رواية ليتني واجهتك الجزء الثاني الفصل التاسع عشر
اسراء
بخلال هاي الاشهر الي راحت صارت جثير شغلات منها علي وجيهان
علي كدر يتعالج ويصير زين الحمدلله لسانو رجع مثل قبل
وايدو صار يكدر يحركها بس يكول بيها خدر مرات
دائما يجي على عمر ويسالو ليش ويلادي مايتصلون
عمر؛؛: اهلي مخبين سدره ومايكدرون يطلعون الويلاد لمكتبه يحجون معاك لا الدواعش يشوفهم
جنت اشوفو حيييل ينقهر ويكعد عدنا بس يدخن
دخلت بشهري وبدت معركة الموصل وعمر صار مايجي لبيت بس جنت دوم اتصل بي واعرف اخبارو
الى حد مايوم من الايام اتصلت بي مره مرتين مايجاوب بالثالث مره يالا جاوب
اسراء؛:الو حبيبي وينك
جاني صوت واحد يضحك
الداعشي؛:هههههه حبيبج فطس
جسمي كلو كام يرجف ودموعي تنزل بالكوه كلت
اسراء؛: وي.. وينو رجلي
الداعشي؛: مرتد وفطس
سديت التلفون وكمت اضرب على نفسي وابجي جت اسماء وجيهان يركضون عرفو الي صاير اتخبلو لحظتها دكت سدره وكتلها عمر انقتل
مجرد سديت الموبايل مسكني وجع وماي الراس طك
جيهان طلعت تركض على بيت اهل علي وجت ميس وام علي يركضون
وهاي جان اول مره بيها تدخل ام علي عدنا
ابجي واصرخ عمررر وجع كلبي اكثر من وجعي
ركبوني بالسياره واخذوني لمستشفى وبعد ساعات جت بنتي لدنيا وسميتها تحرير لان عمر جان يريد هذا الاسم حضنتها وبجيت شنو ذنبها تنولد يتيمه .....؟ !!
امه جيهان فجان عمر دائما يوصيني اسراء دير بالج على الويلاد وعلى جيهان خصوصه جيهان مراهقه وهاي امانه عدنا وامانة سدره
جنا انخاف عليها حيييل خلينها ترجع لمدرسه ولاعمر ولااني ماكن حرمنها من شي اصلا جانت عندي بمعزه ويلادي
جان عمر مرات على غفله ياخذ موبايلها ويفتش بي ويرجع ينطيها ويكولها اني عندي بيج كل الثقه
جان عمر فتره من يروح لدوام اني اصير مكان عمر وعيني على جيهان يوم من الايام اخذت موبايلها ودخلت على المكتبه مال يوتيوب اشوف شنو اتشوف لكيت كلها علماء دين وفديوهات مكتوب ماهو دين اسلام
هل داعش هو الاسلام
وكثير اسئله تخص دينها ودينا
اسراء؛؛ جيهان انتي كن اسلمتي ونحنا مانعرف
جيهان؛؛لا اني بعدي على ديني
اسراء؛:عجل شنو هذا
جيهان؛: اني احب اسمع واريد اشوف اذا دينكم صح
اسراء؛؛ شوفي حبيبتي انتي من اول يوم دخلتي لبيتنا
ومن سدره طلعتج من بين داعش كل تفكيرها جان انسانيه لوحتي انتي ماجنتي اختنا بالاسلام بس انتي اختنا بالانسانيه لو ضليتي طول العمر على دينج محد راح يغصبج
ودير بالج ياجيهان تدخلين دينا وانتي مامقتنعه لازم كلبج قبل كلشي لازم يقين بالقلب تصديق باللسان عمل بالجوارح
اول شي كلبج يتقين دين الاسلام صح وهو دين رب العالمين وثاني شي يالا اتكولين الشهاده الي هو تصديق باللسان وبعدها نبدي تعلم شلون نعبد رب العالمين
جيهان؛: اشكرج عمه اسراء علمتيني
ومرت ايام وحجيت لعمر على جيهان من رجع وكالي شكو بيها بعدها صغيره بس ابد لاتضغطين عليها
جان من عمر موجود انصلي جماعه بالبيت وعمر صوتو حلو من يقرأ قران
جنه نكف عمر الامام وثاني صف رجل اسماء وابني ويلاد اسماء مرات علي موجود هم يكف يصلي ونحنا النسوان اخر شي
جانت جيهان تكعد تسمع شلون يقرأ
الي حد مايوم من الايام عمر يقرأ وجيهان كاعده ب صفحه وتبجي منهاره كملنا صلتنا وعمر اشرلها
عمر؛؛ تعاالي بابا ليش تبجين
اتقربت على عمر وحضنها وباسها من راسها
جيهان؛: اريد اصير مثلكم مسلمه
عمر؛: يقين من كل كلبج
جيهان؛؛ اي من كل كلبي عمو
عمر؛؛البسي عبايه وامشي معايا
لبست جيهان عبايتها وراحت مع عمر....!!
جيهان 💔💔💔
أنا تلك البنت التي أفلتت من الموت، لكن الموت لم يفلت منها.
في ذلك اليوم، لم أفقد أمي وأبي وأخي فقط... بل فقدت حياتي وعمري ، وكل شيء كان يجعلني إنسانة تشبه البشر.
