رواية فصلية ولكن الفصل الثامن عشر بقلم سوزان ليث
وره شويه ظل خالد كلسع يخابر وتجي اتصالات بس كام يطلع بره بطرمه يحجي مو يمي حتى ماسمع
شويه ودخل كلي
خالد: حياة باجر نرجع للعماره
حياة: ليش شكو صاير
خالد: مصاير عندي شغل ولازم ارجع
حياة: اي ماشي
لليل وخالد مو على بعضه ابد وكل ماسئله يكول ماكو شي وماكدرت اخابر امل صراحه لان هو يمي
لليل حضرت غراضنا وصبح من وكت طلعنا
خالد: وره مزوجت حياة بالمحكمه ورحت البغداد تفاجئت بعمي سالم يخابرني هذا جبير بالعشيره واني مرات اخذ رائيه بشغلات اذا عندنا مشكله بالعشيره
خابرني وكلي انت زوجت الفصليه وعقدتلها بالمحكمه وميصير وهاي سالفه ترى جبيره عدنا
بس اني مانطيته مجال ظليت احجي وكلتله اجي للعماره ونتفاهم وراها خابرت امي وكلتلي علي كالب البيت كله صياح وعياط اني كمت افور يعني هذا الكلب من اني هناك يصير مثل الفاره ومن يشوفني ماكو هيج يسوي واني كلشي ولا واحد يعلي صوته على امي اتخبل حتى لو ابويه ماقبل اني ماكلت لحياة على هاي المشاكل كلت حتى لضوج لان اصلا اني جبتها هنا اونسها وطلعوا الونسى من خشمي
واحنا بطريق للعماره ومظل شي ونوصل للبيت كلت احجي ويه حياة حتى لتتفاجئه بالمشاكل من ترجع
حياة: اني كلبي ابد ممرتاح خالد مو على بعضه اشوفه يخابر بالتليفون وعصبي ويصيح ويعيط بس من يجي يمي يتحول ويسوي نفسه هادء وماكو شي بالبدايه كلت يجوز شغل صدك مثل ميكول بس بطريق واحنا راجعين حجالي
خالد: حياة اريد اكلج سالفه
حياة: شكو والله كلبي حاس اكو شي
خالد: لا ياعيني ماكو شي بس خاف رجعنا للبيت وسمعتي حجايه منا او منا ماريدج ضوجين ماشي
حياة: يعني شسمع مثلا ومنو يسمعني
خالد: خاف خواتي بالبيت عماتي اريدج سمعين منا وطلعين منا همه محيحجون كدامي اكيد من ورايه اذا حجو بس كوليلي واني اخذ حقج
حياة: لان زوجنا مو
خالد: همه هسه محروكين شون ازوج وخاف يصير عندي ولد وياخذ شيخه مني من اكبر ويشيل املاكي كلها وره ماموت
حياة: لا اسم الله عليك اكو واحد يفكر هيج صدك جذب ديفكرون بشي وهو اصلا مصاير
خالد: ياعيني اهلي واعرفهم كلشي ميوكف بعينهم من اخوتي وخواتي وعماتي وعمامي اعرفهم شما اسويلهم يكلولي وانت شمسوي واني من جنت صغير ويه ابويه اشتغل واسوي وره مامات ابويه اني التحملت كلشي لخاطر اخوتي وخواتي يكملون دراسه فهسه حيسون كلشي حتى يخلوني ابتعد عنج فالتخليهم يسون هذا الشي وتفرحيهم
حياة: خالد والله كمت اخاف يعني شحيسون مثلا ويايه
خالد: ولج مايكدرون يسولج شي واني عايش واشم الهوى والله اذبح اي واحد يوصل صوبج بس همه حتى سالفه الفصليه جبروني بيها وهمه يعرفون اني ماحب هاي سالفه بس سوها حتى اذا مقبلت يسوني اني طالع عن شور العشيره ومن هاي سوالف
حياة: عاد هسه انت زوجت الفصليه وصار عدها حقوق
