رواية انت البارود وانا النار الفصل التاسع عشر بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
يـ امْ نغَل لاتبـچيـن نسَـترهَ لـو تـومْ
بـس گـون تگفيـن مـو حبـله گـل يـوم
خديجة: من الصدمة ماعرف شكلج شنو جاي تحجين انتي ؟ شنو يعني مو بنيه هااااااا شنوووووو فهميني لاتحجين هيج اطم روحي
الدكتوره: أم مسرةرجاءً اهدي، هاي نتائج الفحص واضحة بين عندي هل شي مجاي احجي شي من جيبي
خديجه: لالا جذب مستحيل بتي تسوي هيج مستحيل هذا شرف دكتوره وجاي انتي تحجين
ولج شرررف تعرفين شنو لو لا
الدكتوره: ام مسره اعرف صدمتج وهل شي مو قليل بس مراح يتغير شي اني صرختي لو لطمتي
مانكدر نغير نتيجه هذا واقع
خديجه: ولج ياريت ميته ولاسامعه هل خبر ولج
عساني ماصرت شكل لابوها شكل لاخوانهم
وين يطمونها ديفنوها وهيه عدله والله يمه
ولج مو هاي ضنتي بيج ولج سودتي وجهي
شكل للعالم
رنا: نصدمت من حجي دكتوره من الشي الي كالته
عن مسره كلشي متوقعه منها بس ماجنت بيوم اتوقع
تكسرنه هاي كسـره الجبيـره ويامن. شلون وشـوكت
شكـل لاسعد اذا سئـل شحجي شكـول هيـه طبعـاً مانصدمـت مثلنه شكلـها تعرف نفسهـا ودكتوره
فضحتها اباوع الها مدنكه عمتـي ضلـت تلطم ودك على صـدرها شلعـت شعـرهاوتبجـي
وكلبت عيـاده على دكتـوره رغم الدكتوره ما الها
اي ذنـب انـا بقـيت بصـدمه اتمنـى اجرهـا اكطعـها
تكطـع ادم ضـل يصـرخ ويبجـي خـاف من شـاف عمـتي هيـج
عمـه كـافي لتمـت علينـه العـالم ابـوس ايـدج تعالـي
نطـلع لاطـيحـين عليه
خديجه: ولج عساااااني بلموووووت ولج عساني
ررررربي اخـذ روحي ولجججج النـار ولاعـار رنـا
خايبـه النـار ولا عـار يممممه
رنا: على كيفج عمه فدوه اروحلـج لخـاطر ادم امشـي نطلـع كافـي يمه راح تموتـين
ولـج شنـو من بنيـه انتـي ماتشـوفين امـج راح تموت
ولـج ماعنـدج ضميـر شـويه وتعـالي زلمـي ادم
ماتشـوفين مـره راح طيـح ولج فوك عااااااارج
خانسـه ولاجـن حجـي يمـج
جـاي احجي وي مسره وماحس اله كومه عبايه
وبلكاع صرختتتتت عمـه ولكم يانـاس ياعالـم لحكونـي راح تـروح من اديـنه ولك اسعد وينـك
تعااااااال بقيت اصرخ بدون وعـي لتمـت دكاتره
وشالـو عمتـي بلسديـه وركضـو بيها للطـوارء
تصـلت على اسـعد يدك يدك مايشـله وانا بگلـبي
نارر وينـك اسعد وينـك رد عليـه الله يخليك ررررد
اسـعد: شبيـج رنا كاعد بديوان مكدرت ارد
رنـا: مخليته يكمل كلامه
اسعد الحك امك طاحت وشالوها الناس
اسعد: رنـا شجـاي تحجـين انتي شنو امي طـاحت وين انتـم هسـه احجـي
رنـا: مادري اسعد مادري بس تعاااال الله يخليك تعااال بلمستشفى احنـه
سد الخط اسـعد بوجـهي وادم ماسـكت بس يصـرخ
شايلتـه وافتـر ماعرف شسوي ذكـرت مسره رحت عليها بعدنـي مافاكـه حلگـي ركضـت عليه
مسره: باعـي ولج لاتمثـلين يمي دور خايفه وسويـن
نفسـج شريفـه براسـج
رنـا: لج حقيـره والج عين تحجـين بعد سوايتـج هاي
ولج اشرف منـج يا س..... وضربتـها راشدي
جاوبتني بدون خوف
مسره: باعـي لج حجيتـي ماحجيتـي مااهتم بس احذرج اذا اجـو اخوانـي هسه وفكيـتي حلكـج ونطقتي حرف ثقي بلخلقـج انـدمج
رنـا: وشنو ولج الج عيـن وتهـددين عبـالج خايـفه منـج
مسره: اي تخـافين لان تعـرفين كلش زين دمرت رجلـج وحـرمتج منه وحرمتـه من ابنه بس هل مره
اذا فكيتي حلـكج اعتبـري ابنـج ميت من هل لحضه
رنـا: ولج شنو من نطفـه انتـي شنوووو ماتخـافين الله بس يلا وحـده عار مثلـج كلشي اتوقع منهـا
وصل اسـعد وسالم وركضـت عليـهم مسره هنا نصـدمت اكثر شلـون تمثـل وتبـجي
مسره: اسعد الحك امي راح تموت اسعد خذوها ركض مانعرف وهيه واكفه طاحت امي اسعد اذا صار بيها شي اموووت
اسـعد: على كيفج خويه خلي افهم رنـا شبيهـا امي
وين هيـه هسه
ماخلتني اجاوبه كبل ردت عليه
مسره: هناك بردهات الطـوارء امشـي خويـه ماتشوف
مرتـك بيا حال وابنـك بس يصـرخ
رنـا: شكد شفت حيايـه بس مثلـها ماشفت اخذتهم
وركضو واني رحت اسح بروحـي وراهـم مكدرت احجـي خفت على ادم كلشـي تسوي اجه ضـرغام
ضـرغام: ها خويه بحدج هنا وينهـم شبي ادم
رنـا: هلا خويه دخلو جوه مكدرت ادم بس يبجي خفت عليـه
ضـرغام: خلي اشوفهم
بعده مادخـل ضرغام وطلع سالم يركض مانعرف شبي
ضـرغام: سالم سالم وين شبيك شصاير
