رواية انت البارود وانا النار الفصل الثامن عشر بقلم شمس
﴿وَلَسَوْفَ يُعْطِيكَ رَبُّكَ فَتَرْضَىٰ﴾
ليش چا مو ڪتلي
أضل وياك دوم؟
لـيش من تعلقت خليتني
أنطيتگ أيدي وجلبت بيك ارد أگوم
ليش لمن أمنت هديتني
وسولفتلي على الضحك
وشكد حچيت وقبل ماضحك الك بجيتني؟
اسعد:جذابه رنـاتوقعين اصدك بهيج كلام لأن لو صدگ تريديني أطلع من حياتج جان ماتبجين وترجفين صوتج هيچ ولا اكو هالدموع بعينج
اتقرب عليه اكثر وانـا صرت ارجع ليورا وصرت ع حايط وكفت همس جاب ايده وخله ع حلكي وباوعلي بعصبيه وغضب
أسعد: باوعي ولچ رنـا بعدني أعرفج أكثر من نفسي أعرفچ من تجذبين عليه وأعرف من كلبچ يگول شي ولسانج يگول شي ثاني
دفعته عنييي وحجيت بعصبيه وانـا دموعي تنزل وكوه اجر ألنفس
رنـا: لانككك اذيتنيي تعرف شنووو اذيتنيي لأن خليتني أرجع بيت أهلي وأنا شايلة ابني ألي عمره يوم بس يوم كل يوم نمت وأنا أسأل نفسي شنو ذنبي شنو سويت حتى يصير بيا هيچ لاتكلي مسحور اذا مسحوررر شوف حل لناس الي سحرتك انـا مارجع وياك بالبيت ألي سحروك بي
حجه وصوته تعبان وعبالك ماعدنه أي حل بعد
اسعد: انـا غلطان ودفعت الثمن رنـا فهمينيييييي انـا ماجنت بوعيي لاتحرميني منچ والله اضل باب بيتكم مارجع اذا ماسامحيني رنـا أنـا أحبج مو كلمة تنحچي ولا سالفة أگولها حتى ترجعين أنـا أحبج ماريد البيت بدونج ما أعرف النوم بدون صوتج وبدون حضنج رجعيلي انتي وابـنچ رجعيلي خلي ألمكم بحضني رجعيلي وفردي شعرچ ع صدري ولاتحرميني منچ ومن ضناي
ضليت ساكته وماحجيت أي شي واصلا موضوع طلاك كله جذب بجذب اهلي كالو راي الاخير الچ ومنا افكر ب ابني ليش يتربه بدون أب واسعد يحبني وانـا احبه بس عشت ايام صعبه ماكدر ارجع لهذا البيت الاسود واعرف كلش. زين اسعد مايطلع من اهله رجع كلي
أسعد: باوعيليي رنـاااا إذا تردين تعاقبيني سنة عاقبيني تردين تحرميني منچ حرميني إذا تردين كل يوم تذكريني بغلطتي أقبللل اقبللل بس لا تطلعين من حياتي لا تاخذين نفسج مني وتاخذين أبني
تقرب عليه واخذ ايدي بين اديه وانـا ضليت واكفه جن انـا اريده انـا اريد قربه يمي وحضنه وحبه ألي ضليت لازمه ايديه واباوع بعيونه حجيت وانـا ابجي
رنـا: والله تعبتتت اسعد والله تعبت أبنك يبجي وانـا سهرت عليه وحدي ابنك صار بين حياه والموت وانـا وحدي ويا والله ماريد ارجع لهيج حياه بعد
أسعد: اروح اروح بس إذا ما تردين تسامحيني الليلة لا تسامحيني إذا ما تردين ترجعين هسه لا ترجعين بس لا تسدين الباب بوجهي لاتعوفيني وتسوين اوراق طلاك
رنـا: بكيفي أسعد
أسعد: وحك داحي باب خيبر رنـا طلاك ماطلك لو اعرف اخليچ سنين بيت اهلچ بس ماطلكج لاتسوديني جاي احجي وياج مثل ألبشر
عافني وفتح الباب وطلع والوقت متاخر صارت ب١ وين راح يروح وهم شعلي بي مالي علاقة
طبيت جوه نمت حضنت أبني شميت ريحته حيل
والله ياروح امك اريدلك حياه زينه وي ابوك ماريد ارجع لهذا البيت الاسود الي يدمرك ياربي ساعدني وحلها الي انـا مابيدي شي حضنت أبني ونمت ماريد افكر باي شي
يمـامه: اسعد وينك تاخرت بس طمني عنك وين انت؟
أسعد: بالفندق باجر ارجع مالكيت سيارات هسه
يمـامه: ورنـا؟
أسعد: من اجي نحجي ماشي خويه
عرفت رنـا ماقبلت ترجع ويا ومبين من صوته قبل لا اسد الخط كلي
أسعد: يمـامه انـا اخوچ اسف ع كل طكه بجسمچ انـا استحي اباوع بوجهچ وهيج انتي
يمـامه: خويه لاتحجي بهذا الحجي هسه ارجع وكلشي سهل انـا فرحتي من فرحتك
سد الخط أسعد واعرفه هسه شكد مقهور وشلون شايل الحمل وحده وابنه ومرته بعدين عنهه
اما ضرغام ف بعد ماتواصلنا عليمن اتواصل ويا وكل مانحجي يذكرني بغلطي وشسويت ألي يهمني اسعد وعائلته.
