رواية فصلية بديلة الفصل السادس عشر 16 بقلم ام ملكوت

شهم_ 

راجع من دوامي وشفتهه كاعده بالحديقه هيه وخواتي تعصبت منهه حيل قبل اسبوعين كلولي ماتتحرك من الفراش وهسه اشوفهه بالحديقه ومتونسه ..

نزلت معصب عليهه بدون ولا كلمه سلمن علي خواتي كلت هلا واخذتهه ودخلتهه للغرفه وقفلت الباب..

_كلولي تعبانه وماتكدرين تسوين شي وخليتيني اعوفج اسبوعين براحتج تالي اجي الكاج بالحديقه.

سماء: بخوف...هنه طلعني جنت ضايجه وطلعني للحديقه شويه..

شهم: ضايجه مو تعالي اني اونسج..شلتهه من الكرسي بايد وحده وذبيتهه على الجربايه وشكيت الدهداشه عليهه وو .....

سماء_

🛑🛑

هجم علي وصار يعض جسمي كان اسد كاعد ياكل بفريسته بحيث زوركني واني كوه متحمله ولازمه روحي.. 

كام نزع ملابسه ورجع تقرب وباعد بين رجلي .. فهمت بهاي اللحضه ان يريد يكمل الشغله الماكملهه بليله العرس ..

جنت متقززه وكارهته لان يتصرف بعنف وياي بس تذكرت ان من خلال هذا الشي اكدر اجيبله طفل واشتري حريتي ..

خليت وغمضت عيوني واستسلمت للعنف للالم للدمع للخوف حسيت نفسي داخله بعالم كله سواد مابي احد يساعدني مابي باب ينفتحلي حتى اشرد منه ..

اخذني بقوه وعنف تاذيت حيل وحسيت روحي طلعت بس بقيت ثابته وماضعفت كدامه لحدما ابتعد عني وراح للحمام وسبح طلع بدل

واني باقيه على نومتي ومغمضه عيوني لحدما سمعته فتح الباب وطلع..

فتحت عيوني وباوعت لجسمي وشفته شلون مزورك والدم مالي الفرشه حسيت حيلي مهدود ماكدرت اتحرك او اسوي شي ..

كوه مديت ايدي وسحبت الشرشف وسترت نفسي بي ..

فتره ودخلت الشيخه علي وشافتني..

الشيخه: يا يمه شبيج شهالحال هم رجعت اصابتج تنزف

سماء: بصوت مبحوح..لاا يمه هذا دم بكارتي

الشيخه: شنوو ..تعالي يمي تعالي تكدرين تكومين

سماء: بدموع..لا ماكدر

الشيخه: صاحت..هدى ..هدى وينج

هدى: ها جيت يمه ..دخلت للغرفه وشفت سماء حالتهه حاله خفت عليهه شبيهه..

_ياا شبيج سماء

الشيخه: يمه ساعديني خلي اخليهه بالكرسي ونسبحهه كضو شغلتهم اليوم..

هدى: بتفاجئ...هااا ..اي يله كومي خيه كومي..

سماء_ 

شالني الشيخه وهدى وكعدني على الكرسي كوه كعدت احس سجاجين بيه جوه تاذيت حيل 

ودني للحمام سبحتني هدى وطلعت بدلتلي ومشطت شعري واني احس نفسي جسد بس بدون روح احس روحي ضايعه وماعرف وين الاكيهه ..

هدى: سماء حبيبتي جا انتم شغلتكم مو كضيتوهه بليله العرس

سماء: هاا لا 

هدى: عجيب جا والدم الجان بملابسه معقوله مالت اصابتج ..

سماء: اي مالت الاصابه الدم طلع نازف وماشايفينه..

هدى: اي هل اكول تعجبت..يله حبيبتي نامي ارتاحي اكيد تاذيتي..تردين اجيبلج مسكن

سماء: اي ياريت ..

راحت هدى جابتلي المسكم واجت شربته وتمددت على الجربايه..

الشيخه: يله يمه نامي واي شي تحتاجين صيحي لوحده من البنات ويجن يمج..

سماء: انشالله يمه..

خلن وطلعن وبقيت اني متمدده وعيوني يطلع نار منهه مو دموع ..

بقيت ابجي بحركه على حالتي ومحد يسال عني ولا يعرف البيه والكاعد يصير وياي رغم الناس العايشه وياهم طيبين وياي 

ويعاملوني كبنتهم بس احس روحي يتيمه ووحيده وخاصه هذي الغرفه صارت جحيمي بالنسبه الي.. احس جسمي خدر وسكنت روحي وغمضت مستسلمه للنوم.....

#بعد مرور اسبوع..

شهم_

كعدت الصبح ورحت للمركز واجالنه تبليغ القاء قبض على مجرم سفاح..

3 ت

اخذنه عدتنه وطلعنه اني وزملائي وصلنه لمكان اختبائهن ونزلنه القينه القبض عليه وشفت شي ياريت ماشايفه

جان اكو ولد شاب متمدد بالارض وميت اثر الجوع والعطش اتقبض قلبي وتذكرت ابني الشفته متمدد على السديه ومابي روح ..موت ابني حيل اثر بيه ومحد يحس بناري غير الفاكد ابنه

هذا ضناي قطعه من روحي بيوم وليله يروح من ايدي ليش ياربي شنو مسوي بحياتي حتى اتعاقب بضناي وفلذه كبدي شمسوي...

اجيت للشاب واني دمعتي بعيني حسيته ابني اخذته وخليته بسيارتي ودزيته للمستشفى وخليتهم يخابرون اهله واجوله 

حسيت وكاني عشت وفاة ابني مره ثانيه نفس الموقف نفس ردة فعل ابوه تفس نومته حتى نفس عمره ..

