رواية هموم الشيخ سند الفصل الأول بقلم ميامين الطائي
رُبما يفُوت الأوان في كُل شيء لكن✨🤍
لا يفُوت أبدًا أوان المرء في إصلاح نفسه
اني اسمي سند مواليد 1980من مدينة الحلة ابن شيوخ عملي ضابط برتبة نقيب اني الابن الاكبر لعائلتنه كل شغلنه بالسلك العسكري احنه من عائله معروفه جدي شيخ عشيره عندي 2 اخوان زيد وحسين
اخواتي زينب زهراء فاطمه اخر العنقود عندي عمام حسن وفيصل وياسر وعمي علي مستشهد و ولد عم خير من الله هواي احنه عايشين بمنطقه زراعيه جنت احب بنت خالي وهي هم تحبني اسمه وفاء حاليا زوجتي اني مزوج اثنين بنت عمي انفرضت عليه فرض كون العادات والتقاليد تكول ابن العم لبنت العم اسمهاا وسن خلي ارجع احجيلكم.... اني جنت متعلق بعمي علي هو الي علمني لدرجه خليت اابالي اصير ضابط واحب السلك العسكري احنه تربينه علي مبدأ انو كل بناتنه حدهن للسادس ويبطلن معدنه بنت تكمل وماياخذن الغريب جنت صغير من عمي علي حب بنت من الناصريه طبعا جدي عارض بهل الموضوع بيومهاا عمي علي زعل وراح شهر محد يعرف اخباره وجدي متعلق بيه كونه من المره لي يحبهاا جدي مزوج 3 نسوان بنت عمه ثاني وحده هديه والثالثه غريبه حبها وتزوجها بس من جابت عمي علي ماتت جدي صارت روحه بعمي علي حيل متعلق بيه لهذا سبب عمامي يغارون من عنده طبعا جدي خضع الامر عمي علي وقبل راحو خطبنه اله هي جانت حلوه بس مخلصت من المشاكل سون عليه حزب هي من نوع لي عدها غرور جنت اشوفن لهفتهم وحبهم ونظرات عيونهم من حبلت عمي فرح ااذكر كلامه اذا بنت اانطيه لك انت سند ولا لغيرك امانة الله هاي وصيتي بنتي لك لاتخليه تصير للغريب صير الهه الاب وكلشي ااجذب عليكم اذا ااكلكم مافرحت وماابقئ بالي لان عمي علي اعتبره صديق واب واخ كبرت وكبر حلمي وياي دخلت كلية قانون جان اصعب ايامي هو من استشهد عمي علي كسر ظهري وجدي اصعب ايام مرت علينه الله يعلم بيه زوجته راحت الاهله مااعرفنه عنهاا شي كل لي عرفناه ماتت هي وبنته بحادث سياره
بعد مااعرفت شصار وياهم بقيت ادرس بيوم من الايام رجعت من بغداد شدولي رتبه ملازم اول مره اشوف بنت خالي صارت نظرات بينه بعد مااعرفت شي عنها بيوم جنت بالمكتب اني صديقي اوس جنه نحجي
اوس: اكولك شعجب جدك لحد هسه مازوجك وساكت عنك
سند: اسكت يمعود لاتحجي بهل الموضوع سمي بااسم الله هسه توني بديت
اوس: مو كلنه اذا ناسي نذكره احنه بيك
سند: دك جهاز رقم غريب جاوبت الوو
وفاء: مرحبا شلونك سند
سند: مراحب منو وياي
وفاء: اني وفاء بنت خالك
سند: احم... بعدين نحجي مشغول حاليا
وفاء: چا اذا كملت خابرني باي
سند: ماشي سديت تفاجئت بهذا الاتصال
اوس: شبيك منو اتصل عليك هيج حتئ تغيرت ملامح وجهك
سند: ولاشي خل نكمل شغل مالتنه بقيت اشتغل بس مشتت عقلي كملت اوس طلع مباشرتا خابرتها الو هلا وفاء شلونج
وفاء: الحمد الله انت شلونك
سند: الحمد الله تمام شنو هل اتصال المفاجئ
وفاء ; سند لاتفهمني غلط بس اني معجبه بيك وحبك من وعيت علي هل الدنيا اني احبك وتعبت وكلشي اله حدود
سند: انتي جاي تصدميني اني ماانكر هم معجب بيج بس مااعرف بيج هيج تحبيني انت بنت خالي
وفاء: اكثر ماتصور سند اني احبك واريدك
سند: تمام. بلشت علاقتي وي وفاء بس مااشفت من عدها شي ونلتقي فعلا حبيته وردته زوجه الي لان هي عرضي بيوم وفاء حظري نفسج راح اجي اخطبج
وفاء: صدك سند والله فرحتني وخيرا راح نزوج
سند: اني شيخ سند مو اني الي اعوف ولفي امي كالت جاي تجيج ناس
وفاء: اي صح ماتصور شكد فرحت راح احظر نفسي
سند: سديته من وفاء ورحت احجي جدي السلام عليكم
