رواية هموم الشيخ سند الفصل الرابع عشر بقلم ميامين الطائي
هَلي ولا بيهم بشر يسمع
هلي خلو الحجي مدثر
انه شبيدي
العمر ركضه
هلي لو بيدي ما اكبر
هموم: مرات اصفن افكر بيني وبين نفسي ياتراا جاي يصير الي ليش هيج دايصير.... كأنما شخص مايكدر يسوي أي شي احس نفسي مربطه معقوله بين ليله ويوم صرت احب سند قبلت ازوجهه جاي يصير بيه حسبالك مخدره بدون وعي لبست تراك عرفت جدي اجه نزلت اسلم عليه شلونك شيخ شخبارك طمني عنك
الشيخ: الحمد الله بويه انتي شلونج مبارك بنتي الله يوفقج
هموم: الحمد الله شكرا تسلم شيخ كعدت... جدي يسوالف مواضيع عاديه وتغده
الشيخ: ابو علي احنه شماانسوي لك مقصرين بحقك انت صاحب فضل علينه سنين انت ربيت هموم احسن تربيه انت صرت اله الابو شمااحجي عنك قليل بحقك اني ممنون الك اوعدك تطلبني دين
محمد: اولا ياشيخ هموم بنتي اني لامستنكف من عيشتهاا ولامثكله عليه الحمد الله تشتغل وتصرف علي نفسه والفضل الله تبقى بنت اختي غاليه
الشيخ: اني اليوم جايك اخطبهاا منك لسند لان انت بمثابة ابوها احق بيه من عدنه ماردت اخليك وراي واجيتك
محمد: كل الهلا بيك شيخ اني صح هموم ربيتهاا بس مالي حق اجبرها علي شي ماتريده يبقي القرار الهاا هي كدامك اسئلهه حتى ماتكول جبرتني وزوجتني
الشيخ: لا انه ارضى بجبر كدامهاا اذا متريد سند والله ماتاخذه ومااريد اضلمهاا
هموم: احس شي مربطني مو كادره ارفض ولاشي ممعقوله من سئلوني القرار الكم شتكولون موافقه
الشيخ: هاهيه بيه خير بويه خلي بالك محمد سدك امين هموم تطلع من بيتك معززه مكرمه نفس دلال اني قسمت الهم كلمن انطيته حصته وسجلت البيت بااسمهاا هي وسند واملاك ابوها واملاكي اني وهاي 10 ملايين اي شي ينقصهه خابروني
محمد: ونعم منك شيخ تبقى دراستهاا لان هي من حقهاا بعد شهر للدوام اريدها تكمل تعرف الشهاده سلاح للبنيه
الشيخ: احنه عدنه البنيه بس تعرف تقرأ وتكتب نبطلهاا وهاي رغبته اول وحده بعائلتنه راح اخليهه تكمل مادام بعد شهر خل نقرب العرس شتكولون بالحنه اعقد الهم القران لان هسه وين
محمد: التشوفه مناسب سويه المهم دراستهاا لان هذا تعبهاا وحقهاا
هموم: قرروا يعني معندي وقت بس 20 يوم المهم جدي طلع خليت الفلوس،
زمن: لازم من باجر ابقئ جهز بيج مالحك غير جلسات وجهج وجسمج اريد كون يتفاجئون بجمالج
هموم: ان شاء الله خير لاتستعجلين مالي واهس بكولشي رسلته هلو سند شلونك
سند: هلا عمري شلونج الحمد الله
هموم: دوم يارب الحمد الله
سند: شكو ماكو طمنيني عنج
هموم: ماكو شي بس اجه الشيخ اليوم خطبني من خالي .................. يعني معندي وقت ودراستي مو كنما استعجل
سند: لاحبي مااستعجل زين مااسوه جدي وانتي من هسه حضري نفسج اني هم حالي حالج راح احظر وجهز نفسي من هسه ارتب الغرفه اشتري غرفه مو بس انتي الله يسهل انهه
هموم: الله كريم زين وفاء زوجتك شنو موقعه بحياتك فهمني،
