رواية قانون يونس الفصل السابع عشر
مصر كلها نسيت الفيديو بعد ما يونس العامري هندس الرأي العام ببراعة. طارق المهدي اتحول للمحاكمة بتهمة الفساد وغسيل الأموال ............ وزين اختفى تماماً عن الأنظار كأنه متبخر.
أما ورد الرشيدي فصدر بيان رسمي ببرائتها .....وتكريمها لدورها في كشف الخلية
في برج العامري الشاهق الجديد اللي اشتراه يونس بعد حريق مقره القديم ...... وتحديداً في الطابق الأخير.. ....طابق الشركاء
يونس كان قاعد على رأس طرابيزة اجتماعات ضخمة........ قدامه أهم 5 محامين حيتان في البلد...... بيوزع عليهم قضايا بملايين الدولارات ببرود
قضية وزير الإسكان السابق .....مش عاوز فيها ثغرة. هتتأجل لحد ما الرأي العام ينسى يونس قالها وهو بيشاور للمحامي العجوز اللي قدامه.
باب قاعة الاجتماعات اتفتح فجأة بدون استئذان
الصمت خيم على المكان والعيون كلها اتجهت للباب.
دخلت........ ورد
لم تعد تلك المتدربة الخائفة ذات النظارة الطبية........حذاء بكعب عالٍ يضرب على الرخام كأنه بيعلن عن وصول ملكة جديدة. نظرتها كانت لا تحمل ذرة واحدة من براءة الماضي.
المحامين الكبار بصوا ليونس بصدمة...... دي البنت اللي المفروض إنها مجرد كبش فداء في لعبته
يونس مبانش عليه أي مفاجأة بالعكس...............رفع حاجبه بابتسامة خبيثة...... وشاور بإيده
أهلاً بالآنسة ورد.. بطلة السوشيال ميديا.................... بس أعتقد إن ده طابق الشركاء......... ومكتب المتدربين في الدور التالت
ورد مشيت بخطوات بطيئة...... واثقة..... لحد ما وقفت قدام طرابيزة الاجتماعات..... مسكت ملف أحمر كان في إيدها..... ورمته على الطرابيزة قدام يونس بقوة
أنا مبقتش متدربة يا يونس.. أنا جيت آخد حقي في الشراكة
المحامي العجوز ضحك بسخرية شراكة إيه يا بنتي؟ إنتي لسه متخرجة امبارح ..........المكتب ده مابيدخلوش شريك إلا لو معاه رأس مال أو قضايا تقيلة
ورد مبصتلوش أصلاً..... عينها كانت متثبتة في عيون يونس اللي كان بيراقبها باستمتاع.
الملف اللي قدامك يا يونس.. فيه عقود التنازل اللي طارق المهدي مضالي عليها إمبارح بالليل في السجن
يونس ابتسامته اختفت... واتعدل في كرسيه.....
طارق مضالك على إيه؟ صوته كان حاد.
ورد حطت إيديها على الطرابيزة ومالت لقدام........وتكلمت بصوت سمعه كل اللي في القاعة
طارق المهدي اتنازل لـ ورد الرشيدي عن 40% من أسهم شركاته العقارية....... مقابل إني أسحب الملف السويسري اللي كان هيورط بناته التانيين في غسيل الأموال........... ومقابل إني أوفرله حماية قانونية تعطل حكم إعدامه.
أنا دلوقتي.... مش بس محامية.. أنا مالكة لأكبر محفظة عقارية في البلد..... المحفظة اللي إنت كنت بتحلم تسيطر عليها بعد ما دخلته السجن
المحامين شهقوا بصدمة....... البنت دي مش بس لعبت من ورا يونس دي راحت للسجين اللي هو دمره وعقدت معاه صفقة خلتها أغنى وأقوى منهم كلهم........
يونس كان بيبصلها وصدره بيعلو ويهبط......... ذكائها المرعب كان بيستفزه وبيسحره في نفس الوقت........... هو اللي علمها إزاي تبتز...........بس مكنش متخيل إنها هتبتز خصمه عشان تكسر عينه هو.
يونس شاور للمحامين......اطلعوا بره كلكم
لما القاعة فضيت...... يونس قام وقف..... وقرب منها لحد ما بقى وشهم في وش بعض......
إنتي مجنونة؟ تروحي لطارق المهدي في السجن وتعقدي معاه صفقة من ورايا؟
إنتي ناسية إني معايا دليل إن ابنه هو اللي خبط أخوكي وإنه هو اللي لفقها؟
ورد مبعدتش رفعت ذقنها بتحدي
وأنا معايا الباسورد اللي بيجمد ملياراتك في سويسرا........واللي إنت فشلت تكسره طول الأسبوعين اللي فاتوا..... إحنا الاتنين ماسكين سكاكين لبعض يا يونس........... طارق مجرد كارت اتحرق.......... وأنا أخدت منه اللي أنا عاوزاه..
ودلوقتي....... أنا هنا عشان نصيبي في مكتب العامري والرشيدي للمحاماة
يونس ضحك ضحكة قصيرة خشنة....... ومسك ذقنها بقوة خفيفة
عاجبني الوجه الجديد ده يا ورد.. بس الشراكة معايا مش بس ورق وملايين......... الشراكة معايا معناها إنك هتنزلي معايا لأوساخ القاع.
مفيش رجوع......مفيش أخلاق ومفيش ضمير يأنبك في نص الليل
ورد سحبت ذقنها من إيده....وردت بنبرة أبرد من الموت
الضمير مات يوم ما اكتشفت إن حقي كان مجرد صفقة بين الكبار. أنا نزلت القاع يا يونس....... ودلوقتي........أنا هنا عشان أحكمه معاك
يونس بصلها طويلاً..... كان شايف فيها نفسه من 10 سنين. سحب قلم حبر ذهبي من جيبه.... وفتح ملف الشراكة الفاضي اللي دايماً بيحتفظ بيه للحيتان.
مضى اسمه....... وزق الملف قدامها.....
مرحباً بيكي في نادي الشياطين يا شريكتي
ورد مسكت القلم....وبدون تردد مضت اسمها...
وفي اللحظة اللي حطت فيها القلم.. تليفون يونس الأرضي رن.
يونس فتح الاسبيكر
وصوت مدير الأمن بتاعه طارئ ومذعور
يونس بيه! زين طارق المهدي اقتحم الدور الأرضي، ومسلح واخد اتنين من الموظفين رهاين وبيقول لو الآنسة ورد منزلتلوش دلوقتي ...هيفجر المكان كله
ورد ويونس بصوا لبعض.
الماضي مابيموتش بسهولة والوحش اللي ورد رمته في الفندق.......رجع عشان يطالب بدمها
يونس قفل الخط..... وبص لورد بابتسامة متوحشة
أول اختبار لشراكتنا يا ملاك العدالة.. ......هتعملي إيه في الكلب المسعور بتاعك؟
ورد عدلت جاكيت البدلة وردت بنبرة أرعبت يونس نفسه
الكلب المسعور ملوش غير رصاصة الرحمة...... هاتهولي على مكتبي
