رواية لبوة الحياة الفصل الخامس عشر بقلم ساره العبيدي
ردت باجر انزل بارت بس شفت تعليقاتكم الحلوه كلت لازم على هذا تشجبع انزل بارت لعيون متابعيني
بيج قصص وروايات منقولة
كعدت على وجع بطني ردت اكوم أروح أخذ علاج شفت الفراش بي نقط دم تخبلت صحت على بيبيتي وياسمين
اجوي يركضون اني من الخوف أرجف
بيبيتي: شصار احجي شسويتي شنو اخذتي ولج يمصكوعه
جوري: والله ماسويت شي نمت كعدت لكت هيج
بيبيتي: انتي ماتردين طفل اذا اعرف مسويه شي ما احجي وياج بعد حرام بنيتي هاي روح
جوري: كمت ابجي ليش ماصدكيني والله ماخذت شي ليش من احجي محد يصدكني
بيبيتي: نامي على ظهرج خلي مخاد جوه رجلج
خابرت على أسيد اجه ركض اخذنا للدكتوره طلعت. يوم استراحه مالتها
اخذنا لدكتوره ثانيه حجز لنا بقينا ننتظر الي ان انطاهم فلوس يلا طببونا
طبيت كالت شكو شرحت لها صار
دكتوره: تفضلي افحصج
كمت فحصتني واني كوه اكدر اتحرك. بسبب. ايدي ربي لا اسالك رد القضاء بس امتحانك. صعب ساعدني اني ماعندي أحد لكن عندي رب رحيم أرحم بحالي الهئ
كملت فحص كالت متعرضه لهبطه وهيج صار ماكو شي هم كتبت علاج وكالت يومين اذا شفتي شي تعالي
بيبيتي طلبت رقمها حتى تبقه تسألها اذا صار شي
طلعنا لكت أسيد وجه احمر من العصبيه وتوتر
طمنته بيبيتي وركبنا سياره حتى نرجع
أسيد: حجيه شرايج بسلامة جوري اعزمكم على عشه مابقه شي ويأذن المغرب
بيبيتي: اني مابيه حيل يمه ماحب اكل مطاعم ؤديني للبيت وأرجع انت وجوري تعشوا بره
أسيد: لا العشه دونج مو حلو خلي نأخذ جاهز نتعشه كلنا سوه بالبيت
نزل جاب عشه للبيت وجايب علاكات اثنين لي
أسيد: جوري هاي الج خليهم
جوري: ماريد شكراً بيبي مامقصره
أسيد: مو الج لابني هاي
جوري: اخذتهم وعوجة حلكي عنه
رجعنا للبيت لكت ياسمين وجدي حبيبي ينتظرني
طمنتهم عليه وحضرت ياسمين العشه خطيه وحدها مايقبلون أشتغل
بقه أسيد يتعلل ويانا اني تعبت. مددت يمهم
بيبيتي: أسيد وليدي اني اعرف سوته امك بجوري وبعد ما أمن. اخليها ترجع وياك لبيتكم وهلمره عدت سلامات الله. يستر من المره الجايه فأني عندي اقتراح اذا قبلت او رفضت براحتك يعني مامجبور لا تقبل ولا ترفض
أسيد: اي حجيه تفضلي
بيبيتي: شوف اني ولدي طلعوا كل واحد بيته محد عندي والبيت جبير وجوري بنتي هاي اني ربيتها ليش ماتجي تكعد ويانا شوفت عينك محد اكو براحتك
أسيد: حجيه كلامج على راسي بس تعرفين مهما يكون مكدر اعوف أهلي صح امي اذت جوري بس تبقه امي. مكدر اتركهم وحدهم بس ان شاءلله اجي ابات اهنا شوكت ما أريد لان مكدر فدمره ابتعد عن. أهلي
بيبيتي:البيت بيتك شوكت ماتحب واحنا هم أهلك والله اعتبرك مثل ابني طه الله يرحمه
أسيد:الله يرحمه واني عين عيونج
بقه شويه.يحجي وياهم جدي من نوع الهادئ ولا يدخل نفسه بيبيتي هيه تحجي وتقرر
واني نايمه طالع أسيد
كعدت الصبح عادي الدم نكطع بعد ماشفت بقيت مستمره على العلاجات اما الحرك الحمدلله ايدي تحسنت وشعري عادي تعودت كلت باجر يرجع يطول
بيج قصص وروايات منقولة
مرت الأيام عاديه أسيد يجي كل يوم يجيب اشكال فواكه كرزات حلويات مايخلي شي
اوقات يجون خوالي وخالاتي وننجمع تخبل لمه الحلوه
امي ما تسال ولا يمنا بس من تجي على بيبيتي تسلم علينا وهاي هيه
ياسمين دائما اشوفها تباوع من شباك المطبخ لو تكعد بطرمه
ياربي هاي البنيه شغلتها مو خاليه اكو شي بس هيه ماتحجي بقيت اراقبها وساكته ردت اشوف شكو ولازم اتأكد يلا أحجي.....
