رواية لبوة الحياة الفصل السادس عشر بقلم ساره العبيدي
ظاهر مكتوبلي ابقى بمواقف بايخه وانفضح
عود. الحجي كله ما أجه الا على هاي الكلمه
أسيد: شعندج واكفه اهنا منو يتحارش منو هذا لي جاي تحجين ويه بنت الجلب أنتي شسالفتج كل مره لزمج بشئ اخيس من قبله وتبيعين. شرف براسي ولج امج ماربتج طبعآ عايفتكم على كيفكم وعمي بالقبور واخوانج كرون. شادين ظاهر يوميه ست جوري ويه واحد واكفه اني راح اعلمج التربيه شلون اني اكل بروحي ندم على سويته أنتي على حل شعرج من واحد لواحد
جوري: هي أنت جاي سولف لزم حدك لا تنسي نفسك فهمت لو لا أفهم الموضوع بعدين أحجي براحتك ممنوع تجاوز. وياي ترا لحد الان متحمله وصابره أنت زوجي على عيوني هم اتمنى يوم قبل باجر طلكني إذا أنت عندك نقص تشوف الناس كلها نفسك فأني مامجبوره اتحمل سوء ضنك بيه
أسيد: حقج ست جوري تطلكين لان ما شآء الله بمكان واحد عشرات عندج حقج بس تحلمين والله الا اعوفج هيج معلكه لا سما ولا كاع
سحبني. من ايدي واني كلبت الدنيا صايح لان بعدها توجعني من الحرق وطلعت بيبي عليه وتحجي. ويا وهو فاصل خبل بعد. وهاجت اخباله
ربي. صوج بيه لو بي ليش هيج دائما يجي بالوكت الغلط سحبني. للغرفه وقفل الباب
ووصار يتقرب واني إرجع لورا وكعت على الجربايه صار فوكاي
أسيد فدوه أبتعد الله يوفقك والله ماناسيه سويته بيه كوم عني هو يباوع على عيوني
ولا يمه لحجي لزم أيدي وعيوني بعيونه
أسيد: جوري تدرين شكد. أحبج تعرفين شكد. مشتاقلج ميت على ريحتج وانتي عايشه ومتؤنسه ولا يمج أسيد شنو بيهم احسن مني شنو فهميني
كام. يصيح كسر مزهريه
واني اصيح كرهته هسه غصب حتى اذا أحبك تصرفاتك تخليني أكرهك أكثر من حبك لي
إني كلت هيج هو رجع عليه
أسيد: تمام جوري اكرهيني على راحتج راح يجي يوم تعرفين شكد جنت أحبج
جوري: أسيد الحب مو غصب أنت عصبي تصرفاتك عدم. ثقتك. كلها تخليني ماتقرب منك ولا أحبك
أسيد: يعني هسه بعدج نفس كرهج لي
جوري: ماجذب عليك اي صح. اوقات تصرفاتك حلوه وياي بس بعصبيتك وشكك بيه تنهي كلشي
أسيد: ههههههه شلون تحبيني انتي يوميه ويه واحد راح اكون جداً هادئ وياج يلا نرجع لموضوعنا المشوق منو سعيد الحظ جان واكف وياج ويحجي ويتحرش عرفينا عليه اسمعج غردي ست جوري.
