رواية انت البارود وانا النار الفصل العشرون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
اصـفن علـى العمـر خلصتـه بس همـوم
وابـاوع علـى الزمـن وشلـون جازانـي
أثـاري بهـل الوگـت ماينفـع الطيـب
والطـيب كل عمــره وحـدانـي
وليمشـي عـدل على لنيـه ويه النـاس
يضـل طـول العـمـر مجـروح ويعـانـي
🍂🍂🍂🍂🍂🍂🍂
أسعد: والله مادري يـاخويه انطه ألشيخ يوسف بته هداه اله هديه وبعشوي ضـرغام يرد الخبر ونروح ونشوف
سالم: چا شي اكيد يوافق بعد بت ألشيخ يوسف بت شيخ وبت شيخه
أسعد: والله مادري نروح العصر ونشوف شنو رده
سالم: يوافق انـا اكلك
عفت الغده وكمت كتلهم شبعت اروح انضف ماكدرت جسمي كله ضل يرجف تمنيت اصيح اصصرخ اروح احجي عليه بس اخواني هسه هنا ماكدرت اسوي اي شي اجتني رنـا للمطبخ تركض شايله أدم
رنـا: يمامه لمي ملامح وجهچ صرتي صفره حته اخوانج راح يشكون بيچ ع كيفج
يمامه: شريد أحجي يا رنـااااا مصدومه من سمعت سالفة الخطوووبه والله عبالك واحد شلع كلبي من صدري تحجين صدك ضـرغام يحبني لحد البارحه ولج كلي احبچ مو انـا هوه اجاني هوه اجاني وكلي احبچ وضل ينطيني أوامر للحب حته يستمر هسه يروح يخطب
رنـا: يمامه حبيبتي بعده مارد خبر بعشوي يروحون الولد ونسمع احجي ويا راسلي
يمامه: بس هو موافق هاي وحدها تكتل حجايه لو مايريدها جان من البدايه كال لا ليش لسه مانطه جوابببب شنو كاعد يفكر لو لان بت شيوخ حته يعدل النسللللل
رنـا: يمكن عنده ظروف، يمكن مجبور، يمكن أكو شي محد يعرفه انـا اعرفه ضـرغام مايرجع بحجايته
يمامه: لا تدافعين عنه رنـا ولج كرهته كرهته هسه بدي اروح اموووته بس خلي ينامون اخواني واحجي ويا ماصبررر
رنـا: لأن أعرف شكد يحبج بس وكفاته كافي مستحيل يتخله عنچ والله يجوز ماراح يوافق.
يمامه:رنـاشلون أول مره بحياتي أتعلق بإنسان هيج. أول مره أخاف أخسره قبل لا يصير إلي ولچ خاف تاخذه غيري
رنـا: يمامه إذا الله كاتبه إلج، والله لو أهل الأرض كلها يوكفن بوجهكم مايفركم أحد
يمامه: وإذا مو كاتبه الي واخذته غيري
رنـا: هم خير الچ بس ليش ليش تكتلين نفسج قبل لا تعرفين الجواب منه
يمامه: لأن خايفه والله ماكدر أخاف يوافق أخاف أشوفه يم وحده غيري
رنـا: لا تستبقين الأحداث خيه انتضري وشوفي
يمامه: والله أحبه رنـا مستعده اسوي كلشي علموده
رنـا: ادري بيچ
يمامه: من كل كلبي أحبه والله العظيم
رنـا: هم ادري بيچ خلي أملچ بالله مو بالناس وانـا متاكده راح يرفض مستحيل يعوفچ
يمامه: يارب يكون كلامج صحيح ولو هوه اول وتالي ضـرغام يعوفني مايبقالي
رنـا: مافهمت شتقصدين؟
يمامه: من ينام أسعد تعالي بعد ماكدر اضم هذا شي وحدي
طلعت رنـا وكملنه تنضيف انـا نضفت مطبخ وهيه البيت كله وخلصنا اجت جابت أدم كالت مايرضه ينام واسعد تعبان وراه كعده رحنه كعدنه ب دوانيه وقفلت الباب
رنـا: ياستار ياربي شنهي ولج يمامه شعندج
يمامه:رنـاراح احجي الچ سر شايلته بگلبي من سنين، وما گلته لأحد من عمري٨ سنوات
رنـا: خوفتيني، أحچي ولج
يمامه: تعرفين ليش كل ما يجي طاري ضرغام أخاف وليش أتوتر وليش دائما اكلج ماننجمع ويعوفني
رنـا: لأن تحبيه تخافين منه وتخافين من اهلچ وتگولين مانجمع من وره سوالف ابوچ كاظم غير
يمامه: لا مو بس لهذا السبب اكو شي محد يعرفه غيري حته اخواني مايدرون
رنـا: شني هذا الشي يمامه وليش ضامته عن ضـرغام وهوه كايلچ لاضمين شي
يمامه: لأن أعرف شي وكتله راح ينتهي كل شي بيناتنه بس انـا هم ماكدر اضم عليه بعد
رنـا: يمامه لا تخوفيني، أحچي عاد
يمامه: أبويه...