منا ثاني يوم ألصبح اجه أسعد ثاني واهلي عبالهم رجع رنـا ويا كاعدين نسوي الغده واسعد وصل متاخر تقريباً ب١١ هيج لان طريق بعيد وهوه طالع من الفجر شافته امي وهيه كاعده تنضف الخضره وكاعده بالهول
خديجة: ها أسعد يمه وينها رنـا رجعتها تأخرت شنهي شصار بيكم
أسعد: ماتقبل تجي يمه
خديجه: شني هاييي اسعد ناس ضلت تحجي علينه مرتك صارلهااا ٥ أشهررر مو بيتككك بس لا هي رجعت ولا انت جبتها
كعد اسعد بالكاع ورحت انـا سلمت عليه وسعاد وكل احنه لتمينه بس سالم وابوي بالشغل
اسعد: يمه ع كيفج ما راح أخليها بيت اهلها
راح أروح لشيخ ضرغام وأخلي يوكف وياي نرجعها، بأي طريقة ابوها هم مايقبل
لطمت امي ع رجلها وكالت
خديجه: شيخ ضرغام شعلي هذا رجال الفقير بهاي ألسالفه اشو ماتفهم انته شنهي هاي.
حجه هيج اسعد وصعد فوك
ماصعدت وره اريده يرتاح كملنه الغده واجه سالم وكاظم وامي حجت كل حجي اسعد
وابوي هم مارضه بحجي أسعد بس اسعد الي باله يسوي منا للعصر بدل اسعد وكال حضريلي الجاي جاي ضرغام الي كمت سويت جاي وضرغام كل مايجي مايكعد ب الدوانيه يكعد ب الهول باعتبار هوه من اهل البيت حضرت جاي وضليت ب المطبخ اجه اسعد اخذ جاي من ايدي وكتله روح انـا راح اضل بالمطبخ واسمع كلامهم
اسعد: ضرغام أريدك وياي بخدمه بدونك ما أگدر أرجعها أنت الوحيد اللي يمكن تسمع كلامك رنـا بيت اهلها وماترضه ترجع وحقها بس اريدك ترجعها انت اذا دخلت لمكان محد يردك
ألشيخ ضـرغام: بالخدمه أجي وياك
انصدم اخوي وكال
اسعد: تجي وياي والله
ضـرغام: إي أجي وياك والله والله هذا الحلفان عاده عدكم شنو
ضـرغام: أسعد الأمور العائلية مو تنحل بالقوة ولا بالضغط. إذا هي رافضة ترجع، لازم نفهم السبب أول ونشوف شروطها
أسعد: شيخ الله يخليك السبب واضح
ضـرغام: قابل بشروطها شنو ماجان؟
أسعد: اي طبعاً اريد ابني ضـرغام والله موافق
ضـرغام: تمام باجر نطلع الفجر وغدانه يمهم انشالله حته نوصل ع وقت.
اتفقو ضـرغام واسعد بسياره ضـرغام يطلعون الفجر حضرت ملابس اسعد وحجيت ويا وكتله انشالله ترجع نزلت جوا صراحه مانطاني كلبي ما ارسل ضـرغام وهوه ماقصر بشي وياي ودائما يساعدني هذا الشخص
يمامه: دير بالك ع نفسك وسوق ع كيف الطريق مو قريب
وره ساعة تقريبا رد عليه
ضـرغام: الله يحفظج ما محتاج دير بالك.