كنت أظن أن أقسى ما في الدنيا هو البكاء،
حتى رأيت أهلي يُقتلون أمام عيني، وعرفت أن هناك وجعًا أكبر من الدموع، وجعًا يجعل الروح تصرخ بصمت، ولا يسمعها أحد.
منذ ذلك اليوم وأنا أحمل في صدري مقبرة.
كلما اشتقت إلى أمي، فتحت باب الحنين فاختنقت.
وكلما تذكرت أبي، شعرت أن ظهري ما زال يبحث عن أمانه.
وكلما مرّ اسم أخي على مسامعي، ارتجف قلبي كأن الفاجعة تحدث الآن، لا قبل سنوات.
أمشي بين الناس، لكنني أشعر أنني تركت نفسي هناك... عند تلك اللحظة التي سقط فيها عالمي كله أمام عيني.
أحيانًا أسأل الليل: كيف استطعت أن تشرق الشمس بعد ذلك اليوم؟
وكيف استمرت الحياة وكأن شيئًا لم يحدث؟ أما أنا، فما زلت عالقة في تلك اللحظة، أعدّ الرصاصات في ذاكرتي، وأجمع بقايا وجوه أحبتي من بين الركام.
أنا ابنة الحزن الطويل... ابنة بيتٍ أُطفئت أنواره دفعةً واحدة. كل ما أملكه الآن هو ذكريات أخاف نسيانها، وأخاف تذكرها في الوقت نفسه.
قالوا إن الزمن يداوي الجراح... لكن بعض الجراح لا تُشفى، بل تتعلم كيف تنزف بصمت.
دخلت لغرفه وشفت على الميز دفتر مكتوب بي مذكراتي فتحت اول ورقه لكيتها كاتبه هذا الكلام ماتحملت اقرأ وابجي دخلت لغرفه وشافتني ابجي
وبيدي الدفتره
اتقربت عليها وحضنتها
سدره... انتي بنتي واني امج يانظر عيني والله غلاتج ومعزتج عندي بغلات ماري وحسين
دنكت براسها ودموعها تنزل
ضميتها اكثر لحضني
جيهان... مادا اكدر انسى هذاك الموقف وهمه يقتلونهم كدام عيني واخويا مخلي ايدو على راسو يغطي نفسو من الطلقه
ماكو كلام بالدنيا كلها يكدر يخفف حزنها مصيبتي اني ولاشي كدام مصيبة جيهان 💔
اني جيهان الي اخذني داعش والي قتل اخويا وابويا وامي كدامي
جنت عايشه مع اهلي مثل اي بنت مرتاحه الي موفرين اهلي كلشي النا اني واخويا ابد مامخلين قصره علينا
جان عمري 15سنه ماحسينا غير دخلو جماعه ارهابيه علينا
مالحكنا نطلع ودخلو لبيتنا
سحبني واحد من الدواعش من ايدي مسكني وطلعو امي وابويا واخويا
كمت ابجي واصرخ عليهم واهلي هم يصرخون خايفين ابويا صيح
ابو جيهان؛: لا اله الا الله اني مسلم بس لاتاذونا
بس واحد من الدواعش كام يضحك وكالو انت مثل فرعون موسى اشكد اتوسلنا بيهم وكلنالهم والله نسلم بس لاتسوون بينا شي
بس مافاد رفعو السلاح وهمه يضحكون وبكل دم بارد قتلو اهلي
اهلي ماتو كدام عيوني ومن يومها حقدت على المسلمين وعلى دين الاسىلام
يمكن رب العالمين يحبني وماخلى واحد بيهم يطخني اخذوني ودخلوني لسجن ب يومها التقيت ب سدره وشفتها شلون تبجي وتوسل بام عائشه بس حتى تعرف بنتها عايشه لو ميته
فكرت ليش مو مسلمه هاي المره؟ وهمه مسلمين يعني ليش يسوون بيها هيجي
من تعرفت على سدره وحجتلي هذا مو دين الاسلام ابد مانسى شلون طلعتني من عندهم
وابوها جا اخذني وبعدها بكم يوم كدر ابو سدره يطلعني من طريق كركوك قبل ماينسد وعمو عمر جا اخذني
من اخذني عمو عمر صارولي اهل صارو همه ابويا وامي ماخلو قصره عليه جان حالي حال ويلادهم ويمكن اكثر
رجعوني لمدرسه ومصروف يوميا عندي ومدرسين وين ماحب اروح يطلعوني موبايل اشترولي
وعمو عمر انطاني كل الثقه بس جان يكولي اني من خوفي عليج اشوف موبايلج ومن حق الاب يشوف موبايل بنتو
جنت ابد مانزعج من هذا الشي بلعكس اكول مادام همه يحبوني لومايحبوني مايخافون عليه هيجي
عرفت واتيقنت هذا هو دين الاسلام محمد صلى الله عليه وسلم مو دين داعش الي دمرنا ودمر حتى المسلمين
جنت اطلع دائما باليوتيوب علماء الدين يحجون على داعش هذوله مو اسلام
ويحجون شنو هو دين الاسلام جنت احب اعرف عن دين محمد صلى الله عليه وسلم وجنت اشوف اشكد حلو من عمو عمر وعمو احمد وعمو علاوي يصلون جماعه وكل مرة واحد بيهم يكف امام
وصوتهم احلى من الثاني
جنت اسمع دائما عمو عمر يكول أَلَا بِذِكْرِ اللَّهِ تَطْمَئِنُّ الْقُلُوبُ من جان يشوفني اكعد ابجي على اهلي ينصحني ويذكرلي هاي الاية وجان يكولي اسمعي قران ترتاحين
جنت بالبدايه مااصدك اكو شي اسمو من نقرأ او نسمع قران نرتاح
بس جنت كلش اشتاك لهلي وحتى تجيني ايام اتمرض بكثر ماابجي عليهم
كمت اخلي سماعات باذني واسمع القران كلو قصص وكلمات لاتمل وصوت ولااروع
حبيت الاسلام واتعلقت بي حيييل الي حد مايوم من الايام واكفين كلهم يصلون وعمو عمر يقرأ وكمت ابجي
جان يقرأ اية عن النار وعرفت معناها وطول ماهو يقرأ اني ابجي الى حد ماكمل اخذني لجامع
وعمر حجى لشيخ وكالو اتريد تدخل لدين الإسلام سالني الشيخ وكالي اذا مغصوبه كولي
جيهان؛:لا ابد اني حبيت هذا الدين صارلي ثلاث سنوات ابحث وعرفت
جان الشيخ يكول واني اردد معا وابجي كلت الكلام الي علمني هو شيخ الجامع
جيهان... أشهد أن لا إله إلا الله وحده لا شريك له، وأشهد أن محمدًا عبده ورسوله، وأشهد أن عيسى عبد الله ورسوله وكلمته ألقاها إلى مريم وروحٌ منه.