سند: عمري بعدين خابرج افهمج بهل موضوع نهائيا لاتفكرين بوفاء
هموم: تمام ليش انت وين هسه بالبيت لو دوام
سند: بدوام اسبوع جاي تخلص دوره مالتي لان تعرفين ضابط ومااكدر احجي اتصال من ارجع ارتاح واسبح وخابرج لو تريدين بليل نحجي بكيفج
هموم:،ها الله يوفقك لا خليه وقت فراغك من ترتاح خابرني اني راح انام
سند: تمام نوم العافيه حبيبتي هموم
هموم: هاا سند
سند: احبج
هموم': احس كلبي صار طبل يسوي تك تاك تك تاك حنام بااي
سند: هههه نوم عافيه بااي احبج احبج
هموم:،سديته اني عايشه بصراع بين عقلي وگلبي مااعرف شنو لي مضموم لي تخيلو اني متفاجئه بنفسي شنو هل سكينة البرود لي عندي
زمن: هموم دحسج مامقتعه بكولشي كنما مقيده شخص جاي يتحكم بيج
هموم: صدكين زمن اني بنفسي مااعرف جاي ايصير لي مااعرف هل درجه مستسلمه الامر الوقع
زمن: هسه لو نعرفهن لو قريبا جان كلنه سحر بس العالم بعيدين علينه
هموم: عفته كمت الغرفتي افكر أكثر مرحلة متعبة تمر بحياتنا هي مرحلة الي نصير بيها شي ما مفهوم لا للناس ولا لأنفسنا لدرجة كلش جبيره نصير مافاهمين نفسنا يتضارب كلشي بداخلنا ويصير عقلك عبارة عن صراعات بين الماضي والحاضر وتبقه تلوم بنفسك بين الخطأ وبين الصح تبدي تحس بالندم والوحدة ، والأذى الحقيقي بهاي المرحلة من تنطي ثقتك لشخص وكأنك تبلغه برسالة "أهتم بيه" او "انتبه زين الي" بس هذا الشخص نادراً مايفهم لغة الرسالة ع الاغلب يترجمها بشكل غير صحيح ويبدأ يجرح بيك ويدوس عليك ويزيد الطين بله يبقى هلشخص يحسسك بالغلط يحسسك بالندم وهو بالاساس صعب ع الواحد يصير شي ممفهوم ويجي شخص يزيدها علي بدل ما يحتوي ويسنده يكسر اجنحتة ، خيار الوحدة افضل دائما بهاي المرحلة المتعبة تعيش وحيد وتبقى ويا نفسك ولا تعيش ويا ناس تقضي ع حياتك خليك طالع من هالمرحلة بأقل ضرر ولا تقترب من انسان يدمرك وينهش بيك
سند: اني الاختاريت هموم اعرف هل مره اختياري صح ماغلطان لا راح عمري اندم علئ هموم جنت كاعد يم سيد سيد احلف بالقران بس كون مابيه ضرر شي سويته
سيد: شنو سند شسالفتك ماوثق بيه بالقران مااسويت شي بس آيات بالقران وسورة طارق وسورة طه قريتهن... وبعد مااسوي شي اطمن بالقران مااسوي سحر
سند: لا حشاك واثق بيك لاتزعل مني سيد غالي انت بعدين شيريد يصير
سيد: فعلا هي مكتوبه لك يمته العرس قبل لااسافر لسوريا
سند: بعد مااعرف بس اقرر اراسلك اني لو بيدي اسبوع الجاي بس بكيف جدي
سيد: الله كريم الله يسهل لك شنو تحتاج كولي اني حاضر
سند: كفو منك ماتقصر سيد والله كلكم اخوتي ونعم منكم
سيد: حبيبي اترخص هسه اني بعدين اجيك الله وياك حب
سند: مر يوم عادي نفس كل الايام ماكو شي جديد ثاني يوم رحت للبغداد للدوره جنت كاعد قبل لاطلع راسلتني هموم حجينه مااكدرت احجي اني احبهاا اغار عليه ماكدرت اكلهه تركين الدراسه ماتكملين حجيت وياها عرفت تحدد العرس رجعت جان طريق طويل والله اضوج من هاي البت
