رواية نورة الفصل الأول بقلم ام مصطفى
نوره
-اكلج يمة انتي شلون ازوجتي ابويه
فدوه احجيلي عن حياتكم
-شحجيلج يراد اسبوع اسولف ومتخلص
-ايي عادي مدامني زعلانة يمج فدوه احجيلي عن ابوي وجدادي شويه
اريد اعرف تاريخهم
لان هواي اسئله ابالي ومالها جواب
-هسه منين ابديلج
-يمةة من اول مخطبج وشلون
-اه اه
جنت صف ثالث متوسط
جنت شاطره كلش واني اول وحده بالعائله
اوصل للمتوسطه
كل بناتنه ابتدائيه لو يكملن لو لا
اني جنت هواي هواي احب المدرسه والدراسه
مااريد اترك رغم ابوي مايحب الدراسه
والمدارس احنة ساده معروفين
وابوي سيد بخيت وينحلف بشارته
عنده تكيه تجيه الناس الي عده مريض،
والي متعارض والي عده تابعة
ابوي من اذن الله يقره عليهم ايات قرٱنيه ويطيبون ع ايده
دائما يگول انه مااشفيكم القرأن هو الشافي
بس الناس من يتشافون هذا الي يجي يحني بابابنه وهذا الي ناذر نذر
ويجي يوفيه يمنا
بعد ناس قبل جانت ع الفطره
مو مثل هسه تغيرت النفوس
والدنيا تغيرت
قبل ع فطرتها الناس...
-فابوي يكلي كافي بويه خلصتي متوسطة وصرتي بت جبيره
وعيب رايحه رادة بالدرب
واحنه طگة عرب
وناس معروفين
شدكول علينا الوادم بت سيد علي
تروح وترجع والوادم تتفرج ع طولها
-بويه بس اني احب المدرسة وشاطره
شلي علاقة بالناس وحجيهم
-شلون شلنه علاقة بويه احنة مجتمع يحكمة العادات والتقاليد
-زين بويه بس هاي السنه عاد اكمل ثالث متوسط
- مايكون خاطرج اله طيب بس هالسنة
مو تكولين
بقيت اداوم بالمدرسه
فديوم كعدنا ع صريخ
جانو بيت عمتي قريب علينا
عمتي مزوجه هم سيد بالناصريه
والسيد طلگها وهي عدها اربع ولد ووبنيه
جابت جهالها واجت كعدت يمنا بالحله
خطيه اشتغلت فراشه بمدرسة
حتى تعيش، جهالها
كبروا ولدها ووزوجت اثنين منهم
رحمن وعادل وبقوا ثنين هم شباب
رحمن وعادل طلعوا شرابة وسوالفهم مكسره كلش
ولا شغل ولا مشغله
بس داوود شاغول جان يساعد امه
يشتغل خلفة بيوت يبني بيوت
وبذاك الوكت فلوس الخلفات
وياخذ اخوه الصغير رزاق يشتغل وياه
المهم .
كعدنا ع صياح وصريخ
امي ركضت واخواني وابوي
كالوا الصريخ من بيت عمتنه زهره
طلعت وراهم لبيت عمتي
جان نشوف عمتي تصرخ
ابوي صاح شكوو
كالت.
-رحمن ذابح مرته واموتها
نوره:- يمةة اسم الله خوفتيني شلون ذابحها وليش،
-تجيج السالفه بنتي
دخلنا جوه جان نشوف مرت رحمن بالكاع ميته ومذبوحة من ركبتها
منظر يخوف
ابوي صرخ شلون ذبحها وليش،
-سكران راجع ومتعارك وياها
واحنه جنه بالناصريه كولنا البارحه
هسه رجعنا
لكيت البت مذبوحه
-وينه ابنج الطايح حض
-جوه جوه
طب ابوي شافه نايم دفره
ولك ذابح البت هيج بدم بارد ونايم
لزمه شبعة كتل
طش الخبر بالناس
واجت الشرطه اخذت
رحمن
والبت اجو اهلها
وكاوموا بيت عمتي
واجه رجل عمتي واخوانه من الناصريه
وصارت كعده وعشاير
لحد مافصلوهم مره وافلوس
ورحمن يظل بالسجن....