سالم: خويه امي امي راح تموووت رادو اسعاف نحولها للانعاش جلطه طاكتها فجأه
ضرغام: اني اجيب وياك امشي
رنـا: ضليت الطم كبـل خابرت يمامه خلي تجـي تشوف امهـا شصاير بيها
◈ ─────────────── ◈
يمامه
كعدت الصبح كالـت امـي كملـي تنضـيف وطبـخ عني
ماخذه اختـج لدكتوره ويانه رنـا تلقـح ادم
طلعن امي ومسـره رحت تريـكت وكملـت غسلت ماعين كعد سالم
سالم: صباح الخير خـويه
يمامه: صباح العافية يلعاشك
سالم: ولج انتـي هـم ماتـكعـدين راحـه بس الله شلون
طاري جبتـي من صبح حتى شهـيتـي نفتحت
يمامه: يالله كول شنو تريد اسويـلك ريـوك
سالم: مشتهي بيض وطماطه وتحمسينه بصل وجاي
خبز حار من ايدج هاي حلوه تنكط عسل
يمامه: من عيـوني صـدك جذب عساك على بيض طماطه بس لاتصبغ مو زيـن عليك هههههه
سالم: ماصبغ انا غير احجي الصدك جم يمامه عدنه
بس وحده يلا انتـضرج بلحديقه جـو حلو واليـوم حلو هم
يمامه: روح يلعاشك شويه ويجيك الريوك
حمست بصل ونوب طماطه واني احمس اغني
ماعندي كـل اذنوب الـه هـوى المحـبوب
لا الي ذنـب لا انـي الاتـوب متصـبر الرحمن
يا نبعـه الـريحـان حنـي على الولـهان حنـي
جسـمي نحـل والـروح ذابـت وعضـمي بـان
يا نبعـه الـريحـان حنـي على الولـهان حنـي
يـوم الـذي حبيـت يا منيـتي جنـيت
حـايـر انـا ضليت ما ادري ذنـبي أشچـان
اندمجت ويه الكلمـات والاغنيه ودموعي نزلن لاارادي
وحجيت بصوت عالي اخ ياضرغام اخ لو تعرف شكد
احبنكم ااااخ نتبهت على روحي حجيت عالي طكيت
بيدي على راسي وصاح سالم
سالم: ولج يمامه هنه بيضات وطماطه شجاي تسوين
قوزي خايبه كتلني الجـوع
يمامه: جايه جايه كمل
حضرت الصينيه اله بسرعه وديتهن اله
سالم: اله شلون ترتيب هذا بويه عاشت ايدج تعاي
ابوس هاي الادين التسوي هيج
اخذ ايدي وباسه وجه وكفه وكال الحمدلله عندي اخت ينرفع بيها الراس
بسته من راسه ودخلت اكمل شغل شامره تلفون على شحن
نضفت البيت كله ونوب طلعت للحديقه جبيره شلعت گلبي انضف وادردم على مسره رجعت دخلت للمطبخ
لكيت سعاد تطبخ ماحجيت وياها عفتها بعد احسن صعدت لغرفه سالم غسلت ملابسه ونضفت غرفته
ونزلت رحت للمطبخ منا وهيج وكت غده
سعاد: شنهي ولج مو جنهن تأخرن
يمامه: علمي من علمج مادري خاف زدحام على دكتوره
سعاد: خايبه مادري اشو كلبي لاعبني مادري
يمامه: ياستار شني لاعبج شكو هسه يجن
عفته ماريد اهتم للكلام وافكر رحت للمطبخ
سويت زلاطه وحضرت كلشي ورحت للغرفه اخذ
ملابس حتى اسبح ولكيت رنـا متلصه شكد هنا
سودنت ياستار شبيها رنا كبل راح بالي على ادم
يمه وليدنه بي شي تصلت عليه ماردت ثاني مره
ردت وفاجئني صوت رنا
رنـا: ولج يمامه وينـج انتي ولج لحكـي امج بلانعاش
نصدمت ماعرف شرد عليها طاح تلفون من
ايدي بقيت صافنه لهناك نزلن دموعي ركضت سعاد
سعاااااد وينج سعااااد
سعاد: خايبه شنهي شمالج تسودنتي
يمامه: امي بلانعاش
سعاد: شنهي ياستار شصاير مو كتلج كتلج گلبي لاعب اليوم اهيس اكو شي
يمامه: عوفييي الحجي وامشينه نروح ولجججج مادري شنييي صايرررر لحكيييييي
سعاد: خايبه يلا بس البس عباتي
ماعرف شسوي ركضت لبست عباتي ولفيت شالي شلون مجان لكيت سعاد كامله
سعاد: شنهي جا نطلع مانخابر ابوج
يمامه: هسه امشي اكلها راح تموت
سعاد: خايبه اوكفي خلي اكل لزلمه لايجي نوب ينگلب علينه
هيه تحجي هيج وانا نار بگلبـي شوكت اوصل
سعاد: ها ابو اسعد احنه رايحين المستشفى يكولون خديجة بلانعاش
طلعنه واجرنه سياره من شارع واني مشتعله كل شويه واكله خويه بسرعة احس طريق صار شطـوله
يمامه: وينهـا امـي وينها شبيها احجي شبيك ساكت
اسعد: يمامه اهـدي الله يخليج لاطيحين عليه انتي ثانيه
_ضليت الطـم على خدي شهدي خويه شهدي
كلي وينهـا شبيهـا ليش درت وجهي على رنـا
ولج شبيها كولي انتـي مو ياها ليش ساكته احجي
رنـا: اجـت يمامه ومثل مسودنـه حقها مالومهـا غير امها رغم كلشـي سوتـه بيه بس يمامه طبيت گلبها
تغلب عليهـا دارت وجها عليه وصيح انتي وياها
ردي عليه اني دنكت ماعنـدي جواب شنو اكلـها
روحي لاختـج هيه سبب شنو احجـي شلون راح
ابرر الهم بقيـت مدنكـه وابجـي حقها باوعت على
مسره ولاجن اختـها واكفه تبجـي لازمها اسعد كوه
وهيـه بغيـر عالم هنا شدنـي نتبـاه على ضرغام من
شاف حال يمامه باوعت لعيونه حمر دمعته بعينه