يمامه: بس هيچ؟
ضـرغام: شنو تريدين أگولج يعني
يمامه: مو هيج قصدي، بس خايفة عليكم من الطريق
◈ ─────────────── ◈
رنـــــــا
خابر اسعد ابوي من البارحه بليل وكله غدانه يمكم انـا وشيخ عرفته يريد يرجعني ماتصل عليه لان يعرف راح ارفض بس اتصل ع ابوي وحرجه
حجيت ابوي وكتله مارجع انـا اله اذا بيت وحدي
مستحيل ارجع للبيت دمرني ودمر رجلي بسحوره وانـا هذاك البيت ماكدر امن بي ع أبني ادم
اجو وانـا وامي حضرنه الغده وكملنه بس انـا حته مادخلت وشفت اسعد بس ابوي اخذ ابنه اله وهاي اول مره يشوف أدم ويخليه بحضنه كل مايجي جان قبل يقنعني ارجع مايشوف اتغدو وخلصو وانـا وامي وحدنه ضلينه بالمطبخ ناكل كاعدين ع ميز الطعام والمطبخ هدوء لان محد يسولف بس انـا ماكدرت اكل بس صافنه بالكلام وبالي راح يصير شي اكيد شيخ ضـرغام مايرجع اله انـا وياهم بس انـا مارجع مستحيل وياهم
رنـا: يمه شني حياتي انـا ماعندي حياه غير أبني أدم واسعى اسويله حياه زينه وهادئه بدون شر
سلوى: بيتج موجود ورجلج موجود. مهما صار بيناتكم يبقى زوجج ما أگلج انسي كلشي بس أگلچ فكري بعقلج. المشاكل تصير بكل بيت
عصبت كلش اذا حته امي هيج تكلي رديت عليها
رنـا: مو كل البيوت يصير بيها اللي صارلي
سلوى: انتو الام والاب فكرو بابنكم قبل لاتسوي اي قرار وارجع واكلج انتي عامود البيت ابنج ثم ابنج ضحي بروحج خاطر بزرج فهمتي هذا البزر عزيز اذا مالكه الحب والتقدير والتضحيه من اهله يفقد كلشي
ماسامعه امهاتنه قبل تكول تحملت الاهانه والشتايم لخاطرك يابرز بطني
سكتت مانقاشت امي بعد لان ماعرف شني راح يصير جابو النه مواعين ردت اغسلهن بس ادم ضل يبجي اجه زحف للمطبخ كالت امي صعدي نومي وانـا اكمل شغل اخذت أدم وخليته بالكاع يناغي ويحجي ويجر بالحجي اغوو مااا
شبكته بكل قوتي
رنـا: ياروح امك ياعمرها يادنيتها انت انـا اسفه حرموك من ابوك يايمه حسبي الله ونعم الوكيل عليهم
نومت أدم ونزلت جوا صاحلي ابوي وكال تعالي يردونج عرفت أجه الوكت لبست عبايتي ورحت
رنـا: السلام عليكم
الكل: وعليكم السلام
ضـرغام: شلونج خوية ام أدم
رنـا: نحمد الله
كاعد ضـرغام هوه وعكاله وبشته الي يشوفه يكول شكد ناعم وشكله متروس رحمه بس هوه شيخ وكل ناس تسمع منه واعرف حجيه يوزن بلد
ضـرغام: خويه إحنا مو جايين حتى نجبرج على شي، ولا جايين حتى نضغط عليج القرار بالأخير قرارج
بقت ساكتة كمل حجه الشيخ ضرغام
ضرغام: بس هم ما يصير يبقى الوضع معلك لا إنتي مرتاحة هنانة ولا أسعد مرتاح هناك وابنه كبر ولسه ماشايفه انا ماكلج اسعد ماغلطان لا غلطان منتهين منه هذا الشي بس الرجال جاي اليوم حتى يرجعج، وجاي معترف إن الأمور وصلت لمكان ما لازم توصل إله
ابوي جان ساكت مارد وكانما يكلي رد اول والاخير الج طلبي الي تردي
رنـا: شيخ اول شي كلامك ع العين والراس بس انـا اريد حياه ل ابني بعيده عن الشر والسحر وإذا بعد شهر بعد شهرين إذا رجع نفس الوضع لو سوه شي بـ ابني شنو احصل انـا
ضـرغام: لهذا السبب لازم يكون أكو حل يرضي الطرفين
رنـا: انـا عندي شرط واذا تقبلون بي ارجع ماتقبلون انـا اكمل أوراق الطلاك وابني يبقة وياي
حجيت هيج حته يعرفون مصره ع الشرط مالتي رد اسعد
