رواية فصلية ولكن الفصل السابع عشر بقلم سوزان ليث
— لليل جنت بالغرفه جان خالد يدخل كلي
خالد: ها حضرتي غراضج ترى باجر من صبح نطلع
حياة: لا بعدني ليش ساعه بيش نطلع
خالد: نطلع فد بسته حتى نوصل من وكت
حياة: زين انت شتريد اخذلك ملابس
خالد: دجيبي جنطه جنت اخذها ويايه لبغداد تكفينا اثنينا
حياة: رحت جبتها وجيت المهم طلعت اني لابستين مال طلعه وخليتها واخذت بجامه ويايه وشغلات هو يباع عليه واني اصفط الهدوم واعدلهن بجنطه
خالد: بس ذني حتاخذين
حياة: اي ليش ميكفن
خالد: لا اذا احتاجيتي شي مناك نشتري بس جنج نسيتي هذا الجنتي لابسته البارحه مخليتيه 😉
حياة: ظليت اعدل بجنطه وبتسمه عرفته يقصد قميص النوم
عاد رحت طلعت واحد خليته وهو طلع ملابسه هم خلاها فكملنا غراضنا كلها
ثاني يوم صبح من وكت طلعنا جانت بس خاله كاعده سلمنا عليها وطلعنا اني طبعا جنت كلش فرحانه وكلي نشاط وحيويه وجنت ماخذه ويايه لفات للطريق فطلعت جنت اكل وكلسع انطي لخالد ياكل لان ديسوق ميكدر وراها غفيت حسيت خالد يكعدني يكلي وصلنا كعدت خالد نزل فتح باب بيت واجه دخل سياره
هذا البيت مال منو
خالد: مالتي
حياة: اووو عدك بيت بغداد مادري
خالد: محد يدري بيه يله نزلي
حياة: محد يدري اكو واحد عده بيت واهله ميدرون نزلت هي طرمه مو كلش جبيره يعني يادوب تكفي سياره واكو حديقه كلش صغيره على صفحه وراها خالد فتح الباب الجوه ودخلنا يعني بيت حلو بس عبالك متروك لان تراب كاتله
اويلي باع التراب
خالد : اي صالي هواي مجاي هسه اخابر على ام احمد تجي تنظفه
حياة: ام احمد منو
خالد: مريه كل ماجي لبغداد تجي تنظف البيت
حياة: وشوكت اخر مره جيت هنا
خالد: حيل صارلي كومه من قبل الحادث
حياة: زين ليش اهلك ميدرون بي
خالد: عادي شي خاص بيه شعليهم اهلي
حياة: اني سكتت بس مجنت ممرتاحه اله يعني هلكد ماكمت اعرفه لخالد اعرف من يضم عليه لان يحجي ويسوي نفسه ملتهي بشغله شي حتى ليباع عليه
خالد: يله ذبي كلشي هسه تجي ام احمد تنظفه بين مانروح نتغده
حياة: عادي ترى اكدر اني انظفه
خالد: لا هسه هي تجي بين ماروح نتغده ونتسوك للبيت جم شغله هي مكمله اصلا هسه هي بطريق خابرتها
وره شويه اجتي مريه يعني متوسطه العمر وعدها ابن صغير بالابتدائيه سلمت على خالد وراها كللها هاي مرتي هي جتي سلمت عليه وراها طلعنا رحنا تسوكنا شغلات للبيت ورحنا تغدينا من دنطلع شفت خالد جايب غده سفري وياه من وصلنا للبيت جان المريه دتغسل بطرمه والله دخلت البيت يلمع شويه واجتي كالت كملت وكلشي نظفت حتى جراجف بدلتها
خالد: اي والله عشتي هاج هاي غده للجهال وشلت فلوس نطيتها
حياة: وراها راحت المريه فرحت سبحت وبدلت وطلعت افرغ بالمسواك الجبنا
خالد: حروح اسبح
حياة : اوكي .. كملت وراها رحت كعدت اتفرج تلفزيون
جان تجي رساله لتليفون خالد بالبدايه مهتميت بس بعدين الفضول كتلني رحت باوعت صديقه دازله مسج ها خير ان شاءالله
فتحت التليفون ورحت داشوف شنو فطلعت خالد دازله مسج اني بغداد ظال جم يوم
راد عليه ها اكول للشباب يعني حتى يتحصرون
راد خالد لا اني ويه الاهل نلتقي عود بكهوة مثنى