بيوم الجمعه اجوي خوالي ولدهم وبناتهم والكل مجتمع
خالي علي عنده ولد اسمه ياسر هذا بعمري بس مثل إخوان لان ربينا سوه مابالنا شي نشاقه ونضحك.عادي
جان الجو وسط نهاية الشتاء تجي اوقات حاره فالعصر.بطرمه مشغلين الماطور
وياسر يرش بلمي عليه ندك الباب فتحه سجاد.
طلع أسيد.يبؤؤؤ هذا وكته
تقرب علينه ونفسه بخشمه حتى ماسلم على شخص كبل لزمني من ايدي قصص عراقيه واقعيه
أسيد: ولج اني نار بقلبي من شوكي الج وأنتي اهنا تسرحين وتمرحين بكيفج شوكت تخجلين على نفسج ناسيه انتي مزوجه
جوري: شوف تره ساكته كل هاي الأيام لان مالي خلك وتعبت ولحد الان مو ناسيه سويته فهمت واذا المره الراحت سويت لتريده هالمره صدك ماراح أسكت اذا مو عاجبتك اخلاقي الله وياك روح أخذ وحده مثل أخلاقك العاليه تريد احجي وافضحك اخلاقك شسوت لو عيب اسكت لأن كلام باجر يمس طفل لبطني
عفته وطبيت جوه دموعي نزلت كدام ولد خالي عبالك اني طفله بس يرزل بيه طاح حظي انطيته فرصه مايتغير لو شما يصير مستحيل يتغير رحت بدلت ونمت
كعدت على صوت بيبي
بيبيتي:جوري جوري يمه كومي الدنيا مغرب مو زين عليج هسه نوم وانتي حامل
بيج قصص وروايات منقولة
جوري:بيبي عوفيني النوم اريح شي لي
بيبيتي: اكعدي احجيلي صاير ياسر سولفلي شبي أسيد وياج
جوري: بيبي والله معرف ليش دائما يشك باخلاقي وتربيتي كل مايشوف شخص عباله.عندي شي ويا تعبت منه تندمت سمحت له يبقه بحياتي
بيبيتي: عادي حبيبتي لا ضوجين وعبري لخاطر لبطنج هذا باجر يعوضج عن كلشي شفتي هسه تنسين.أبو وام ابو ههههههه
جوري: كمت أضحك اخ بيبي ههههههه صدك ضجكت شكد احبج بدونج شراح يصير بيه بستها من رأسها
بيبيتي:ربي يحفظكم.ويسعدكم واشوفكم مرتاحات يارب يلا هسه.كومي اكلي شيء أسيد عوفي عليه اني ارزله لا تقهرين نفسج
طلعت للمطبخ لكت فواكه وكيك كعدت اكل وتؤضيت وصليت وكعدنا بعد ماكملنا العشه كلنا سوه شقه وضحك وكل واحد يحجي سالفه شكل ههههههه
مرت أيام حملي عاديه اكل ونوم خطيه ياسمين ماتخليني اشتغل اي شئ اوقات اني اساعدها بشئ بسيط
أسيد رزلته بيبيتي بقه شهر مايجي بس يتصل يطمئن ويدز ويه حسام كل شي يجي على بالي
هو امانة لله نفسه كلش طيبه مايخلي شي
بيج قصص وروايات منقولة
بس تصرفاته تغطي على كلشي حلو بي
بيوم نمت من وكت كعدت ب1 شبعانه نوم رحت اتؤضه حتى اصلي اقرأ قران.اكثر.شيء اقرا بالليل لان هدوء والجو حلو....