البثينه: شلونك شيخ شخبارك احضر لك الاكل تاكل
سند: مشكوره مااريد عفتهاا صعدت تصرفاتهاا مو راحه سبحت وطفيت الضوء ونمت كعدت من النوم المغرب وي الأذان توضيت صليت نزلت
الحجيه: يمه نوم المغرب موزين عليك كلت للبنات يكعدنك كالت وسن تعبان
سند: اي والله يمه كلش تعبان اطلع من الفجر ورجع الظهر دوره تعب شيصير
ام فيصل: اي كواك الله بليل تخلص بهذا مدري شسمونه هلفون مدري ياهو وي بت عليوان شلون ماتردينه يتعب
سند: هههه شعندي غيرها غير مريتي اسهر وياهاا احد عند مانع
ام فيصل: غسلت عكلك هل الفرخه صرت لاتحجي وي امك ولاابوك خل تفيدك اذا ماضل تعض اصابيعك ندم
سند: تراا ماله داعي كلامج هذا امي وابويه اول تالي يرضون وحدهم شايلين خشمهم
الشيخ: راضو ولما رضو يطبهم مرض بعد عليه هم يرضون اني ااحدد العرس
سند: دخل جدي الله يساعدك بويه شلونك
الشيخ: الحمد الله انت شلونج
سند: الحمد الله سويت نفس مااعرف شنو وين جنت ياعرس تحدد
الشيخ: عد هموم رحت حاجيت خالهه لان من الاصول هيج حددنه العرس قبل دوام هموم لان تريد داوم بالمدرسه
سند: بس جدي انت تعرف معدنه بنات داوم اني مستحيل اخلي هموم داوم
الشيخ: والله هذا شي بينكم هي اذا رادت داوم خليه داوم واذا ماردت بعد بكيفكم
سند: الله كريم صار علمود كعدت بين عشيرة .... وعشيرة يمته
الشيخ: خابروني الجمعه الكعده ونروح اني وياك نشوف عليمن مخبوصين
سند: ان شاء الله خير اني يوم الجمعه اطلع عمال علمود يسون الغرفه ويرتبونه
الشيخ: ها جا اذا هيج لاتروح انته اني اروح لان عمال والبنات لايطلعن
سند: اي هو هيج ردت الكلك لان تعرف بعد ماعندي وقت هم سوي الغرفه نجاره
الشيخ: الله يسهلك كوم خل نتعشئ عوفنه من هل الدوخه وشلعان كلب
سند: الايام حلوه تركض ركض بدون منحس بيه بلشت اشتغل بالغرفه واجهز كلشي لان ماابقى شي
ذات يوم تخليت عن شعري المحب لقلبي فهل تضننون انني ضعيفه ✨
هموم: كل شخص بينه مختلف عن الثاني بطريقة تفكيره او تقبله للاحداث وللاشخاص الي حواليه لحد يحاول يفرض رأيهه وشخصيتة على ألاشخاص الي يحبهم لان هذا الشي راح يسبب بفد شعور من الضيق وعدم الارتياح للمقابيل ابد لا تقيدون اشخاصهم بافكاركم لان يمكن انته تحب فد اكله معينه وهو هذاك الشخص مايحبها ماتعجبه لا تحاول تفرض رأيك عليه وتحاول تقنعه انو يحب هاي الاكله لانو لو يحبها جان من قبل اكلها ، اياً كان شخصكم المفضل صديق حبيب اخو ابن ابد لا تفرضون أشيائكم الي تحبوها غصب عليهم انتوا راح طلعون بالنهايه خاسرين اتركوا اي شخص بمعتقداته وبالاشياء الي يحبها وحته اذا جان عده اشخاص انته نفسك ما تحبهم وتريد يبتعد عنهم لا تحاول تبعده عنهم لانو هو مقتنع بيهم وحابهم ، واذا حبيتوا شخص وجان هو من قبلك متعود على شي لا تجبره انو يغير من نفسه لان انته حبيته نفسة نفس ماهوا نفس اسلوبه شخصيته كلامة .