وأن الجنة حق، والنار حق، والأنبياء حق، والموت حق.
تبرأتُ مما وجدتُ عليه آبائي وأجدادي، وآمنتُ بالله الواحد الصمد، الذي لم يلد ولم يولد، ولم يكن له كفوًا أحد."
الحمدالله دخلت الاسلام وانطاني محاضره دينيا وانطاني كتاب الحلال والحرام رجعت لبيت وكلها باركولي على هذا الشي
حتى ثاني يوم كل واحد بيهم جابلي هديه بس جانت ب نسبه الي احلى الهدايا جتني
الي انطانونا قران والي جابلي سجاده وحجاب صلاه وسبحه والي كتاب ديني من يومها صرت ملتزمه بحجابي وصلاتي
وطلعت معدله صيدله وانقبلت بجامعه كركوك بس جنت اخاف من القسم الداخلي لهذا مادخلت وخط اشتراك اروح وارجع ......!!
صهيب....
اول من رحت مع تنظيم د... ا.. ع.. ش رحت حتى انقذ سدره
بس مو غشيم اعوف نفسي بيدهم بالبدايه خليتهم يثقون بيا ويحبوني
بعدين اتواصلت مع عمر وكتلو اني رحت مع داعش بس اني ماريد اسمي بالحكومه العراقيه اني داعشي
عمر علمني وكالي اكو خلية نايمه تشتغل بالموصل انت راح تكون معاهم هذوله مجموعة استخبارات وانتي هسا صرت بالاستخبارات
شفت الجماعه وصرت واحد منهم وحصلت على موبايل صغير جنت اخلي بالجواريب مالتي
صرت اجمع معلومات وادزها لعمر....
بيوم من الايام شفت عبدالله واكف كدامي بس هو ماانتبه عليه
عندي كامره تصير بكد حبة الحمص اخذت صور لعبدالله بدون مايشوفني
بعد فتره عرفت الخلية النايمه انمسكت وجاني واحد كالي صهيب لازم تنهزم من طريق سورية
لتركيا قبل مايعترفون عليك من التعذيب
اني شلون اطلع واكو وحده والله كاسره ظهري واركبتي
ماشفت كدامي غير مصطفى صديق مختار رحت وطلبت من عندو هذا الشي وافق بدون تفكير
اني ماكدر اطلع سدره معايا اسمها موجوده بسيطرة تلعفر
وهناك السيطرة متشدده شويه اني اكدر اعبر لان اني تركماني من تلعفر وهويتي عفري
على اقل تزوج وتصير متزوجه يم داعش بلكي عبدالله يعوفها ومايكدر يجبرها تزوجو
طلعت واخذت معايا اماني واطفالي وامي وابويا وفهمت ابو اماني سدره اكو واحد يريدها وهي مادا تقبل بي وهو مسؤال جبير ب دا... عش
هذا الي كدرت اكوله لعمي ابو اماني
طلعت من الموصل لسورية واني كلبي يمها وخايف عليها...
صح سدره دمرت نفسها بنفسها بس مايصير نحنا وزمن انصير عليها...
الطريق جان من سورية لتركيا صعب بس الحمد لله عدت ضلينا ايام بتركيا بعدها رجعنا لعراق
وصلنا اربيل واول من وصلت ارييل عمر خابرني كال لازم تجي على مقر الفوج
التقيت بعلي وسالني على سدره والجهال وكتلو ماعرف بس الي اعرفه هي مهزومه داخل الموصل ماكدرت اكولو سدره اتزوجت...
لان جان مريض وضميت هذا شي على الكل حتى عمر ماكتلو...
