رواية صراع الشيوخ الفصل الرابع عشر بقلم ليال القمر
البارت الرابع عشر
شاف الاسم الظاهر علة شاشته
كرم بصدمة : مستحيل ...
بسرعة دخل لغرفتة و فتح الخط : الوووو
رنا بانوثة : واااااي حبيبي وين رحت صارلك بالعشرة ايام متدگ علية
كرم ميعرف شصار بي من سمع صوتهة اتذكر حبه الهة فجأة وبلع ريگه وباوع علة ارجوان النايمة
كرم بصوت ناصي : هلو رنون شلونج
رنا بمياعة : وااااي فديتك اني زينة المهم انت بيك شي حياتي
كرم بتنهيدة ضيق وباوع علة ارجوان : يعني مو كلش
رنا : حبيبي شبيك صوتك مبين تعبان
كرم بضيق : اي والله تدرين انه تزوجت
رنا بصدمة : شنووووووووووووووو
شلووووووووووون وحبنة لبعض شنو لعد هااا ومو علساس تتزوجني
كرم بحسرة : حياتي ما اگدر انه...
رنا ببكاء شديد : لعد شراح اسوي اني راح انفضح كرم اهلي يقتوني
كرم بحيرة : شنهو بيدي يا رنون والله ما اعرف شسوي
رنا بعصبية : لعد ليش وعدتني بشي مگدرت تسوي هاا و اني حامل بس گلي شراح اسوي
كرم انصدم وبعد ميعرف شيسوي انسدت كل الطرق بوجهة
🔸🔸🔸🔸🔸🔸🔸🔸🔸🔸
في بيت اهل امير
امير وهو يحرك رجلة بتوتر : يعني شلون مراح تفض السالفة
حسن بحيرة : اگلك شو انه ما مصدگ هاي الامريكية حامل
امير بشك وعيونه الحادة الرمادية تتوجه ناحية حسن : انه متأكد مو بس شاك
حسن بحزم : لويش ماتكشف عليهة خالتك الحبوبة وهي تتاكد او يجيبون التقرير الطبي النه حته نشوفه
امير بخبث : وهو هاذة الي راح اسوي
الشيخ شهاب : صدگ انه شلون ما طلبت التقرير او كشف يدل على كلامهم صح
امير : هو هذة الي راح يصير نروحلهم ونشوف وناخذ خالتي ويانة
الشيخ شهاب : اي چا غير هيچ يصير من البداية مو نصدگ بكلمة كلمتين منهم
امير بخبث بداخلة { تصيرين الي يعني الي يا ارجوان ونشوف شلون حيصفه بيچ الدهر ههههههه وكرم النعال ياكل اصابيعه ندم من الحسرة }
💮💮💮💮💮💮💮💮
في غرفة كرم
كرم بصدمة : شنهو حامل وشلون انه مو كتلچ بلعي مانع
رنا ببكاء : نسيت اخذة من اخر مرة اجيت يمي وهسة ماگدر اسوي شي كرم موبيدي والله وهذة ابنة شلون تتخلة عنه بسهولة
كرم كأنو احد سطرة سطر وميگدر يستوعب كلامهة
كرم بحيرة ودوامة : انه جايچ فاهمة بعد يومين انه يمج وصارلچ شگد
رنا بتعب : صارلي شهرين
كرم يمسح وجهة بتوتر وحيرة : اوووووف نزلي
رنا باعتراض : لا ما انزلة هذة ابني ما اتخلة عنه
كرم بعصبية : گتلچ نزلي مو وكته
رنا : ما اگدر اني راح اموت اذا انزلة
كرم بغيض : حته لو تزوجتچ انتي صارلچ شهرين وعلما نتزوج فد شي شهر تكونين بالثالث وراح يعرفون انو احنة علة علاقة فگتلچ نزلي
رنا : وليش شهر خو اسبوع الجاي
كرم : ما اگدر بعده اربعين اخوية مطالع ترديني اعرس
رنا ببكاء : عفية كرم ما گدر مو بيدي وحرام اقتلة لان بي روح بريئة
كرم انقهر عليهة وهو يحبهة اصلا : اسبوع الجاي نتزوج افتهمتي بس لا عرس ولا حفلة واذا تجيبين نكول جابت بالسابع او بالثامن وهذة خوش وقت
رنا بسعادة : اوووووي حبيبي اموت عليك لان ما تخليت عني واااي احبك اممممممواح
ابتسم كرم ابتسامة صغيرة وبهمس : احبچ
وسد الخط وتنهد وباوع علة ارجوان وطلع من الغرفة وودة البنات للسوگ
🔸🔸🔸🔸🔸🔸🔸
في الناصرية
