رواية فضيحة في بيت كبير الصعيد الفصل الاول 1 بقلم هويدا زغلول

قمر كانت واقفه  قدام بدر وعيونها كلها فرحة وهي لابسة فستانها الأبيض وقالت بفرحه 

قمر

مش جاادرة أصدق إني خلاص بجيت على اسمك يا بدر وبعد كل اللي شوفته من عمي وخوفي منه ومن ظلمه ليا ربنا كتبلي إني أدخل دارك وأنا راسي مرفوعة واصل لأن وصولي لليوم ده كان حلم كبير جوي وكنت فاكرة إنه مستحيل يتحجج

بدر كان واقف ساكت شوية وبعدها بص لها بنظرة غريبة وقال

بدر

اجلعي الفستان يا قمر لأني عايز أتأكد من حاچة بنفسي ومش عايز أسأل حد ولا أسمع حديت من حد تاني

قمر اتفاجئت من كلامه وقالت

قمر

مالك يا بدر بتتكلم بالطريجة دي ليه ومن إمتى وإنت باصصلي النظرة دي أني من ساعة ما دخلت الأوضة وحاسة إن في حاچة مغيراك ومخلياك مش طبيعتيك

بدر

أني جولت كلمتي مرة واحدة ومبحبش أعيدها كتير اجلعي الفستان ووريني ظهرك لأن اللي عايز أعرفه لازم أعرفه دلوك جبل ما أفكر في أي حاچة تانية

قمر كانت مستغربة وخايفة من طريقته لكنها نفذت اللي طلبه وهي مش فاهمة إيه اللي بيحصل

أول ما بدر شاف الوحمة فضل باصص شوية من غير ما ينطق ولا كلمة

قمر لفت ناحيته وقالت

قمر

مالك يا بدر ساكت ليه وإيه اللي حصل خلاك تتغير فجأة بالشكل ده ده أني من أول ما دخلت الأوضة وانا شايفه الحزب في  عيونك ودلوك حاسة إنك شخص تاني خالص

بدر

مش خلاص خدتي اللي كنتي بتحلمي بيه يا قمر شهر واحد بس وهرمي عليكي يمين الطلاج ولو سايبك على زمتي الشهر ده فده عشان خاطر أبوكي الله يرحمه لأنه كان راجل أصيل ووقف وياي يوم ما الكل باعني وسابني

قمر حسيت إن روحها بتتسحب منها وقالت

قمر

إنت بتجول إيه يا بدر وكيف الكلام ده يطلع منك أني كنت فاكرة إنك أكتر واحد يعرف جيمتي ويعرف إني عمري ما غلطت ولا عملت حاچة تعيبني وإنت دلوك بتكسر جلبي بكلام عمري ما كنت أتخيل أسمعه منك

بدر

أني ما بهزرش يا بت الناس أني اتجوزتك ووفيت بوعدي لأبوكي الله يرحمه وغير إكده ما لكيش عندي حاچة وجوازك مني هيكمل شهر واحد وبعدها كل واحد يروح في طريجه

قمر مسحت دموعها وقالت

قمر

طالما أني ماليش عندك مكان ولا جيمة يبجى وعلى إيه الشهر ده كله طلقني دلوك وجبل ما يطلع النهار وكل واحد يروح لحاله بدل ما أفضل واجفة جدام واحد شايفني حمل عليه

بدر صرخ فيها وقال

بدر

إنتي اتجننيتي يا بت ولا إيه ومين اللي جالك إنك تعملي اللي على مزاجك في الدار دي

قمر وقفت مكانها وسكتت

بدر

لما تكوني واجفة جدام بدر الهلالي يبجى تتكلمي عدل والكلمة اللي تطلع مني تتنفذ من غير لف ولا دوران ومن غير ما ترفعي صوتك عليا فاهمة ولا لأ

قمر بصت له بوجع كبير لكنها سكتت

بدر

اتخفي هنيه ومش عايز أشوف وشك برا الأوضة دي الليلة دي خالص لأن أني دلوك مش طايج أبص في وش حد

خرج بدر من الأوضة وهو مخنوق وأول ما نزل السلم لجى أمه بهية مستنياه

بهية

رايح فين يا ولدي في الليلة اللي الناس كلها كانت مستنياها وإزاي تسيب عروستك قاعده  لحالها وتخرج بالمنظر ده كأن حاچة كبيرة حوصلت