رحت على مقر الفوج وعمر رتبه جبيره هو واول من وصلت
واكفين جنود وضباط اتقدمت على عمر واخذتله تحيه
صهيب.... احترامي سيدي
عمر ابتسم وردلي كدام الكل
عمر... احترمتك وخليتك تاج على راسي
واحد حضن الثاني وباسني من راسي كدام الكل
عمر... اني ممنون الك بعمري ياصهيب
صهيب.. هذا واجبي سيدي
عمر.. عسكر هذا الجندي هو جان عميل النا بنتظيم داعش وبسببه كدرنا نقذي على جثير دواعش داخل الموصل
حضني عمر من كتفي ودخلنا لمكتب وهو يسالني على سدره وليش هيجي داعش سوى معاها
ماكدرت اكوله غير هي لان هزمتك وهزمت علي عرفو ييها
ماحجيت لعمر لان جنت اريد يجي يوم وهي سدره بنفسها تحجي لكل عن افعال عبدالله...
عمر... تستمر معانا؟
صهيب.... لاوالله ياعمر مااكدر اني ماحب العسكريه ومهنتي هي الطب
عمر... على راحتك الي تشوفه وتحبه سوي هاي اوراق ابصم عليها على مود اخاف من تحرر الموصل المخبر السري ببلغ عليك حتى اسمك عسكري مو داعشي
صهيب... ان شاء الله..
سدره
شفت مختار بنص الجرحه والناس الميته وحسن يصيح عليه
كل همي مختار وهو رجلو الي منتهيه وحسيت كلشي مكطوع بيها بس باقي شي بسيط مجلب برجله
وباقي انفاسو الاخيره احضنو وابجي واصرخ
سدره؛؛الله يخليك مختار لاتعوفنا اخويا حبيبي لاتموت انت وضميرك الي ماكدرت تخلص من عندو لازم اتعيش وتعرف الحقيقه
فقدت كمت اريد ارفعو ماكدر اصرخ وابجي والجيش مايعرف وين يركض
ماحسيت غير واحد سحب مختار من ايدي وكام يصرخ عليه
الهاونات سدره الهاونات
ضليت مصدومه بمكاني عمر ياربي عمر عايش
عمر؛:شببييج انتيييي غبيه صافنه اططلعي بصفحه
شايل مختار ويركض بي لسياره الحشد وحسن كام يصيح تعالي سدره
ركضت عليهم وماما شافت عموري وتحضن بي وتبجي
اتخبلنا كمنا انبوس بعمر ونبجي
سدره؛: انت عايش عمر عايش
عمر،؛: منو كالج اني ميت
سدره؛اسراء كالت بس هسا مختار
عمر؛:هسا ياخذو على المستشفى العسكري وبعدين على اربيل
ركبونا بالسيارات كبار وماما وبابا راحو مع مختار ماقبلو يضلون
حضنت ويلادي وسماء وطارق يمي ومصطفى اصلا ضيعتو هو وامو
اخذتنا السيارات على المخيمات ونزلونا هناك
انطونا خيمه ولمحت مصطفى
سدره؛طارق هذاك مصطفى صيحو
صاحو طارق وانتبه علينا وجا
مصطفى؛: هلو شلونكم
سدره؛: مصطفى عمر عايش
مصطفى ؛: اي شفتو ومختار شنو صار بي
سدره؛؛ اخذو على المستشفى وراح ياخذو على اربيل
مصطفى؛: اي الحمدالله ضل بالي والله وين خيمتكم
دليتو على خيمتنا وضلينا ليله هناك بس ويلادي بس يبجون من كمية الرعبه الي اكلوها ضليت احجي معاهم واهدي بيهم
سدره؛؛ياامي ياحياتي ويلادي الحلوين كاافي تبجون تعرفون راح نتلقي بمنو راح انشوف بابا
طارق يلعبوهم واني اهدي بيهم يسكتون بالليل همه ونايمين يتجفلون
خليت ويلادي بيني وبين سماء وطارق نايم بصفحه
دحكت على سماء تصفن وجها اصفر وماسكه ايد ماري اتبوس بيها وتفركها
سدره؛؛سيمه شبيج سماء
سماء؛:ها ها معايا
سدره؛لعد مع امي اي معاج شبيج
سماء؛؛ وي سدره هليوم الي صار عبالك فلم رعب
سدره؛؛ كاافي خوف سماء كلشي انتهى وكلشي راح
سماء؛؛فرحت لان عمر طلع عايش وبالي يم مختار شنو صار بي هسا
سدره؛؛ عمر دز حسن معاهم واكيد خير لو صاير شي لاقدر الله جان اتصل
صفنت ورجعت التفتت عليه كالت
سماء؛؛ سدره منو حسن
سدره؛؛ حسن الي شافنا شبيج
سماء؛؛ اعرف بس منين تعرفي
سدره؛؛اوف سماء هاي سالفه طويلة بعدين احجيلج
سماء؛دحجيلي حبابه ماكدر انام
احجي معاها وامخليه ايديا على عيوني اتعدلت وانتكيت وشفت طارق هم اتعدل
سماء وطارق عمرهم هسا تقريبا 18سنه همه وجيهان نفس العمر
سدره؛:اشو انت هم اتعدلت
طارق؛؛ مو غير اني تؤامها واريد اعرف منو حسن
سدره وسماء؛؛ههههه
سدره؛؛ يوم من الايام وجنه بعدنا بالجامعه نحنا كروبنا المعروف واكف لؤي الله يرحمو ودك علىَ رقم علي
سماء؛: ابوحسوني
سدره؛؛اي ..لؤي جاوبو وصوت رجال شفت لؤي مايكدر يحجي بس اشر لصهيب ياخذ الموبايل وبعدها كال علي ماات
طارق؛؛ اش صار بيج
سدره؛؛اش صار بيا متت غمى عليه بالكلية
سماء؛: منو كالكم