خالد: لعبالج همه بس وياج هيج حتى من جانت ام امل هيج يسون ومن عرفو حامل جانو عماتي يوميا يجون حتى ظل ام امل تشتغل وتتعب وامي ترى فقيره اذا حجت حجايه يسون نفسهم مطردين ومو بعيده يكلون ام شيخ خالد كتلتنا وطردتنا
حياة: عزه بعينهم ذوله عصابه
خالد: همه مو كلهم هيج بيهم الي كلبه عليه ويخاف عليه هذا علي ترى فقير بس عماتي يحركنا
حياة: يعني بس علي هيج وياقي اخوتك
خالد: حسين وحميد وبسمه ذوله تربيتي شكللهم يكلولي تامر وحاضر بس هذا علي حتى من جان ابويه عايش جان شالع كلبه
حياة: اي والله خاصه حسين ورده مال الله كلش حباب
خالد: مو حسين لان عايش ويانه شفتي هيج والا حميد وبسمه مثل حسين واكثر
حياة: تعرف شتمنى
خالد: شنو
حياة: اجيبلك ولد واخليهم يموتون بحسرتهم
خالد: ههههه ديله استعجلي بس كون توام توام حتى الحك اربيهم
حياة: حبيبي الله ينطيك الصحه والعافيه
وصلنا للبيت وطبينا جوه خالتي وامل وايه استقبلونا تحضن وبوس وجانو كلش فرحانين بينا خالد شويه وكال حطلع عندي شغل وطلع
اني بدلت وطلعت لكيت ايه وامل بالمطبخ سئلت امل شصاير
امل: ليش بابا محجالج
حياة: لا محجالي تفاصيل بس هيج بشكل عام حجه
امل: ولج وره مرحتوا عمو علي سوه سوايا صياح وعياط ويكفر
حياة: ليش
امل: لان بابا زوجج وصار عندج حقوق ولج واجه عمو حميد وحسين وكامو يتعاركون ويه علي وعلي عبالج سكت راح كال للعمام وسواها سالفه شكبرها
حياة: عزه هذا ميكول اخويه شون يسوي هيج بي
امل: ولج يااخو كاتل نفسه عالشيخه يريد ياخذها من ابويه حتى يكوم يلعب بكيفه
حياة: ظليت ساكته وظل بالي على خالد وكل هاي المشاكل من ورايه والله لو ادري جان مقبلت
زين لعد وين ساره مشفتها
ايه: راحت لبيتهم وره مرحتوا علي وداها هي وجهالها ومن تعاوك علي ويه عمتي بعد مرجع للبيت
امل: خل تولي هاي شيكلولها سوي حتى رائي ماعدها
للعصر ادك على خالد وكله ينطيني رفض ادزله مسجات ميجاوب
وراها سمعت سياره دخلت الكراج باوعت لكيتها سياره خالد شويه ودخل خالد سلم وراح للغرفه يبدل اني بسرعه وراه للغرفه
حياة: حبيبي وين جنت والله ظل بالي
خالد: ولج ليش يظل بالج قابل شكو
حياة: ظليت شكد ادك وادز مسجات وانت ماكو
خالد: ماكدر وداعتج هوسه وكاعد ويه شيوخ وعمام مكدرت ارد
حياة: وصار نحلت المشكله
خالد: تنحل تنحل روحي سويلي غده حموت جوع
حيا ة: اي صار طلعت سويتله الغده وكملت رحت وديتلهيا جان يم خالتي كاعد وديسولفون خليتله الغده وكعد ياكل بس هو جان ضايج بس مجان مبين هذا الشي الي حتى من احجي وياه يظل يكلي ماكو شي وسالفه مال جهال ومن هاي سوالف
ظل الوضع هيج جم يوم حتى علي من يوم الرجعنا من العماره ماكو الي عرفتها ماخذ مرته وطالع زعلان وكايللهم لواني لو الفصليه بالبيت
بس محد كلي هذا الشي حتى امل محجت بس اني سمعت خالتي تحجي لخالد بصدفه
