انه عل كرسي وطلعت الاكل وصرت اكل جنت جايب برياني وسوب لحم وشوربه صارت ريحه الاكل تعط بالغرفه ..

اباوعلهه بطرف عيني صافنه علي وانه اكل فجاة سمعتهه حجت بصوت تعبان..

شفته ياكل كبالي الضالم وانه من يومين ماماكله شي غير المغذي يلي لعب نفسي .

.بقيت اباوعله وبكل لكمه احس بالجوع اكثر ماكدرت اتحمل الريحه سطرتني وجوعتني كلت اجرب حضي واكله بلكي يحن علي ويوكلني..

_ااا جوعانه

شهم: ها شنو كلتي

سماء: جوعانه

شهم: ماكو اكل مايقبل الدكتور

سماء: حباب 

شهم_

شفقت عليهه خطيه قربت الكرسي عليهه واخذ كاسه الشوربه وصرت اوكلهه شويه شويه ..

شهم_

سفتهه بعدهه جوعانه خليت وجبت السوب وصرت اشربهه لحدما خلص..

_ها وهسه شبعتي لو تردين اجيبلج جدر شوربه ياله تشبعين

سماء: لا لا شبعت الحمدلله شكرا الك

شهم: اشوه..خليت ورجعت كملت اكلي شويه والتفتت عليهه اشوفهه نايمه خليت ولميت الاكل وطلعت بره بالحديقه 

بقيت صافن وادخن لحدما صار العصر رجعت للغرفه لكيتهه كاعده وصافنه بالحايط..اجيت وكعدت عل كرسي وبقيت اكلب بنقالي فجاتا حجت..

                ...................

سماء_

كعدت اشوف الساعه ب٥ العصر وهوه ماموجود بالغرفه بقيت صافنه وافكر باهلي بيت جدي رشا ومريم شكاعد يسوون هسه

_اكدر اتصل بيت جدي

شهم_باوعتلهه بخزره وكتلهه..

شتفضلتي ست

سماء_

لمن شفته هيج خليت وسكتت عرفت اجابته شنو..

_لا هيج بس اسال يمته اطلع من المستشفى

شهم: هاا الضاهر حنيتي لجحيمج تلحكين تلحكين اوريج نجوم الضهر من ترجعين فخليج مرتاحه هل يومين هنا وراج تعب جثير ..

كلت هل جملتين وطلعت بره للحديقه رجعت ادخن واصفن طالعه روحي من الدنيا كلهه..

سماء_

بعدما سمعت تهديده تذكرت ليله عرسنه وانمرد قلبي على حالتي بيومهه انفجرت بالبجي

سماء: اي دكتور بعدهه ماحس بيهه هوه اخر مره دكتوري كال تبقى شهر ويه الرياضه يرجع حيلهه..

الدكتور: اي هذا جان قبل اما هسه جرحج التهب ويرادله عنايه يعني احتمال تطولين ٣ اشهر ياله تطيبين..

سماء: لا دكتور لا تكولهه دخيلك

الدكتور: للاسف هذا الصار..

الله يعافيج ويكومج بالسلامه انشالله..

سماء: دكتور تكدر تحجي هل كلام للرجال الجاي وياي 

الدكتور: اي اكيد هسه اشوفه واحجي ويا..

سماء: شكرا دكتور..

راح الدكتور وانهاريت بالبجي ليش ياربي كاعد تصعب ماتسهل ماصدكت يمته ينتهي هل شهر ارجع انتضر بعد ٣ اشهر

خليت وشكرت الدكتور وطلعت رجعت للغرفه شفتهه عيونهه مورمه من البجي وخشمهه احمر ماهتميت خليت وكعدت

وهيه دارت وجهه على الصفحه الثاني ونامت واني هم تمددت على القنفه ونمتلي ساعه كعدت على صوت الاذان

كمت توضيت بالصحيات واجيت صليت بالغرفه وهيه بعدهه نايمه بس كل شوي تبتسم وويه ابتسامتهه تشعل روحي

تضحك وابني وجهه طامه التراب تمنيت اكضهه وارفس بطنهه 

لو ما الدكتور محذرني ان ماتتحرك...

استغفرت ربي وكمت صليت..

سماء_ 

نمت وحلمت اني بيت جدي واضحك واسولف وياهم عبالك حقيقي وخالتي عائشه وجدي وخوالي كاعدين يباوعون مباراه 

وكلساع يكمزون من مكانهم واحنه نضحك عليهم ونكرز حب ..اعرف ان هل شي حلم بس تمنيته مايخلص تمنيت ابقه احلم بيهم عل اقل اشوفهم بس بالحلم ..

بس للاسف اختفى الحلم وضعت بعالم السواد..

منا لسمعت صوت احد يناديني فتحت عيوني واشوف........

                        ................