هنا تأكدت ضـرغام شكـد يتأذه على يمامه بس كاتم
كمزت على صوت يمامه
يمامه: مو احجـي وياج شبيج ساكته اسعد حباب
اريد اشوفه عفيه اسعد اريد اشوفه بس شويه
اسعد: ممنـوع هسـه مايقبلـون
يمامه: شنو ممنوع امـي هاي تعرف شنو لو لا
ركضت للبـاب حتى ادخل واجت بوجـهي ممرضة
ممنوع دخلين
يمامه: شنو ممنـوع هيه بكيفـج امي جوه امي
اريد اشوفهـا مو مريضـه غريبه ولـج امي بس دقيقة
الممرضه: رجاءاً واحـد بيكم ياخذها لان ممنـوع
رنـا: كافي يمامه كافي راح تمـوتيـن
يمامه: شنو كافي هاااااا امـي جوه تمـوت وانتـي تكليلـي كااااااافي
رنـا: حضنتها وهيه ترجـف ونفسهـا قوي واحس گلبها يريـد يطلع من مكـانه اشرت اسعد بعيوني يعني تعال
اجه اسعد وسالم وهيه تحجي
لا لا مايصير بيهـا شي أمي قويه أمي ما يصيرلها شي ولچ يـماااا خليج خيمه حتلو بالاسم يماااا اخخخ لاتكسرين ظهررريييي ماحمل انـاماحملللل هلكدد ظيممممم حسيت الدنيا دور بيه ذبحني صدري وماكدرت أتنفس بعد
رنـا: طاحت يمامه بلكاع اسعد ضل يدك على وجهـا راشديات سالم يفتح عيونها ماكو صرخ عليهم ضرغام راح تموت لبنيه شيلوها بسرررررعه شبيكم
شالها اسعد وركض بيها واني وراهم وادم الي موتني
مااعرف بيمن اخذناها لطوارء غرفه نساء مايخلون
احد يدخل اخـذ ضرغام منـي ادم لان يريـده اني
دخلت يم يمامه خلو جهاز الاوكسجين
بقت ممرضه تصيح على اسعد
ممرضه: خويه كتلك اطلع ردهت نسوان
اسعد: ادري ردهه نسوان غير شايل اختي ادخلها شلون اشمرها بلباب
ممرضه: اي اطلع بره لاتصيح رجاءاً
اسعد: والله لو مو حرمه جان عرفت شلون احجي وياج
ممرضه: اطلع بدون زحمه لااشتكي عليك
رنـا: اسعد حباب اطلع اني يمها
اسعد: رنا
رنـا: لزمته من حلكه ماخليته يحجي طلعته بره ردها
سالم اخذ اسعد لاتصير مشكله
رنـا: عذرينه دكتوره بس خايف علـى
ممرضه: ميصير هيج هاي درها نساء ممنوع زلم
نتحاسب
رنـا: احسبيها عليه حبيبتي
ممرضه: روحي جيبي هاي ابره من صيدليـه بره وهذا العلاج
رنـا: اخذت الورقه وطلعت ونطيتهم ورقه اخذها ضرغام وكل للولد بقيكم انـا اجيبـها
اسعد: ام ادم شلونها يمامه
رنـا: لاتـخاف هسه نشاء الله تصير زينه ضغطها نازل
ماكتله خلولها اوكسجين هم نازل حتـى لا ينقهر بزياده
مسره ابد ماشفتها ومااجـت وره اخته كاعده يم يمامه واوكسجين معلكينه ومغذي اباوع عليها
واحجـي بگلـبي ياريـت تدرين بلي صار ياريت اكدر
احجـي ولج مصيبه وطاحت على راسـنه اذا سمعو
الولد يموتـون والله بعد مايطـلعون بشارع ولج كون صاحيه ونحجـي شسولفلج ولج اكعدي وساعديني
على هذا حمل يمامه اكعدي لاطيحين صيري قويه
لخاطري حمـل جبيـر ماكدر عليه بحـدي
ضليت شابكه ايدها وابجي تصلت عليه اسعد عرفت جاب العلاج مسحت دموعي وطلعـت
اسعد: هاي الابره نص بلمغذي ونص تشمره
رنا: تمام نشاء الله
اسعد: بعد مااوصيج موتنسين نص بس
رنـا: والله عرفت لايضل بالك حبيبي الله يساعدك
نطيت علاج ممرضه وكتلها عليه
فزت يمامه وضلت تصيح وكتلها يمه يمه وينج
شبكتها بكل قوتي
رنا: مابيـها شـي حبيبتي والله هسـه تصيـر زينـه
مو زيـن عليـج ولج انتـي تعبانه
يمامه: ولج هاي امي اذا صار بيـها شي انتهـي
ليش ليش كلشي يروح منـي
رنـا: صمله شهل حجـي شوي تعبـت وهسه ترجع النـه بسلامه تعرفين هاي دكاتره على اي شي يخبصونـه
ييمامه: يعني تصيـر زينه
رنـا: بحيل الله حبيبه خلـي اشـوف وادم وارجعلـج
طلعت لكيت سالم لازم ادم وبس يبجي ماسكت ابد
سالم: خويـه اخذي ابنـج وردي للبيت شوفي حالـه
رنا: لاخويه وين ارجـع واعـوف اسعد تحجـي صدك انته
سالم: خويـه ماقصـرتي منـا ابنـج بعده صغيـر وهل تشوفينـه مجـاي يسكـت
رنـا: لا ماروح ويمامه منو يمها شلون اعوفها خويه
سالم: جا خلـي ترتاح يمامه ونرجعـها للبيت هيه وادم
رنـا: اي احسن حل هيـه متكدر هسه تعبـانه وتروح لبيتـي ترتاح
سالم: خلـي اشوف اسعد شيكـول وارجعلـج
رنـا: براحتك خويه
بعده سالم ماراح طلعـت يمامه شبكهـا سالم
سالم: شكومـج يبعد اخوج وين رايحـه
يمامه: اشوف امـي
سالم: زينـه هاي جيتـي منها وكلشـي مابيها صاير
وياها ذبحه صدريـه خافو عليهـا لان مره جبيره
يمامه: كول والله مابيـها شي
سالم: مابيـها يروح اخوج امشي اخذج للبيت ترتاحين واخذي ادم وياج شوفي صـار بي خطيـه