اسعد: يجرالج شني شطرج كليلي اسوي اي شي في سبيل سعادتكم
رنـا: إذا أرجع ما أرجع بيت أهلك أريد بيت وحدي. بيت إلي وإلك وبس
أسعد عقد حواجبه وكال
أسعد: بيت وحدنا رنـا؟
رنـا: اي حاجيه شي غلط شيخ
الشيخ ضـرغام: هذا أبسط حق إلها
اسعد: انـا شلون ابني بيت هسه رنـا
رنـا: مايهم انتضرك عسى ما سنين مهم مارجع
اسعد: ابني رنـا ابني كبررر شوكت اشوفه
حجه الشيه ضـرغام وصدمنه
الشيخ ضـرغام: اذا اسعد هسه بنه بيت كامل راح يتاخر وهيچ مانلكه حل بس انـا انشالله اكون عم أدم واسعد اخوي وهسه اريد انطيكم هدية
عندي بيت ثاني ضال كامل مكمل اخذو مفاتيح واستقرو بي وبعدين نشوف شلون تمشي الامور انـا اصل البيت مو بعازته ضامه للوكت
اسعد: لا يخوي تسلم ماتقصر
ضـرغام: البنية حطت شرط حتى تحافظ على بيتها وكرامتها، وإنت وافقت. هسه من لگيت الحل، بديت تتراجع
اسعد: لا شيخ ماكعد ببيت مو بيتي
ضـرغام: أنا ماجاي أهديك البيت للأبد ولا چاي أكتبه باسمك ولا چاي أمنّ عليك بشي اعتبره مفتاح مؤقت، لحد ما توكفون على رجليكم وطلعو بس خلي نحلها
اسعد:"أوافق بشرط انـا اكعد بي انطيك الايجار
ضـرغام: هم نتفاهم ع هذا الشي بعدين هاي هيه الي يريحك
اسعد: اذا هيج هاي هيه
اتفقو اسعد يكمل اموره ويجي ياخذنا جبت الهم أدم واخذه الشيخ بحضنه ونوب انطه ل اسعد ضل يبوس بي ويشم بريحته وهوه يلعب ب لحيتة
◈ ─────────────── ◈
يمــامه
اجه أسعد وحجه شرط رنـا وكال ضـرغام انطاني ألبيت انـا وسالم فرحنه صح ضجت لان اسعد راح يطلع من البيت بس بنفس الوقت هاي حياته وابنه كبر وتعذب اسعد هواي وكل رجال يكبر وتصير عنده عائله ويعوف اهله رضيت بهذا الكلام بس ابوي مارضه وضل يحجي واسعد ماهتم وامي ضلت تبجي سوتها فاتحه ماعبالك البيت عبر شارعين
اخذ البيت من ضرغام ونقل بس غرفتهم واشتره كاروك لطفل وغراض لان بيت كلشي بي ماناقصه اي شي شدو الغراض ضرغام واسعد وسالم هم.
قبل لايروح يجيب رنـا بيوم ويدخلها كبل للبيت هناك امي بس تبجي
خديجه: يعني هسه ولدي راح يطلع من بيته والله صعبه عليه وليدي صعبههه
اسعد: يمه
خديجه: لا تحچي انـا مو زعلانة من رنا والله مو زعلانة منها بس يـا أم تقبل ابنها يطلع منها
اسعد: "يمه.مو رايح لدولة ثانية ترا يمج ويوميه اجيج والله
خديـجه: بس راح تطلع من البيت وماشوف ابنك ولا اضمه بحضنييي
اسعد: والله كل يوم أجيج إذا تريدين واجيب أدم يمج
خديـجه: "إذا ما تجي أكسر رجليك والله اسعد لاتحرمني منك
طلع اخوي من البيت اول اسبوع ماتعودنا ع فراكه كلش صعبه بس بعدين تعودنا سالم موجود وابد ماقصر وياي يحاول يضحكني وتروح ضوجه مني لان يعرفني ضايجـه بس بيوم اجه سالم يضحك ويكلي سويت مصيبه وكتله سويت وحجالي شكل ايـه وخلاني بصدمه
◈ ─────────────── ◈
ايــــه
بعد ماتواصلت وي يمامه اخر شي عرفت ضـرغام انطه البيت ل رنـا واسعد يستاهلون كل الخير مهم يعيشون بسعادة جنت كاعده بغرفتي اعدل ملابسي واتصل عليه رقم غريب يما متتت لو ضـرغام يمي جان رحت بيها نصدمت منو يتصل عليه وانـا مانطي تلفوني ل احد فتحت تلفون رفضته واجتني رساله على واتساب
سالـم: ايـه انـا هذا سالم ردي بسرعه ضروري لازم اكلج شي