جدي: هلا بشبل هلا ابني تعال لهنا مشتاكلك
سند: بعد روحي جدي بست ايده وراسه شلونك
جدي: نحمد الله ونشكره جنت رايدك بسالفه
سند: تدلل جدي احجي
جدي: اني مشيتلك علئ بت عمك وسن وان شاء الله الجمعه ملچتكم وعقد القران عزمت كل الشيوخ لجن هم اريدهم بموضوع
سند: هنا جدي صدمني هاي الي ماجانت لاع البال ولا علي خاطر جدي بس اني كلبي هاوي انت تدري
جدي: سند بويا اني اطيت جلمتي اني ااوعدك هم اخطبلك البنت التريده انت تدري قصة وسن مااريد اكسر بخاطرهاا لجن من الصغر هيه الك
سند: سكتت فعلا وسن بيوم چانت تنظف جان سلاح عمي جان موجود شالته بدون قصد تريد تجربه وضربت روحهاا طلقه بقت اشهر بالمستشفئ هنا دكتور كال مستحيل تصير ام ولايصير عدها اطفال لان الطلقه مزقت الرحم خابرت وفاء الو.. يبعد روحي
وفاء: هلا بيك يابعد كلبي
سند: اسمعيني وفاء اني ماتخليت عنج لحد هاي لحظه متمسك بيج واريدج ولاراح اعوفج للموت انت لي حبيتج
وفاء: شني يسند هذا كلامك خوفتني
سند: اسمعي جدي خطبلي وسن وعدني يخطبج الي بعد فتره كل احنه نعرف وسن مايصير عدها اطفال تنتظريني
وفاء: اي انتظرك ميخالف تزوجهاا ماعندي مشكله
سند: صدمتني رده فعلها المفروض تنقهر تبجي محد تقبل حبيبهاا يروح منها تمام سديته من عدهاا احس روحي محتار رحت للبستان مالتنه صدفه اجه علي بالي عمي علي بدون تردد اخذت السويج طلعت للنجف رحت زرت وقريت للزياره مختنك رحت زرت عمي تعرف عمي انت الي جنت صديق الي.. يمكن ماكو فرق بينه بس 5 سنوات بس جنت اعتبرك اغلئ شي بحياتي تذكر من جنت تتشاقئ وياي تكولي اول تالي اعرفك تزوج بنتي بس بنتك اجتك وزوجتك ماتحملت فركاك تدري مشتاقله لو عايشه هسه بنتك اخليهاابعيوني،اعتبره بتي اشتاقيتلك والله...
بقيت يمه كاعد اسولف لحد لليل رجعت طبعا صارت تحظيرات المشيه وعقد قراني الناس كلها اجت لبست وعقدت اني ووسن صارت زوجتي الشي لاحظته انو وسن ماطيقني ولا اني جانت وفاء جايه اتباوع اله لاكانما اليوم خطوبتي مااعرف شسمي تصرفهاا اثبتت متحبني بس كلبي ماجاي يصدك العصر التمت دنيا
جدي: اني اليوم لميتكم انتم يوجه الخير حتئ شهدون عليه علئ كلامي اني تعبت مضيفي مفتح الكل كل شخص بس بعد الواحد من يكبر يتعب اني قررت اليوم اانطي المشيخه لسند الي هو حزام ظهري ولدي ونعم من عدهم اعرف بيهم مايخيبون ضني بس شفت انسب واحد سند ها مو معناها تركتهاا لا ارجع واكلكم يمته ماتردوني موجود
الكل: ونعم منك ومن سند زين مااختاريت سند ذيب
سند: الكل باركلي بدت هوسات والشعراء ورمي جدي لبسني شماغ والعكال اني اكولك كدام الكل مراح ااخيب ضنك بيه راح اصير كدهاا مثل ماتعبت علئ اسمك وسمعتك مراح خليه تروح لبعض من عمامي اعترضو بس مكدرو يحجون الكل فرح الي
وفاء: ماتصور شكد فرحانه من صرت شيخ مبروك حبيبي
سند: الله يبارك بيج ادخلي جوه لايشوفنه احد ويصير حجي
وفاء: يا چا منو الي يحجي علينه غير انت خاطب وشيخ ابن عمتي اول تالي هم راح تزوجني واصير مرتك
سند: اي صح عفته ماجان اكو شي حلو بوفاء جانت ضعيفه وسمره بعمري ماكلت الوفاء احبج جانت مجرد اخابره دقايق بس ماردت اضلمهاا جنت حاس بيه ماتحبني دخلت الجوه الكل باركلي
امي: مبارك يمه يوم لي اشوف وليدك اشيله بديه
سند: ان شاء الله حجيه بستهاا وطلعت عشينه الناس وكل اصدقائي جاين
اوس: شوف كصتي خير عليك فتحت قسمتك وراح تزوج هم صرت شيخ
سند: هو شطيح حظي غيرك انت ياطيح الحظ ياصگط ياساق*
كرار: ها بلشتو راح تعاركون يلا منو لي يكتل هو فايز
سند: خاب اانجب انت اسكت عني والله واحد ططوه فكر بس حجه بالزواج...