ورنـا تبقـى هنا ترتاحين وتبادلين انتـي ورنـا
يمامه: شلون اروح لالا ماروح ابقى
رنـا: لخاطر ادم شوفي انتـي مابيـج توكفين
يمامه: صفنت شنو اخذ ادم وين يم ابوي لالا مستحيل ماجازف بي اخاف عليه من جده
خاف يأذي ويلكاها فرصه لا بعد مابيه حيل وجع
سالم: لا خلي رنـا تروح
رنـا: انتي تعبانة لاتعاندين وادم مات من جوع يوصلكم سالم لبيتنه وابقي هناك حتى لايعذبج ويضل يبجـي ويتغير مكانه ماينام
يمامه: خوش خلي اروح اشوف اسعد وامـي من بعيد
واطمـئن عليها يلا اروح
سالم: يلا خويه رنا نطيني ادم ولزمي يمامه
رنا: مشينه ويمامه تسح بروحهـا سح وتكابر وصلنه يمهم وكلهم كاعديـن شافنه كاضـم وشمر حجـي على يمامه
كاضـم: شنهي بويه انتـي ماتبطـلين تمثـيل وناس تركض وراج شنهي بحال تمثيلـج
جا مو هاي اختـج هل كاعده وساكتـه
اسعد: بويه شهل حجـي ما شوف لبنيـه تعبانه
كاضـم: عياره هاي عود شوفوني احبن امـي
ضرغام: مو وكتـه هل حجـي ابو اسعد منا العالم
وامهـا شما تسوي حقهـا
كاضـم: شنهي سعاد انا راد للبيت ترحين لو ضلين
مسره: بويه انا اروح مريضـه كوه كاعده
كاضـم: امشينـه بويـه وانتي ترحين لا
سعاد: جاشعدي ضاله اجي وياك ونجي بعدين نشوفها
كاضـم: يلا مشونه نترخص احنه بويه اذا صار شي تصل عليـه
اسعد: الله وياكم
رنا
قبل لاتطـلع مسره خلت عيونها عليه وخلت عينهـا على ادم وهزت براسها يعني فهمتـي اذا حجيتـي شيصير ولاجن هيـه سبب بطيحـت امها تحسها مرتاحه وتتمنـى ماترجع اما كاضـم الي جوه بلانعاش مرتـه بين حياه موت ولاجنه اخذ سعاد وبنتـه وطلع
لك شنو انتو من بشـر هيـج اذيت نفس عدهـم عادي صـرت اخاف حتـى روحي منهـم
سالم: رنا رنـا
رنـا: ها خويه ماسمعتك عذرني شردت شويه
سالم: حقج خويه يلا انا راح اخذ يمامه للبيت وين مفاتيـح وهم اجيبلكم غده
ضرغام: روح خويه انا اجيب غده لاتفكر وصل اختك للبيت
سالم: شلون نجازيك ماندري
ضرغام: افا عليك هم حجـايه هاي غيـر اهلي انتو
سالم: يلا يمامه خويه امشي ارتاحي
يمامه: جا وامـي
سالم: من ترتاحين نجيبج حاى ترجع رنا وانتي بمكانها
رنـا: روحي انتـي ارتاحي وخلي ادم ينام وانـا لليل اجي وانتـي تجين
سالم: يلا خويه رايح اودي يمامه وارجع ماتريد شي بدربي اجيب
اسعد: بسلامه خويه
يمامه
اخذت ادم وطلعنه انا وسالم وضرغام طلع ويانه شايل ادم وسالم لازمني وصلنه لسياره صعدت نطوني ادم خطيه من شاف سياره ضحك ضل يكمـز
فرحان حبيبي ياريحته من اشمها ارتاح وصلنه للبيت
خليت ادم بالهول يلعب وتمددت يمه سالم راح يجيب غده الي قبل لايطلع صاح عليه اقفل باب وراه
بقيـت.وحدي بلبيـت دايخـه كوه اكوم جبت ملابس
ادم وسويتله ممه ونام تمددت يمـه وغفيـت مادري
لحـد ماندك باب سالم
سالم: ها خويه شلون صرتـي
يمامه: الحمدلله احسن
سالم: اسف خويه تأخرت عليج اكيـد جوعانه يلا كومي
يمامه: مااشتهـي احس مايعبر الاكل
سالم: تشتهين شلون سمـج حار يخبل حامض مالح يلا يلا انا ميت جوع ترى كوه واكف
يمامه: تدلل يلا كوم
حضر سالم الاكل واكلنه سوه ماعافنـي وحدي خلص وكلي راح انام ساعة وكعديني
رحت يم ادم نمت ومافزيت للمغرب كعدت مخترعه نسيت سالم طفرت مالكيته وادم كاعد مادري شويه واجت رنا واسعد خطيه صاير بحالـهم
رنـا: يمه وليدي يروحي يشمعه بيتي تعال اشمك افيششش ردت روحي قصص ماي هوبس
اسعد: حبيب بابا انته اروحلك فدوه
يمامه: الله يساعدكم خويـه
اسعد: ويساعدج شلونج شلون صرتي
يمامه: انا زينه امي شلونها
اسعد: على وضعها بلكي تصير زينه
رنـا: متت تعب اذا انام مااكعد
يمامه: ارتاحو اسويلكم عشه
اسعد: سالم راح يجيب لاتعبين نفسج
يمامه: حتى اروح يم امي
اسعد: لا وين ترحين لان هيه ب الانعاش ممنوع احد يدخل الها
يمامه: چاا شلون اسعددد شلون يعني تضل وحدها
اسعد: يمامه يعني شلون تضليننن كاعده هناكككك بين زلمممم مايرضون احد يوصل للانعاش منا الباجر يله نشوف الوضع
ضليت يمهم مارحت لبيتنا وثاني يوم راح سالم واسعد وانـا يم رنـا وهاي يومين ضلت بيهن بالانعاش ومايقبلون احد يوصل الها منا ل3يوم طلعوها من الانعاش واسعد اخذ رنـا وراحو وانـا ضليت يم أدم لان مو مال ناخذه ويانا ونروح كل احنه لازم واحد يبقه بالبيت راحو وخابرتني رنـا بعدين وكالت انـا راح اضل منا لليل ارجع بس ماكالت الي اي شي ولاكالت كعدت أدم يمي وطبخت الغده كلت اخاف يجي واحد من الولد يتغدون هنا طبخت ونضفت وملابسي صارن كلهن مـاي شلت أدم ورحت لغرفة رنـا اخذ منها ملابس