حياة: ظليت افكر يعني شنو هو خال هذا البيت يلتمون بي هو واصدقائه بعد ذبيت تليفون وكعدت هو طلع كلي
خالد: ها كلت نمتي
حياة: لا منعسانه اجتك رساله
خالد: اخذت تليفون شفت رساله مفتوحه .. فاتحه الرساله
حياة: اي ليش ميصير
خالد: اي ميصير
حياة: وليش عيني ميصير عدك اسرار بي
خالد: هسه تقبلين افتح مسجات صديقاتج
حياة : سكتت ونداريت للتلفزيون
خالد: حروح شويه انام كعديني بسبعه هيج متواعد ويه جماعتي
حياة: حتعوفني وحدي وتطلع
خالد: ليش تخافين
حياة: لا مخاف بس شنو جايين حتى تطلع ويه جماعتك
خالد : ماتاخر
حياة: لعد وديني بيت خالتي ومن تخلص ارجعلي
خالد: وين صاير بيت خالتج
حياة: مادري منطقه اسمها شعب بس ماندل وين بس اخابر خالتي دليك
خالد: الله كريم عود من اكعد اشوف
حياة: ظليت اتفرج تلفزيون وراها خابرت امل ظلينا نسولف ونحجي
بس كتلها نزلنا بفندق مكلتلها عن البيت وراها كمت افرفر بالبيت ورحت للغرفه كعدت خالد
خالد: اي كمت ساعه بيش
حياة: بسبعه .. خالد حتوديني لبيت خالتي
خالد: خابريها اول مره لخالتج شوفيها موجوده بالبيت حتى اوصلج ومن اكمل اجي عليج
حياة: اي هسه اخابر
حياة: خابرت خالتي وكلتلي موجوده وخطيه كلش فرحت لاحروحلها فبدلنا وطلعنا وصلنا بمنطقتهم
فخابرت خالتي حجت ويه خالد وصفتله واصلا خالد استغربه يندل كلشي عبالك من اهل بغداد
رحلت لبيت خالتي وهو راح على جماعته وظليت بيت خالتي جانت كلش فرحانه بيه هي جهالها للتسعه خابرني خالد
خالد: ترى اني بطريق من ادكلج طلعي
حياة: خالد متنزل شويه خالتي تريد تشوفك
خالد: غير مره كليلها
حياة: اوكي براحتك
وصل خالد ودكلي بس خالتي مقبلت اطلعله هي طلعتله دخلته للبيت هي ورجل خالتي المهم سلم عليهم وكعد يسولف ويحجي شويه وطلعنا من بيتهم
بسياره جنا
خالد: تونستي بيت خالتج
حياة : اي والله صار كومه مشايفتها .. وانت تونست ويه جماعتك
خالد: اتونس وانتي يمي
حياة: صدووك
خالد: وداعتج
حياة: من هذا عفتني ورحتلهم
خالد:مو صار هواي مملتقين
حياة: مممم وين حتاخذني
خالد: للبيت
حياة: هاي شنو شوكت تفرني
خالد: ولج شوفي ساعه بيش عود باجر افرفرج
حياة: مممم تعشيت
خالد: لا وانتي
حياة: اي تعشيت
خالد: واني ماكلت كلت ناكل سوه
حياة: عادي هم اكل وياك 😁
خالد: عبالي
فوكف يم مطعم جاب عشه ورجعنا للبيت
ثاني يوم طلعنا وظل يفرني ورحنا شترينا ملابس وغراض وتغدينا وطلعنا كملنا فر طلعنا من صبح رجعنا العصر للبيت طبعا جنت كلش تعبانه لان ممتعلمه هلكد امشي وافتر
اول مطبيت البيت رحت سبحت ومددت غفيت بسرعه حسيت واحد لزك بيها وايده دتمشي على جسمي اني كلش نعسانه بالكوه مفتحه عيوني
نمت محسيت بشي كعدت لكيت نفسي نايمه على ايد خالد طبعا وخالد نايم كمت رحت غسلت وطلعت للمطبخ كمت اسوي عشه واحضر وراها رحت اكعد خالدحتى يجب صمون لان ماعدنا
اول ماصحت خالد كعد فتح عيونه
حياة: صح النوم كسولي
خالد: اني كسولي منو جان قبل شويه نايمه هنا وشوخر
حياة: هههههه اني ماشوخر
خالد: اي صحيح ولج حتى جوارين اجوي عليه كلولي مدنكدر عيني شنو هذا الصوت البيتكم كتلهم احسبوها عليه هاي مرتي دشوخر
حياة: هههههه خااااااالد يله كوم جيب صمون حتى نتعشه
خالد: تامرين عيني ست حياة