اوس: يلا عيني قابل شنو انت اذا زوجت احنه ناكل لحم ونركص وانت تروح بالعسل
سند: همك بطنك اشوفك بعرسك اذكرك بشهر العسل
اوس: اهووو من الكي البنت لي احلم بيهاا اتزوجهاا مااازوج علئ مزاج واحد
كرار: الله الله شنو هاي مايزوج اله علي مزاجه نشوف
سند: بقينه نضحك ونسوالف دخلنه جوه عائلتنه كلهاا ملتمه
ياسر: جا بويه احنه مو بعينك تختار سند للشيخه مو احنه ولدك اولي بيهاا
جدي: اني اشوف سند انسب الها لان مااخذ طباع علي واذا جان علي عايش جان انطيتها اله الشيخه
حسن: انت من يوم يومك تفرق بينه وبين علي بشنو احسن من عدنه
جدي: اششش مااريد اسمع صوت واحد بيكم لان اني اعرف شنو من همه اسباعي سدو سالفتكم لان عيب عليكم
سند: اذا انتم ضايجين علمود الشيخه فااني اتنازل لكم اخذوها بدون مشاكل لاتصير كره وبغض بينه
ياسر: لا والف لا مو هيج ياسند بس ابوي فاجئنه غير ينطينه علم
جدي: هسه انتم منو بيكم يريدها ويطلع وي الناس ويحل مشاكل ويحكم بعدل
حسن: بويه اني بالنسبه لي مااريدها عندي دوام كل احنه شيوخ اسمنه مرتبط بيك
ابو سند: اني ياابوي مالي خلك دوخت راس وطلعه العالم زين ماختاريت
ياسر: اني عندي واجبات احير بدوامي بالشيخه مااريد ااخرب روحي بسبب كلام النسوان منين ماافكر والجيه صعبه
جدي: بارك الله بيكم انتم كلكم ولدي احبكم وعزكم مافرق بينكم لجن علي يتيم امكم مارضت تربيه تكره اني الي ربيته
ابو سند: هاي هيه بويه سد سالفتك وانسي
سند: بقينه نشاقي ونضحك لمت الاهل هذا لي يحجي نكته علئ دوام الحلو بينه واحد علي كلب واحد مانمشي بحجي النسوان لليل ترخصنه كلمن راح ونام
قوية لكني لستُ وقحة
طيبة لكنني لستُ ضعيفة
صريحة لكنني لستُ متنمرة
متواضعة لكنني لستُ قليلة قدرٍ أو قيمة
واثقة ولست متكبرة🐆.
االحياة او الدنيا ماتريدنه نصير ضعفاء حتئ مانصير طعم للبشر لي معدهم رحمه ميته الانسانيه داخلهم احنه عايشين بوقت البشر وحوش يقتلون الميت ويمشون بجنازته تعلمت من كل تجربه انو اليتيم لي يعيش بدون اهل يصير مثل الحمامه مكسور جناحهاا معنده ظهر ينسند عليه حتئ لو كتلهم يتيم محد راح يرحمك يعاملونك مثل العبيد او الخدم اي اني البنت لي عاشت من دون اهل الي الموت اخذهم مني اني لي بقيت من واحد الواحد معندي مكان اعيش بيه عشت بين ناس مترحم ولاتعطف تريد تاخذ متنطي اني البنت لي اانحرمت من كلمة ماما وبابا اني لي جيت لهل دنيا بدون اخ خل اعرفكم علئ نفسي
اني اسمي هموم مواليد 1998 اني مااخذه جمال وحلاة بيبي ام ماما وماما كلش حلوه لدرجه انو بابا من شافهاا حبهاا بس اني دفعت ثمن محبتهم عيوني رصاصي لونهن صاحبة خدود شفتي منفوخه رموشي اكبار وطوال كثيفة شعري طويل بيه شكار بيضه بياض ثلج ابويه جان ضابط برتبة لواء يوم من الايام جان عند واجب امي جانت طالبه بالاعداديه اني مومحجبه ف بابا من اهل الحله ماما اصله من الشمال بس ظروف الطائفيه خلتهم ينتقلون للناصريه كونها هي منطقه الوحيده لي بيه الامان قبل ابويا جان عنده واجب هناك شاف ماما حيل انعجب بيها ماما من كد ماحلوه وجميله جانت مغروره متهتم بكائن من يكون المهم اناقته وشخصيته فهي ماقلدت اله بابا صار يتردد ع الناصريه يروح ويرجع بالاخر حاجاها لماما
علي لسان هموم....