خفت من كلي هيج توقعت صاير شي ب يمامه وانـا صارلي فتره كاطعه عنها فتحت خط وحجيت
ايـه: شكووو شبيها يمامه
سالم: شبيج تفاولين هيج مابيها شي
ايـه: جا شكو متصل عليه انت ماتستحي اخوي مو صاحبك شلون تتصل وتحجي وي اخته لو اروح اكله مو يطيح حضك
سـالم: لاتكولين اله انـا اكله قبلج
ايـه: انته جاي تخربط
سـالم: "الله سبحانه وتعالى كال ﴿وَأْتُوا الْبُيُوتَ مِنْ أَبْوَابِهَا﴾ وأنـا جاي من الباب الج أريد أتقدم لج رسمي من شفتچ وشفت عيونج وانـا اريد اتزوج واستقر ماريد اتعب وادور وانتي كبال عيني وانـا رايدج
شهكت بصدمه عمررري ماتوقعت هذا الشي وانـا حته ماشايفه سالم اله من رجعني مره للبيت صح شفته طول طريق صافن عليه بس مو يخطبني وانـا رافضه زواج بعد شي عشته لا ونوب منووو صديق اخوي؟
ايـه: شنووووو
سالـم: لا عندي نية ألعب بمشاعر أحد، ولا أضيع وقتي ووقتج إذا أكو إعجاب أو رغبة، تكون بالحلال ومن الباب موافقه وانـا موافق بكل شروط
ايـه: إنت جاي تحچي صدگ
سالـم: لو مو صدگ ما استشهدت بآية ولا فتحت هالموضوع انـا اعرف رافضه خطوبه لان فصختي وانـا هسه ماريد منج جواب بس فكري وانطيني لاتستعجلين تره مو كل اصابعج سوه ايـه
ايـه: وإنت هيج فجأة تريد تتزوجني شتعرف مني شتعرف طبعي انـا شنو
سالـم: مو فجأة عادي شنو تردين اعتبري زواج تقليدي نتعرف زواج حب بكيفچ بس الرجال إذا نوى خير يجي من الباب
ضليت ساكته رجع كال
سالـم: شنو علامه السكوت
ايـه: لا تستعجل، بعدني أفكر أسد الخط بوجهك
سكت وانـا رجعت حجيت
ايـه: سالم الموضوع مو هيج سهل
سالـم: شنو اللي مو سهله ايـه
ايـه:انـا مجربة الخطوبة قبل واخذت ع حب وتمنيت بكد شعر راسي ماعندي بعد ثقه بالزلم مايجي من عدكم بس وجع الراس
سالـم: حقج ايـه انـا ماكلج حبيني إنتي شايفتيني مرة وحدة وأنا شايفج مرة وحده صحيح ماتعرفيني ولا اعرفچ بس الزواج مو لازم يبدي بقصة حب جبيره حتى ينجح مرات يبدي باحترام، وقناعة، وراحةوالحب يجي بعدين
ايـه: ماعرف انـا ماريد اسوي شي خطأ وفدوه لاتتصل عليه ماكدر اخون ضـرغام هيج
سالـم: كتلج ماريد جواب منج هسه بس أريدج ما تعاقبينّي على غلط شخص ثاني فكري زين تستاهلين انتي شخص يحبچ يـا زمرد
ايـه: عفوا
سالـم: ماتعرفين شنو زمرد الزمرد حجر أخضر نادر، مو كل الناس تشوفه بسهوله وغالي
ضحكت مامتعوده ع هذا الحجي
ايـه: بس زمرد شوية اسم ثكيل
سالـم: مو ثكيل فخم
ايـه: شنو تحجي ب الغاز
سالـم: إي فخم مثلج يازمرد
سديت تلفون بوجهه كبل وضميت روحي بين ملابس وانـا مصدددومه شلون ياربيييي
◈ ─────────────── ◈
يمـامه
يمـامه: ولك سالم عززززااا بعينكككك شلون هيج تجرأت تسوي عزااا بعينك ولك انتَ البنيه شايفها مره وحده
سـالم: شبيج يمامه عليمن مكبره الموضوع
يمـامه: شلون جا ماكبره شعرفك بيها وهيه مستحيل ترضه انـا اعرفها
سالم: انـا معجب خويه بيها بس هيه ماخلتني اكمل اعجابي سدت التلفون بوچهي
يمـامه:والله حقها زين هسه احچيلي ياعاشك، شعجب آية بالذات
سـالم: ما أعرف والله انـا هم مو صغير واريد اتزوج وماعندي اي وحده بالي ليش حته ماخذ ايـه وثاني شغلة عيونها
يمـامه: يعني لو عيونها سود جان ما خطبتها.
