رواية فصلية بديلة الفصل الرابع عشر 14 بقلم ام ملكوت

شهم_

بعدما كملت صلاتي طلعت بره اشم هوه واتصل علي ساجد..

_الو ها ساجد

ساجد: هلا خويه شلونك

_الحمدلله انتم شلونكم خو ماكو شي

_لا ماكو شي بس مرت اخوي تريد تحجي وياك..

_وينهه .

_الو هلا خويه شلونك اني هدى

_بكيفج خويه اذا باقر يقبل تعالي ويه ساجد

_ اي حاجيته خويه وقبل اني ساجد هسه مسافه الطريق نكون يمكم..

_ماشي يله مع السلامه

_الله وياك خويه..

شهم_

بقيت كاعد بالحديقه منتضرهم نص ساعه واجو ..

ساجد: ها خويه كاعد هنا

شهم: اي خويه انتضركم

هدى: مساء الخير خويه

شهم: مساء النور هلا خويه سماء فوك تعالو ندخل ..

سماء: اي والله بالاول كلولي شهر وتكومين على حيلج هسه الدكتور يكلي جرحج التهب ويراد ٣ اشهر ياله اكدر امشي بله عليج

هدى: اوووو مو خوش سالفه هاي يله معافايه انشالله ..

سماء: الله يعافيج حبيبتي..اي شلونج انتي الشيخه شلونهه البيت شلونهم 

هدى: والله الحمدلله كلهه طشت الخطار بصباحيه عرسكم ورجعنه على روتينه اليومي 

بس الشيخه والبنات حيل قلقانات عليج وصن بيدي سلام الج حيل

سماء: الله يسلمج ويسلمهن حبيبتي

هدى: اي محتاجه شي تردين شي كليلي اني مثل اختج او مثل امج لا تستحين مني 

سماء: لا حبيبتي حاليا مامحتاجه شي ..بس سؤال

هدى: جواب

سماء: يمته تزوجتو انتي وباقر اشو اطفالج صغار

هدى: والله خيه تزوجنه واني عمري ٢٠ سنه وهوه عمره ٢٥ سنه ومن هذاك اليوم ضلينه نراجع ٥ سنوات

ياله رحنه لشيخ بالنجف وطاح على علتي كال ملزومه وفك اللزم مالتي وبعدهه بشهر حبلت وكمت اجيبهم فوكه فوكه منا لصارو ٤ كلت بعد كافي كبرنه والحمدلله نعمه

سماء: اي مشالله الله يحفضهم الج يارب

هدى: حبيبتي ويحفضج ..اي سولفيلي انتي عندج اخوان خوات..

سماء: تسلمين حياتي ..

هدى: صار وقت العشه ماكلتي شي انتي يمكن ها

سماء: هاا اي منهد الغده ماكلت بعد

هدى: سوده علي مخليج ميته جوع وطالع بالحديقه يشم هوه ..

تعاي حبي هاي جبتلج وياي عشه لا تضنين ناسيتج الشيخه بيدهه سوتلج شوربه من جيل الستينات تصحيج وتسويج مثل الحصان..يله فتحي حلكج خلي اوكلج.

سماء: شكرا حبيبتي ..بقيت متمدده وتوكلني شوربه لحم وماش كلش طيبه من ايد الشيخه

اكلت الجدريه كلهه تقريبا هم شوربه ماتشبع وهم طيبه صرفتهه كلهه واني اكل اجو هوه واخوه شركت لمن دخل وهوه يخزرني وكمت اكح ...

هدى: يله كملي بقه شويه حتى تتقوين وتكومين على حيلج ..

سماء: انشالله..كملت الشوربه وماباوعتله بعد حتى لا اشرك بعد .

.كملت وشبعت وضمت الجدريه هدى بالعلاكه وطلعت كلينكس مائي ومسحتني حلكي وركبتي لان طاح عليهه شويه من شركت ..

_بهمس..خيه منو هذا الرجال

هدى: خيه هذا حماج اخر ولد من الولد ساجد

ساجد: هلا خويه اسف ماعرفت على نفسي..

سماء: هلا بيك خويه لا عادي بس استغفربت لان ماشفتك بهذاك اليوم..

سماء: هاا شكرا الكم خويه تعبتكم وياي

ساجد: لا العفو اعتبريني اخوج يمته ماتحتاجين شي كليلي اني عد عيناج..

سماء: تسلم خويه..

ساجد: لا ولو ..

هدى: يله حبيبتي دامج اكلتي وشبعتي هسه اخذي علاجج يله حتى ترجعين تنامين ترتاحين .

سماء: ماشي هنا العلاج بهذا المجر يمكن..

هدى: هاج خيه شربي على كيفج رفعي راسج لا تشركين بالماي.. هاذهو بالعافيه

سماء: الله يعافيك حبيبتي ..

هدى: يله حاولي تنامين مالج شغل بينه راح ننام احنه هم..

شهم_

نامت واحنخ بقينه شويه نسولف تالي كتلهم..

_خويه ساجد روح ارتاح انت مو عندك شغل باجر 

ساجد: اي والله خويه يله لعد اذا مامحتاجني بشي رايح للبيت اني ..

شهم: سلامتك يله تصبح على خير

ساجد: اجمعين خويه ..

شهم: خويه هدى نامي هنا على القنفه انه طالع بره انام عل كرسي لو اخذلي غرفه انام بيهه..

هدى: ماشي خويه..

شهم_

خليت وطلعت افتر بالمستشفى وين اروح انام هسه واني ميت تعب اخر شي سالت الممرضه

خليت ورجعت للغرفه لكيتهن بعدهن نايمات بقيت كاعد بره شويه وطلعت هدى..

_ها خويه محتاجه شي

هدى: لا خويه اريد اروح اشرب ماي

_دخلي انتي انه هسه راح اجيبلكم ماي واجي..

_ماشي شكرا خويه.

_العفو..

رحت للمحلات يم المستشفى واخذت بطاله ماي وعصاير ورجعت للغرفه انطيتهه الهم 

لكيتهه كاعده واستمر اليوم كالعاده صار الليل ونمنه حتى الصبح نطلعهه..

لجميع الفصول من هنا