حياة : شويه واجه خالد بيده علاكه الصمون كتله زين متاخرت
خالد: اي بعد خطوتين الفرن
حياة: واكفه واجه حظني
خالد: اساعدج
حياة: لا كملت
خالد: لا خل اساعدج
حياة: يحجي ويحظني اكثر .. ههههه ماريد مساعده شكرا
خالد: بكيفج حبينا نخدم
حياة:كعدنا ناكل وكلسع يكلي عاشت ايدج شون كبه وهي اصلا الكبه جاهزه مو اني المسويتها
كملنا عشه كلي
خالد : لحكيني بالجاي فدوه
خليت الجاي عالنار واملمت العشه وغسلت الماعين بين مصار الجاي وديته اله هو كعد بشرب ويباع عليه وراها كلي
خالد: مال هسه نركيله والله
حياة: كام راح للمطبخ شويه ورجع وره شويه كام راح جايب النركيله شطولها وخلاها وكعد يشرب وكلي جدديلي الجاي
رحت جددته وكعد يشرب جنت اكلب بالتلفزيون جان تطلع اغنيه تركص شويه جان يكلي
خالد: دكومي ركصيلي شويه
حياة: باوعت عليه 😳 دروح شركص هههههه
خالد: شبيج مو دايما اشوف بالافلام رجال يشرب نركيله ومرته تركصله
حياة: ههههه عزه انت دكول افلام
خالد: شويه شويه بس جتف
حياة: عزه كلولك فيفي عبده
خالد: هههه اكول اليوم عليها 😉
حياة: شنو
خالد: الي وعدتيني بي
حياة : شنو وعدتك
خالد: ولج نسيتي
حياة: عزه والله مداذكر شوكت
خالد: من جنتي نايمه العصر وكتيلي مو هسه بالليل
حياة: ظليت صافنه عليه هو شنو الي بالليل
خالد: والله شمدريني اني جيت حظنتج من جنتي نايمه شو انتي كتيلي مو هسه بالليل
حياة: ليش انت متعرف النائم كالميت
خالد: حجي يفدج سوين الي وعدتيني بي لو اكعدج عشائريا
حياة: كمت من مكاني حروح اجيب فواكه وعفته وطلعت داريد يتغير الموضوع
خالد: اي اي بالهزيمه كالغزال
حياة: رحت جبت فواكه ورحتله جان كاعد ويشرب نركيله فكعدت اكشرله تفاح وانطيه
خالد: حياة تذكرين من جبتيلي الفواكه وكعدتي يمي تكشريلي
حياة: هههههه اي اذكر
خالد: اني بوكتها ظليت متفاجئه هسه عفتج مكفشه شبسرعه بدلتي وكشختي
حياة: عزه لذكرني ههههههه كله سوالف خالتي
خالد: خالتج لو انتي كبت الغيره عدج من سمعتي بيت عمتي حيجون
حياة: هههههههه وعساس انت مكبت عدك وطبيت رزلتني على لبسي
خالد: والله بوكتها جنتي طالعه فدشي بس ردت ابين هذا الشي مماثر بيه وكعدت ارزل واعيط
حياة: بس اني مستسلمت رحت لابست غير شي وطلعت
خالد: اي اذكر بت الاوادم رحتي لابستي اضرب من القبله
حياة: اووو ذاك اليوم شكد تعاركنا بي تذكر
خالد: اي كل ماشوفج اتعارك جنت .. خوبن من كمت احس بشغلات اتجاهج وانت تصيحيلي شيخ خالد من كل عقلي اضوج واريد اكوم اكتلج
حياة: هههههه جنت ماعرف شكلك شفت الكل يصيح شيخ خالد كمت اصيحلك
خالد: همزين شيخ خالد ولا عمو
حياة: ههههههه لا موهدرجه
خالد: حياة
حياة: نعم
خالد: تحبيني
حياة: لا اموت عليك
خالد: يعني اذا اليوم اخذتج بالكوه زعلين
حياة: حتاخذني بالكوه 🥺
خالد: والله جني هيج لان انتي مناويتها ابد
حياة: والله اني تحضرت بس انت فشلتني تذكر
خالد: اويلي لو يرجع هذا اليوم جان سجلتي بتاريخ
حياة: هههههه اي الفرص متنعاد
خالد: حجي يفيدج ولج اني اخلق الفرص
حياة: هههههه باجر وين روح
خالد: مو داكلج بالهزيمه كالغزال بسرعه غيرتي الموضوع
حياة: ههههه خاااااد كافي كلي وين روح