سدره؛؛ مو علي جان اعلامي ب بغداد وجان دا يريد يجي لموصل وبالطريق جماعه ارهابيه اختالو عاد شايفو شخص الي هو ابوحسن وبعد ماخذو علي لااسعاف عبالو علي ميت وهو جان متصل ب لؤي اخر مكالمه عاد اتصل على لؤي وكالو اخوك مات
بعدها طلعنا لبغداد وبعد ماشفنا علي رحنا ارتاحينا ب بيت ابو حسن جان حساني هذاك الوكت بالصف الاول متوسط مشاء الله هسا اشكبرو صاير
سماء؛؛هو عرفج بس انتي ماعرفتي
سدره؛؛ اي مو كن اتغير هذا الشي صار ب 2007 وهسا نحنا ب 2016
طارق؛: اي صح الواحد تغير
سدره؛؛ عندو اخت اسمها هم سماء واختو الجبير اسمها فاطمه اشكد جانت امو مرتبه ونظيفه
طارق ؛؛ سدره
سدره؛: ها حبيبي
طارق؛؛بعدج اتحبين علي؟؟
سدره؛؛ ليش هذا السؤال
سماء؛: اي عفيه سدره جاوبينا نحنا ماجاي نكدر انام
سدره؛: واتريدون تتعللون براسي
طارق؛: اذا مايضوجج السؤال جاوبينا يعني ماكرهتي من اتزوج
سدره؛: الصديق يصير حبيب بس عمر الحبيب مايرجع صديق اذا جان حب حقيقي يضل بكلبك طول العمر
سماء؛؛ سدره والله مصطفى خوش وحباب ماكدرت اتحبي
سدره؛: مستحيل احب شخص من بعد علي مستحيل انسى العشره الي جانت بيني وبينو ومتاكده هو هم مانساها لو حتى عاش مع مرتو اني اضل غصه بكلبو طول العمر والدليل روحي اسالي ميس وشوفي علي عايش مرتاح لو لا بعدين مصطفى ترى مو رجلي مثل ماجان علي رجلي مصطفى بس هيجي ماسك عقد عليه على مود داعش لاياخذني
سماء ؛:امانه صحيح تحجين.
سدره؛: اي والله شبيج
طارق؛: والله مصطفى رجال لو صهيب ياربي سدره والله لو هيجي اصدقاء عندي اني اروح واجي ابوسهم من راسهم
سدره؛؛هههه ابوس عيونك انت يالا نامو اريد انام اني
رجعت اتمددت وخليت ايدي على عيوني بس سماء وطارق يخلون واحد ينام هههه
طارق... سدره انتي قصدج الحادث الي اتبرعتي بكبدج لعلي
سدره... اي حبيبي
سماء... سدره شلون كدرتي ماخفتي
سدره... عليش اخاف
طارق...مايستاهل مو؟
سدره...انجب
طارق وسماء... ههههههه
سدره.... ههههه نامو
سماء... سدره الله عليج اشكد عمرج وحبيتي علاوي
سدره... سماء يعني هليوم الي شفته وانتو كاعدين تسالوني اسئله تفتحون جروح كلبي
طارق... بس هذا السؤال جاوبي
سدره... تمام 14سنه
سماء... سدره اني 14سنه جنت العب بالشارع
سدره.... هههه هو اني هم جنت العب بالشارع بس قشمرني وكالي تعال احبج وتحبيني حتى من نكبر نزوج كلت بهمس ساعة الكشره
سماء وطارق... سمعناج ههههههه ساعة الكشره
اتعدلت وضربتهم بالمخده
سدره... هههه نامو ادبسززيه
طارق....هههه يالا اوكي تصبحون على خير
سدره؛: وانت من اهلو حبيبي اتغطى زين لاتبرد
رجعت اتمددت وسمااء بس تسأل
سماء؛؛ سدره شكو جان بينج وبين داعش
سدره؛سماء خليني انام ترى تعبانه والله
سماء؛؛خايفه ماجاي اكدر انام
سدره؛: اقري ايات امي ونامي حياتي
سماء؛: اوكي تصبحين على خير
سدره؛؛ وانتي من اهلو كلبي
ماكدرت انام كل ماغفى افز اخاف على ويلاد واخوتي
الى مااتاكدت سماء نامت جا ب بالي عبدالله ياترى عبدالله شنو صار بحالك هسا يارب تنمسك لان ماريدك اتموت ماعندي اي دليل يثبت انت الي قتل لؤي حتى مختار هو الي مصدك روحو قتل لؤي يارب مختار يعيش والله اذا مات الا اموت ورى من القهر مختار جان حييل متعذب ودائما يفكر هو الي قتل لؤي الله يرحمو جان يكولي شلون اخلص من هذا الضمير الي جواتي تعبني
دعيت من كل كلبي لاخويا يكوم بالسلامه سحبت الموبايل ردت اتصل بيهم واكولهم عمر عايش بس جان الوقت متاخر
بعد تفكير طويل نمت وكعدت الصبح على صوت الموبايل رقم جاوبتو
سدره؛: الو
ام سدره؛: سدره شلونج
سدره؛:هلا ماما الحمدالله اش صار من مختار
ام سدره... الحمدالله امي حولونا البارحه على اربيل ودخلو لعمليات
سدره؛؛ يعني رجلو ماتحتاج بتر
ام سدره؛؛ لا الحمدالله
سدره!؛اوف الحمدالله
ام سدره؛: بس كاعد يتالم حييل
سدره؛؛ امي هذا لحم ودم طبعا يتالم
ام سدره؛: ماعندي غير الدعاء بس دزيلي رقم اسراء خطيه ابشرهم عمر عايش
سدره؛؛ اي ميخالف هاج سجلي لان ماعندي رصيد ادزلج
ام سدره؛؛ هسا ادزلج رصيد
سديت من عندها ولكيت الويلاد وسماء وطارق كاعدين بشرتهم مختار صار زين اشوي وصل الرصيد عبيت ودزت الرقم لماما على موبايل حسن ....