رنـا: شبيه أبوچ
يمامه: أبويه هو الي كتل أبو ضرغام
رنـا: شنوووووووووو بربج هسه وكت شقاچ
كاتمه بكلبي صارلي سنين وهسه حتاجيت ابجي واصرخ واحد يسمع وياي وانفجرت وحجيت وانـا ابچي
يمامه: هذا الي سمعته وأنا عمري8 سنوات ولججج ابوي هوه كتله هوه وعم ضـرغام محسن غدر بضرغام وابوي غدر ب اخواني وانـا اناااا ادري وهم غدرت بي وساككككتههههه ولج ورغم لسه العشيره دور ع قاتل إيهاب
رنـا: يماماستغفر الله جاي تحجين ماعرف شرد عليچ بعد يعني عم ضـرغام وابوج اتفقو ع كتل إيهاب وأنتي تدرين
يمامه: والله العظيم صدگ يارنـا ياطركاعتي يارنـا حاجيني كليليييي شلون ضـرغام ياخذني وانـا بت عدوه ولچ احنه السببب بكتل ابووووو ولج اخواني مايدرون بس ضرغام لو يدري حته اخواني يلومهم ولج يمكن يكتلنا كل احنه.
1 تع
رنـا: وحق أبني ماعرف شرد انصدمت صدمه عمري فوك كل هذا طلع ابوج كاتل واسعد وسالم لو يعرفون شصير بيهم وهوه صاحبهم وعزيز روحهم وانتي تحبينه شلون شراح يسوي ضـرغام شي اكيد مايسكت وهذا ابو وحارب من صغره حته حجالي أسعد كال من هوه وصغير عماته يكرهونه وحال بضيم بس مشاكل
بجيت اكثر وانـا اشوفه مسدوده بوجهي من كل جهات ضـرغام اذا عرف ابوي كتل ابو ماراح يصير خير هاي سالفه ثار وسالفه روح بريئه ماتت شي اكيد ماراح. تنسد اله بموت شخص. وانـا واخواني دفعنا كل غلطه اجدادنا وأبائنا
يمامه: مسدوده بوجهي رنـا من كل جهاتتت والله ضـرغام مايسامحنا والله ولچ والله تنتهي هاي سالفه بموتتتت شخص لو اسعد لو سالم لو ضرغام وابوي
رنـا: يمماممممهههه ديري بالج تفكين حلكج وتحجين ضـرغام هذا الحجي يمامه اكبر من عدنه هذا الشي ماعرف شلون تنحل بس مالازم يعرف من عدنه ضرغام ابد يمامه ابد
يمامه: يعوفني ولچ بس يدري يعوفني وحق ههاي دموع بعيوني يعوفني ولچ شلون يحببب وحده أبوهااا هوه الي كتل أبو بس كليلي شلووون
رنـا: بس انتي شذنبج ياعيوني انتي مالج ذنب كلكم مالكم ذنب لا انتي ولا حته اخوانچ
يمامه: أدري مالي ذنب بس يبقه كاظم ابوي وابو اسعد وسالم الي راح نتعاير وراح ينزل راسنه لو عرفو بهذا الشي ولچ بيت شيخ يعقوب ينزل رأسهم وياريت بشي سهل بكتل ابو ضـرغام
رنـا: كلامج صح مانعرف ضـرغام شيسوي اذا نكشف هذا ألشي وفوكاها هوه ثاق بيچ
يمامه: بس الجرح إذا چان بحجم الأب منو يگدر ينساه يارنـا مستحيل مايحاسبنه واحد واحد وتعرفين ضـرغام كل تحسب اله الف حساب ضـرغام بعد
شبكتني رنـا وبجت وياي وتحاول تهديني.
رنـا: الله يساعدچ ويساعدكم كلكم
يمامه: كل يوم وانـا وأگول يمكن اليوم تنكشف الحقيقة يمكن اليوم أخسره وماعرف رنـا انـا اذا ضـرغام ماخطب وضل وياي ماكدر اضم عليه
رنـا: منو گالج إن ضرغام إذا عرف راح يعوفچ
يمامه: رنا أبوه مو شخص غريب، هذا أبوه. السند ماله، ظهره، اسمه كلشي اله
رنـا: وانتي شعليج باللي صار كساع اعيد هاي حجايه شعليكممم انتووو
يمامه: حتى لو مالي شغل راح أبقى بنت الشخص الي سواها وساعتها محد ينكسر غيري وغير أخواني.
رنـا: يمامه لاتحجين هذا الشي ضـرغام يمامه ديري بالج تخطين هيج خطوه بداعت أدم فكري بعواقبها
يمامه: والله يا رنا كلشي أتحمله إلا هو من يوكف گدامي ويگلي ليش ما گلتيلي اذا سمع من غيري هاي اذا ما محسن باع ابـوي وهوه الي يكله.
رنـا: الله كريم كلشي بوكته سهل
يمامه: ياريت ماعرف هذا السر ياريتني ماسمعت شي جان حبيت ضرغام بدون ما أخاف من باچر ولج خاف نوب يشوف الكاتل بوجهي مو أبويه كل مايشوفني يشوف ابويه ويذكر هيچ
رنـا:بجاه الحسين تنحل سالفه لاتفكرين هسه ولاتحجين اي شخص يمامه أياج تمام
طلعت رنـا وانـا ضليت بحيرتي ومصيبتي اخذت تلفوني ورجعت ليدوانيه وكلني ارجف وراسلت ضرغام.
يمامه: ضرغام صحيح الحچي الي حجو بي أليوم اخواني؟
قره الرساله بس ماجاوب وانـا هنا خاف ارسله خاف اسمع جوابه ويكلي صح رجعت سئلته
يمامه: رد عليه لا تخليني أسمع من الناس ولك ضرغام حاجينييييي.
