رواية ولو بعد حين الفصل التاسع عشر
جلس فارس على مقعده يستمع لمنتصر الزيات شريكه ووالد زوجته ميسان ،يقضم فى اظافره وهو ينصت لتوجيهات البيه.
آمرة منتصر الزيات ان يطلق ابنته ميسان على وجه السرعه
وان فض الشراكه آمر لا رجعه عنه
همس فارس تمام يا منتصر بيه ،بنتك طالق بالتلاته ،هخلى المحامين ييدأو فى فض الشراكه بينى وبين شركتك
لكن احب اقلك ان فارس زكريا مش هيموت ،وعن قريب جدا هتتمنى ان الشراكه إلى كانت بينا استمرت لانى هقضى على شركتك.
خرج فارس من مكتب منتصر الزيات يغلى من الغضب
دكتور شعبان أغلق هاتفه ولا يمكنه الوصول اليه
زكريا هرب من الفيلا وضرب اول ضربه هزت مملكته
تمام يا زكريا، لكنك للأسف بتقلل من ذكاء ابنك إلى ربيته على ايدك وعلمته فنون السوق والعمل، الفلوس بتحل كل حاجه يا زكريا
انا هجبرك تحترمنى انا هجبر العالم كله يحترمني، والشخص إلى مخترش صفى هيكون عدوى
وصلته بعض التقارير آلتى تفيد ان بعض كبار العملاء سابو الشركه ،ان مبيعات الشركه تأخذ منحنى تراجعى منذ يومين
العملاء إلى زكريا رباهم على إيده بيثبتو ولائهم له
الولاء ___ سخر فارس ،الناس إلى بتعتقد انها افضل من غيرها لمجرد انها اوفت بكلمه او وعد
وماله كله هيدفع التمن ،كله هيركع تحت رجلى ،كله هيتمنى رضايا
خفضو سعر المنتجات، أمرهم فارس ،الناس بتجرى ورا الارخص ،الزبون معندوش ولاء غير لجيبه
كان تقارير الشركه بتوصل لزكريا بأستمرار ،كان مبسوط لكنه كان عارف ان رأس مال شركته ضخم ومش ممكن يأثر فيها تراجع المشتريات
لكنه على الاقل نجح فى تصدير المتاعب لفارس ،شخص ذى فارس موضوع الفلوس هيتعبه جدا لانه تربى على الحرمان
ناصر وحبيبه حياتهم كانت بتمشى ببطيء لكن بسعاده
حبيبه مكنتش مهتمه بفقدان الشركه والعقارات كان يكفيها ان جوزها وابنها عايشين معاها بعد طول سنين من الحرمان
زكريا وحده كان يحمل ثأره داخل صدره ومهما حاول النسيان لم ينجح.
انت فين يا زفت انت؟
صرخ فارس اول ما وصلته إشاره ان تليفون دكتور شعبان اتفتح ،تعالى على الفيلا فورآ فهمنى المصيبه إلى حصلت هنا حصلت ازاى
شرح شعبان لفارس كل ما حدث، ناصر وزيارته لمعمل الأبحاث وتهديدة له بالقتل اذا لم يمنحه الترياق
لم يكذب شعبان فى حرف واحد، تأكد فارس من كلامه
يعنى ناصر حقن زكريا بالترياق ؟
قولى يا شعبان الترياق ده موجود منه كام عينه ؟
عينتين تجريبيتين ،ناصر اخد وأحده والتانيه موجوده عندى فى المعمل
يعنى بحثك اتدمر يا دكتور ؟
همس شعبان للأسف انا فقدت كل حاجه لكنى نجحت فى شيء اهم
ايه هو يا دكتور شعبان ؟
جرعات الدواء طويلة المفعول انا نجحت فى تحويلها لفيروس ينتقل عن طريق الحقن
يعنى انا مش محتاج شهور عشان اخلى عينه بحثيه او شخص عادى يحصل معاه التغير، التغيير هيحصل فورآ بعد الحقن.
رائع جدا يا دكتور شعبان انت عبقرى، انا هتبرع بنص مليون جنيه لابحاثك
همس شعبان نص مليون مش كفايه انا عايز خمسه مليون جنيه
صمت فارس، تمام، لكن ممكن اشوف الفيروس، انا منبهر بذكائك يا دكتور
ابتسم دكتور شعبان ، هجيبه من المعمل، هخليك تشوف مولودى الأول
وعلى ايه انا هروح معاك المعمل يا دكتور شعبان انا كنت خارج اصلا
وصل دكتور شعبان المعمل وفتح ثلاجة العينات ،اتفضل يا فارس بيه، دا التحفه الجديده إلى ممكن تغير وجه العالم
ابتسم فارس، والتحفه دى محتاجه تجربه صح ؟
حاسب صرخ شعبان اوعى تكسرها ،متخفش يا دكتور انا كمان بحب العلم ذيك واكتر
مشى فارس داخل غرفة المكتب منبهر باختراع دكتور شعبان
انت عظيم يا دكتور شعبان العالم كله لازم يصفقلك
الفيروس دا بيحقن فين فى جسم الانسان؟
فى اى مكان لكن فى العنق بيكون مفعوله اسرع
صرخ دكتور شعبان انت بتعمل ايه؟ حينها كان فارس انحنى على عنقه وغرس الفيروس داخله
دا عشان اطمن انك مش هتخونى يا دكتور شعبان
فتح فارس ثلاجة العينات ووضع الترياق فى جيبه
انا عارف انك ممكن تصنع ترياق جديد ،لكن ممكن الفيروس يأثر على ذكرياتك والتركيبة تضيع من عقلك او ممكن انا اخليك تحتفظ بالذكريات إلى انا عايزها
انت طورت الفيروس لربطه بشريحه الكترونيه سهلة التحكم عن طريق جهاز كمبيوتر صح؟
همس شعبان ،المعلومه دى وصلتك ازاى ؟ انا محتفظ بيها لنفسى
جلس فارس خلف كمبيوتر دكتور شعبان فعل البرنامج
للأسف يا دكتور شعبان انت مش مقدرلك تعرف المعلومه دى
لأنى وضغط فارس على المفتاح هفقدك بعض الذكريات المخزنه هنا.
بعد نصف ساعه كان شعبان واقف مع فارس داخل المعمل كأنسان جديد ،فارس يأمره بصناعة المزيد من جرعات الفيروس بعد أن ذرع داخله رابط جديد انهم يعملون على عينه بحثيه جديده من أجل بحث عالمى سيتم نشره
فى أحدا الدوريات البحثيه الاوروبيه.
خرج فارس من المعمل فى جيبه نسخه من الفيروس وأخرى من الترياق، شعر أن العالم كله ينظر اليه، انه أقوى من أى وقت مضى، وأن العالم كله عليه ان يقف احترام لما سيفعله فارس فى الأيام الاحقه.