اسراء
رجعت من المستشفى واني ابجي مافرحت ب بنتي جوي عدنا بيت عم عمر ابو هيثم وكلها تبجي على حالنا وعلى عمر
يوم كامل مر حزن وقهر وفراك رجلي جان اصعب شي عندي كلها تحجي معايا ومايفيد لكيت رقم غريب يتصل
اسراء؛: الووو
ام سدره؛؛ اسراء بنتي شلونج
اسراء؛؛ شلوني عمه عمر راااح
ام سدره؛؛ وين راح وليش تبجين
اسراء؛؛ هاي شبيج عمه عمر مات
احجي معاها وابجي
ام سدره؛؛اسو بنتي غير شفتو البارحه
انصدمت شنو شافتو وكفت على حييلي وكمت اصرخ بدون وعي
اسراء؛؛ وووين وووين شفتي
ام سدره : بنتي نحنا اتحررنا البارحه ومختار انضرب وعمر هو شالو
وكعت ابجي منهاره وكلها وكفت فوك راسي
اسراء؛: يعني عمر عايش رجلي عايش عمه
ام سدره ::اي امي الحمدالله عايش
كبل هيثم سحب الموبايل من ايدي وكام يحجي مع عمتي واني والبنات نبجي وحده تحضن بالثانيه
علي
كدرت اتعالج وايدي صارت زينه بس بيها خدر ولساني رجع الحمدالله
حتي كدرت ارجع اداوم بس الي قهرني جثير بمرضي سلوى مالكيتها وفيه لي بلعكس جانت تتعاجز مني
الي شفتو من سلوى مستحيل احد شافو تعبت حييل معاها وتعبتني
جانت تتعاجز من خدمتي جنت شلون ماصفن وادحك اتذكر سدره من سويت الحادث
شلون جانت تركض وتجي تفرك راسي وتبوس بيا وتبجي يمي وكت علاجي وقت بوقت
جنت اكولها
علي؛: حبيبي روحي على درسج عوفيني اني
سدره؛؛ الدرس يروح ويجي بس اذا حبيبي اسم الله راح شلون يجي معليه الدرس ماهم منك
علي؛؛ ترسبين
سدره؛:فدوه لكه عادي خلي ارسب بعدين ماعيب قزومتك ترسب
ايي منو يصير مثلها هذيجه الوفيه ...والي حز بكلبي ماكدرت احجي مع ويلادي ولاعرفت شي عنهم انقطع الاتصال خلاص حتى عمر ماصار يعرف شي عليهم
خابرت جماعه بالموصل ودزيتهم على عنوان بيت خالي بس صدمني من كالي البيت محروك
ويلادي وسدره وين راحو اتخبلت عرفت مهزومين داخل الموصل حييلي انهد بهاي الاشهر
تعبت وحسيت كبرت فوك عمري صار عمري 33سنه بس احس عمري 70سنه خصوصه قهر ويلادي وسدره الي ماعرفت عنهم اي شي ......