لاظهور ولا اي رد يقره رسايلي وساكت وانـا من حركه كلبي كساع اراسلللل بي
يمامه: يكولون رايح تخطب يكولون موافق صدگ هذا الحجي تعوفنيي وانـا حبيبه
ماكو اي رد
يمامه: جاوبني حتى لو الجواب يوجع كلبي بس عادي كلي اي موافق كلي ماريدچ كلي راح اخذ بت الشيخخخخ بس لا تسكتتت
هم مارد عليه دزيت اله بصمه وحجيت
يمامه: رد عليّ لو بكلمة وحدة ضـرغام گلي إي گلي لا.گلي أي شي. شبيك ساكت جاوبنيييييي
هم مارد عليه
يمامه: استاهل أعرف شنو ذنبي انـا اذا تريد تعوفني ليش هيچ معلكنييي لو. ماعندك رد ع اقل وعدنيي
خمس دقايق عشر دقايق.نص ساعة انتضر ضـرغام يجاوب بس ماكو ولا رسالة وحدة من ضرغام.
منا للعصر طلعو اخواني وراحو لديوان حته يشوفون رد ضـرغام.
مارجعو منا لليل وحته من رجعو انـا مااطلعت من الغرفه ومسره أليوم نامت يم امي ماعرف شعدها
ضليت وحدي ابجي ومقهوره حته رنـا كتلها عوفيني تعبانه انـا منا لساعه ب١١ونص بليل اتصل عليه ضـرغام وأنا مارديت شجاوب بعد شي اكيد وافق وجاي يكلي مع سلامه رفضته ورجعت ابجي ورجع اتصل وصل فوك10 مكالمات ومارديت علية
دزلي رساله
ضـرغام: التلفون اذا ماينفتح تشوفين مني غير شي
يمامه: شتريد سوي سوي
ضـرغام: اذا تكدرين نحجي اتصلي
يمامه: ليش احجي وياك روح مرتك ماحجي وي زلم انـا
ضـرغام: ردي ردي ماتحجي وي زلم ام الملابس مزنده رددديييي كلت
اتصلت عليه واول حجايه منه گال
ضـرغام: اكتشفت اليوم بدونچ صعب ومايخلص ومتعب ياعشكي
ماحجيت اي شي شبي رديت عليه
يمامه: ضاهر رسايليييي. ماشفتهن مال مسااااعععع شكووو تحجي ويـاي انت رجال خاطب
ضـرغام: شفتهن بس ليش احجي كلام انـا اسوي فعل سويت فعل واجيتچ.
بجيت وكتله
يمامه: وافقت مو وماتكلي حته لاتكسر بخاطري كلي وافقت مو أخذت بت الشيخ؟
ضـرغام: فهميني ياذنبي الوحيد ياعشكي ليش اخونچ ليش اوافق ع غيرچ بشنو قصرتي وياي شنو ألي يخليني اوافق من أتعب الكاچ يمي ودعواتچ مانسهن من العالم كله ضدي انتي تجين بكلامچ الحلو وتكليلي انت الشيخ و وترجع كلشي تحل يعني انتي اول سند الي واروح اخوانچ انـا بس فهميني ليش شلون اعوفچ يانعمتي
فرحتي محد يكدر يشيلها فرحانه ع كلام ضـرغام وع شخصيتي الي كدر ضـرغام ينعجب بيها وفعلا انـا من حبيت ضـرغام لليوم مافد يوم سويت شي يضوجه لو يزعله الي يريده اسوي والي مايريده ماسوي ماخلي يعيد حجايه مرتين عندي حجايتي بس صار وتدلل.
يمامه: جا ليش مارديت عليه انـا ماحمل فراگ والله العظيم ماحمل فراكك ضـرغام
ضـرغام: انـا كلتج اسوي فعل يمامتي ياروح ضرغام أنتي.
يمامه: چا سويت شنو كتلهم
ضـرغام:انـا ماحجي سوالف ديوان الچ وانقل كلام كتلج رفضت وهاي هيه اصلا اعرف اخبار توصلج هسه
يمامه: وليش ماتكلي شنو انـا وياك مو واحد مو تكلي انتي مرتي؟
ضـرغام: اويلييي اشو عيدها مره ثانيه
سكت وضحكت
ضـرغام: ليش تحجين حجايه وسكتين وانتي مو كدها هههههه ها مرتـي احجي؟
يمامه: احبنك ضـرغام احبنكككك.
ضـرغام: وانـا هويتچ وهاويج وشاريچ بعد گلبي انتي لو تدرين شكد أحب أسمع صوتج.
يمامه: يلا خلي انامن بجيت هواي من وراك
ضـرغام: ههههههه شوي بعد هذا انـا شويه صعب اذا هيج معناها راح تبجين هواي
يمامه: منتهين منها هاي
ضـرغام: أاه ليش شمسويلچ حبيبتي
يمامه: لا هيج
ضـرغام: حبيبتي مايحتاچ كساع اذكرج أنو انـا اكره الجذب ولاضمين عليه مو صح؟
يمـامه: اي وانـا ماضمه عليك شي.
ضـرغام: مثل مااثق ب اهلي انـا ثاق بيچ ياروحه ضـرغام ياذنبي الوحيد
يمـامه: ليش تكلي ذنبي الوحيد كل ماتحاجيني.