جوري: اكولك شو أنت ماتستحي بس هسه اني متأكده أنت ماتحجي هيج الا لان شايف خواتك هيج باقي عندك شك الباقي كلهم. نفسهم
أسيد: ليش ماتحجين بأحترام أفضل الج ولي يلا فضيني واحجي منو هذا لو تردين بطريقتي احجيج
جوري: ماعرفه ابن جيران. بيت جدي وانت تعرف هذا الشي متحرش بوحده من صديقاتي. اني حجيت ويا لان خطيه البنيه فقيره كتله حرام. عليك تتحرش بيها هيه. كل لباله انت تريد زواج فاذا. تريدها دز. أمك تخطبها
هذا كل مافي الموضوع فهمت هسه. بس الشيطان لبالك اكيد ماقتنع
أسيد: ها انتي مقتنعه. بلحجي هذا
جوري: طبعآ مقتنعه وليش حتى اجذب عليك مامجبوره ولا خايفه
تقرب. مني وحضني. وخلي شفايفه تلتهم شفايفي كل عاده مايعوفني. الا طعم دم شفتي يصير بشفته
عافني بعد ماخذ شفه وطلع واني كعدت ابجي صدك قلبي تعب
دخلت بيبي عليه ليش تبجين عوفي بجي وكعدي سولفيلي هذا شنو موضوعه
جوري: بيبي راح احجيلج بس وعد بروح خالوا ماتسوين شي
بيبيتي: ولج احجي شكو شصاير
جوري: بيبي هذا ولد يحب ياسمين وياسمين تحبه يريد يجي يخطبها حسب كلامه لياسمين بس اني حجيت ويه ياسمين كتلها ممنوع بعد تحجين ويا واني ردت احجي ويا اذا يريدها مو يكعد يحجي وياها يدز أمه تخطبها وحذرته واني احجي اجه أسيد وصار الصار
بيبيتي: اني اهنا شنو مقصره عنكم مو كل وكتي الكم ليش ماتحجون لي ليش هيج تسون بيه امشي صيحيلي ياسمين
جوري: بيبي فدوه لا تسوين شي لها انتي وعدتيني
بيبيتي: ولج اني مو بس جده الكم اني ربيت وتعبت أمشي صيح اختج وتعالي وياها
رحت لغرفة ياسمين لكتها تبجي فتحت الباب اجت حضنتني
ياسمين: جوري سامحيني اسفه والله ماكان قصدي تصير مشكله بينج وبين أسيد خلص عوفي زياد. بعد ماريده وعد ولا احجي ويا
جوري: أمشي هسه بيبي تريدج
ياسمين: جوري ليش حجيتي لها اني وثقت بيج ليش حجيتي هسه شسوي شكول ماروح كوليلها نايمه ماروح خلص بطلت والله بعد ما احجي ويا
جوري: امشي ولج ماسوي شي بس تريد تفهم منج
ياسمين: عفيه لخاطري اني مو اختج وتحبيني روحي كوليلها نايمه
اوف منج طلعت رحت على بيبي كتلها نايمه بس ماصدكت كامت وياي راحت عليها 😂
بيبيتي: ياسمين ولج ليش ماتجين من ادز عليج اعرفج مو نايمه يلا كومي احجيلي كل صار حتى اعرف أصرف
ياسمين: كعدت ابجي بيبي والله العظيم مصار شي مو زين اصلا ماصار هوايه من عرفته هو كلش مؤدب حتى ماحجه وياي غير مرتين بس يشوفني ويروح
بيبيتي: شلون عرفتي مؤدب ها كاعده ويا طالعه ويا تعرفين شعنده ماعنده سوالف البنات الفطيره عوفيها على جهه ومن اليوم انتي او جوري بنفس ا
لحظه تحجون لي ماشي ماريد أحد يضحك عليكم لو يشمت ببكم
ممنوع اسمعي زين ممنوع تحجين ويا يصيحج يباوع سدي الباب او شباك وطبي جوه يريدج بابه بصف بابنا يدز امه عود يكعد يرتب بكيفه
هسه خلي نعرفكم على زياد روميو الجديد ههههههه 😂😂
اني زياد عمري30 عسكري اسمراني طويل وضخم وعندي شوارب عيوني عسليه عندي اخوان 3
اثنين مزوجين واني واخويه صغير بعدنا
واخت وحده مزوجه
كنت من ارجع من الدوام دائما اشوف طفله مو بنت بعيوني لو تنظف جام شبابك لو تغسل طرمه لو تنظف الحديقه وتشتغل عبالك وحده جبيره رف كلبي عليها صرت يوميه أشوفها اني اعرف بناتهم كبار ومزوجات منو هاي لبنيه
بقيت يوميه اطلع للحديقه حتى اشوفها من السياج
بيوم شفتها جاي تغسل الطرمه والجو حار شمس ماتحملت شنو هاي شلون يخلوها تنظف بهاي الشمس
صحت عليها
اكلج الو انتي ماتسمعين
هيه ماترد
اكلج خرسه طرشه وسم امشي طبي جوه يلا
باوعتلي بخزره وعافتني وطبت
ولا جاوبتني بقيت افكر ماراحت من بالي رحت سألت امي كالت هاي بنت بنتهم ارمله هاي اجت ساعد وتشتغل لبيبيتها وجدها رغم صغيره بس ما شاء الله كلشي تعرف حتى خبز وطبخ ما شاءلله
صرت معجب اكثر كمت اتابعها يوميه شكد. حاولت احجي وياها ماترد كنت اخلص اجازه اراقب بيها حتى ما اطلع من البيت بعد تعبي من محاولة لحجي وياها أخيراً
استسلمت بيوم كنت نازل من دوام
اريد بس اشوف وجه طفولي
العصر اجه المي اني طفرت للسياج أكيد هسه هيه موجوده
لكتها جاي تعبي مي صحت الي ان عطشت صدك من لحجي يلا ردت
ياسمين: تفضل خويه رايد.شي ترا عيب جاي اسوي ماعندك خوات.