وجت فوكها موت عمر كسرتني كسر من طلعنا من الموصل عمر رجعت علاقتي بي قويه وهي اصلا قبل جنه نحجي مرات من نلتقي ب بيت اقاربنا بس مو هذيجه العلاقه على كد السلام وعليكم السلام
فرحت حييل وبنفس الوقت فرحتين ويلادي وامهم اتحرروا وعمر طلع عايش
هيثم سد الموبايل والتفت عليه
هيثم؛:يالا كوم علاوي
علي؛؛ وين انروح
هثيم؛؛شنو وين اتروح غير انروح انشوف مختار
علي؛:اني ماصل ولااشوف وجهو اني طالع لمخيمات
هيثم؛: لك انت ليش هلكد حقود الرجال بين الحياة والموت
علي؛؛ عود الله يرحمو ماغلى من اخويا
هيثم؛: طبك مرض لاتجي اني طالع
علي؛؛ الله ومحمد وعلي معاك سدره يارقم عندها
اسماء؛؛ رقم مختار
علي؛:؛انطيني هو
اخذت الرقم وركبت بالسياره المشكله عمر ادك على جهازو يطلعولي دواعش
طلعت لمخيمات وصىلت اتصلت ب سدره
سدره
جا مصطفى وامو وسوينا ريوك وكعدنا اتريكنا
مصطفى؛:؛ نحنا راح انروح لكركوك
سدره؛؛وشغلتنا
مصطفى؛: اجي لاربيل بعدين وانفضها ان شاء الله
ام مصطفى ؛: اني ماجنت متوقعه انت ومصطفى زواجكم هيجي والله سدره انتي ماكو مثلج وتمنيتج اتضلين جنتي
كامت تبجي كمت عليها وبوستها
سدره؛؛ خاله لاتزعلين مني بس والله انتي هم ماكو مثلكم بس اني ماكدر وبعدين نسيتي ابو الصوف يحب منو ماتشوفين فرحان من الصبح ويضحك راح يروح يشوف حبيبه القلب
ام مصطفى؛:الله يجمعج ب ابو يلادج ويريحج وانت هم يوم مصطفى سامحني جبرتك على زواج والله اخطبلك بنت عمك من عيوني مادام رب العالمين طلعنا بخير وسلامه
مصطفى فرح ومبتسم من كالي على زواجي من عندو حجالي جان يحب بنت عمو حيييل
وماكدر يطلع لخارج الموصل بسبب امووماجانت تقبل اتعوف بيتهم
بنت عمو ضلت تنتظرو الي حد الان بس كالي ماكدرت اكولها اتزوجت
جانت ساكنه بكركوك لهذا اتحضرو ودعونا وطلعو لكركوك
دك الموبايل و رقم علي يدك جاوبتو
سدره؛:الو
علي؛:سدره يابعد روحي شلونج
من سمعت صوتو اتخنكت بعبرتي
سدره؛:؛علي
علي:؛يعمر علي بس كوليلي شلونج ويلادي شلونهم
سدره؛:؛زينين كلنا
علي:؛سدره اني وصلت المخيمات وجيت اخذكم
سدره:؛مو عمر مانكدر يضل بالو هو كالنا راح اجي باجر مع اذان الظهر وبعدين مايقبلون الا كفيل كردي
علي!؛ماشي عيوني هسا خلي اجي اشوفكم اطلعي من الخيمه
طلعت من الخيمه وكفت ماتحملت دزيت طارق اشويه وجا مع علاوي وعلي حاضن طارق من كتفو ويمشون ويضحكون
من شفتو ركضت جوى
سدره؛؛ بابا ابوكم جا حسوني وماري
طلعو يركضون علي ابوهم وهو يبجي وويلادي يبجون منظرهم كسر كلبي اتمنيت لو رب العالمين يجمعني بي بس الخاطر ويلادي
جان نازل لمستواهم وحاضنهم ويبوس بيهم وكف على حييلو واتقرب
سماء اتقدمت باستو وسلمت علىَ وعيونو عليه
اتقرب مني وحضني كبل
علي؛؛ اني مديون الج بعمري سدره وطول عمري ماكدر اوفي هذا الدين
بس كتوفو تنهز واني متت بجي بحضنو ابتعدت عنو وعيونو حمر
علي؛: شلونج
سدره؛؛ اني بخير وانت
علي؛؛ من شفتكم صرت زين
كعدنا ويلادي كاعدين كل واحد على رجل اشويه وعمر جا كمنا بوسنا وسلمنا علىَ
عمر؛؛ شلونكم اخباركم
علي؛: يول نذل انت ماتموت
عمر؛؛سامع عار يموت
علي؛:. لاوالله
عمر؛؛ انت اولهم
الكل؛:هههههه
علي؛؛ليش ياعار
عمر؛؛ ضربتك جلطه ومامتت
شفت طارق كبل عض بشفتو يعني ياشر لعمر اني كبل ضربت على صدري
سدره؛؛يممه منو ضربتو جلطه
عمر؛ هيجي يالا كومو انروح
سدره؛؛ الله عليك علي ضربتك جلطه ويمته
علي؛؛ يمعود هيجي جلطه خفيفه
طارق؛: جلطه خفيفه بس ايدو انشلت ولسانو ثكل
سدره؛: امانه الله تحجي صحيح وليش
علي؛؛ سلوى جلطتني
الكل ؛:هههههه
سدره؛؛ مادام سلوى جلطتك تستاهل
الكل؛؛ههههه
عمر؛:ههه جذاب والله من داعش راد يكتلج ركب بالسياره وصل ليم السيطره وهناك ضربتو جلطه
سدره؛؛واني كالتلي ماري بابا مايكدر يحجي ومختار يكولي شقيقه يالا المهم تكبر تنسى ههه
الكل؛:ههههههه
كمخني على راسي ونضحك اتحضرنا وطلعنا صديق عمر هو اتكفلنا وطلعنا لاربيل اني وسماء رحنا مع عمر وطارق وويلادي راحو مع علي
حييل انقهرت من عرفت بعلي يعمري هيجي صاير بيك واني ماعرف
بالطريق كلت لعمر
سدره؛:عمر