فتحت كنتور مالكيت اي شي مستور عدهـا كل ملابسها يخبلن وكصار وريحتهن تخبل والوانهن حلوات ضليت ادور ع أي شي البسه منها كله لو كصير لو مزند لكيت شداشه حمره مزنده بس طولها زين مو كلش طويلة لبستها ورحت غسلت ملابسي لحد ماينشفن وارجع عليهن مو مال اضل بهيج ضليت كاعده وحدي انـا وادم اشيله ويشبكني والعب ويـا راح مابقة شي ويصير عمره سنه أدم اندك الباب وكمت شي اكيد لو سالم لو أسعد يالله بلكي اسمع خبر واشوف امي شبيها بلكي طلعوها هم ركضت للبـاب فتحته وصارو بوجهي ضـرغام وايـه
وانـا هيج واكفه لاحجاب لا عبايه لان حسبالي أخواني بساع ضـرغام نزل راسه ودار وانـا صرت وره الباب ايـه بساع دخلت وفهمت الوضع وحاجته
ايـه: ع كيفج مو هيچ تستقبلين اخوي تره كلبه مايتحمل هيج
يمامه: ااااايـه شني استقبله ولج حسبالييي اخوانييي
ايـه: إي بس مو إخوانج الي شافوج، ضرغام شافج وأخوي من الأساس ما يرفع عينه ببنية شلون هسه بي اليوم
يمامه: هسه شيكول عنـي
ايـه: هسه يكول ليش نعمه الله مطشره بعيده عني
يمامه: ولججج ااااايـهه لاااا
ايـه: انـا لو منج ماكو بعد ماضل بالبيت
يمامه: ايـه والله حجايه ثانيه اطردج ترا
ايـه: اي وخابر ضـرغام يجيني ههههههههههههههههههه
ضحكت ايـه ضحكتها الشهيره وكعدت ضليت مستحيه شلون اباوع بوجه وشلون بعد والله احضره احسلي ع هاي طركاعه ضلينا انـا وايه وحدنه لان ضـرغام كايلها يمامه وحدها روحي يمها تغدينه وخلصنا وانـا ابد مافتحت موضوع سالم ماريد احرجها اريدها هيه تسولفيلي ع راحتها خليت يمها ادم حته تنومه وانـا صعدت البس ملابسي
وتلفوني جان ع الشحن بغرفه رنـا بدلت ونزلت جوا كاعدين واتصل ضـرغام عليه
ايـه: انخوووك شني هاي
يمامه: صدك جذب ايـه ششني هاي حسبالك زلمه كاعد يمي
ايـه: لج الشيخ ضـرغام يتصل عليج وماتردين؟
يمامه: شرد مخبله انتي والله استحي
ايـه: روحييي ردي يجوز عليه حته يرجعنييي انـا راح اخذ أدم ردي
يمامه: لا مارد امشي
اخذت تلفون مني فتحته وشمرته عليه صميت حلكي وانـا ااصرخ ماريد صوتي يطلع اخذت ادم وكامت من يمي
ضـرغام: الـو
ضليت ساكته مارديت
ضـرغام: شنو الي صار اليوم انـا ادري بيچ سمعيني
يمامه: هاا شش شنو صار
ضـرغام: شلون تفتحين الباب هيج ما تفكرين منو الي ع الباب يعني لو اخوانج عادي يشوفوجن هيج لو واحد من اقاربكم جايييييي
يمامه: مادري انته هسه شتريد
ضـرغام: الي اريد افهمچ يا الدنيا مو أمان، ولأن مو كل واحد يدخل عليج راح يكون مثلي ويدنك راسه ويطلع
يمامه: مافهمت
ضـرغام: تغشمين نفسچ ما تعرفين انـا الي كلها تحسب الي حساب وانتي تعرفين كلش زين صرت ابرر الچ وتاخذين عقلي
ضليت مخلوسه هاي مره رجع حجه
ضـرغام: حاجيني
يمامه: شنو احچي
ضـرغام: على الأقل كولي فهمتك ليش عصبت
يمامه: مادري كلي ليش تحجي ب الغز
ضـرغام: هسه كافي أكثر من هيج ما أكدر أحچي
يمامه: أول مرة أسمعك تحچي هيج تدري
ضـرغام: وأنـا صدك أول مرة أحچي لأن انـا مو شخص عادي حتى أمشي ورا كل شعور يمر عليه
يمامه: أدري انت الشيخ ضـرغام
ضـرغام: انـا شيخ يمامه والناس كلها تباوعلي كل كلمة أحچيها محسوبة كل خطوة أخطيها محسوبة
حتى مشاعري لازم أحاسب نفسي عليها ألف مرة قبل لا أطلعه
يمامه: انت شيخنا كل احنه الله يحفضك ويحرسك محروس بعين الرحمن
ضـرغام: تدرين شنو احلا شي بكلامچ
يمامه: شنو
ضـرغام: يطلع من كلبج قبل لا يطلع من لسانج
سكت مارديت عليه مو خوفه ولا اي شي لان ضـرغام الي احبه من طفوله جاي يماشيني وعنده مشاعر الي وانـا تعبت حته اوصل ويا هاي مرحله مستحيل اخليها تمر وانـا ماحبه وماعشكه وماكله احبك بس جان لازمني شي واحد ماريده يعرف انـا احبه ماريد تطلع مني كلمه احبك
ضـرغام: المهم تسلمين على هالدعوة انا محتفظ بيها أكثر من ما تتصورين
يمامه: يلاخلي اروح انـا عيب من ايـه
ضـرغام: هسه لا تسكتين وتخليني أندم إني حجيت كل هذا
يمامه: تمام يلا محروس بعين رحمن مع السلامة
ضـرغام: الله يحرسچ انشالله ياذنبي الوحيد.