تؤضيت.فرشت.سجاده.صلاه شفت ياسمين بلمطبخ اني متأكده اول ماكعدت ماكو أحد
عفت.صلاه رحت عليه
جوري: شعندج اهنا ست ياسمين منين اجيتي توني جنت اهنا ماشفتج
ياسمين: لا توني اجيت اشرب مي عطشانه
جوري:اكلج عوفي هاي سوالف وكعدي سولفي لي شعندج
ياسمين: شبيج صدك تحجين شعندي قابل
جوري: شوفي اني فاهمه عيونج وين جاي تروح وشعندج تكعدين بطرمه وهسه سولفين لو اكول لبيبي كلشي
ياسمين: لا فدوه هسه احجي بس اوعديني يبقه هالشيء بينا
جوري:احجي شكو
بيج قصص وروايات منقولة
ياسمين: تعرفين ابن جيران بيت جدي لي راح وياهم من انحطفوا
جوري: اي احجي اسحب الحجي منج كلمه كلمه شبي ومنين تعرفي
ياسمين:من صارت الحادثه تعرفت عليه صرت أشوفه هواي ولان اشتغل شفته أكثر من مره واكف بسطح لو بطرمه مالتهم واني حبيته ونعجبت بي وهو هم حبني بعدين شويه شويه صرنا نحجي على حايط من اخلص شغلي يصيحلي ونحجي بس والله قصده زواج راح يجي يخطبني بس يكمل غرفته
جوري: انتي شلون هيج سوين تعرفين اذا طلع يضحك عليج راح تنزلين رؤسنا بلكاع ولج عيب هو جيران لو يريدج صدك على اقل يدز أمه
شلون تثقين بي ولج احنا ماعدنا احد يوكف ويانا وكلها دور الكلمه علينا شلون هيج تسوين ماتحجين لي
ياسمين: امانه جوري لا تكولين لاي شخص خاصه بيبي والله تكتلني
جوري: شوفي ممنوع تحجين ويا بعد اذا يحبج صدك يدز أمه لا صيرين ضعيفه يدوس عليج باجر
يلا روحي نامي
حضنتني وراحت شصرف هاي صدك بسرعه خلي اكوم اصلي والله يحلها صليت وقريت قران ونمت
كعدت الصبح ياسمين عيونها منفخه ظاهر كضت الليل تبجي كمت ساعدتها بشغل البيت
وحجيت معها
جوري: شوفي ياسمين والله اني أحبج وانتي اختي ماعندي غيرج ماريد قلبج ينجرح مثلي فهمتي اني اتمنه يطلع ابن حلال ويجي يخطبج هنيالي من اشوف الفرح بعيونج
وحضنتني وهيه تبجي يلا حياتي روحي اسبحي ونامي شويه لان عيونج واضحه سهرانه
عوفي الغده اني اسوي ماقبلت تروح بس اني عاندت ولحيت عليها وراحت
ماكدرت اشوفها هيج لازم اني احجي ويا واشوف شنو نيته وياها
اطبخ واباوع انتظره يجي يارب كون يطلع خوش ولد ويفرح قلبها
جاي اثرم بزلاطه وصار خيال كدامي غطيت شعري وطلعت عليه
السلام عليكم خويه محتاج شي تفضل
لا خيتي بس بس بس
جوري:بسبست هواي شرايد
ها اريد لا ماكو شي
جوري: شوف اني عرفت لي بينك وبين ياسمين رجاء احنا مو مال علاقات وتعرف تربيتنا كلش زين اذا رايد ياسمين دز امك العصر تحجي ويه بيبي ماتريدها اني راح اضطر اتصرف تصرف ثاني.واكول انت جاي تتحارش
ظاهر مكتوبلي ابقه بمواقف بايخه وانفضح.....
