رواية فصلية بديلة الفصل الخامس عشر بقلم ام ملكوت
#في الصباح..
سماء_
كعدت الصبح هدى مسحت وجهي بالكلينكس الرطب ولبستني حجابي عدل وعبايتي جابتهه وياهه
طبعا ذنيج ملابس سحر ذبوهن بالعمليه ولابسه بس روب المستشفى ومتغطيه..
اجه الدكتور واحنه كلنه بالغرفه ..
دكتور: استاذ شهم ديربالك على زوجتك لا تخليهه تتحرك ابد والصحيات تاخذهه شويه شويه وعلى كيف وترجعهه
بدون ماتحرك رجلهه المصابه ماشي وانتبهو مايلوحهه ماي ابد والا اذا التهب الجرح مره ثانيه يؤدي الى نتائج وخيمه ..
شهم: ولا يهمك دكتور ..
5 تع
دكتور: يله الحمدلله على سلامتهه تكدرون تاخذوهه..
شهم: مشكور دكتور.
دكتور: العفو واجبنه
سماء_
رفعت راسي واشوفه يخوزر بيه مادري هوه يتقصد هل شي او نضرته هيه هيج بس تخوف ..
ردت اكوم وصاح بصوت..
شهم_
شفتهه تريد توكف شكلهه ماسمعت الدكتور شكال تريد تبليني هاي البنيه..صحت عليهه بصوت..
لاا كعدي انه اجي اخليج بالكرسي ماسمعتي الدكتور شكال.
سماء: اسفه بس ماعبالي راح تساعدني
شهم: بهمس..ماساعدتج لسواد عيونج بس ماريد ابتلي بيج ويلومني الشيخ على السويته بيج تضلين امانه ابوي كدام اهلج يله كومي وياي..
سماء_
همس هل كلام باذنبي واحس جسمي كزبر من انفاسه الحاره كمت ارجف من خوفي مادري ليش خايفه مع ان ماحجه شي وياي ولا سوه..
معقوله لان جر بوشي بليله العرس(يعني طبع بقلبي خوفه)...
شهم: يله مشينه..
خليت واخذتهم للبيت ودخلنه استقبلنهه امي وخواتي و ودوهه للغرفه ترتاح وبقيت اني كاعد يم امي..
الشيخه: كواك الله وليدي
شهم: الله يكويج حبيبه
الشيخه: يمه برضاتي عليك ديربالك على البنيه خطيه مالهه ذنب هيه
ومثل ماتدري يايمه البنت كائن رقيق والرسول صلوات الله عليه وصى المؤمنين بالقوارير..
شهم: يمه خليني براحتي ويه مرتي انه اعرف شلون اتعامل وياهه لا تخافين..
الشيخه: الله يهديك وينور بصيرتك وليدي..
شهم: يله يمه محتاجه شي صاعد ارتاح اني
الشيخه: سلامتك يمه تصبح على خير
شهم: اجمعين حبيبتي..
نزلت بست راس الوالده وصعدت لغرفتي سبحت وبدلت وتمددت على الجربايه واخذت عيني نوم بسرعه..
.....................
سماء_
دخلت للغرفه واجت هدى وسمر ساعدني ونومني على الجربايه وبدلن ملابسي وجابتلي شوربه
هدى خطيه كلش حبيتهه وصاحبه وكفه ومعزبه كلش خوش انسانه تعبت هواي وياي بهل يومين..
سماء: حبيبتي انتي ..
هدى: يله هاج علاجج شربي حتى تنامين وترتاحين حبي
سماء: ماشي ..اخذت العلاج وخلصت خلن وراحن كلمن نامت بغرفتهه واني هم نمت..
تحلمت اني امشي بحديقه مليانه ورد وبيدي طفل عمره يجي بالسنتين وصرت اركض اني والطفل وشخص يركض ورانه
ماكدرت اشوف منو بس بقيت اركض تالي كلت لا حول ولا قوه
الا بالله وماحس الا صار بير كبالي وطاح الطفل بي من ايدي
1 تع
وبقيت خايفه على الطفل وسمعت همس باذني ينادي اسمي بصوت خشن "سماااء" خليت وفزيت واني مخروعه وشفت كبالي ...
_سمااء ..سمااء..
ناديتهه وفزت وكالت..
سماء: منو انت وخر عني..
شهم: اشششش انه شهم
سماء: هاا انت شنو جابك هنا محتاج شي مني
شهم: لا جنت بالمطبخ وسمعتج تونين واجيتج..
سماء: ها لا بس جاني حلم مو حلو..
شهم: كملي نومتج..خليت وردت اطلع ومسكت ايدي خليت ونترتهه عني بسرعه..
_شكو
سماء: عفيه ابقه هنا خايفه الغرفه ضلمه ومحد يمي فدوا ابقه هنا..
( 2 )
شهم: عفوا شتفضلتي..
سماء: ...لا رد
شهم: مانام انه هنا راح اصيح لسمر تنام يمج..
سماء: ماشي شكرا الك
شهم_
شفتهه خايفه والغرفه بارده وضلمه وتكلي ابقه يمهه ههه من كل عقلهه راح تمشي هل سوالف علي .
.خليت ورحت دكيت باب غرفه البنات وطلعت سمر..
سمر: ها خويه شهم محتاج شي
شهم: خويه اذا تكدرين طلعي نامي يمهه حلمت كابوس وبقت خايفه..
حجيت واشر على غرفت سماء
سمر: هاا اي عادي رايحتلهه اني روح انت نام ارتاح خويه
شهم: الله يرضه عليج حبيبتي..يله تصبحين على خير ..
سمر: اجمعين خويه..
شهم_
شفت سمر دخلت للغرفه وسدتهه واني رجعت صعدت فوك لغرفتي ونمت ..
سماء_
اجتي سمر طمنتني وشربتني ماي ونامت يمي على الجربايه واني نمت منا لكعدت على صوت سمر..
سمر: حبيبتي سماء كعدي تريكي ب١٠ هسه
سماء: ها حبي اي كعدت صباح الخير
سمر: صباح النور حبيبتي يله خليني اوكلج علمود العلاج حبيبتي
سماء: ماشي ..بقت توكل بيه شوربه لحدما شبعت واخذت علاجي ورجعت نمت لان العلاج قوي ويرادله نوم..
.
.
#مر الاسبوع
على نفس الروتين وشهم بعد ماشفته ولا سمعت صوته بهذا الاسبوع سالت سمر
2 تع
وكالت بده دوامه والتحق للمركز وجان دوامه ٣ ايام ب٣...
بعدهه بدينه نسوي رياضه لرجلي لان الاصابه تشافت ولازم اسوي رياضه
حتى اكدر امشي عليهه بسرعه..
مر اسبوع ثاني نفس الروتين وكذللك ماشفته..
خليت وكلت للبنات..
_حبي سمر اختنكت من الغرفه طلعيني بره بالحديقه
سمر: اوك حبي يله سحر عاينيني اشيلهه للكرسي..
سماء_
شالني وخلني على الكرسي ولفيت حجابي ودفعلي الكرسي وطلعت للحديقه صح البيت خنكه وجنه سجن بس الحديقه جنه وتريح الروح.
.بقيت كاعده لحدما فجاتا دخل شهم بالسياره راجع من دوامه شافني وبقه يخنزرلي ماحس الا اجه مثل الغضب وكف وراي وسحب الكرسي ودخلني للغرفه..
