رواية ضحية والدي الفصل الخامس عشر بقلم يمهر حسين
قصي:يله اكعدي عدنان راح
كمت على حيلي من كالي هيج وكلبي كام يدك عالسريع
قصي:تريكي بالبدايه لان الطريق طويل وراح تمشين مسافه
سهى:تمام
كمت غسلت وسويت ريوك .كعدنه نتريك اني وياه والحجيه.خلصنه ورحت شلت الريوك للمطبخ لحكني قصي
قصي:يله استعجلي .بلكي الحجيه تفوت للغرفه ماريد تدري
سهى:ليش ماتريد الحجيه تعرف
قصي:لا ماريد احد يعرف .اخاف تجفص بالحجي بعدين كدام عدنان
سهى:اوك
انتضرنه اله مافاتت الحجيه للغرفه والساعه صارت10
قصي: روحي اطلعي كدامي واني الحكج.هاا لاتنسين اخذي وياج بطل مي بارد جو حار
سهى:اوك .اروح برة يعني
قصي:اي برة اصعدي بالسيارة
رحت من كالي هيج واخذت وياي بطل مي وصعدت بالسيارة انتضرتو 10دقايق وأجه
ضل يمشي بالسيارة مسافه حيل بعيدة تقريبا صارت الدنيا ضهر والبطل مال المي خلصناه ثنينه من العطش اله فرغ وحسيت نفسي كلش جوعانه
الطريق شارع عام وحوالي براري مرات نشوف كم بيت وكم محل وكف يم محل مال لفات كص .اشتره اله والي هو بقه بالمحل ياكل خلص واجه انطاني علاكه بيها3لفات و4 ابطاله مي بارد.شربت بطل كامل عالسريع
واكلت2 ماكدرت اكمل الثالثه بقه يمشي بعدين وكف يم بيت وكالي:شوفي هذا بيت اهل واحد صديقي موحيل راح ننزل هين هس
سهى:ليش ننزل هين ليش مانكمل الطريق ها
قصي:شوفي اني على مودج والله راح ننزل هين تعرفين ليش.لان من نصل المكان الي راح ارميج بي راح تمشين مسافه شوي طويله لبين ماتصلين السيطرة والجو حار يموت.ننزل هس هين نرتاح شوي واذا تريدين نامي والعصر نروح عالاقل العصر الجو احسن من تمشين ماتتعبين من الحر.وهذوله ناس كلش حبابين ومحترمين بس الي اريدو منج هي الثقه. اكدر اثق بيج انو ماراح تحجين شي الهم اوتكولين انج مخطوفه؟جاوبيني
سهى:اي تكدر تثق ماراح اكول شي.زين شنو راح تكوللهم عليه واذا سألوني شجاوب
قصي: كوليلهم بنت عمو اجيت ويه قصي تااسلم عالحجيه لان توفى الحجي .ورجعنه وقصي نزلنه بالطريق يمكم
سهى:تمام
نزل هو ونزلت وراه دك الباب عليهم طلع رجال لابس هدوم داخليه مبين جان نايم شاف قصي وكام يسلم علي بحرارة مبين علاقتهم حلوة
فات قصي وفتت وراه الرجال صاح مرته اسمها زهور كالي فوتي اختي هم فاتو للاستقبال واني فتت للبيت تلكتني مرته جانت مخليه مكياج ولابسه روب مال نوم يمكن جانو نايمين شكد عيب كعدنه الناس بهالضهر
سلمت عليه وفوتتني بغرفه راحت وجابت مي
مبينه خوش مرة سوالفها حيل حلوة وطيبه قدمت عصير ليمون بارد وكلشش طيب كالتلي ماردت اسويلكم جاي اكيد مستحرين من الجو العصير احسن
سهى:اي والله الجو كلش حار
كعدنه نحجي شوي وسألتني: هذا زوجج
سهى:لا بت عمو
كامت تحجي شون تعرفو على بعض قصي وزوجها
ضليت كاعدة فترة بعدين كالتلي اذا تحبين تمددي نامي .تمددت شوي وراحت جابتلي غطى خفيف
غفيت شوي تقريبا نص ساعه.حسيت شي على شعري
ضوجني باوعت جان اشوف طفل صغير يلعب بشعري
يطلع عمرو سنتين .من شفته كبل تذكرت سمسم بنتي اختي نهى
الطفل كلش حلو ومحبوب.كمت اللاعبو والعب وياه بعدين جت امه وكالت:ولك هذا شجابك هين اعذريني اختي كعدج من نومج
سهى:لا عادي
ضليت كاعدة ماجاني نوم بس بقيت متمددة بمكاني صارت الساعه4 انتضرت قصي ماكو يمكن نايم لان البيت سكته ماكو حس ولانفس.ضليت متمددة الى ماصارت الساعه5 سمعت صوت المرة والجهال كعدو
اجت للغرفه شايله صينيه بيها جاي وقشطه وجبن
كالتلي:مدي ايدج اكلي.كمت اكل واشرب جاي خلصت وضليت انتضر اله الساعه6.جان تجي المرة تكلي ابن عمج يريد يروح يناديج كمت على حيلي وطلعت لكيتو صاعد بالسيارة صعدت وياه
قصي:ها نمتي؟
سهى:شوي موحيل.وانت؟
قصي:والله كبل نمت اله هس كعدت
سهى:اي زين.زين الحجيه راح تلاحض انو اختفينه بنفس الوقت برأيك ماراح تشك
قصي:لا.راح اكوللها شفت انهزمتي وضليت ادور وراج وضيعتج ومالكيتج.
شغل السيارة وضلت تمشي فترة وكف يم مكان وكال انزلي .نزلت
قصي:شوفي راح تمشييين عدل مسافه شوي موحيل طويله وراح تشوفين سيطرة روحي عليها.لان اني ماكدر اكون اقرب اكثر من السيطرة
سهى:اوك
قصي:اتمنى تكونين سامحتيني
عيوني دمعن من كالي هيج رحت امشي وامشي واباوع وراي هو بعدو يدحك عليه ضليت امشي الى ان عفتو وراي
الدنيا عصر والشمس طالعه وهوى خفيف
ماعرف ليش احس جسمي يمشي لي كدام وكلبي يرجع لي ورى
كل مااقترب اكثر كلبي يرجع وراي اكثر اوووووف