عمر؛: ها حبيبي
سدره؛؛ مصطفى صديق مختار عقد عليه
كبل التفت عليه
عمر؛؛ صحيح تحجين اشو محد كالي
سدره؛: صهيب ماكالك
عمر؛؛لاوالله وسدره جنتي عايشه معا
سدره؛؛ اي
كبل وكف السياره
عمر؛؛شنو عشتي معا عشتي كزوجه
سدره؛؛ لا ابد هو جان منتفق مع بابا حبر على ورق وهسا بس مختار يصير زين يجي يطلك
عمر؛: الحمدالله الله يجزي الخير
حرك السياره ومشى
عمر؛:سدره تعرفين جيهان اسلمت
سدره؛:جذب
عمر؛؛والله
سدره؛؛ووي حياتي تدري عمر بس يطيب مختار ان شاء الله اخلي براسو ونخطبلو جيهان
عمر؛؛والله جيهان ورده ماكو مثلها بس كون هو يقتنع
سدره؛؛ وين يلكي احسن من بنتي
وصلنا البيت ولكيناهم واكفينا بالباب جيهان واسو واسماء ونور بنت عمي وزوجة هيثم وزوجه عمي ب يدهم جكليت
نزلنا من السياره واشتغل الهلاهل عمي وعمتي وميس طلعو البنات ركضو يبوسون بينا وب عمر
سلمت عليهم ورحت على عمي وعمتي وميس احضنهم وابجي وميس وعمتي يبجون
ام علي!؛ امي انتي بنتي
سدره؛؛قربانج اصير يوم اني
سلمت عليهم ودخلت لبيت عمر كعدنا كلنا والبنات حضروا الغده
جيهان مامصدكه شافتني بس تحضني وتبجي وتبوس بيا
جيهان... احبج كومه انتي امي والله اني اشكرج لان سويتي هيجي معايا رجعتيني لحياة بعد مامتت
سدره... يروحي انتي الله لايحرمني منج
حضنا بعض ونحنا نضحك
عمر اول من دخل شال بنتو حضنها وباسها
عمر؛؛كصتج خير بنتي على جيتج بيت جدو جوي
فرح؛؛بابا اتحبها اكثر مني
الكل،؛:ههههه
عمر نزل تحرير وشال فرح وكام يبوس بيها
عمر؛: ولي انتي حياة بابا اموت عليج
اخذتها بحضني وشميتها رغم عندي اطفال اثنين بس اشتهيت لو عندي طفل صغيره اموت على ريحة الطفل الحديث الولاده
ضلينا ب بيت عمر وويلادي هذاك اليوم ضلوا ب بيت عمتي ماعافوهم
علي
بعد مارجعو ويلادي وسدره بخير وسلامه اخذت ويلادي عندي
ضليت هذاك اليوم كلو العبهم وفرحان بيهم جنت امخليهم بحضني
علي؛:بابا انتو وين جنتوا
ماري؛؛نحنا جنه عند عمو مصطفى بابا اشكد حباب ويحبنا بس اني كتلو بس اريد بابا علي ابونا
فزيت واتعدلت
علي؛:شنو ب بيت عمو مصطفى منو مصطفى
ماري؛؛ بابا هذا الي جان يمشي مع خالو مختار
علي؛؛ وليش رحتو عندو
حسوني؛: مو ماما كالت راح نضل عندهم على ما يجي بابا
علي؛: كلكم جنتو يعني بيت جدو هم
ماري؛؛لابابا بس اني وماما وحسوني
مادري ليش خفت وشكوك من ماري كالت اني كتلو ماريد بابا غيرك
علي؛؛ماما وين جانت اتنام
ماري؛:ماما وعمو مصطفى ينامون بغرفه واني وحسوني انام بغرفه
نصدمت اشكاعده تحجي ماري كلت اكيد طفل ويكذب
علي؛؛ ماعيب بابا اتكذبين اني علمتج اتكذبين
حسوني؛:والله بابا ماري ماتكذب نحنا الله يخلينا بالنار اذا انكذب والله عمو مصطفى وماما ينامون بغرفه
يعني شنو الي كاعد يصير سدره اتزوجت واني ماعرف
طلعت من البيت وركضت على بيت عمر دفعت الباب وكمت اصيح
سدره
دخلت لغرفه اريد انام وسمعت صوت علي يصيح
علي.... وووووينهااااا سدددددره
يمه كلبي خفت طلعت اركض اشوف اش صاير اول من طلعت سحبني من ايدي
علي؛: اتزوجتي جااااوبني
عمر؛؛؛علي زواج سدره
كبل التفت على عمر يسكت علي واكف ينتظر مني جواب واني واكفه ابلع بريكي
علي؛؛ سدره مصطفى منوووو
سدره؛؛مايخصك
ردت احرك كلبو مثل ماحرك كلبي بزواجو من سلوى رفع ايدو دا يضربني وعمر دفع ايدو
عمر؛هييي ترفع ايدك على اختي واني واكف
علي؛؛ ولك تكولي مايخصني اني سددده مايخصني اني؟ انت دا تشوف
عمر؛؛ ماكالت شي غلط بعدين من حقها اتعيش قابل بس انت تزوج مثل ماخليت غيرها بحضنك خلي هي هم اتروح بحضن غيرك اختي مامسويه شي حرام
يمه كلبي كام يضحك من عمر كالو هيجي علي اتخبل كام يصيح ويسب سحبني من شعري
علي؛؛ منو سمحلج منووو فهميني انتي مالي محد يلمسج غيري
سدره؛؛ اني سمحت لنفسي اعيش عوف شعري
علي؛؛اتعيشين يعني العيشه بس من تزوجين غصب عنج يطلكج
سدره؛؛لو اتموت مااطلك مصطفى ماخذلني مثلك وماتخلى عني لاخر لحظه
ابتعد عني ونصدم بالكاعد احجي اصلا اني مصدومه على روحي شلون كاعده احجي هيجي
علي؛: هذا لي هذا الكلام سدره هيجي نسيتيني
ماجاوبتو دخلت جوى وكمت ابجي .....