ضرغام: لأنج فعلًا ذنبي الوحيد
يمـامه: ليش شبيه انـا يعني ذنب؟
ضرغام: لأن حبج ما كان بحساباتي، ولا جنت ناوي أطيح بحبچ
يمـامه: هم ماله علاقه بهذا الشي جاوبني عدل مو طفله انـا تسكتني هيج
ضرغام: لأن انتي أخت صحباني خوانج مثل أخواني، وحجيت وياچ من وره ظهرهم احس هذا ذنبي الوحيد الي
يمامه: يعني لهذا السبب تكلي ياذنبي الوحيد
ضـرغام: اي حبيبتي
يمامه: بس هذا مو ذنب ياعشكي
ضرغام: عند الناس يمكن مو ذنب. بس عندي أنتي الغلطة الحلوة اللي ما ندمت عليها يوم
يمامه: ضـرغام
ضرغام: ها يمامتي
يمامه: ههههه اسكت انـا ماعرف احجي هيج مثلك
ضرغام: حاضر ياذنب ضرغام الوحيد. بس لا تستحين مني وتحرميني من صوتچ وحبج الي
يمامه: تأخر الوگت خلي انامن ضـرغام
ضرغام: إذا نمتي منو يبقى يحچي وياي
يمامه: باجر ع فرغتي نحجي حبيبي
ضرغام: وانتي هم لا تسهرين حبيبتي يلا نامي الوگت تاخر صارت ب١٢ ونص
يمامه: صـار حبيبي
ضرغام: زين تصبحين على خير يا يمامتي
يمامه: وانت من أهل الخير
ضرغام: لا، مو هيج حبيبتي تگولين
يمامه: چا شكول حبيبي
ضرغام: أول شي تكولين تصبح على خير
يمامه: تصبح على خير.
ضـرغام:وبعدين؟
يمامه: وبعدين
ضرغام: تكولين أحبك
يمامه: ضرغااااام
ضرغام: شبيها مو أنـا أحبج
يمامه: اي نعست ضـرغام كلش نعست
ضرغام: ماأنام إذا ما سمعتهن منچ يلا ماكو روحه
يمامه: عنيد وخبيثثثث
ضرغام: وياج إي خبيث ولج والله لو غيرج يكلي خبيث افرك حلكه فرگ
يمامه: تصبح على خير
ضـرغام: و؟
يمامه: أحبك
ضـرغام: بـعد
يمامه: أحبك
ضـرغام: بعد
يمامه: ضـرغام ككااافي
ضرغام: أحبج حب لو يتقسم على أهل الأرض يكفيهم كلهم
يمامه: الله الله
ضرغام: تصبحين على خير يا روح ضرغام احبچ
يمامه: وأني أحبك أكثر.
نهديت الحديث بهيچ كلام وانـا ماشايلتني الفرحه لحد يكول مبالغه مجرد ماسمع صوت ضـرغام يخليني احبه مره ثانيه انـا وضرغام مانحجي دائما ولا بگل وقت باليوم مره وحده واذا كدرنا ومرات نححي وره يومين لان يعرف اخواني بالبيت مايكدر.
نمت وحدي بالغرفه بس كساع اذكر كلام ضـرغام وتشيلني الفرحه واريد اكعدالصبح اشوف رنـا شي اكيد حاجيلها اسعد شلون رفض ضـرغام مايحجيلي اي شي ضـرغام مايحجلي اي شي يصير بالديوان مبعدني كلش عن سالفه الشيخه ودائما يكول تورطت بيها بس كلهة تحبه ويردونه من اگبر محافضات والعشاير كلها أجته واختارت الشيخ ضرغام
رغم عمه محسن چبير بس عشيره ماختارته ولا اي عشاير اختارته اول ماجو كالو ضـرغام شيخه اله
لبسه البخت ونعم منه يستاهل حبيبي وانشـالله نكمل النسل واجيب اله احلا ولد من نتزوج بس طبعاً كلشي بيد الله واذا الله كاتب النه قسمه سوه.
ثاني يوم الصبح حجيت كلشي ل رنـا وهيه بعد طايره وياي من الفرح رنـا وحيده الي احجيلها كلشي حتلو شغلات رومانسيه ماضم عليها ولاتضم عليه لا استحي منها ولاهيه تستحي مني دائما نحس احنه روحين بوحده كتلها ضرغام ماقبل يحجيلي شلون رفض وهيه كالت جبت الاخبار من اسعد
يمامه: جا احجيلي شني كلج شلون رفض
رنـا: اسعد يكول كعدو الشيوخ كلهم بالديوان يعني عشيرتنـا والشيخ يوسف
الشيخ يوسف:هاا يابه ضرغام. أنـا ما جبت هالسالفة إلا من باب التقدير والمحبة. وبتي هدية بنت أصل وفصل، والباب مفتوح إلك إذا انت موافق
ضـرغام : ونعم منك الشيخ يوسف الشرف إلي والله وما ينراد منك إلا الطيب وبنتك تاج فوگ الراس.
الشيخ يوسف: وردك شـنو نقره الفاتحه يعني
ضـرغام:: أعتذر منك شيخ أعتذر منك ومن كرمك لأن أنـا من زمان ناذر گلبي ومرتي أريدها من الحسين
الشيخ يوسف: يعني ماكو مجال نغير رايك
الشيخ ضرغام: لو كانت السالفة بيدي جان فكرت، بس هذي سالفة مستقرّة بالروح من سنين. وما أريد أظلم بنتك وأنـا گلبي منتظر نصيب كاتبه الحسين إلي
الشيخ:بيض الله وجهك جواب رجال، وما بيه كسر خاطر الله يوفقك.