تنهدت رنا بارتياح وهي تمسك بطنها وتتذكر من سلمت نفسهة (وهذة اكبر خطأ البنية ممكن ترتكبه لان مراح تفيدهة هالنص ساعة او اكثر وبعدين تتندم عليهة للابد مهما كان الشخص لو كان اقرب شي الچ لتسلمين نفسچ لان راح يلوي ايدچ التوجعچ ويهددچ وتصيرين عار علة عائلتچ وهو راح يتمادى وياچ ويخليچ تمارسين العلاقة وياه باستمرار ويهددچ بالصور ) وبعدهة ضل كرم يطلب من انهة تجي للشقة مالته الي اشتراهة وهي گامت تروح لان هو كان يوعدهة بالزواج وهي ثاقة بي ثقه عمياء ( وهذة ثاني خطأ ممكن البنت تقوم بي انو تثق بالناس والدنيا دوارة وتلگين الشخص الي امنتي بي ووثقتي يفضحچ ويعيرچ ) وهذة رنا الي كانت وياة هي وكرم ضلت علاقتهم سنتين الى ان اعترفوا بحبهم البعض وصار الي صار سلمت نفسهة الة وضحت بكل شي من اجلة بس هل يا ترى كرم راح يضحي لاجلهة وصدگ راح يلتزم كرم بوعده الهة لو لا
باوعت رنا الموبايلهة الي يدك وزفرت بضيق وانفجرت بي بعصبية : الو هلو ناصر اني كم مرة گتلك لا تدگ علية يلة ولي عني.... كلة من وراك الناس حسبالهة نايمة ببيت صديق اخوي بس للاسف مثل امثالك صديق لاخوية الي اتهمت اخته بشرفهة يا حقير لا تدگ بعد يا گ***
وسدت الخط وهي تشتعل من القهر ومتعرف شلون كرم راح يرضي او يقنع اهله بزواجه منهة
🍄🍄🍄🍄🍄🍄🍄🍄
في غرفة كرم وارجوان
فتحت عيونهة بعد ما طلع كرم وابتسمت بخبث : يعني طلعت ملعب ونسونجي يا بن سليمان ال ....ي
ضحكت باستمتاع وگامت وگعدت تدور عله موبايلهة الي وگع بذاك اليوم الي هجم عليهة ابو كرم الشيخ ولگت التلفون جوة الطاولة الي بصف السرير اخذت تلفونهة بانتصار وابتسامة خبيثة تشع بوجهة
وفتحت موبايلهة ولگت مئة مكالمة فائتة من اهلها من عمامها واهلها
راحت علة رقم اخوهة احمد ودگت عليه : الو هلو حمودي
احمد بلهفة : sis I missed you
ارجوان بخبث : I miss you too broth
احمد : how are you
ارجوان : اسمعني أحمد كولش زين
احمد بترقب : اي حياتي
ارجوان بصوت ناصي حته محد يسمعهة : ولك عرفت اسرار شگد العشيرة ال....ي
احمد بخبث : احچي حبي اسمعچ
ارجوان : باوع طلع ابنهم كاسر علة ابن عمي وهو اصلا مامسموحلة يركب سيارة حسب التقرير الطبي لحالته الحرجة والخطأ منه مو من ابن عمنة وثانيا تگدرون تسوون ثارات ونطالب بحقنة لان اني اعتدوا علية بالضرب وزواجي باطل لان اني ما موافقة وثالثا صوبوا ابن عمنة وهو مالة دخل ورابع شي والي هو الاهم يردون ينطوني فصلية لعشيرة ثانية علبوا عدهم ثارات ولان هذولاك كشفوهم لان همة اتهمونة وعدهم كل الدلائل روح لواحد اسمه " امير شهاب مهاب ال.....ي" هو الي راح يساعدك وگولة اني عندي ثار وياهم وها اتحدوا وياهم لان الشيخ شهاب احسن واحد بينهم ورجل حق وديربالك احمد تگول ل ماما عن حالتي لان اني حالتي متدمرة بسببهم ويريدوني احمل الله يخليك احمد هسة روح الامير دخيلك ما الي غيرك
احمد وهو مندهش او لا متخبل من الحقائق الي طلعت مدفونة ومحد يدري بيهة : هسة انه رايح ديري بالج خيتي وسوي روحج تعبانه موت حتة ميگربلچ افتهمتي
ارجوان : اي واكو شي جديد عرفت بي هستوني
احمد بلهفة : ولچ احچي
ارجوان بخبث : هذة ابن الشيخ سليمان المدعو كرم ال....ي خاين وفوگاهة يسوي علاقة وية وحدة وهسة حامل من عنده وهو متورط اليوم سمعته يحچي وياهة الميستحي
احمد بخبث : عفية اريدچ جاسوسة عليهم وتگوليلي صغيرة والچبيرة عنهم حته ترجعين الحياتج والاحلامچ ok sis