بيوم جنت بالغرفه وسمعت هوسه بره صياح فطلعت اشوف شكو لكيت خوات خالد جايات ماعدا بسمه وياهن عمات خالد وديتعاركن ويه خالتي بس الي اتعجبت منه ذني خوات خالد يعني هاي امكم شون هيج طابكات ويه عماتكم عليها ويعرفوها مريضه ومتتحمل هاي سوالف
واني اتمنى بس امي تجيني بالحلم حتى اشوفها ابوسها محد يقدر النعمه الي بين ايديه
شافوني واكفه جان زينه ندارت عليه
صيح اجتي اجتي ام سحوره ولج حيه طلعتي من جوه ليجوه ظليتي تحفرين وتحومين لحد مخليتي خالد جوه ابطج
اني ظليت ساكته عزه شبيها هاي خالتي مقبلت ظلت ترزل بزينه
وكلتلي افوت للغرفه معليه بيهم
عفتهم ودخلت للغرفه قفلت الباب عليه خفت ليجون عليه يكتلوني لان والله يخوفون شون عياط وصياح يعني مو بعيده عدهم يكتلوني
ردت اخابر خالدعليهم بس بعدين كلت هو ناقص كافي الي بي هو نوب سوالف نسوان عليه
ظل الصياح مشتغل وره شويه هدء البيت كلت يجوز راحو فتحت الباب رحت للهول لكيت ماكو احد بس لكيت خالتي كاعده عالقنفه ومرجعه راسها ليوره وايه تشربها ماي وامل تهفيلها
اني رحت يمها كتلهم شبيها خاله
امل : الله لاينطيهم سوو هيج بيبي والله اذا ماكول لابويه عليهم يعرف شون يطيح حظهم
خالة: ولج لا دكولين لابوج والله يموت خواته مناقص مشاكل
حياة: طبعا خاله بالكوه تحجي كتلها خاله خاف ضغطج صعد عاد راحت ايه جابت جهاز الضغط وقاسته طلع مرتفع عاد ركض جبنالها حبايه ضغط اخذتها
خالة: خل امدد شويه ماكمت اشوف شي
حياة: اي خاله مو مرتفع ضغط نامي ارتاحي عاد خليناها تنام وطلعنا كتلها لامل شكو شبيهن ذني جني هدادات
امل: خاف اني جنت بس اكرههم هسه اموت منهم وبودي احركهم حرك
حياة: دحجي شكو
امل: خل يولن جني ينبحن كادرات بس على بيبي بس من يشوفن ابويه يخرسن
ايه: اني خابرت حسين كلتله
امل: يا ليش كتيله
ايه: ولج شفت عمتي بكوه جر النفس خفت عليها كلتله يجي يوديها للمستشفى شي
حياة: كلتيله ميكول لخالد
ايه : اي كلتله اصلا كال اني مو وياه
وره شويه اجه حسين وحميد سئلو على خالتي كنالهم جوه نايمه عاد راحو يشوفوها بس هي مقبل تروح للمستشفى دكول صرت زينه
ظلو يمها لحد ماجه خالد فات شاف خالتي مو على بعضها
خالد: شبيج يمه شكلج تعبان
خاله : لايمه مابيه بس شويه ضغطي رتفع
خالد: من شنو رتفع منو ضوجج
خالة: ياعيني منو الي يضوجني وانت موجود بس اني لان منمت زين بالليل
خالد: مقتنعت بكلام امي اشرت لحياة تلحكني للغرفه
حياة: من شفت خالد ياشرلي لحكيني عرفت مصدك خالتي طبت للغرفه وراه
ها حبيبي احضرلك تاكل
خالد: شبيها امي منو مضوجها
حياة: محد مو كلتلك منايمه زين
خالد: باعي اعرف كلش زين امي فكليلي شبيها امي
حياة: ظليت متردده اكله لو لا بس بعدين خفت منه لان كام يعيط عليه كلتله .. خواتك وعماتك جانو هنا وشويه صار حجي بيناتهم
خالد: وصار حجي على شنو
حياة: والله ماعرف اني جنت بغرفتي ومن طلعت خالتي كلتلي افوت جوه
هذا عافني وطلع طلعت وراها