الشيخ ضـرغام: والله ما أريد غير رضاك شيخ
الشيخ يوسف: ورضاي موجود وأسأل الله يرزقك البنية اللي تتمناها.
حجتلي رنـا كلام الي صار بديوان اسعد مسولف الها وانـا ماعرف شحجي شلون اوصف فرحتي مو لأن ما عندي حچي . لا، لأن كل كلمة كالها ضرغام نزلت على گلـبي مثل المطر بعد سنين عطش عمري ما چنت مفكره رجال يرفض بنت شيخ علمودي ولا چانت متخيلة أحد يحبني بهاي القوه. شنو سويت إله حتى يشوفني بهاي القيمة كلها؟ شلون كدر يرفض الدنيا كلها ويضل متمسك بيه أنـا ياربي لاتحرمني من ضرغام.
صار العصر طلعت لحديقه ارشها بالماي واسكي الورد والزرع واجتني مسره وكفت كبالي تباوعلي طلع سالم وشافني اجه باسني من راسي وگال
سالم: كواج الله حبيبتي ليش تغلسين بهل شمس
يمامه:لا عصر بس هسه شمس موجوده اطلع لاتبلل ماي
طلع سالم وحجت مسره
مسـره: أريد أفهم شي واحد إنتي شنو سويتي حتى سالم يبوسج من راسج.
يمامه: ما سويت شي ليش هالكلام
مسره: لا يعني مو أنتي اللي دائما الكل يدافع عنج مو أنتي اللي حتى إذا سكتي ينفهم سكوتج ذهب
يمامه: أني ما طلبت من أحد شي محبه من الله وهذول اخواني
مسره: إي طبعاً، هدوء، براءة، تمثيل مثالي الكل ينخدع بيج، بس أنـا لا
يمامه: أنتي مو مجبورة تكرهيني حتى ترتاحين انـا اختج بس انتي دائما شوفيني عدوه الچ
صدگيني يمامه محد يحميچ من شري الج حته اخواني مايكدرون ساعتها بس خلي الكه تصح الي فرصه وذكري ادمرچ مثل مافضحتيني كدام أهلي.
يمامه: سوي سحورتج لاتقصرين
مسره:شقصدچ
يمامه: قصدي انتي تمشين بدرب السحوره
(يُخْرِجُ الْخَبِيثَ مِنَ الطَّيِّبِ وَيُخْرِجُ الطَّيِّبَ مِنَ الْخَبِيث)
مسره: انـا خبيثه يعني
يمامه: الله يبين الحق لو بعد حين صدگي ونشوف
عفتها وطبيت حته الحديقه ماكملتها.ليش تكرهني مسره لسه عجزت أعرف السبب ماذكر يوم آذيتها أنا ما أذكر يوم جرحتها بكلمة أو موقف مو حلو بس يمكن لان انـا أنصحها أگول لها هذا غلط وهذا ما يصير وهيه ماتحب احد ينصحها تريد شخص يوكف وياها ع اخطاها وهذا السبب خلاها تكرهني وتشوفني عدوتها وازد كرها الي من شافت أبوي مايحبني استقوت بي ثاني يوم رنـا احتاجت شغلات من ألسوك ف رحنه انـا وياها واسعد ويانـا لان مانطلع وحدنه انـا ماجنت دائما أروح لسوك شغلات امي جانت تجبيهن الي حته ملابس مو أنـا اروح.
رحنه وشتريت كم ملابس الي ورنـا هم اشترت اسعد دفع واشترينا أدم هم ملابس وهناك واحنه چاي نمشي وشفنه ضـرغام بالسوك هوه وبشت وعكال مالته وانتبه اله أسعد وسلم عليه وشافانه انـا ورنـا حسيته نصدم لان شافني بالسوك وانـا هم مادري شنو ردت فعله وحته طلعت وماكتله ماجان بالي انو مفروض اكله سلم وبساع راح رجعنا كملنه اغراضنا ورحنه للبيت نفس روتين بليل عشيت أمي ورحت لغرفه هل ايام مسره تبات يم امي بالغرفه شي اكيد يحجن ع شي بس انا ماهتميت لان بيه مكفيني.
راسلني ضـرغام.
الشيخ ضرغام: شلون تطلعين وما تكليلي
يمامه: ضرغام أنـا طلعت وي أخوي شنو المشكلة شبيك.
ضـرغام: المشكلة إنـاااا ما أدري ما أعرف وين رايحه شفتج صدفه ولو ماشفتچ يمكن ماجنتي كايتلييي راح اطلععع ليش تطلعين بدون ما تكليلي شنو يعني
يمامه: مو قصدي أزعلك ولاشي بس انـا مادري يعني تمنعني من طلعه
ضرغام:لا تسوينها مرة ثانية انـا مامنعج هذول اخوانچ غصبا عليه همه الهم حق بيچ بس انـا مدام شاريچ واكول عنچ مرتي واريد اخطبچ مارضه انـا رجال ماحببب واحد يخلينيييي وره ظهرههههههه.
يمامه: تمـام.
ماحجيت شي وهوه هم قره رساله وسكت مبين عصبي ماراسلته لحد ماوره نص ساعه دزلي رساله بساع جاوبته
يمامه: ضـرغام لاتعصب گافي والله تندمت والله ماطلع بعد ابددد كتلك ماعيدها
ضرغام:ما راح أعصب بس لا تعيدينها وراح انامن انـا خاف تراسلين تصبحين على خير
يمامه: وانت بخير.