بدر

سيبيني في حالي ياما لأن رأسي هتنفجر من كتر التفكير ومش ناجص أسئلة وحكاوي دلوك

بهية

عملت فيك إيه بنت المركوب دي جوللي بس وأنا أخليها تندم على اليوم اللي دخلت فيه الدار دي لأنها من الأساس كانت تحلم براجل زيك ومكنتش تحلم إنها توصل للي وصلتله

بدر بص لها بغضب وقال

بدر

ياما أني جولتلك ألف مرة إن قمر ما تتجابش سيرتها بالطريجة دي لأنها بت راجل كان له فضل عليا طول عمره ومش هسمح لحد يغلط فيها جدامي

بهية

طيب قولي يا والدي مالك بس 

بدر

وأني جولتلك ما تدخليش في اللي ما يخصكيش وخلي الموضوع ده بعيد عنك خالص

وسابها ومشي وراح قاعد علي الترعه وبعدين بدأ يفتكر اللي حصل 

       فلاش باك

عثمان دخل على بدر وهو بيجهز نفسه للفرح وقال

عثمان

ألف مبروك يا عريس وربنا يتمملك على خير بس شكلك فرحان جوي بحاجة مش من حجك من الأساس

بدر

اتكلم عدل يا عثمان وخلي بالك من كل كلمة بتطلع من خشمك لأن أني مش ناقص حديت فارغ في يوم زي ده

عثمان

وأني ماليش في الحديت الفارغ أني بتكلم في حجايج البلد كلها عارفاها ومحدش جادر يفتح خشمه بيها جدامك لأن الكل عارف إنك ممكن تكسر رقبته لو جاب سيرة الهانم

بدر

جصدك إيه بالحديت ده وإيه اللي عايز توصله باللف والدوران ده

عثمان

جصدي إن الوحمة اللي في ظهر المدام معروفة أكتر من أصحابها وإن ناس كتير شافتها وعارفاها زين جوي

وفي الوقت ده بدر اتصدم من الكلام اللي هو بيقوله وقرب منه وقال 

بدر 

شكلك اتجننت وعايز اخر يوم في عمرك يكون انهارده 

والله جتلك هيكون علي يدي انا انهارده 

عثمان 

سيب خلجاتي صحيح مش قادرين علي الحمار جادرين علي البردعه 

بدر

إنت عرفت الحديت ده منين وإياك تكون جاي تكذب عليا لأن أني مش هرحمك لو طلعت بتفترى عليها

عثمان

لا أني لا بكذب ولا بألف حكاوي والبلد كلها كانت شايفة البت وهي طالعة ونازلة على البيوت بعد موت أبوها وكانت معروفة عن الرجاله كلهم 

بدر مسكه من هدومه وقال

بدر

قسماً بالله لو جبت سيرة قمر بكلمة زيادة لأنهيك مكانك لأنها أشرف من ناس كتير واقفين على رجليهم ويتكلموا عنها

عثمان

طالما واثق فيها للدرجادي يبجى اسأل بنفسك واتأكد بنفسك بدل ما تعيش مخدوع طول عمرك ولو أني كداب داري معروفة وتعالى خد حجك مني كيف ما تحب

وبعد ما عثمان مشي فضل كلامه يلف في دماغ بدر لحد ما الشك دخل جلبه وخلاه يشوف كل حاچة بعين غير العين اللي كان بيشوف بيها قمر طول عمره 

        باك 

وتاني يوم 

روحية  مرات عمها كانت داخلة الدار وهي مزغردة بصوت عالي

روحية

لولولولولوي يا ناس باركوا للعروسة القمر اللي نورت دار الهلالية وربنا يتمم فرحتها على خير ويجعل أيامها كلها هنا وسعادة وفرح

هنيه كانت واقفة في وسط الدار مكشرة وشها ومخنوقة من اللي حاصل وقالت

هنيه

ستي خشمك يا ولية إنتي بتزغرطي على إيه بالظبط وابني بات بره الدار من امبارح ومحدش عارف له طريج ولا راح فين ولا جه منين

روحية بصت لها باستغراب وقالت

روحية

وليه بس إكده يا أم بدر هي بنتنا معيبة ولا فيها عيب علشان خاطر ابنك يسيبها في ليلة زي دي وينام بره الدار وبعدين ما تنسيش إن ابنك كان يحلم يتجوزها من يوم ما كانوا عيال صغيرين وقبل ما أبوها الله يرحمه يقف معاه ويسانده

هنيه رفعت حاجبها وقالت

هنيه

عمل إيه معاه يا حبيبتي كل اللي ابني وصله كان بعرجه ويده وتعبه وسنين شجاه والحمد لله محدش له فضل عليه ولا على اسمه اللي عمله بين الناس