بابا: بس ممكن احجي وياج مو شلعتي كلبي خليتني لا اني بسماء ولابالگاع والله نيتي شريفه وياج واني ابن عالم معروفه
ماما: تمام كون نيتك شريفه واابن ناس معروفه تكدر تجي من الباب مو تلحكني ولاعبالك انو هل تصرفات حتكبر بعيوني او راح احبك مستحيل لان انت مو مراهق عيب عليك هل تصرفات وانت ضابط
بابا: صح كلامج واني غلطان بس والله من شفتج هل لحظه اني رجعت مراهق التريدنه اعتبري تم اهلي اسبوع الجاي عدكم
هموم: راح بابا فعلا طبعا ماما محاجته بس هي هم حبته رجعت فرحانه البيت بس متدري انو الحياة شنو ضامه الها بابا بعد ماارجع البيت صارت مشاكل اهله مااقبلو
بابا: يبا والله حبيته اريد ازوجهاا فدوه ااروحلك لاتحرمني منهاا
جدي: احنه شنعرف من عدهاا من اصلهاا وفصلهاا فوك كل هذا محافظات هاي بت عمك شبيه متاخذه وتنجب
بابا; بويه نسئل واني سئلت علئ سمعتهم ونعم من عدها ياابويه
جدي: لاسئلت ولاشي مااروح اخطبه لك
بابه: جا يابويه كفيلك العباس لو هي لو مازوج واني رايح
هموم: طبعا ماما بقت تنتظر وخلص الاسبوع ماكو ورا فتره بكم يوم اجو نسوان لماما فرحت كونهاا عرفت من طرفه خطبو امي ااهنا عارضو جدي وخوالي كونه بعيده بس ماما قبلت واصرت علي بيبي صارت بس بشلعان الكلب تزوجو ماما وبابا ماما تتاخرت بالحمل صار الكلام بعد عناء طلع عد بابا ضعف تعالج بابا وصارت ماما حامل ابويه جان يحبه ويعشكهه فرح بحملهه بس يافرحة الي ماتمت قبل ولادتي استشهد بابا هنا ماما تحملت كلشي علموده طبعا ماما حيل تاذئت حملته بيبي المسؤوليه انتي السبب ونحس رجعت ماما لبيت جدو هنا عاشت لحد ماولدتني اني لهل الدنيا من كد حزنهاا علئ بابا سمتني هموم لان اخر مره سئلت بابا كالتله شبيك مهموم كاللها اخاف يصير عليه شي اوعوفج لاتنسيني ولاتزوجين غيري ماما حظنته تبجي وسمتني هموم لان هذا اخر موعد جان بينهم جيت لهل دنيا محد سئل عليه من بيت جدي ولايعرفون اخبار ماما صار عمري 4 اشهر بيوم ماما كلعاده تاخذني وياها للنجف بس هل مره امنتني عد بيبي وخالي الصغير وراحت بس مااعرف هاي اخر... روحه وتروح يم ابويه بعد ماترجع ماتت بحادث سياره بقيت بدون اب وام يتيمه صرت من هذا لهذا ربتني بيبي وخالو محمد باقي خوالي معليهم بيه يضوجون مني يضربوني بس بيبي ماتقبل جنت اتمنى انو امي عايشه حتئ ميصير بيه هيج بيبي لمتئ تبقئ تدافع عني جنت طفله يمكن ابجي مااعرف شنو معندج ام بس من كبرت عرفت انو معندي ام من اشوف زوجة خالي تمشط لبنتها وتلعب وجيبلها كلشي جنت حسبالي بيبي هي امي مجنت اعرف شنو الموت جنت طفله ولعب وحدي محد يتقربلي حسبالك بيه جرب لو مرض مااعرف ليش محد يلعب وياي تربيت علئ العوز ونقص لي بحياتي جانت زوجة خالي مااعرف ليش تكرهني