خالد: يمه ذني الدبسزيات جانن هنا ومادكليلي والله لاندمهن عاليوم الجوي بي
حياة: اني جنت وره خاله بسرعه باعت عليه
خالة: يايمه لسوي هيج دخيلك والله مابيه شي ذني حالهن حال علي عماتهن يحركنهن
خالد: اني اعلمهن
ديطلع بس خاله ظلت تحلف بي وحسين وحميد لازمي وخالد احس اعصابه كلهن طالعات من كد العصبيه مالته ظليت اني دموعي تنزل مادري ليش يمكن خفت يصير بي شي
وبالكوه كعدوه لخالد وظلو يحجون وياه ويهدون بي
مع العلم خالد جان هاي الفتره كلش عصبي ومشاكل ركع فوك راسه بس ابد محسسني بهذا الشي كل ميشوفني يتغزل بيه وياخذني بحضنه وظل يكلي انت الراحه مالتي واخر ايام كام دايما يكلي مهما اسوي لتعوفيني صار دايما يردد لتعوفيني
وصار يكلي خليني بس اني احبج
كمت اخاف من حجيه لان حجيه صار كله لتخليهم يفرقونا ولتعرفيني وحجي كله هيج
بيوم اجه حسين للبيت كالنا يريدون يطلعون خالد ويخلون علي شيخ بداله
اني كلت ياريت ويخلص من هاي المشاكل والتعب وشنو واذا اخذو منه الشيخه قابل شكو يبقى شيخ غصبا ما على الكل
رجع خالد بذاك اليوم عصبي وضايج فات للغرفه حتى خفت ادخل اشوفه بس خالتي ظلت دكلي دخلي يمه شوفيه
دخلت لكيت كاعد ويدخن ويهز برجله اني من هزت رجله عرفت اعصاب صاير
رحت كعدت يمه محجيت شي لزمت ايده بستها هو لتاف عليه
احبك
خالد: بعز عصبيتي وضوجتي من اشوف حياة يمي انسى كلشي من مشاكل وطلايب خلتني ابتسملها واني الهم كاتلني
حياة: من شفته ابتسم حجيت .. ياعمري لسوي هيج بنفسك والله اخاف عليك اذا صار بيك شي منو الي اني
خالد: لتخافين مابيه شي
حياة: خالد عوف كلشي خل علي يصير بدالك وخل تنحل هاي المشاكل واصلا انت ممستفاد شي بس القهر وتعب ودايما عصاب
خالد: ولج اني لو بيدي انطيهم كلشي واخلص بس ياحياة لو اعرفهم كد المسؤوليه لو اعرفهم يعدلون ويكلون الحق اني الناس الي بحمايتي عايشه تعرفين شكد بس يشوفن الشيخه راحت مني ياذوهم والناس الي اعيلهم ومشغلهم بالكياعين شكد ذوله كلهم يبطلوهم بس اروح ماعده القرارات الي حيكومون ياخذوها الي تكسر الظهر عالعمال والمساكين
حياة: ادري وين عايشين خالد كل هذا لان زوجتي والله لو اعرف هيج يصير جان ماقبلت جان ظليت فصليه
خالد: ولج مالج دخل بس هيج تكومت هواي مشاكل وصارت هاي سالفه كبو عليه
حياة: زين شحسوي انت هسه
خالد: والله مادري لتخافين ربج يحلها
حياة: خالد
خالد: عيونه
حياة: طلكني حتى ترتاح من هاي المشاكل
خالد: ولج انتي مخبله والله اذا حجيتي هاي كلمه مره ثانيه اموتج ولج ماصدكت صيرين الي
حياة: كمت ابجي واحجي والله ياخالد تعبت من زوجنا كلت حياتي حتتغير وصير احلا بس صارت اسوء لو ظاله على ذيج الايام جانت احسن تعبت اعرف بيك تعبان وضايج ودتحاول متبين كدامي هذا الشي بس اني ترى داشوف واحس بيك اريد اخلصك من هذا التعب واريحك