ارجوان برقة : اوووي فديت اخوية اني
احمد بحب : حبيبتي انتي فدوة اني الج يالله باي وروحي سوي نفسج عليلة ok
ارجوان : حاظر سيدي
ضحك احمد عليهة وهو يتخيل حركتهة العسكرية وبحزم : يالله حضرة الملازمة ارجوان انتي عندچ مهمة خطيرة لعشيرة ال....ي
ارجوان : علم سيدي
وسدت الخط وغلقته وضمته بجنطتهة بين الملابس وراحت نامت بالفراش وهي تفكر شلون تمنعه يقرب الهة{ ماكو غيرك يا امير الي تنقذنة من الي احنة بي هم راح تنقذ كرم النسونجي وتساعدني وتساعد نفسك آه شوكت يجون يدگون علة البيت حته اطلع منا بسلام } تنهدت بتمهل وهي تفكر شلون تحصل عله رقم امير حته يساعدهة واجت فكرة بالهة وابتسمت بخبث وهي تفكر لاخطر شي ممكن تسوي
في بيت امير
رحب امير باحمد اخو ارجوان
احمد وهو يصافح ايد امير : وياك اخو ارجوان من عائلة ال......ي
امير ببرود : اهلا وسهلا بيك بس اللقب شني بلا زحمة
احمد وهو يبتسم بخبث يدل علة مكرة وقوة شخصيته وهو يضغط على ايد امير المصافحة الة ويشدها ناحيته دليل عله انو (اني المسيطر ومو انت)
ابتسم امير بشراسة هو الثاني وهو يقوم بشد يد احمد بقوة وهمس باذنه : شكلك ناوي علة نية يا ...
احمد بغموض : "ابو جمال " وانت منو
امير : "الذيب " هذة لقبي
احمد بمكر : حلو
امير بمكر هو الثاني وغمزله : انت الاحلة
حسن واگف يباوع الهم باستغراب عن الغموض الي يتكلمون بي
احمد بثقة وخلة رجل عله رجل : سمعت انك عرفت الدلائل صحيح مثل ما سمعت
امير بابتسامة جانبية : اي ليش السؤال لو تريد ( وغمزلة بمكر ) توگف ضدهم
احمد بابتسامة جانبية : اريد حق اختي وحق ابن عمي وحق ابوية وامي وعائلتي الي تعذبت بفراق اختي وعذاب عمي علة ابنة الي انهدر دمة من دون سبب واختي الي راحت فصل وامتنعت من كل شي وابسط شي هي حريتهة
امير بجمود وغموض : ومن وين عرفتني
احمد بثقة : اختي دزتني عليك تحتاج مساعدتك
امير باستهزاء : مو ساعدتهة بس هي رفضت اتقدمتلهة وگالت حامل ومادري شني
احمد يغمز له : ومنو گال هاي الحقيقة اصلا هو لسة زواجهم علة الورق
امير بخبث واتسعت ابتسامته باستمتاع : يعني بعدهة ما مزوجة
احمد بحرج : اي ..احم
امير بتفكير : يعني زواجهم باطل ولحد الان باطل
احمد : طلبت مني انو اتحد وياكم لان گالت عليكم من الاحسن الشيوخ الموجودين واجيت انه اتحد وياك شنو رأيك
امير بتفكير مصطنع وبجدية : اي لويش لا اصلا من صالحنة وصالحكم التحالف بينة ونوگف بوجهم
احمد بثبات : المشكلة مو هنا المشكلة اختي حاليا التتعامل بصعوبة وية الظروف
امير باستغراب : لويش
احمد بحرج : يردوهة تحمل حتى تولد بالوقت الي انطيتوا الهم
امير قبض ايدة بغيض وعصبية : يعني يريدهة تحمل بس هي تصدة صح
اومئ احمد براسه : أي وهي دتتعامل علة انهة مريضة ومتگدر تتحمل الوضع الي راح تواجهة
امير وغيرة مشتعلة بداخلة : اي يعني نستعد اليوم
احمد بضيق : اي وشي ثاني
امير يباوعله بعيون كالصقر : شني هو
احمد : كرم عنده علاقة وية بنت وهسة هي حامل منة وحاير شلون يتعامل بالوضع
امير بخبث : تصدگ هذة ثاني افضل خبر گتلي يا لسه
احمد بمكر : ويا هو الاول
امير ببرود: خبر خاص
: السلام عليكم
باوعولة بصدمة وذهول وگام امير فجأة من مكانه واحمد تقدم ناحية هذة الشخص وحسن ابتسم بخبث
احمد بصدمة : .......