روحية

الناس الأصيلة ما بتنساش اللي وقف وياها وقت الضيج يا أم بدر وربنا وحده يعلم مين وقف جنب مين

هنيه لفت وشها الناحية التانية وهي متضايقة

أما روحية فطلعت على أوضة قمر وسابت هنيه واقفة لوحدها

دخلت الأوضة بهدوء ولقت قمر قاعدة على السرير وعينيها وارمة من كتر العياط

روحية قربت منها وقعدت جنبها وقالت

روحية

يا حبيبتي يا بتي مالك بس وإيه اللي عمله فيكي الولد الندل ده أني من أول شوفته فين  عرفت إن في مصيبة هتجصل  وشوفتي بقى اللي كنتي عايزة تسيبي بيت عمك علشانه وتروحي له طلع هو بنفسه سبب كسرة جلبك

قمر مسحت دموعها بسرعة وقالت بغضب

قمر

أني عارفة إن بدر حد جال له حاچة عني وملعوب في دماغه لعب بس والله لو طلعت إنتي يا مرات عمي اللي عملتي إكده ما تعرفيش أني ممكن أعمل فيكي إيه وساعتها هاخد حقي منك تالت ومتلت

روحية قامت من على السرير وهي مصدومة وقالت

روحية

خير يا بتي خير ا تعمل شرا تلاقي هو أني جيالك أبارك لك وأطمن عليكي وفي الآخر أسمع منك الحديت ده بجد مش جاادرة أصدق إنك بتفكري فيا بالطريجة دي

قمر وقفت هي كمان وقالت

قمر

مهي الحداية ما بتحدفش كتاكيت وأنا عارفاكي زين جوي وعارفة إنك عمرك ما حبتي خير ليا ومستنية اليوم اللي أشوف فيه الشماتة في عيونك

روحية بصتلها بوجع وقالت

روحية

حرام عليكي يا قمر أني ربيتك في حضني بعد موت أبوكي وعمري ما فرقت بينك وبين عيالي

قمر أشارت ناحية الباب وقالت

قمر

اطلعي بره يا مرات عمي ومش عايزة أشوف وشك في الأوضة دي تاني ولا أسمع صوتك حواليا

روحية اتغير وشها وقالت وهي متجهة ناحية الباب

روحية

خليكي فاكرة الحديت اللي جولتِه ده زين جوي يا قمر علشان يوم ما ترجعي دارنا وتدخليها تاني ما تلوميش إلا نفسك على اللي هيحصلك

وبعدها خرجت من الأوضة وهي مخنوقة

أما قمر فوقعت على السرير تاني وهي بتعيط بحرقة ومش فاهمه اي اللي حصل ليها 

وبعدها روحت روحيه البيت وكانت بنتها هاله قاعده حزينه 

روحيه رجعت بيتها وكانت بنتها هاله قاعده علي الكرسي وهي حزينه وبعدين روحيه قالت 

روحيه

قاعده يا بتي منكده على نفسك ليه كده ما كنتي تعالي معايا وشوفي قمر وهي مكسورة والحزن مالي قلبها كنتي هتشمتي فيها اوي 

هالة بصت لها باستغراب شديد وقالت

هالة

لا والله يعني عايزاني أصدج الكلام الغريب اللي بتقوليه ده هو مش ده كان حلم حياتها إنها تتجوز بدر الهلالي وأهو اتجوزته خلاص إيه بقى اللي يخليها تبقي حزينه 

انت لو كنت بتحبيني فعلا ما كنتيش خليتي ابويا يوافق على الجوازه دي خالص

روحيه

يا بت الكلام ده كلام عيال صغيرين ما بيفهموش في الدنيا انا خليتها تتجوز وخليت بدري هو اللي مش عايزها ومش طايج  انه يبص في وشها لو كنت 

الكلام اللي بتقوليه ده مكنش هيجيب نتيجة وقتها لأن بدر كان ليه حسابات تانية وأنا كمان كان لازم أتصرف بطريقتي 

هالة

حسابات إيه وطريقة إيه أنا مش فاهمة أي حاجة من اللي انتي بتقوليه ده

روحيه قربت منها وقالت بصوت واطي

روحيه

أنا هقولك على كل حاجة من الأول علشان تفهمي الحقيقة

وبعدها روحيه بدات تقول ليها كل اللي حصل

فلاش باك

روحيه كانت داخلة على عثمان ابن خالتها في مخزن قديم وهو قاعد بيعد فلوس، أول ما شافها قال بسخرية