الخلاصة حياتنه الي احنه عايشين بيها هيه حياتنه احنه محد اله حق يتحكم بينه اياً كان هل شخص قريب من عدنه لا تخلون اي بشر يتحكم بآرائكم وافكاركم ويحاول يفرض شخصيته وكلامة عليكم
زمن: هموم وضعج والله مااعاجبني بالقران البارحه نايمه تصرخين دخلنه عليج اني ومحمد تخيلي بقي بالي يمج
هموم: زمن احلام تخوفني مااعرف شخص بشع ووو.. يخوف مااكدر حتى انام
زمن: هموم خالج اليوم حياخذج للشيخ يقرأ لان هاي الفتره كأنما انت مو عايشه
هموم: زمن مو كادره مااعرف شنو الي بيه تخيلي مالي نفس بكلشي بالكوه جاي اجبر نفسي وطلع اشتري وااجهز العرس
زمن: اني خايفه من شي وبلكت ميطلع صح هسه محمد يجي ونروح الشيخ كومي نلبس نحضر نفسنه
هموم: احلام تخوف مااعرف جاي يصير بيه من اجت سحر وامهاا الي بدون متنتبهه شمرت بطل مي عليه اني ممرتاحه
محمد: يلا هموم شيخ منتظرنه مشينه
هموم: طلعت متردده شي داخلي يكلي لاترحين وخايفه ورجف اقرأ آيات لحد ماوصلنه مكان الشيخ دخلنه لكينه نسوان كعدت اني اباوع للشيخ متردده
محمد: شيخ هاي هموم كتلك عليه اني جيتك مااعرف شنو بيه
الشيخ: تدلل تعاي بابه شسمج واسم امج
هموم: تقربت جسمي كل يجرف هموم بنت ........
الشيخ: شبيج خايفه ماكو شي بسم الله الرحمن الرحيم هموم ياهموم ليش مسموج هم مو هموم بابه انت مسوالج سحر بدون ماتدرين مره رشت مي عليج بحجة ماتدري حتى تقبلين باي شخص يتقدملج بالاضافه هاي المره تكرهج
هموم: مااريد احجي انطاني مواصفات عرفتهاا بقى يقرأ وتقيئت كأنما طلعت من ظلام او من غيبوبه حسبالك جنت عايشه بغير عالم لحد مافقدت مااعرف مرت ساعات كعدت اني بالبيت كأنما عايشه بحلم وراسي دايخ نزلت لكيت خالي ضايج وزمن ضايجه شبيكم
محمد: تعاي اكلي شي بابه لاتبقين بدون اكل هم احجي وياج
هموم: تقربة شفتي مرها غسلت اكلت بس تلعب نفسي صاير شي
محمد: هموم انتي جنتي ............. ماابقى شي العرسج من سند اسبوع الجاي
هموم: واحد ضربني علي راسي شنوووو شنووو مستحيل ازوج سند مستحيل مااريد لو يبقى بس هو مازوجهه
محمد: ارتاحن هسه زوجة اخوج وخالتج من عرفتج لليوم ماشفت الراحه من اهلج سوينالكم كل همج امج الامكانيه
زمن: شدخلني اني شدخلني مو هاي كاعده يمك وعفت كلشي
هموم: بقيت افتر زمن خالي يتعاركون فدوه خالي مااريد اازوج فدوه
محمد: هموم علوا لو اعرف قبل خطوبتج السحر انت الي قبلتي عيب وناس شيوخ ماابقى شي بعرسج محلو بحقي وحقج والله لو سهله جانت مااخليج تزوجين
هموم: خالي سند مااحبهه مااريد مااشوفهه غير بس شخص اهلهه سبب بدمار حيااتي واهلي الله يخليك
محمد: والله لو بيدي مااخليج بس تخيلي مدى صعوبة الامر مو تكولين شهر لا اسبوع يعني محضرين نفسهم وهيج اذا رفضتي ياخذونج بالقوه
هموم: عفت خالي واني محتاره شسوي دك جهازي سند الووووو اسمعني سند اني من قبلت ازوجك مجنت بوعي تحت تاثير سحر .. .... هذا موضوع وهسه مااريدك ولااحبك اتمنى تفهم هل شي
سند: جاي تخربطين انتي سحريش هموم هو مو لعب زعاطيط تاادبي وتقبلين بالزواج لاوحق باالفضل ماتلومين الا نفسج اندمج هسه جايتني تكولين سحر مااريدك
هموم:،انت تعرف مستحيل راح احبك تعرف سببت الي انت واهلك وجدك لاتوقع يوم اتقبلك بحياتي لاتفكر احبك
سند: لج شنو مو بعينج كدامج اني طفل ضحكين عليه سواء قبلتي او لا علي ابحالتين اسبوع جاي العرس مكان ماكعده سربتين وتحجين بهيج حجي روح حضري روحج لا عبالج ميت عليج اني،
هموم: انت مو رجال وجبان وحقير وعديم رجوله لو بيك خير ماتزوج وحده ماتحبك تكرهك لانك مو رجال وضعيف...