سـالم: بس تدرين شنو حچت عن خطوبتها واعرفها مخليه بالها ماتزوج وتضل تكسر عمرها بس هذا الشي خطأ مو كل اصابعها سوه لهذا ألسبب ماريد أستعجل عليها كتلها فكريلي ع راحتچ وانطيني جوابچ
يمـامه: أول مرة أشوفك صابر على وحدة وهيچ مدخل نفسك بسوالف النسوان زين سالم انـا ماريدك تنكسر شسوي إذا رفضتك
مامصدكه انو ايـه وسالم سوه هاي طلعت مو بس انـا طايحه بحب ضـرغام حته الاخ طايح بحب اخته
شلون بينا بالمستقبل شي أكيد راح نعيش قصه حب حلوه انـا وضرغام وايه وسالم بس ماجنت ادري الدنيا الها رأي ثاني وياي.
البيت كلش فاهي بدون اسعد صح يجينه ويجيب أدم النه مرات بس مو دائما كملنا الغده وغسلت مواعين انـا واجاني صوت سالم كال جيبلي جاي انـا فوك حضرت جاي وكلت أصب حته لـ أبوي وياي
صبيت جاي وتجهت لغرفه أبوي وعرفت يمه سعاد وكفتني حجايه وانـا اسمعهم يحجون
سـعاد: أي والله ياابو اسـعد زوجها ل يمامه واذا رچال جبير ترا بعده عمره٤٠وعنده خير من ألله فلوس كاظم ترى يمامه ما يصير تبقى بلا زواج. لازم نختارلها رجال چبير يعرف يدير حياته ويديرها وياه وهيه
ڪاظم: إي كلامچ صحيح لازم واحد رجال مو ولد صغير وهم عنده فلوس راح يفيدني هـواي
سعاد:إي، هاي أحسن شي إلها شعدنا ضاله يمنه
سمعت حجيهم وانـا نصدمت من حجيهم وشلون يقروون عنـي لا ونوب يزوجوني رجال چبيررر مستحيل مستحيل انـا احب ضـرغام اي انـا احبه لضـرغام شنو يزوجوني رجال جبيررر سعاد اخخخ منچ ياسعاددد بسيطه انـا الچ صعدت فوك انطيت جاي ل سالم ونزلت ماكتله أي شي لان انـا اعرف سعاد بيمن أكضها منا للعصر انتضرت ابوي يطلع للمحل ورحت لغرفه سعاد وبيدي تلفوني
سعاد: ها شنهي أليوم طابه حجرتي شعجب
يمامه: سعاد بدون كلام زايد وحچي لان انـا خسرت كلشي مايهمني شي بعد
سعاد: شتحجين انتي؟
يمـامه: "إنتِ راح تقنعين أبوي ما يزوجني انـا سمعت كلشي
سعاد: لا والله عندچ أموار ثانيه كتلج بيوم اكسر
خشمچ أكسره وماحجي اي شي مو هسه تريدني
اقنع ابوچ شلي غرض عسه مايشمرج بالنار
يمـامه: مصلحتچ يمي سعاد اذا طحت بالنار انتي وين ترحين؟اخليج بالبيت سرحين وحدچ سمعيني من يجي أبوي تكليلـه موضوع زواجي ينسد ومانزوجهاااااا
كل ظنها ماتخاف مني وتحجي بكل ثقه وماتهتم كلامي
سعاد: والله بحلامچ اكله هيج وازوجج غصبا عليچ
يمـامه: لا تلعبين دور الغشيمه كدامي سعاد
طلعت تلفوني وخليت الصور كدامها وهيه ضلت تتراجف
يمـامه: صورج إنتي ومحسن صديق أبوية بالبستان وهوه يبوس بيچ شرايج أراويهن ل ابوي واسعد؟
شتوقعين يسون بيج ها سعاد تعرفين ماطلعين من هذا ألبيت عدله يذبحونچ اذا ماذبحج أبوي والله أسعد يغسل عاره بيچ كلشي عندي لا تحاولين تنكرين وشفت بعيني وساكتلج
سعاد: شتردددين منيييييي
يمـامه: أني جايه أحچي بموضوع واحد موضوع زواجي ينسددد من هسه، إذا فكرتين تقنعي أبوي يزوجني غصب الصور هاي عندي توصل له قبل لا تكملين جملج حته
بدون ماشوفها شتكول عفتها وركعت الباب حيل لان اعرف سعاد راح تسوي كلشي حته تمنع زواج