كعدت الصبح ونفس روتين بس الي محلي البيت أدم سالم كلش مو زين ويفكر شلون يخطب ايه وايـه لسه رافضته رغم هوه محتار وكلش حابها بس هيه رافضه وضالين هيح مانعرف شنو مصيرهم مجهول بعده ضـرغام من طلعت لسوك لسه ماحجيت ويا مبين بعده عصبي وزعلان وانـا هم عفته ع راحته.
اجه سالم وكلي
سالم: انطيني تلفونچ اريد احجي وي ايـه لان حاضرتني
يمامه:سالم خاف ماترضه فدوه عوفها
سالم: يممممامه انـا اخوج شوفي شلون شاله حالي اريد اتزوچ اريد احب اريد اشوفهااا تقبل لو اشوفلي وحدة انطيني مبايلللل.
انطيته تلفون واراسل ايـه. وانـا كاعده يمه اشوف شيحجي
سالم: أريد أفهم بس شي واحد ليش كل هالمدة ساكتة انـا سالم ردي لاتحضرينييي منا اذا ماتريدني كولي حته اتزوچ ماضل بس ردي خبر أي لا.
ماطولت وردت ايـهة
ايـه: ماكو شي ينحچي بيه انـا ماريدگ وشفتني حضرتك يعني اكو اقوه من هيج رد؟
سالم: لا أكو. لأن الصمت بحد ذاته جواب، بس مو صريح
ايـه: سالم انـا ما أريد اتزوچ رجاءا.
سالم: آيه، أنـا ما أجبر أحد يحبني بس هم ما أقبل أبقى معلك بدون سبب وهاي اجيتچ واذا ماتريدني انـا راح اشوفلي مره من بداية كتلج ماشمر عليچ كلاوات شفتچ وكلت اتزوچها واحبها وحبيتچ وتمنيتچ صيرين مرتي واعرفج واحبج اكثر بس انتي رفضتي براحتچ. اعتبري الموضوع انتهى.
ايـه: سالم الزواج مو رد فعل على رفض يعني انـا رفضتك تروح تزوچ بنيه ماهاويها؟
طول ماهمه يتراسلون انـا كاعده يم سالم واقره رد سالم عليها من أيس من محاولات وياها.
سالم: إي، بس أنـا ما أريد أبقى أنتظر شي ما راح يصير.
ايـه: تفهمك للموضوع غلط
سالم: شنو الغلط؟ رافضتيني هاي هيهههه شقدم الچ بعد بـاي.
شمر تلفوني عليه وراح وانـا ضليت بحيره.
◈ ─────────────── ◈
ايـــه
بعد ماحجيت ويا من تلفون يمامه وكلي راح اتزوچ صح الي اعرفه انـا ماريده بس بساع يكلي اروح اتزوچ؟ هوه انت سويت حته ماخطبتني رسمي من اهلي بس كلام ضجت كلش وذكرت من كلي زمرد يمكن انـا مستحيل اتزوچ لان مستحيل اخذ على حب او اتعرف ع شخص ومستحيل اقبل بغريب ماعرفه حسيت بس سالم هوه منقذ ألي بس هم ماطلبني من اهلي وانـا جنت رافضه وضليت بحيره
ثاني يوم صاحني ضـرغام وحجه گدام امي وانـا
سگينه: شني يمه احجي گول شني تردين
ضـرغام: جاين نـاس ع ايـه
سگينه: منو همه
ضـرغام: آيـه سالم طلبها مني ويريدهـا
انصدمت ماتوقعت يسويها وانـا كتله ماريدك وكلي راح اتزوج بس اجه من اخوي وطلبنيييييي
ضـرغام: رجال معروف ومحترم، وطلبه جاي من باب أهل وأصول، وإنـا احترم قراراچ لان بنيه اول وتالي تنخطب ومثل سالم مانلكه صحباني واخواني هذول اسعد وسالم
ماحجيت اي شي ماتوقعت توصل لهنا ردت امي
سگينه: اي والله ونعم منهم شكد واكفين وي اخوج مايعوفنه احسن من هذا شيفه خطيبچ قبل ماوصل النه وعافنه وين نلكه مثل ولد گاظم
ايـه: يمه شنو جاي تدفيني هيچ ليش تمدحين بي گدامي.
سگينه: مو دفع يا بنتي، هذا ستر وخير وين تلكين رچال مو ذكر.
ضـرغام: فكري وريلي خبر
يمامه تراسل بيه ورنا ويكلن وافقي اخونا راح يموت وانـا ماجاوبهن احتاچ افكر عدل ماعرف شنو الصح من الغلط بس حته خطيبي سابقا هسه متزوچ وعاش حياته ليش انـا واكفه؟ مارديت خبر بسرعه حته مايكول ماتت عليه أسبوع يله انطيت موافقه وكلت امي حته تكول ضـرغام وكالتله واجه يتاكد مني
ايـه: انـا موافقه
ضرغام: خير إن شاء الله.
ردلهم خبر ضـرغام وانـا شلت الحضر عن سالم ودزلي سالم رسايل.
سالم: شلعتي گلبي والله وداعت عيونچ الاحبهن ماخلي أي شي بنفسچ مامصدك موافقه اريد اسمعهااا منج حاجينيييي زمرد.