سند: اعلمج رجوله شنو اصبريلي هموم اقسملج بالقران اذا ماربيتج مااطلع من ظهر رجال اني ااعلمج اذا جان اكو حب بداخلي لج هسه بشرج بكلامج هذا انت نهيتي الحب اذا ماندمتج صبريلي
هموم: سد الجهاز بعد صرت كدام الامر الواقع مثل الطير المكسور جناحه زدت الطين بله بكلامي هذا شسوي
زمن': لو اعتذر منج علي كلشي هم مااكدر امسح الي سببو اهلي الج والله مالي ذنب بلي صار والقران
هموم: انسي زمن انتي مالج دخل كوليلي هسه شنسوي بهاي مصيبه
زمن: اقبلي ورضي بنصيبج واستمري علاج شيخ ولاتنسي نكملج لان الاسبوع الجاي نروح للحله وعندج جلسات وياي سمنانه وحليانه
هموم: الله كريم عفته نمت صرت كل يوم اسبح واشغل قران وبخور صرت احسن وااشتريت نيشان غراض هواي ذهب ومكياج جنطه كامله من زمن بلا خلقتي لاشوفنه لعبت بيه لعب بقى شعري اسوي ماروني ماابقى شي
سند: بقيت احضر واجهز الغرفه خلصت دوره مالتي عدلت بناء غرفتي بنيت صاله وبعد الغرفه باب واحد تصميم حلوو جنت داحسب احساب هل لحظه اريد مميزه بكلشي فمااكدر محتار الاشياء الي تحبهه من خلال اتصالي وياها اخذ رائيهاا هي تقبل خليت غرفتنه علي ذوقنه بيوم جنت اريد اجيب الغرفه اتصلت عليه صدمتني خلتني اشك بالسيد نار صار بيه رحت بدون ماافهم سيد مصطفي فهمني انت سويت خابرتني هموم تكلي سحر وماتريدني
سيد: اقسم بالقران وحق باالفضل العباس مااسويت سحر لحظه اخذت استخاره افهم فعلا سند جان اكو عمل من مره سبب الكره
سند: لك مصطفي نار بيه تفهم شنو مااعرف شسوي بلحظه كل الي بنيتهه انهدم
سيد: والله احس بيك وهي تحبك اصبر عليه والله هي لك هاي المشكله تراا،صغيره جايكم اكبر
سند: مااكدر.... اخسرها اواجهه االدنيا علمودهاا وتحديت المشاكل كلهه مااكدرر...اموت بدونهه
سيد: صلي علي النبي انت اقوى مشكله وتعدي يلا سند والله هي تحبك
سند: تمام عفته واني صدئ كلامهاا لحد هسه بيه مرت كم يوم اشتاقيتلها اتصلت عليه الوو شلونج شخبارج
هموم: الحمد الله انت شلونك شخبارك
سند: الحمد الله شكو ماكو كملت لا
هموم: ايي ماكو شي اني اسفه لان حجيت هيج وياك بس ماجنت اعرف
سند: هههه مو مهم نتحاسب عليهن وحده وحده وداعتج هموم
هموم: تعرف سند الدنيا تمشي وما توكف ع احد ، وراح تتفاجئ إنو الي جنت مفكر انك مراح تكدر تعيش بدونهم راح تعيش بدونهم واحسن من قبل.
وراح تميز ناسك تميز الغالي والرخيص انت الي تبالغ بتقديرك الهم ، وراح تعرف انو بعض خسارتهم مكسب الك ، خليك عارض قيمة نفسك حب روحك وارسم طريقك وهدفك ، ولا تضغط ع على نفسك ولتتنضر خير من احد ، احنا منغلط بس تصرفات المقابل هي الي تخلينا نغلط ونتعلم درس ونشكركم لان الي مثلكم هوه ال خلانا نتعلم ع هيج دروس وعبر بالحياة ، كأنو ربنا كاعد ينور بصيرتنا بيكم ويخلي وجودكم مثل عدمه ....