عثمان

إيه يا روحيه جاية ليا تاني ليه مش خلاص بقيتي محروس عشان الفلوس 

روحيه قربت منه وقالت بحدة

روحيه

ما تفتحش بوقك بكلام ملوش لازمة أنا جيالك في موضوع مهم ومش جايه أضيع وقت في كلام فاضي

عثمان

موضوع مهم إيه إن شاء الله بعد ما فلستِ جوزك وسبتيه

روحيه

بلاش تدخل في حياتي أنا عايزة منك خدمة واحدة بس ولو عملتها تاخد اللي إنت عايزه من غير نقاش

عثمان

خدمة إيه دي اللي تخليكي تيجيلي بنفسك

روحيه

قمر هتتجوز بدر الهلالي وانا عايزه يعرف الوحمه اللي في ظهرها قبل ما يتجوزها

 علشان  أول ما يشوف الوحمة اللي في ضهرها يكرهها في ليلة دخلتها ويطلقها

عثمان اتصدم وقال

عثمان

إنتي اتجننتي يا ست انتي عايزاني أعمل فيها كده ليلة فرح وأفضح بنت الناس

روحيه بصت له ببرود وقالت

روحيه

إنت مالكش دعوة بالناس اللي هتتوجع إنت ليك الفلوس وبس وأنا هضمنلك المبلغ اللي عمرك ما حلمت بيه

عثمان 

ماشي هعمل اللي انتي عايزه طلما الموضوع 

فيه فلوس 

وبعدها فعلا عثمان عمل اللي هي طلبته منه

        باك 

هاله 

ايوه يعني ياما فين المفيد في الموضوع ده ما هي لسه في داره وهي لحد دلوجتي 

روحيه 

بس اللي عرفته ان هو مش بعت الجصر بتاعه امه قالت لي الكلام ده واكيد يعني هيطلقها 

هاله 

تفتكري ياما الكلام ده هيحصل بجد وتفتكري عيار ده يتجوزني بعد اللي حصل منها ده 

روحيه 

انا لو منه هعمل الكلام ده عشان اوجع قلبها واحرقه زي هي ما حلقه قلبه 

هاله 

بس بدر خابر قمر زين وعارف أنها لا يمكن تعمل حاجه حرام 

الام 

بقول لك ايه يا بنت انت سيبي المواضيع اللي وقتها وساعتها هتشوفي ايه اللي هيحصل 

وبعدها فضلوا قاعدين معاه بعض وفي القصر 

راح بدر ودخل الاوضه 

دخل بدر الأوضة وشاف قمر قاعده على السرير وبعدها قال ليها

بدر

لما أدخل أوضة نومي يبجى تقومي جري من مكانك وتقفي انتي خابره ولا لا 

قمر

أني عايزة أفهم بالظبط إنت بتعمل معايا كده ليه، إنت مش كنت بتحبني ورايدني وأني أكون مراتك، إيه اللي حصل مني يخليك توصلني للطريجة دي وتكسرني بالشكل ده

بدر ضحك ضحكة قصيرة من غير فرح، وبص لها نظرة قاسية وقال

بدر

لما كنت فاكر إنك شريفة ومفيش فيكي حاجة محدش يعرفها، دلوقتي كل الناس عارفة شكل جسمك عامل كيف وإيه اللي مستخبي في ضهرك، وأنا مش هعيش عمري كله في كدبة

قمر قامت من على السرير مرة واحدة كإن الكلام ضربها في قلبها وقالت بصوت عالي وفيه انهيار

قمر

يعني وصلت بيك الدرجة دي إنك تكلمني بالطريجة دي وتصدق كلام حد عليا، أنا مش عايزة أعيش على ذمتك لحظة واحدة بعد اللي إنت قلته ده، طلقني دلوك وسيبني أخرج من حياتك وخلاص

بدر قرب منها خطوة واحدة وقال بصوت أعلى وأقسى

بدر

إنتي فاكرة إن الموضوع بإيدك؟ أنا اللي أحدد إمتى تمشي وإمتى تقعدي، ومش أي كلمة تتقال تمشي وراها وتكسري كل حاجة بينا كإنها ما تسواش

قمر دموعها نزلت غصب عنها بس مسحتها بسرعة وقالت وهي بتبص له بثبات رغم الانهيار

قمر

اللي بينا خلاص مات يا بدر، وإنت بنفسك دفنته بكلامك وأنا مش هكمل في بيت شايفني فيه عار ولا حمل تقيل عليه

الفصل الثاني من هنا