خالد: جريتها بحضني ولج ياتعب هذا تعب اشوفه وانتي مو يمي لاجيبين هذا الموضوع على لسانج ابد ولج لعبالج بس لان زوجنا ولج كومه مشاكل صارت وكمت اخذ قرارات هم مراضين عليها فكبو عليه ومنو ديسوي هاي المشاكل ترى جهال وله كبار العشيرة ويايه طابكين
ولج انتي مالج دخل كافي بجي لخاطري بعدين مو كلتيلي حجيبلك ولد اخليهم يموتون قهر نسيتي لو لا
حياة: ضحكت واني عيوني دموع لا منسيت ان شاءالله يصير واخليهم كلهم يموتون قهر واخلي ابني يصير شيخ مثل ابوه
خالد: ان شاءالله بابعد كلبي
وراه ايام طبعا المشاكل زيد زيد وخاصه وره ما خالد اشترى اراضي من الفلاحين بسعرهم بس حتى يساعدهم وطبعا انطاهم افلوسها بس خلاهم يظلون يشتغلون بيها هنا علي اجه للبيت يتعارك ويه خالد كله كاعد توزع بفلوسنا منا ومنا وحجي حجي كومه بس خالد مانطى مجال ابد ظل يتعاركون بينهم وخالتي تحجي وتهدء بيهم وميفيد شكد شايفه ناس قبيحه بس مثل علي ابد مشايفه هيج واحد مسموم ومجنت اعرف ليش هيج ديسوي يعني معقوله كله علمود فلوس وهي كلها باجر عكبه رايحه
بس تفاجئت بسالفه صايره قبل ما علي يزوج ساره علي جان يحب وحد اسمها سماح يكلون جانت مو كلش زينه سمعتها وظل وياها ورايد يزوجها بس خالد مقابل هذا بس هو رايح عاقد عليها عقد سيد وجايبها للبيت وخالهم كدام الامر الواقع والي سمعته جانت وكحه وجاوب وتحرك بس علي جان يسمع كلامها وميرفض طلب الها جانت سوي مشاكل ويه خالتي بس خالتي جانت مدكول لخالد لحد فديوم مرته طلبت من علي يثبت زواجهم بالمحكمه وجان فعلا ديثبته بس خالتي مقابله بس خالد قنعها وجان فعلا ديثبت الزواج لحد مافديوم صايره مشكله بين خالتي وسماح وسماح ماده ايدها على خالتي ضاربتها وخالتي متخربطه وذيج من خوفها فلتت لابيت اهلها خالد من عرف صار كالب الامه كلب وحتى ضارب علي وكايله هسه طلكها لا اتبرى منك وحتى العشيرة اطلعك منها وفعلا علي طلك سماح وره فترة خالتي زوجت علي لساره حتى ليظل يفكر بسماح
فاعتقد هو ديسوي هيج لان ضايج لان خالد واكف ويايه واي شي اريده يسويه حتى سمعت من امل عساس سامعه ساره بيوم تتعارك ويه علي دكله رجعتها لسماح يعني يمكن راجع مزوجها بس بدون علم اهله
كله هاي المشاكل عدت الا بيوم اجه خالد وجهه مايتفسر وميحجي ويه اي شخص والعصبيه مالته بحيث فات للبيت حتى بدون ميسلم وراح للغرفه طبك الباب كل قوته ظلينا كلنا خايفين روحله فخالتي راحتله للغرفه وظلت فتره بالغرفه وياه وطلعت خالتي هم وجهه ميتفسر وبسرعه راحت لغرفتها وسدت الباب عليها
ظلينا هيج لحد ماجه حسين وكلي بالقرار الي ماخذي على خالد لو يسويه لو يتنازل لاخو عن الشيخه
ظليت بحاله صدمه ماعرف شحجي ظليت افكر معقوله خالد يسويها لا مستحيل ميسويها بس ذكرت كلامه من كلي ماكدر اعوف شيخه لاخويه لان يعرفه مو كدها
وعرفت علي مقترح على العشيره هذا القرار وطلع حقده على خالد من خلاه يطلك سماح ويزوج ساره هسه طلع