ايـه: موافقـه
سالم: عليچ الللللهههههه ماتشاقين لاتحركين گلبي
ايـه: لا.
سالم: يبعد روحه وعيونه ل سالم
سالم صدمنا كل احنه من رايح وخاطب ايـه وحده من ضرغام وبعدين كل عرف وننتضر رد ايـه واايه اسبوع كامل يله وافقت فرحنه فرحه گلش چبيره وفكرت واخيرا راح ضـرغام يناسبنه بس زاد همي للسر شايلته هيچ راح تصير احفاد ونسل وخوال
والثأر راح يكبر وراح يتاذون اكثر ضـرغام وايـه
وسالم وانـا شراح يصير بينه وشنو نهايتنا وي هذا السر والعداوه؟. ردو خبر وحجه سالم وامي چانت تكعد يمنه ع عربانه بس من سمعت بهذا ألخبر رفضت قصص ماي هوبس
خديجة: ماتاخذهااا وحق الله ماتاخذها انـا مشلوله والله ماوصل وياك يابزر بطنيي اتبره منك.
اسعد: يمه سمي بسم الله شني سالفتچ الولد يريد يكمل حيااااته شلون يعني اذا انتي ماتريدها شلون تعيش هنا البنيه
سالم: انـا شفتلي بيت اذا هيج وماكعد وياكم واعزل والله بالله ايـه اخذهاااااا
صار حجي وگلام وبالنهايه سالم عزل واجر بيت وكمل گلشي بي لان امي رفضت ايـه وكالت حتلو انـا مشلوله اسمعها حجي وواكرها بروحها واحنه مانريد نتفشل وياهم وخاصتنا أسعد ماقبل هيج وأيد سـالم يشتري بيت ويكعد وحده علمود يصون اخت ضـرغام.
لليل حاجت ضـرغام
ضـرغام: شلونچ زينه
يمامه:زينه انـا من تحن عليه وماتقسه
ضـرغام: ببعد راح نتناسب ماقسه
يمامه: مافهمت.
ضـرغام: سالم راح ياخذ آيـه وإحنا إذا الأمور مشت، إنتِي راح تناسبين بيتنا وتنوريني.
يمامه: ها؟
ضـرغام: يعني راح تصيرين من عائلتي أنشـالله.
يمامه: ضـرغام مشتاكتلك والله هواي صارلك شكد ماتحاجيني علمود طلعه
ضـرغام: حته توبين يمامه
يمامه: بس اخاف من هيچ أسلوب وانـا اشتاقلك لاتبعد عني.
ضـرغام: انـا مابتعد روحي معلكه بيج يمامتي.
يمامه: وأنـا اذا صدك روحك متعلكه بين لاتقسه عليه بعد وماتحاجيني عدل لا تعاملني عبالك غريبة ترا انـا حبيبتك.
ضـرغام: مو غريبة بس أخاف عليج.
يمامه: لا تخلي خوفك يصير قسوه
ضـرغام: تدللين ياعشگي..
رنـا: اريد احجيلچ ع شي بس مو هسه وره خطوبه حته ماتخرب فرحه
يمامه: تمام خلي نكمل.
كملنا گلشي واجه موعد الخطوبه مال سالم وايـه كلش حزنت لان امي ماتقبل تچي بس مهم فرحه سالم تسوه ألدنيا گلهاااا وانـا وضرغام عرك الف توصيه ع فستان وديري بالچ احد يشوفج من تجون وغطي وجهج وخلصناها عركات
◈ ─────────────── ◈
ايـه
انـا اليوم بدلتي بصالون وراح يوم خطوبتي انـا كلت ماريد شي شلون صار كل هذا اليوم مادري قبل ايام وشهور چنت رافضة جنت أكول ما أريد ما أگدر وهسه راح اصير مخطوبة بس انـا متاكده سالم ماراح يخليني احزن بشي وكمل بيتنا وراح نعيش وحدنـا جان كلبي مرتاح فعلاً بدون اي تعب وصعوبات فعلا لو كال يجعل بينهم موده ورحمه هيج صارت بيني وبين سالم من اول يوم نيته وياي جانت زواچ.
كملتني البنيه وانـا وامي بالصالون واجه اخذونا رجعت للبيت انتضرت اهل سالم يجون ودخلو رنـا وابنها وسعاد وعمات سالم ويمامه زلمهم جانت كلش هواي بس نسوانهم قليله واحنه هم ردناها بين اهل بس. طبت يمامه من شافتني كاعده وهلهت.
وانـا فعلا جنت كلش حلوه وفرحانه من راح يشوفني سالم شصير كاعده ع قنعه وكاضه الورده وفستاني وكاعده وهنه فوكاي ويهوسن
يمامه: جبنالك ورده تشم بيهااا بس كون الورده داريها
هوسن هاي هوسات عماته ورنـا ويمامه واقاربي هم
وبعدين
تم كلشي ع الخير وعقدنـا.
ودخل سالم هسه حته نبلس الحلقات.
من دخل سالم يمامه شمرت هوسه
يمامه: طردي خايبه المـا يفرحلچ طردي
وضلن يدبچن ويهوسن
وسالم جان ميت من الخجل بس جان يخبل بسماره وعيونه ماكدر يشيلهن عني وكف يمي وگال.