ثاني يوم جاب أدم يمنا بالبيت لان رنـا شوي تعبانه راح ياخذها لدكتور وراحت وياهم أمي سالم طلع لان جان عصر بس أنا وسعاد ومسره بالبيت
أدم كبر ويزحف ويحاول يكض ويمشي اروح فدوة اله قطعه من كلبي شلته وضليت اعضعض بي واشم ريحته وهوه يضحك سعاد بعد ماحاجيتها لان عرفتها سكت ابوي بموضوع زواجي صار المغرب ولسه ماجو تاخرو كامت سعاد للمطبخ تسوي ألعشه سعاد صح خبيثه وحيه بس ماتتعاجز من الشغل ونضيفه بشكل
كامت تسوي ألعشه وادم جاع ضل يبجي طلعته بره بالبستان وشايلته لكيت ابوي بره نصدم من شاف أدم وكتله راحو لدكتور كال أنطيني ياه اخذه ابوي
وسكت يمه ردت ادخل وقفني كلامه
كاظم: يمـامه ليش رافضه زواج يعني هذا جوابج نهائي؟
يمـامه: اي يبوي ماريد اتزوج بعدني صغيره
شال السجين الي بالكاع ألي نحش بيها الزرع والخضره وبغضبب خلها ع ركبت أدم انـا شفت هيج صوت راح من عندي
يمامه: بووووويهههه جاي سووووي
كاظم: موش انتي تعانديني ويمشي شورچ اذا هسه ماوافقتي بزلمه والله والله أذبحه واحرك كلبچ وكلب أخوج كلشي صار بينه من وراچ وره شرفچ علمود ندافع الج ونهايتنا كل احنه نتكاتل من وراج
انقهرت شلون جاي يحملني مسؤليه كلها لو أدم الي بيده ويبجييي حته بدون صوت
يمامه: بويهههه عوف أدم بويهههه لاا والله أسعد يموت بويههه لا
عرفت ابوي يسويها ويكتله لان قبل أبوي صار مچرم وكتل شخص معقوله هسه مايرجع يكتل مره ثانيه شي طبيعي يكتل صحت وانـا ابجي وكعدت بالكاع
يمامه: عوفههه عوفهه اتزوج اتزوجججج
كاظم: اذا رجعتي بوعدج شسويي تدرين اول شي اروح اكتل أدم وبعدين اخوانج اشمرهم بالسجن واشمر عليهم تهم وتعرفينييييي انـا ماخاف ولا استحي
كلشي يحجي ابوي صحيح ابوي مجرم مجرم يسوي كلشي
يمـامه: والله اتزوج بس بس عوفه ل ادم
ضليت كاعده بالكاع وايدي ع صدري ماكدر اجر ألنفس بعد شمر أدم ألي وادم اجاني يزحف وانـا احسيت اضعف بنيهه حضنت أدم بكل قوتي وانـا ضامته عن جرايم جده وضلمه وماكدر اكوم صدري يذبحني اجاني أبوي وانـا كاعده بالكاع جرني من شعري ورفع راسي اله
كاظم: والي يسئلج موافقه من اخوانچ تكليله أي
يمـامه: ماحجيت بس أبجي واهز براسي أي اي
دخل جوا وانـا ضليت بالبستان صرخت بعلو صوتي وكمت اخذ أدم منا لليل اجه اسعد اخذ أدم وراح
لو صاير شي ب أدم مستحيل اسامح نفسي وهوه امانه يمي.
حاولت انام ماكدرت وصارت ب١٢ بليل وانـا عيني ماتكدر تغمض هاي هيه راح اتزوج اذا مازوجت اخواني يرحون مني تمنيت احجي سالم بس راح تصير مشكله جبيره كمت اخذت تلفوني وصعدت لغرفه أسعد ماعندي حل غير ضـرغام بدون مقدمات اتصل عليه لان اعرفه هوه يكدر يساعدني بس اتصلت مره وبساع رد عليه
يمامه: شيخ الحكلي الله يخليك
ضـرغام: ليش متصله بهذا الوقت خيرچ
يمـامه: أبوي راح يزوجني غصب عني رجال جبير وهددني ماحجي ضـرغام الله عليك ساعدني تعرف ابوي شراني
ضـرغام: بشنو هددچ؟
يمـامه:يبلي اخواني ويخليهم بالسچن
ضـرغام: هاي هيه لا تبجين انـا احل ألموضوع
يمـامه: ضـرغام الله يخليك اعتبرني صـرت يمك دخيله بس لاتردني ماريد اتزوچ انـا ماريده.