خالد: مروح لمكان
حياة: ليش
خالد: بكيفي
حياة: حباب
خالد: توسلي بيه بعد
حياة: ماتوسل اني (بدلع)
خالد: مو صارت دنيا ليل محنام
حياة: ههههههه لا منعسانه
خالد: دكومي جبتلج فدشي بالغرفه خليته عالجربايه
حياة: جبتلي
خالد: فدشي روحي شوفيه
حياة: اوكي بس والله اذا ماكو شي تعرف شسوي
خالد: لا ماعرف شسوين
حياة: ههههه ماسوي شي طبعا
رحت طبيت للغرفه طبعا كلشي ملكيت هسه داصيح وين خاله واحد جرني وحضني من وره
خالد: هيانه
حياة: والله عرفت ماكو شي
خالد: شسويلج متجين بالعين واغاتي
حياة : وخر عطشت حروح اشرب ماي
خالد: تعالي اني اشربج
حياة: ظليت خالد وخالد بس هو ماكو هسه كعدني عالجربايه اني كمزت منه ... والله ماكدر والله اخاف اخاف
كام مني مسح راسه واجه كعد يمي
خالد: من شنو تخافين
حياة: مادري خاف اتاذى
خالد: ولج منو كلج حاذيج
حياة: مادري سمعت يكلون تاذي
خالد: حياة انت مو تحبيني
حياة: هزيت راسي اي
خالد: مو كلتيلي اريد اجرب كلشي وياك
حياة: اي
خالد : غير جربين حتى تعرفي هذا الحجي صدك لو لا واذا معجبتج هاي اول واخر مره
حياة: ظليت ساكته هو تقرب مني وكام يبوس ويحضن واني جنت بالبدايه خايفه منه بعدين حسيت نفسي خدرت ورحت بغير عالم وياة و 💏.
كملنا فكام مني وباس راسي واخذ منشفته وفات للحمام اني ظليت بالفراش استحي اكوم بعدين طلع واجه يمي كلي
خالد: يله كومي سبحي حتى نصلي اني وياج ولو هي المفروض قبل منسوي بس يله عادي كومي
حياة: هزيت راسي وكمت اخذت منشفتي وهدومي وكمت دخلت للحمام اسبح طلعت لكيته ديقرا قران رحت مشطت شعري ولابست مال ازار مال صلاة وفرشت سجاتي وصلينا اني ياه ورا ه مكملنا اني سبقته للفراش مددت هو شويه واجه مدد وطفى الضوة وجرني اله ونمت على ايده
ونمنا للصبح كعدت ساعه ب12 تقريبا خالد مو يمي بس داسمع صوته بره ديحجي
كمت غسلت وطلعت عليه جان واكف ديباع من شباك عالطرمه وديحجي بتليفون
وسمعته يكول معليهم همه شدخلهم كليلهم اجي اطيح حظهم والله يمه مو عصبي بس هذا علي عباله ماعرف منو يحركه يمه كلت جبير ويفتهم بس باعيه عمره ميكبر وظل يحجي بعدين كال اي يمه بارحه وكام يضحك الله يبارك بيج بوجودج
عرفت كلت اكيد خالتي واكيد كلها اخذتها بارحه ماكو غير تفسير وراها سلم وسده
صباح الخير
خالد: صباح النور بس ترى صرنا ظهر
حياة: مادري والله محسيت ابد شوكت كعدت
خالد: كعدت بتسعه رحت جبت ريوك واجيت وانتي كله نايمه لازم تعبانه😉
حياة: جبت ريوك
خالد: ههههه جبت ريوك مال عرسان
حياة: مممم خل اشوف رحت جايب كيمر وكاهي وعسل واجبان
.. ريوك يشهي حسوي جاي وراها حظرت ريوك كعدنا نتريك
.. حبيبي
خالد: عيونه
حياة: جنت تحجي ويه خالتي قبل شويه
خالد: اي
حياة: وشبي علي لعد
خالد: مابي
حياة: خالد احجي سمعتك ترى
خالد: مابي شغله بشغل
حياة : عادي ترى هسه اخابر امل دخرطلي الصار وبدون ماتوسل اصلا
خالد: ولج بويه شلج بهاي سوالف خلينا مرتاحين
حياة: ماشي بس اني ردت اخلص ريوك اخابر امل دكلي
وره شويه ظل خالد كلسع يخابر وتجي اتصالات بس كام يطلع بره بطرمه يحجي مو يمي حتى ماسمع
شويه ودخل كلي
خالد: حياة باجر نرجع للعماره
حياة: ليش شكو صاير ......