◈ ─────────────── ◈
رنـا
طلعو عمتي خديجة من الانعاش وكال الدكتور صابتها جلطه دماغيه وصار بيها شلل نصفي
وماتمشي بعد رجليها صار بيها شلل هم الخبر هذا نزل علينه مثل صاقعه أسعد اول مره اشوفه يبچي وسالم وحته كاظم موجود لان عمه خديجة مابيوم خلت كاظم يحتاج شي صح سعاد هم مرته بس الواجب مسويته كله خديجة ل عمي وانو ماتمشي هذا شي بعد اصعب ضلت بالمستشفى ماكلنا حته يمامه هيج شي ماينكال ع تلفون وانـا ضليت بحيره وماعرف شسوي عمتي خديجه انطتني سر جبير وراحت رجعت. العصر وحجيت ل يمامه كلشي بجت وانقهرت كلهم انقهرو وكالو شنو السبب صار بيها هيج من شنو انصدمت وجان جوابي مادري ماصار شي ضليت بيتي وعمتي نامت ب مستشفى ع علاجات وتطلع يوم انـا يمها ويوم يمامه تروح
◈ ─────────────── ◈
يمــامـة
امي ضلت ماتمشي وصار بيها شلل نصفي أي خديجه جان يهابيها هسه طريحه الفراش امي قويه هسه ماتكدر تتحرك بدون مساعده احد اشترولها الولد عربانه حته تكعد وندفعها بيها انـا داريتها وحدي محد اجه وياي لا مسره وصلت الها ولاا سعاد ولا حته كاظم الي هيه ام اولاده وصل الها أسعد ابد ماعافني خلال هذا الشهر ضل يمنه اكثر ماضل يم رنـا وتعذب ب روحه وجية وكال ألي حاول ارجع رنـا بعد مو مال اعوفكم وحدكم
صار الغده خليت الها بصينيه ورحت للغرفه طبعا شلل نصفي اخذ منها ايديها هم ماتحركها بس أيد وحده تحرك كعدتها انـا وكلتها تكدر تحجي رغم هيه بس اختارت السكوت ماحچيت اي شي وكلتها ومسحت حلكها بس ماتباوع بعيوني احس كاتلها ندم واحس اكو شي مضموم خلصت وغطيتها وهيه بسرعه غمضت عيونهاا عرفتها مانايمه وضليت يمها ع جريايه كاعده وحجيت
يـايمه طول عمري أركض وراج أدور منج كلمة زينة حضنه حنيه بس كل مرة ماديرين الي بـال كل مرة أگول يمكن تحس أمي مثل ماتحن على مسره بس ماشفتي غير غلطي ماعاملتيني مثل بتج تدرين شكد تعبت شكد بجيـت من وراج جم ليلة نمت وأنا أكول ليش أمي ما تحبني مثل أسعدومسره تعامليني بقسـاوه هسه من طحتـي هسه من شفتـج بين الحياة والموت عرفت شكـد أنـا متعلقـة بيج رغم كلشي رغم القهـر رغم الحچـي والضـلم رغم كل دمعة نزلت بسببـج وانتـي ماتحسـين بيـه أنـا ما أريد منج شي لا تعتـذرين ولاتبـررين بس افتحي عيونـج مرة وحدة وكليلـي يمامه حتى لو جـذب كليـلي تحبينـي لاترحيـن وانـا مادري عليمن أبجي لان راحت امي وماحبتني لو راحت امي بس هيه تحبني
شفت دمعتها نزلت عرفتها كاعده وتسمعني اخذت ايديها بستها وطفيت الضوه وكمت
ماحجيت وي مسره اي شي لان هاي امي مايحتاچ اروح اصيح شخص تعال ساعدني الكلب يحن من كيفه. ماتروح تنشد احد وتكله حن ع امك
بس مابينت ضعفي احد رغم شكد احتاچ كتف استند عليه لا ابوي يكلي خو ماتعبتي ولا أحد ينشد عني
راسلني ضـرغام الظهر وره الغده
ضـرغام: شلونها الوالده
يمامه: ع حطتها جنت يمها اغديها
ضـرغام: عفيه بـ الحنينه شايله كلب گلش چبير
يـمامـه: ماكول شي هاي امي غصبا علية
ضرغام: يمامه، الحنية اللي بيج لو انقسمت على عشرة جان كفتهم. بس المشكلة إنج تعطين الكل من کلبچ يسوه ومايسوه تحنين عليه وما تبقين شي لنفسج
يمامه: عـادي شيخ مهم همه بخير أولي انـا
ضـرغام: "ديري بالج على روحج شوية لأن محد حاس بتعبج غيري وهسه انـا كايم عندي كعده اذا فارغه بليل نحچي اريد اكلچ ع شي
يمامه: انشالله محروس بعين الرحمن
ضـرغام: من كتيلي هسه هيچ حته الي رايح علموده راح ينحل اشكرچ ع هاي دعوه.
عفته ماجاوبته نمت شويه منا للعصر طلعت غسلت الحديقه وسويت العشه لان سعاد گالت ماسوي انـا عشه وغده جانت امچ تساعدني وهسه انتي شيلين شغل امچ سويت ألعشه وحضرته واكلنه امي اعشيها قبلنه
سـالم: امي اكلت
يمامه: اي خويه عشيتها قبلنه
كاظم: وشنهي بعدين ساكته ماتحجي؟
سالم: بويه خليها صار بيها مو قليل مو شرط تسولف شوكت ماتريد تحجي
سعاد: أييي اييي شوف ربك
محد جاوبها لان تصير مشكله بالبيت ومنا أسعد ماموجود ف سالم مسوي وضيعه تغليس ع حجيهم
تعشه وطلع وابوي هم طلع سعاد راحت لغرفتها. ومسره بكل وقت تاكل وترجع للغرفه وتكعد ع تلفون حته عيونها صارن سودد من تلفون اذكرت ضـرغام گال اتصل عليچ اخذت تلفون وصعدت فوك بغرفه أسعد واتصلت عليه
ضـرغام: چنت اتعشه وكلت اخلص واتصل وغلبتيني
يمامه: اي ضل بالي گلت عندي شغله وخفت
ضـرغام: تدرين اليوم جانت عندي كعده وحليتها بسبب دعواتچ الي
ضليت ساكته ماجاوبته رجع كلي
ضـرغام: انـا نسيت جاي اتصل خافن ماتكدرين تتصلين واخوانج هنا سدي
يمامه: محد طلعو ولهذا السبب اتصلت
ضـرغام: تمام ديري بالچ وانشالله ماخليچ هيچ تحاجيني بالبوكه بعد
يمامه: اسكت ضـرغام
ضـرغام: : لا، خلي أحچي هالمرة لأن تعبت من السكوت
أحس كلبي راح يوكف من دكات السريعه وضليت ساكته
ماصدكت ضـرغام كلي هيج يمكن جاي يشوفني معقووووله ضـرغام يحبني انـا حجيت وكتله
يـمامـه: ابدا ماچنت اتوقـع انت تحبنـي
ضـرغام: سامعه بـ قطره بـ بحر
كل هذا الحـب الي تشوفي مني مچرد قطره من بحر انـا ماعرف أعبر بس الي اعرفه شي واحد انـا اموت عليچ
حسيت هنا لصمني ع حلكي ماكدرت احجي شي بعد ونزلت دموعي من ألفرح بجيت ماكدرت مابجي
ضـرغام: ليش تبجين يمامتي انـا رايدچ بالحلال والله يشهد عليه ألحسين انـا ماخاين ولاخنت احد من اخوانچ انـا اخذج وتصيرين مره الشيخ ضـرغام
ماكدرت وشهكت مامصدكه حلمي تحققق ضـرغام حبني اي والله حبنيييي الي
ضـرغام: بس لاماتحبيني انتي يمام
هوه كال هيچ وانـا نطقت
يـمامه: شلون مااااحبك احبك
سمعت صوت ضحكته عرفته غثني حته يشوف ردي
ضـرغام: أي ادري بيچ ادري
يمامه: شنو شتدري؟
ضـرغام: انـا الچ نامي رغد ولاتفكرين بشي ادري بيچ هسه راح تفكرين بكلشي بس عوفيها عليه
يمامه: تمـام
ضـرغام: هسه شنو حبيبتي؟
يمامه: يـااا حبيبتك
ضـرغام: ولچ ساكتلچ صارلي سنتين بعد ماسگت ياحبيبتي ياضي العيون ياذنبي الوحيـد.