زياد: فدوه لهذا الوجه والله أحبج ماريد شي.بس اتعرف عليج و نيتي زواج
ياسمين:اسفه مع السلامه
عفته وطبيت جوه هذا شبي صدك يحجي اني ما اطلع ولا أشوف أحد منين يعرفني شلون يريدني هو مامره حاجي وياي اوي عوفي طبه مرض كملي شغلج
عفته ورحت كملت شغلي
ورا يومين هم حاول يحجي وياي معرف حبيت احجي ويا حبيت مراقبته
حجيت وياها فهمتها رايدها زواج بس اكمل شغلي
صدك جنت أحسها بنتي طفلتي وانتظر يوم يوم أشوفها وكنت ناوي احجي ويه أهلي بهذا الموضوع بس منتظر اكمل وضعي وشغلي
من صار موقفي ويه أختها احترت شنو اسوي شلون اتصرف مالي غير أمي هيه تعرفهم
طبيت ركض لها حجيت لها كل صار
كامت تلطم ولك. شكول لام علي هاي اختي مو جيراني اذا انت تحبها صدك ليش ولك ماحجيت ماكلت هسه شلون اروح وسبتت لبنتهم مشكله مع زوجها كوم عني خلي يجي أبوك واشوف شيكول
بقيت افتر بصاله
معرف شسوي بس لا اذؤها المشكله باجر التحاق مالتي شلون أروح واني قلبي معها معرف شلون
ياسمين: بقيت 10أيام ماطلع للطرمه ولا سمعت شئ وتاكدت كلام جوري وبيبي صحيح هو ماحبني كان يريد يضحك عليه كضيت الايام.بس بجي وسهر ليش وثقت بسرعه صدك اني فطيره صدك.غبيه لازم.أكون قويه ادوس على قلبي
جوري وياي دائماً تحاول تشغلني بي شي
اليوم.حجي كله عن العشاق كفشتي ويه أسيد😂
جوري صار وحام مالتي لعبان نفس ما اكل شي الا.اذبه وراسي يوجعني حتى لي بي أثر من أسيد يشوفني ضيم وأسيد كل الفتره هاي يوميه يجي ومايترك كلماته وتصرفاته طبعا تعودنا عليها
كنا كاعدين بعد كل هاي الايام ندك الباب رحت فتحته
طلعت ام زيودي نسيبنا 😂😂
اجتي خطبة ياسمين وافقنا كبل لان نعرف
يحبون بعض واتفقوا على يوم خطوبه هيه خطوبه هيه عقد سيد او ناس تسمي شيخ
عزمنا الكل وصارت تخبل فدوه لحبيبة اختها ما شاءالله شكد فرحت لان حسيت ربي جبر خاطري بسعادة ياسمينه
طلعوا احلى اثنين
كملنا الحفله وكل واحد راح لبيته
وثاني يوم تاخرنا بلكعده وكعدنا على صوت دك الباب كل قوته
طلعت ركض وبيبي وراي عبالنا اكو شئ
فتحت الباب لكت مريه
شبيج شكو هيج دكين الباب ماتكولين ناس موجوده بهلبيت......