سند: فعلا كلامج الدنيا عمرها ماوكفت علي احد لازم هواي الامور والاشياء اذا نريد نحققهاا نسعى الهاا تعلمي هموم مو كلشي يجي بسهوله ماكو شي سهل
هموم: شلون يعني سند ماكو شي سهل
سند: من تريد شي يتحقق لازم تتعب هواي لحد ما تحصل الشي التريده من شغل ودراسه وهواي امور ثانيه لازم تمر بمراحل هواي (السهر والقلق والتفكير الهواي والبجي وحالات الضعف) لازم تمر بهواي امور الي يريد شي لازم يتعب علمود يحصله مايصير انته تريد كلشي يجيك جاهز او وانته كاعد بالبيت بدون ماتتعب وادور ماكو شي يجيك على طبق من ذهب اذا ماانتَ بنفسك تسعى لهل شي ((اسعى ياعبدي واسعى معاك)) الله دائماً وياك ويشوف تعبك واكيد راح يعوضك من بعد هلتعب بالشي الي انته تريده ، وهسه احنه بزمن صارت السوشل ميديا بيها متوفر كلشي تريده بس هل شي يحتاج مبادرة منك و لازم تكون عندك أراده وطموح علمود تكمل لحد ما تحقق الي تريده المختصر انو الانسان لازم يسعى للشي الي هوه يريده لآن محد راح يدك بابك ويكلك تعال ويانه أشتغل ماكو شي يجي بسهولة لازم تعب وهل تعب بعدين راح يصير حلو من تشوف طموحك وحلمك كاعد يتحقق كبال عينك وهل شي كله بفضلك
هموم: تعرف اول مره احب الكلام وياك فعلا ماكو شي يجي بسهوله هواي،امور متتحقق يمكن الله كاتب انه الحسن
سند: ايي اذكرت ردت اسوالفج عن وفاء قصتي وي وفاء بلشت ................... هذا موضوع اني مااحب احد يچذب عليه اكره الچذب لان عمره ماجاب نتيجه هي خذلتني وخانتني اعترف ماحبيته بس ماردت اضحك علي اخاف تطلع بعرضي او اختي لو بنتي لو بزوجتي
هموم: فعلا صعبه بس انت ترااا فاهم الموضوع غلط وهواي ناس فاهمي غلط...
الي سويته راح تشوفه بأختك او بنتك او زوجتك او والدتك .. إلى آخره.
الله ارحم من انو يأذي اخت بذنب اخوها او ابوها لمجرد ظالمين او يأذي احد بذنب احد ثاني كل هذا معتقدات خاطئه وكلام ليس له اساس من الصحه في القرأن ....
وقال تعالى " ولاتزر وازرة وزر اخرى " صدق الله العظيم ، عقاب الله فردي منصب على صاحب الذنب فقط بالدنيا والاخره هذه العدالة الإلهية العظيمة.
الله سبحانه وتعالى يكدر ينزل آيه صريحه يكول بيها إللي يظلم نقتص من اهله لكن ما نزلها لسبب انو تبقى ظالمة لارواح طاهره مالها ذنب .
الله سبحانه وتعالى يوحي بالهدايه والطاعه ما يوحي لروح طاهره بالرذيله علمود يقتص لذنب واحد ثاني إللي يوحي بالرذيله هوه الشيطان بس
عزيزي او عزيزتي كما تدين تدان و كما تفعل يفعل الله بك انت ، وكما تجازي تجازى انت لا احد غيرك يتحمل ذنبك ...
سند: تدرين عقلج اكبر من عمرج فاجئتيني بكلامج احسج فاهمه الحياة شخصيتج قويه والغموض مسيطر عليه....
هموم: اممممم يلا حنام لاتجيني طناكير واطنكر هسه باجر اكعد واجهز نفسي
سند: ههههههه يلا روحي نامي اني هم عندي دوام
هموم: تمام تصبح علي خير بااي،
سند: انت بخير باااي سديته واارتاحيت من حجيت وياها مجرد كلامات نستني كلشي بيه باوعت الساعه من 11 حجينه لحد 3 ونص مااحسيت بالوقت صليت ونمت
هموم: كلشي دايركض الوقت الايام مااعرف بقيت اجهز بنفسي ملابس وغراض كملت صارت تقريبا جنط ملابس 3 جنط مكياجات ومنظفات اخذتهن من زمن جنطه.... تقريبا 10 جنط كلشي احتاج ذهب خير من الله تحملت بقيت هسه بس جسمي وبشرتي بيوم قبل لااانام خابرني سند حجينه كلام حلوو برغم عصبيته وشكله لي يخوف ماتعرفينه يمته يضحك حجينه نعست اخر شي شربت مي وشغلت سورة البقره ونمت
لجميع الفصول من هنا