يمامه: تمام تمام خلي خلي انزل
ضـرغام: باجر نحچي ومو دائما تحاجيني من تكدرين
يمامه: صـأر
ضـرغام: محروسه بعين الرحمن حبيبتي
سديت تلفون منه وانـا مامصدكه بجيت تمنيت رنـا يمي جان كتلها كلشي ثاني يوم اجاني أسعد وكال هل ايام نرجع جاي يحول غراضه ويرجع بهاي اسبوع
انـا نفس روتين اسوي العشه وانضف واغدي امي واعشيها ومسره كذالك بس ماجنت اشكي من ضرغام يمي اتعب بس من نحجي يروح كل همي
غديت امي وراسلت ضرغام
يمامه: تكدر نحجي
ضـرغام: اي اريد احاجيج بشغله
اتصلت عليه لان اسعد بعد مارجعو ف احجي بغرفه رنـا
يمامه: ها ضـرغام شلونك
ضـرغام: انـا زين وانتي شلونها امچ
يمامه: نفس الوضع تدريييي رنـا واسعد راح يرجعون جاي ينقل الاغراض
ضـرغام: اي گلي أسعد
يمامه: تغديت لا
ضـرغام: أي تغديت اريد انامن منا للعصر أروح لديوان مالحك اغفه تعبان يمامه كساع يصيحوني
يمامه: الله يساعدك شيخ شسوي بعـد كلها تحبك
ضـرغام: ها وانتي شنو ماتحبيني
يمامه: انـا اعشكنك
ضـرغام: انـا ميت بيچ يمامه اريد اكلج شغله وخليها ترجيه بذانچ هذيج مره ماكتلج
يمامه: اسمعنك
ضـرغام: يمـامه اول شي ولا أي شخص تحجين اله بالي صـار بيني وبينچ ماريد طير يعرف بعلاقتي بيچ وشغله ثانيه يمامه انـا زلمه اكره ألي يجذب عليه والي مايسمع حجايتي وانـا احبج وحابچ ماريدج بيوم تشوفين وجهي ثاني من ماتسمعين حجايتي
يمـامه: ليش حته ماسمع حجيك يعني
ضـرغام: انـا الرجال غير وانـا أقرر وانـا أنهي وانـا كلمتي مسموعه بس يمامه لابيوم تكسريني وجذبين عليه لو سويتي أي شي حتلو چيير تعالي كليلي حبيبي هيچ وهيچ سويت بس لااااضمين عليه
اخذتني صفنه شحجي ضـرغام وانـا بكلشي مجذبه عليه بس حبي صدكي انـا جذبت بسره جذبت بشي يخصه جذبتتتتتت وانـا اعرف قاتل ابوووو حبني حبني وانـا اهلي قاتلين ناس تهمهم مضاهر مفكر انـا بت ألشيخ يعقوب كل تهابه وتحلف باسمه ومنطقه گلها تحمد ب بيت يعقوب بس محد يعرف جاي نعاني منه انـا ابوي قاتل وانـا ساكته ومخنوكه بهذا السر وهسه انـا احب ضـرغام وضرغام يحبني بس ماكدر احجيله هيچ شي اذا حجيت اخسره واذا ماحجيت هم اخسره بس هوه زين وياي ماكدر أضم عليه بس مو هسه الوقت كفيل لكلشي
ضـرغام: هلكد طلبي صعب؟ وماجاي جاوبيني
يمامه: لالا بس انتضرتك تكمل حجيك
ضـرغام: ماعندي حجي انـا ماريد اكرهچ انـا احبچ ف هذا شرطي وطلبي الاول والاخير الجذب ممنوع
يمامه: صـار مستحيل اجذب عليك بشي واخليك وره ظهري
ضـرغام: هذا الحجي العدل لان انـا ماريدج تخليني وره ظهرچ واذا بيوم عرفت اكو شي مجذبه بي عليه لو ضامه شي حتلو احبچ ماشوفچ كدامي ساعتها وانسه حبي الج
حاولت اسد مكالمة بسرعه لان ارتعبت والخوف بين ع صوتي
يمامه: صـار ماجذب عليك بشي
ضـرغام: مثل ماالعالم مخليه ألي احترام وهيبة وتحسب الي احساب اريدچ حته انتي نفس ألشي
كولي هذا رجالي هذا يحبني من صدك مايوم اضم شي عليـة وغلطه غلطتيها من حجيتي وي هذا الولد دازته مسره عبرتها بس اذا غلطتي مره ثانية غلـطه مااعيدها الج
يمامه:شنو السالفه ضـرغام هذا حب لو سجن ع كيفك صارلك ساعه تنطيني قواعد
ضـرغام: هههههههه احبچ ولج بس غير احجيلچ وافهمج ع وضعي وتردي وهسه يلا شتردين أنتي طلبي تريدي وانـا انفذه
يمامه: ممنـوع بيوم تباوع لبنيه ضـرغام ممنوع بيوم تفكر بغيري
ضـرغام: هاي سهلة حبيبتي من هسه مرتي معروفه واكمل الامور واخطبنچ من أسعد
يمامه: واذا رفضك أسعد
ضـرغام: هههههههههههه انـا اريده اسوي محد يرفضني يلا خلي انامن وراي روحه لديوان
يمامه: محروس بعين الرحمن
ضـرغام: احبچ ياذنبي الوحيـد
يمامه: احبنگ يارويحتي
جر نفس قوي وكال
ضـرغام: أووووف شلون جنت متحمللللل وساكت ومحروم من هيج حجايات
سديت تلفون بس هل مره ضليت افكر بالي حجه ضـرغام شلون بس مابيدي أي شي ققرت أعتبر نفسي ماعرف هذا السر حالي حال اخواني واذا بيوم انكشف انـا مادري وهذيج ساعه ضـرغام شنو يعاقبني خلي يسوي بس مالازم يدري انـا اعرف وضامه عنه.