ضـرغام: لاتحجين هيچ انـا اساعد كل شخص هذا واچبي وانتيي حرمه وطلبتي مساعدتي مستحيل اردج
سديت الخط وانـا ماعرف ألصح من الغلط
منا وره يومين انسد موضوع زواج وابوي بعد ماجاب طاري وعرفت انو ضـرغام كايل لـ ابوي انـو اكو ناس تريد تخطب من عندك تقبل خوش ناس وابوي كايله لا يمامه اجوها ناس وقابله وهيج ضـرغام كايله منو هذا الولد وابوي انطاه اسمه كامل وضرغام حجه ع الزلمه كدام ابوي وكايله مستحيل ننطي مره هذا سكير ومو زين واخوانها مايرضون وهيج وكله ناس كله تحجي علينه نوب وتكول انطه بته واحد. سكير مايليق هذا التصرف بيت يعقوب مانريد ننطيهم الزله بايدنا والحمدالله اقنع ابوي وسد ألسالفه بهاي يومين انـا شغل البيت كله عليه لان مسره هاي يومين طاكها نزف ماتكدر تكوم كالت امي اخذها دكتوره وخابرت رنـا كالت اليوم لقاح ابني ترحين وياي وراحن سوه واخذن مسره
◈ ─────────────── ◈
رنـــا
استقرينا بهذا البيت وحدنا وانـا بعدني شويه ابيع ثكل وي اسعد بس من اشوفهم واحد حاضن ثاني ونايمين تسوه عندي الدنيا كله وانسه شكو شي مريت بي حته صاير مايحضني يحضن ابنه وينام
أليوم لقاح أدم واسعد مايكدر ياخذني خابرت ع عمتي وكالت انـا هم اريد اخذ مسره لدكتوره كتله تمام نكمل مسره ونطلع لقح أدم
بدلت ل أدم وشلته انطيته ل أسعد وانـا احجي من وره خشمي وبعصبيه عود
رنـا: خلي يمك بس ابدل
أسعد:يماا تدللين
اخذ أدم ورحت للغرفه بدلت وكملت خليت حمره ودخل أسعد شايل أدم شافني مخليه حمره خله أدم ع جربايه واجاني
أسعد: هاي حمره تنمسح
رنـا: تدري بيه زمن راح مال اسمع كلامك
أسعد: رنـا حمره تنمسح لو أمسحها بطريقتي
رنـا: طريقتك مستحيل وانـا مامسحها
دفعته عني وشالني شمرني ع جربايه وصار فوكي وانـا احاول ادفعه عني ماكدر
رنـا: اسعددددددد شبيككك
باسنييي بكل قوته وجاب ايده ويفرك بحلكي يمسح بالحمره لطخني تلطخ
اسعـد: هذا ألشغل ززين شنهي ولج عبالج تسرحين بكيفچ ترا اتعامل وياج بغير طريقه
رنـا: االله ياخذككككككك اسعد سويت بيههه وياهو كلك تبوسنيييي تلعب نفسي منك
اسعد: ههههههه اي صدك تلعب نفسچ اشوفچ ماكدرتي توخرين من يمي وبادلتيني ألبوسه
طلعت كنينس وضليت امسح بالحمره وتاخر الوقت ماناقشته شلت أدم وطلعت واسمعه يصيح وراي
اسـعد: اويليييي يابه تجدح جدح الشفه والبوسه
رنـا:يافااااسدددد
وطبكت الباب ورحت
وصلنـا لدكتوره مسره أول شي ودخلنا كل احنه
مادري شبيها مسره خايفة وكالت عمه انو طاكها نزف
صعدتها دكتوره ع سديه حته تفحصه قصص ماي هوبس
خديجة: دكتوره بنتي صار الها يومين نزف قوي شنو سبب وهيه بعدهي مامزوجه
دكتوره: هسه نفحص ونشوف نشاء الله خير لان بسونار مايبين
فصحتها الدكتوره ومسره رفضت هذا الشي بس ماكدرت تحجي وترادد الدكتوره واشوف عليها علامات خوف جان رد صادم من دكتوره
دكتوره: حجيه بتكم مو بنيه