اختنكت وصغرت الدنيا بعيني خليت ورجعت للبيت دخلت وشفتهه كبالي وعساهه لا اجت كبالي..

نط الشيطان كبالي واجيت لزمتهه من شعرهه وجريتهه طاحت بالارض واخذتهه سح من شعرهه للغرفه ومنو التجي كبالي تريد تخلصهه تاخذ نصيبهه مني ..خليت ودخلتهه للغرفه وكتلهه....

.............

سماء_

كعدت الصبح واجت سمر اخذتني غسلت وبدلتلي ودفعتلي الكرسي وطلعتني بره يم العائله نتريك

صبحت عليهم وتريكنه وهمه يسولفون وانه اباوعلهم لحدما خلصنه ريوك وراحن البنات للمطبخ غسلن الماعين

ورحت يمهم بقينه نسولف شويه تالي كامت علكت جدوره الغده عل طباخ واني بقيت اباوع للحديقه من باب المطبخ 

ماحس الا دخل شهم وحاط بعيونه الشر خله واجه اخذني من شعري وسحني بالارض ودخلني الغرفه

وانه مافاهمه شي وليش سوه هيج وشسويت حتى ياذيني هيج بقن الاسئله بقلبي ومانطقت شي بس دموع الخوف تنزل بقيت مدنكه وارجف شويه وكال..

شهم: اشوفج مرتاحه يا مدام

سماء: لا رد

شهم_نزلت كمشتهه من شعرهه وكزيت على سنوني وحجيت..

_لمن احجي وياج تجاوبيني 

سماء:بصوت مخنوكه.. ما..مامرتاحه

شهم: بهدوء..لا اشوفج مرتاحه وتباوعين للحديقه هم تدرين من اشوفج تضحكين ومرتاحه يجي بالي ابني يلي طمه التراب بعمر الورد..

شلون الج عين تنامين وترتاحين وبسبب خالج ابني وجهه وعيونه ملفوفه بالجفن..

7 تع

سماء_

عرفت ان كلامه بهاي الطريقه يعني ان هذا الهدوء قبل العاصفه ..

نزلت راسي وكلت لا حول ولا قوه الا بالله وجهزت نفسي للراح يصير..

ماحس الا كام من عندي ونزع حزامه ولف الطرف على ايده غمضت عيوني ماكدرت اباوع على منضره وهوه لازم الحزام 

احس بالخوف والالم قبل لا يضربني حتى خليت وغمضت عيوني وبعدهه منين تجيني الطكه مادري مره بزندي مره برجلي السليمه مره على راسي وبرقبتي واصابيع اديه صرت مثل الحمامه المذبوحه بس صامده وماتحركت ..

كوه لميت نفسي باثناء الضرب وحضنت روحي وهوه يضرب ويضرب وانه اردد لاحول ولا قوه الا بالله بقلبي ..

الى ان تعب وكف ضرب وكعد على الجربايه واني دموعي تجري ماعرف شلون طلعت مني شهكه بجي ..

سمعهه وماحس الا شالني من ملابسي وشمرني على الجربايه واخذت عقابي الثاني تقربلي بوحشيه مثل اخر مره وهوه منهال علي بالضرب والخنك ..

خلص وكام سبح وبدل وطلع بره واني جسمي احسه صار جثه زفره بقيت متمدده وماهتميت بجسمي العاري 

بقيت مغمضه عيوني واتخيل نفسي يم خالاتي واهلي واضحك واسولف وياهم ورشا كبالي تضحك ومابيهه شي ..

هذا الخيال كدر يخفف من المي وبهذا الخيال حسيت ابتعدت عن كل العالم وماحسيت

باليصير حوالي لحدما فتحت عيوني ولكيت هدى كاعده يم راسي وتستر بجسمي العاري..

هدى: ها سماء خيه شمسوي بيج الظالم

سماء_

ماتحملت اكثر وبجيت مو هينه على بنيه بعمر ١٨ تعيش العشته اني مو هينه على بنت صغيره وناعمه وحساسه مثلي

تواجه كل هل قسوه وتسوي نفسهه قويه وهيه اضعف منهه ماكو ماتحملت ونزلت دموعي شلال مو من الالم لاا لان نكسر خاطري على حالي..

خليت وحضنت هدى وكمت ابجي وابجي وابجي بحركه طلعت ضيم هل شهر هذا كله انفجرت بالبجي وماكدرت اسكت بعد..

اني الصوت ضحكتي جان يملي البيت هسه صوت ونيني تارس غرفتي ..انه الجنت اضحك احبابي صار الغريب يبجي على بجيي..

3 ت

هدى: بجي... خلاص حبيبتي والله كسرتي قلبي عليج شنو ذنبج انتي ويصير بيج هيج

جنت مفكرته انسان عاقل وفاهم وعبالي حاله عصبيه بس من شفت السواه بيج اليوم كرهته ونزل من عيني طلع شخص مريض وظالم ..

هدى: ابجي يروحي ابجي ادري بيج صارلج متحمله شهر وكوه ماسكه دمعتج ..اعتبريني امج وابجي وخلي ضيمج كله بحضني..

سماء_

لمن كالت هيج تذكرت امي وخالاتي وانهاريت وزدت بالبجي وبقيت الى ان حسيت قلبي ودموعي خلصت ..

ابتعدت عن حضنهه ومسحت دموعي وكتلهه.

سماء: لا رد

_خيه ساعديني اكوم اسبح احس نفسي قذره

هدى: اي حبيبتي يله تعالي خلي اكومج تسبحين

دون إشهارات