دائما تضربني متخلي واحد يلعب وياي من جهالهاا حتئ من بيبي تكوللهاا تنطيني ملابس من بنتهاا ماتنطيني تشمرهن ماتنطيهن لي شكد اختنك بس مااكول لحد مادخلت مدرسه خالي جان يدرس طب كلية يحب وحده وياه بالكلية اصعب موقف جان عليه هو من ماتت بيبي لي هي امي فعلا هنا تيتمت صرت يتيمه مااعرف الام فعلا ماتعوض لاهي ولاالاب جابوها تابوت اني اااهمس الهاا تكعد لو تاخذني وياها تمنيت الموت بس... مااجاني هنا مااعرف طفله بعمر 9 سنين حيل صعبه عليه مرات ايام الله يعلم بس خوف جوع وضرب اهانه حملوني مسؤوليه اني مو كدهاا لحد ماصرت عركه ع الورث
خالو محمد: امك بعدهي ماصار الها سنه تريدون ورث الله اكبر عليكم
يونس: اني اريد اطلع من البيت هاي معلي بيهاا عسئ ماتشمرها بشارع
محمد: مااشمرها اله حصة امهاا كلشي تملكه امهاا عندي خلي بالكم
ياسين: شنو تنطيهاا ربع دينار مالها احنه مو كفيلين بيهاا يطبهاا مرض مايجونه عمامهاا ياخذونهاا يخلصونه منهااا
محمد: محد اله دخل بهموم اني اخذها واروح للسليمانيه معليكم بينه
يونس: هاهيه انطينه حصتنه ومعلينه بيكم
هموم: فعلا كلمن اخذ حصته بيبتي جان منطيه ذهب ماما وكلشي خلت الي ماما ومنطيه ذهبها هم كلشي لخالو محمد اخذنه ورحنه لمنطقه غريبه السليمانيه كلشي مانعرف ااشترينه بيت وعشنه هناك وهنا بعمر 9 سنين شلت مسؤولية دراسه والبيت،لحد مازوج خالو زمن فعلا زمن حبابه،دكتورة تجميل بقيت اشتغل وياها جان همي دراستي واهتم بنفسي سويت ليزر ازالة لشعر وكلشي حتئ وشمت لان لاحسيب ولا رقيب وياي اشتغل جنت اخاف علي بشرتي مهتمه بجسمي وشكلي لدرجه انو الي يشوفني ينعجب بيه اخذت غرور من امي مااهتم لكائن من يكون مبعده نفسي عن الكل بس زوجة خالو صديقتي لان هي من نوع الي شسوي لنفسهاا تسويلي ابد ممتعاجز مني
زمن: هموم عمري اليوم حسوي بلازماا ومقشر كاربوني تريدين هم ااسويلج
هموم: بكيفج شتريدين سويلي ماكلج لا بس كون متاثر علئ بشرتي
زمن: لا بلعكس تطلع فدشي تجنن
هموم: تمام كلبي لعد اسويلي وياج
زمن: لج اخويه ميت عليج والله يكول لو هموم لو مااريد
هموم: زمونه فدوه اني والله مفكره بالزواج ولاشي متشوفين دادرس عمري 14 سنه شيسوي بيه. اكو احلئ مني
زمن: انتي اكو الاحلئ منج تكعدي وين اكو غير تموتين
هموم: فدوه لكلبج طالعه عليج انتي شنو ماكو بيبي
زمن: لا وين حروح الدكتوره اشوف شنو سبب لحد هسه ماكو حمل
هموم:يعمري لاتهتمين ماصارلكم بس سنتين ونص تونسو. بعدين سو اطفال
زمن: شعور الامومه يموت من تزوجين تعرفين هل شي انتي
هموم: مااعرف كل الي اعرفه مااريد ازوج اريد اكمل دراستي حاليا
زمن: وراج وراج ازوجج وين تروحين هم يجيج بس نشوف منو سعيد الحظ
هموم: مااعرف الله كريم شنو اليوم ماكو مراجعين
زمن: لااكو يلا نغير ملابسنه نروح للمركز
هموم: فعلا غيرت ملابسي ورحت المركز بين المراجعين والناس لي تجي تسوي تجميل لحد ماكملنه سحبت دم علما يتحول لبلازما سويت مقشر كاربوني من كمل شويه اارتاحيت خدرت وجهي ضربت بلازما وجهي كذلك زمن رجعت اسبحت وتعشيت وحضرت دروسي خليت مرطب جسمي ورتبت نفسي لبست ملابس نوم وقتت جهازي ونمت