◈ ─────────────── ◈
رنـا
بعد ماطلعت عمتي خديجة من المستشفى انـا مارحت بعد بس اسعد يوميه يمهم يجي بس وكت الاكل ويرجع وبليل يشوفها ويطلع شفت اسعد حيل تعذب بروحه وجيه وعرفت بيوم راح يكلي خلي نرجع اجه يوم جانت ساعه ب١٢ بليل اجه اسعد صاحلي كلي تعالي شويه عندي موضوع وياج
رنـا: ها حبيبي شلونها امك
أسعد: مريت الها لكيتها نايمه رنـا انـا ماصبر هيج تعبت انـا بين امي وبينچ عادي نرجع حبيبتي يمهم فدوه والله ماكدر يمامه حمل كل عليها وتعبانه
رنـا: انـا تهمني راحتك بس أسعد وابننا؟
كعد ع حيله وحجه
أسعد: اوعدچ مابيوم يصير شي ب أبننا واذا صار تعالي عاتبيني بس خلي نرجع والله مستعد بكل شرطج حتلو ضلين فوك ماتنزلين
رنـا: المره وي رجلها بالمره قبل الحلوه صح تعذبت وصح عمه خديجة هم اذتني بس انـا علمودك اعيش بالنار عادي
كام اسعد وشبكني وباس راسي
رنـا: حبيبي لاسوي هيج هذا الهم سهل وانـا ارجع ونعيش هناك
اسعد: أم ادم مشكوره أنتي سويتي شغلات محد يسويهن
رنـا: لعيون الحبيب كلشي سهل.
اسعد: احبچ والله احبچ
اخذني بحضنه ع جربايه وضل ياخذ اديه ويبوس ب ايدي عرفته شكد مهموم ف رجعه احسن الي واله.
حاولنا نرجع اغراضنا لحد ماخلصنا وانطينه مفتاح ضـرغام وتشكر منه اسعد ورجعنا اكثر وحده فرحت برجعتنا هيه يمامه وشالت أدم الي صار عمره سنه
وهيج رجعنا انـا هم ساعدت عمه خديجة وي يمامه رغم كلشي بس واحد يسوي الله مهم يكفيني شرهم ومايوصلون ل ابني خلي اسوي زين حته يبعد عني ألشر عمتي خديجة كل مااوكلها ماتباوع بعيوني واتمنى احجي وياها واكلها ياعمه شسوي بهذا ألسر بس مابيدي شي ماتحجي وساكته انـا اغديها ويمامه تعشيها صعدت فوك للغرفه وره الغده لكيت اسعد شايل أدم ويفتر بي
اسعد: ابنج مايسكت تعالي شيلي لو اطردكم
رنـا: ها بسم الله هاي بدايه
أسعد: عندي فكره احلا انـا مشتاقلج
رنـا: اي حبيبي انطيني انوم أدم
أسعد: ولج ماينام خبيث يعرفني مشتاگ امه هسه اودي يمامه اكلها خلي يمج وانـا اجيج
رنـا: لالا عيب اسعد هسه شتفكر
اسعد: تفكر خلي تفكر غير مشتاك مرتييييي
طلع ودز أدم لي يمامه وكال اخذته وراح تنومه وهسه بساع سكت يمها
رنـا: وهسه شنو حصلت عود
شمرني ع جربايه وكال
اسعد: احصل مرتي واعوضها عن تعب جاي تعبه ووكفه وكفتها وياي
رنـا: امممم هههههههه
بسته من راسه وشواربه ولحيته وهوه اخذني بين احضانه.....
#يتبع_تكملة البارت
اسعد: ابنج مايسكت تعالي شيلي لو اطردكم
رنـا: ها بسم الله هاي بدايه
أسعد: عندي فكره احلا انـا مشتاقلج
رنـا: اي حبيبي انطيني انوم أدم
أسعد: ولج ماينام خبيث يعرفني مشتاگ امه هسه اودي يمامه اكلها خلي يمج وانـا اجيج
رنـا: لالا عيب اسعد هسه شتفكر
اسعد: تفكر خلي تفكر غير مشتاك مرتييييي
طلع ودز أدم لي يمامه وكال اخذته وراح تنومه وهسه بساع سكت يمها
رنـا: وهسه شنو حصلت عود
شمرني ع جربايه وكال
اسعد: احصل مرتي واعوضها عن تعب جاي تعبه ووكفه وكفتها وياي
رنـا: امممم هههههههه
بسته من راسه وشواربه ولحيته وهوه اخذني بين احضانه.....
حجتلي يمامه كلشي بينها وبين ضـرغام وانـا كلش فرحانه وياها بس رغم كل هذا كالتلي اكو شي مخوفني كتلها شنو ماقبلت تحچي وكالت للوكت تعرفين
منا لليل يمامه وسعاد يسون العشه طلعت بره لگيت اسعد وسالم كاعدين ويمهم أدم طبيت لدوانيه ولكيت كاظم كلت لازم احجيله كلشي
كاظم: ها شنهي صار العشه
رنـا: عمي عندي موضوع وياك مهم بيني وبينك
كاظم: اكعدي بله ونشوف شنهي موضوعچ.
حجيتله كلشي صار من اخذنه مسره لحد ماوصلنـا
رنـا: وانـا ماعرف شسوي عمي اذا حجيت ل اسعد يموت وسالم هم مابيدي شي بس ياعمي مسره ممكن طم راسه بيوم من الايام
كام اتجاهي وجان لازم بيده العصه وحچه
انصدمت من قذاره الي جاي صير وحجي كاظم يكول اكلهم هذا ابني اذا حبلت مسره
كاظم: والله بالله يارنا اذا هذا الحجي وصل ل أسعد صدكي اطردكم بشارع وشوفي يابيت يلفيكم
رنـا: طووووب يطبكمممم عسه ماتحتركون وشلي علاقه انـا مهم انـا وابني وراي اهلي
عفته وطلعت والله ماهتم اي احد بعد
ثاني يوم كلت احجي كلشي يمامه ع اقل نشوف حل
كعدناا كل احنه ع الغده يمامه غدت امها واجت
وحجه سالم
سالم: شنهي هاي أسعد صدگ ضـرغام راح يخطب
انطو مره وهوه موافق...
