رواية فصلية بديلة الفصل السابع عشر 17 بقلم ام ملكوت

سماء_ 

جانت جايبتلي الكرسي قربته علي وساعدتني كعدت عليه واخذتني للحمام وسبحتني تالي طلعتني بدلتلي ومشطتني ..

هدى: حبيبتي تردين تطلعين للحديقه تشمين هوه الغرفه خنكه..

سماء_

لمن سمعت باسم الحديقه خفت وتهسترت خفت اطلع ويجي يضربني مره اللخ

لان كلما يشوفني بالحديقه او اباوعلهه يجي يضربني بسرعه رديت عليهه..

_لا خيه لا ماروح ماطلع خليني هنا خليني بالغرفه احسن..

سماء: اي اي انام احسن اي

خليت وتمددت على الجربايه وغطيت راسي ونمت واني بقلبي خوفه..

نمت ب١ الضهر منا لثاني يوم ب١٠ الصبح ياله كعدت عيوني ثكال وجسمي كله مورم وياذيني

بحيث ماكدر اكلب على جوانبي راسي ياذيني وعيوني كابه نار كوه ياله طلع صوتي وصحت..هدى هدى..

شويه واجت سمر وهدى دخلن واجت كعدت يمي هدى..

هدى: ها حبيبتي شلون صرتي

سماء: متاذايه ياخيه متاذايه

هدى: مابيج الا العافيه انشالله بس امس بليل تمرضتي وصخنتي خليتلج كمادات وعفتج نايمه ..

بله اشوف حرارتج...

هاي شنووو ولج سمر البنيه كابه نار لحكي صيحي لساجد بسرعه ..

هدى: يمه امس صخنت وخليتلهه كمادات وعفتهه نايمه اليوم الصبح زادت عليهه ..

الشيخه: سوده علي يمه سماء تسمعيني يمه حاولي تهمين حيلج وتكومين يمه

سماء: بصوت ناصي..ماكدر ..جسمي ..متكسر

هدى: سمر تعاي عاينيني خلي نشيلهه ..

شلناهه وخليناهه بالكرسي ولبستهه حجاب وعبايه وطلعتهه بره 

ركبناهه بالسياره واخذهه ساجد للمستشفى..واني رحت وياه..بقيت اقره عليهه شكو ايه وسوره حافضتهه لحدما وصلنه نزلناهه واخذناهه للطوارئ

ضربوهه بره مال سخونه وابره ثانيه وره نص ساعه مالت فلاونزه ..بعدهه بساعتين تلمست جبينهه نزلت حرارتهه

_هاا يمه مساء الخير

الشيخه: مساء النور وليدي

_شلونج يمه

_الحمدلله يمه بس قلقانه على مريتك

_شبيهه

_ليش ماتدري انهه من امس تمرضت واليوم كعدت الصبح صايبتهه حمى واخذهه ساجد وهدى للطوارئ يضربوهه ابره هسه على جيه هم

شهم: ها خير انشالله..يله خويه سمر جعنه صبو الغده...

تحلفت بيهه بس تجي الا اطلع روحتهه هاي من وراي من خشمهه ..مسويه نفسج مريضه حتى تطلعين مو ست سماء اني الج..

سمر: اي خويه كملت روحو للصاله وهسه اجيب الا ..

ودخلنه لكيت الكل موجود بالصاله حتى هوه كاعد باوعتله وخزرني ونزلت عيني وحجت وياي الشيخه..

الشيخه: ها يمه شلون صرتي

سماء: الحمدلله احسن يمه

سحر وسمر: الحمدلله على سلامتج حبيبتي

سماء: الله يسلمجن

الشيخ: تعاي بويه كعدي يمي احجيلي ليش تمرضتي هيج..

سماء_

رحت كعدت يم الشيخ وهذاك صار مقابيلي سالني الشيخ وماعرفت شجاوبه رفعت عيوني اشوفه يخزر بيه خليت ونزلت راسي وكلت..

_شيخ امس سبحت بماي بارد واخذت برد مادري بروحي..

الشيخ: هاا خير انشالله يله بويه تعشي حتى تاخذين علاجج وتنامين..

🍀

سماء: الله يعافيج يمه..

بقيت ساكنه بمكاني لا كدرت اكول لاحد ياخذني عيب كاعد يتعشون ولا اكدر ادفع نفسي..

شويه وكامت سمر..

سمر: تعالي حبي خلي اوديج لغرفتج ترتاحين

سماء: شكرا الج..  خلت واخذتني للغرفه نزعتني الحجاب والعبايه واخذت العلاج ونمت....

#بعد ٣ ايام..

سماء: حسيت نفسي احسن من قبل راحت الحمى بس بقت السخونه تهيج علي من اضوج او ابجي بالليل ..

اليوم طلبت من سمر تعلمني ادفع لكرسي النفسي وعلمتني وكدرت ادفعه بحدي ..

مايصير اسلب راحه البنيه واضل كل شوي مكعدتهه بليل ..

.منا لليل تعشينه وخلصنه وكلمن خلصت شغلهه ودخلت لغرفتهه واني دخلت للغرفه حتى انام همين ماحس الا الباب اندفر ..

خليتهه ٤ ايام تطيب بيهه حتى ارجع امارس هوايتي عليهه اييي صارت هوايتي اعنفهه كلما اشوفهه ..

طلعت بليل ويه جماعتي وبقو يسولفون كلمن على اولاده وانجازاتهم واني نار احس تشتعل بروحي ااخ شكد يوجع ذكر الاولاد كدام الفاكد ولد..

رجعت للبيت كبل لغرفتهه..

_ها يامدام جبتج هنا انه بس تنامين موو

سماء: هاا لا بس ماعندي شي اسوي كلت انام

شهم: متاكده ماعندج شي تسوي ..

سماء: بخوف... ااا اي متاكده..

بقه يتقدم واني ارجع كوه اسح بروحي ..لحدما سحبني من شعري وقربني اله وكال..

شهم: تردين تنامين مو

🍀

شهم_

كلتلي لا وهجمت على شفايفهه عضيتهن عنفتهن وطلعت دمهن وكالعاده مارست عنفي على كل جسمهه وهيه مغمضه ومستسلمه الي  .

.مرات افكر انهه ماتحس بالم الضرب ولا بالم الاهانه بس لمن تفتح عيونهه احس عدهه دافع وشخص تستند عليه ويقويهه ويخليهه ماتدير بال لالم الضرب..

سماء_

استسلمت اله واخذ اليريده مني وخلص وراح سبح واني كالعاده بقيت مغمضه ونايمه وجسمي من الضرب ازرك 

حسيت ان جسدي مو الي حسيته قذر وبعد الف سنه ماينضف كمت احس الماي مايزيل القذاره التركهه على جلدي ..

خلص حمام وبدل وطلع واني كمت اسحب بروحي كوه لحدما كدرت اكعد بالكرسي واروح للحمام وبقيت اسبح واني متقززه وافرك بجلدي حتى تطيح قذارته مني..

بقيت جوه الدوش ابجي لمن شبعت خليت نشفت نفسي وطلعت بدلت ونمت ...

#ومر شهرين على نفس الروتين وصار كلما ينزل من دوامه ٣ ايام كل ليله يتقربلي واني كل يوم اضيع اكثر واحس بالغربه اكثر الى ان...

الفصل الثامن عشر من هنا