سالم: الله من وصه ب البنيه تنستر اله حكمه بيها هم لان لو من زمان شايفج هيچ زنود وجسم وشعر جان ماصربت عليچ كل هاي مده ودخلنا بالحرام
ضحكت من كال هيچ لبسني حلقات وباس ايدي وشاورني وكال
سالم: زمرد اخذتج بس حيفي اطلعه من يطلعون مارجع للبيت انـا اله اشوفچ.
وصدك ضلو يمي ساعتين وراحن منا للمغرب گالت امي كومي لديوانيه سالم ينتضرج دخلت لكيته كاعد ع قنفه رجليه مايكدرن يمشن بعد هاي اول مره نبقه وحدنـا
سالم: يمـه يايمـه ولج امشييييلييي تعاليلييي.
كعدت يمه وهوه بدون تفاهم جرني وحضني
سالم: بس لا تكبرين الحواجز بيني وبينج لأن أنـا ناوي أقرب شوي شوي ماتحمل ولج عذبتي گلبي
ضل يشم بشعري ويكول
سالم: اخخخ شكد حرمتني منج وهسه تردين اشوفج وماحضنچ اكسر ضلوعج تستاهلين.
ضليت بحضنه ساكته ماعرف شسوي وحته ماحضنته انـا ضليت صافنه حته بخطوبتي ماصار هيج لان ماجاني دائما ومن انصاب ضـرغام صارت مشاكل وفصخت خطوبه.
ايـه: سالم خنكتني.
سالم: غيرج يتمنه يكعد بالحضنننن
بس كال هيج عضيته بجتفه
سالم: اخخخ انجلبتي ولچ شني تغارين عليه
ايـه: شني منو غيري تتمنه اذا تريد روح كعدهن بحضنك يلاا.
سالم: زمرد عيونج عادي ابوسهن؟
ايـه: شلون تحول كلام
وانـا احجي اخذ خدي وباسني وانـا ضليت بحاله صدمه وكمت بساع من يمه غطيت وجهي من المستحه وامسح بخدي
سالم: اذا تمسحين بعد اضل ابوسچ ووخخخخري ايدج
وخرت ايدي لايبوسني صدك مره ثانيه
ايـه: هسه ضـرغام يدري بيه بستني شلون اطلع كدامه
سالم: عادي انـا رجلج حبيبتي ابوسج واسوي اكبر
ايـه: ترا افصخ خطوبه
سالم: اي انـا موافق بس بشرط ابوسج عشر بوسات بخدج واذا توافقين ساعتها انـا اطلك
ضليت ساكته يعرفني ماقبل اجه بتعدت انـا وكال
سالم: ايـه لاتتبعدين عني انـا محروم من كلشي واجيتچ هيج تصديني يعني
رحتله وكتله
ايـه: لا مو قصدي بس جاي اشاقة وتوترت
سالم: لو ماصرتي حلالي ترا ماألمس منچ شي ايـه بس ردت ابوسچن من راسچ واطلع
حسيته انقهر وهوه اصلا مقهور من شي بس ماعرفت شنو هوه حته ماعرفت السبب خله يعزل من اهله وهمه بيتهم چبير.
اخذت ايده لان انـا ماحب بشر يزعل مني
ايـه: لاتكول هيج انـا توترت ماقصدي
سالم: صديتيني ايـه ماترديني اكربلچ بس والله ماكضچ بعد هاي هيه خلي اطلع ايـه
ايـه: لاتسوي هيچ
حجيت هيج وبجيت ماريد ازعله من اول يوم
سالم: لاتبجين ياروحه سالم والله اسففف ماقصدي والله عندي هواي امور خانكتني. ايـه اريدچ الج حته اعوض بيج اهلي فدوه.
ايـه: لاتضوج مني سالم
سالم: ماضايج منچ يابعد گل حيلي
شبكني وانـا هلمره بادتله الحضن حسيت سالم كل يحجي عنه ويكول ماعنده احساس ماعنده مشاعر كله غلط سالم انسان زين وشايل حزن بداخله چبير وانـا متاكده هسه امه رفضت وجودي من كلي اعوض بيج اهلي والله انشالله اصونه واصير اله مره وأكثر
طلع سالم وهيج كملت الايام ب تحضيرات الزوج لان سالم يريد يمشي كلشي عدل وكمل كلشي ليش. نوكف.
كالت هيج وشفت سالم وجه وعيونه صارن حمر ويبجي اجه حته تباركله سمع منها هيج كلام خله وطلع من البيت وراح وراه أسعد.
سوينه العشه انـا ورنـا ومقهورين ع سالم بس شسوي هاي امي هاي امنـا بلاء امي وابوي عليـنه.
سويت العشه وتعشينا وكعدنا بالهول والباب مفتوح. فچاه شفنه طابوك وعصه انشمرت ع بيتنا؟
طلعت بساع انـا ورنا وسعاد ولكيته
3 ولد صاعدين ع البيت الي بصفنه ويشمرون علينه عصه وطابوك صرخنه وصرخت سعاد
سعاد: يمممممهههههه ولجنننن طبنننننننن راح يموتونا خابرن الوللددد
طبتنا سعـاد واحنه مافاهمين شي ومانعرف منو هذول شباب سدينه الباب وفتحته الشباك وشفناهم
طفرو ع بيتنـا تلاثتهم وهمه واحد نازع القميص وثانـي هم نازع القميص ويفر بي والاخير لابس ملابسه بس مغطي وجه ومخلي لثام ع وجه
وطفرو علينه.
ياتـرى منـو هذول شباب ل3؟