تستمر القصة أدناه
عمتي خطي تبهذلت والناس ضلت تحجي عليهم
ابنهم ذبح مرته وانفضحوا بالمنطقه
مرت ع هاي السالفة اربع اشهر
جنت امتحن اخر السنه بكالوريا
رجعت دايخه ومسطوره
من الامتحان
جان تتلگاني اختي الصغيره
- احلام احلام احلام
-ها شبيج
-اجت عمتي ام رحمن تخطبخ البنها
-شنووو
طبيت للبيت جان امي تضربها ع راسها
وتلزم اختي رقيه من اذنها ولج جم مره كتلج لا تگرشين
ها ولج
-يمه توبه توبه
عطت بيها يمةةةة شنو هذا الحجي السمعته
-اي وشكو بيها موزين تاخذين ابن عمتج
-يمةة تردينهم يذيحوني مثل مرت رحمن
مااريدهم ماازوج اني
ابوي سمعنا
-شكوو شصاير
-بتك تصيح ماتريد ابن عمتها
-تعاي بتي اكعدي يمي
-يابه مااريد من ولد عمتي والله اخاف منهم
-بويه اطيني مجال
الزواج ستر للبنيه
واحنه تعرفين عاداتنا ماننطي للعامي
خالتج تروح وترد عليج
كتلها ماالج مره
بس عمتج من اجت عليج لداوود
فرحت
لان داوود خوش ولد وشاغول
ومتدين وفقير
عكس اخونه ذولاك
فوافقت عليه بعد ابوج صيري سباعيه
ولا تكسرين كلمتي
تره داوود خوش داوود
-يابه بس انه مااريد ازوج اخاف منهم
-بنتي كولي يالله عيب من عمتج
احنه اهلها هيج نگول
چا الغربة شتحجي
بنتي اني ابوج اعرف مصلحتج
داوود خوش ولد وانه قبلت بيه
-بكيفك بويه شكول بعد اني
كمت من ابوي وخايفة ومقهوره
اباوع اع اخواتي يلعبن
جانن عندي اثنين اخوات وحده اصغر مني بسنه خوله
والثانيه عمرها ست اسنين اسمها خديجه
واخواني ٣
حسن ومحمد وحيدر
اكبار خواني الاكبر مني
واحد مزوج حسن
ومحمد وحيدر بوكتها شباب حق زواج
.....
بقيت اباوع عليهن شلون افاركهن بالاخص خوله
كلش احبها
كعدت ابجي
شافتني امي
-ليش تبجين تره داوود خوش ولد مو مثل رحمن
وابوج لو ما يعرفه خوش ولد
مايزوجج اله
وضلت تقنع بيه
لحد ماسكتتني وكومتني اتغده
بعدها لزمت كتبي
وكعدت اقره
وره اسبوع خلصت امتحانات
اجت عمتي زهره علينا
ورادت نحدد يوم الخطبه
ابوي كلها الجمعة يوم مبارك
طبيت اني جبت الجاي الها وهي تسولف وي ابوي
حطيت الصينيه بالكاع
ورحت سلمت عليها
-شلونج عمه
-يمةة هله بيج بنيتي بعد روحي انتي
هله بجنتي والله ادللج دلال
واخليج بعيوني
بنت العزيز انتي..
بقيت مستحيه ومدنكة
بس خايفه منهم
احس روحي تروح
اتخيل انذبح مثل ريحانه مرت رحمن
واذكرها شلون مذبوحه
كمت بسرعه من عمتي اركض
دخلت لغرفة امي وارجف خوف
صارت صدك وحددوا موعد خطبه
يمةة اجاك الموت يا تارك الصلاة
شويه وفتحت الباب عمتي
واجت يمي
-احلام ليش خايفه بنتي
تره وحگ علي داوود خوش ولد ووشاغول
وفقير ويخاف الله
-عمة اخاف تذبحوني مثل ريحانة
-اسم الله عمه شجاج
هو رحمن بالسجن
اي خاف يطلع ويذبحني
-عمة شجاج لا تخلين هاي السوالف ابالج
تره رحمن سكران جان مو بوعيه من ذبح مرته
وهسه هو بالسجن
بس داوود يخاف الله وصايم مصلي
وشاغول
وهو رايدج ويعزج
هو كلي اريد بت خالي احلام ..
ضلت عمتي تقنع بيه لحد
ما احس راحت الخوفه متي واطمئنيت شويه
بيوم الجمعه اجت الخطابه علي
امي خيطتلي دشداشه حلوه يم الخياطة
القماش حرير جان وخلت بلك وخرز بيها
صارت تخبل
وحلت شعري وكوته الي بالاوتي
اجت عمتي وداوود وكارابتهم من الناصريه
وعمتي تهوس وفرحانه
لاتكول محمره جنها طماطه
وانه امك جبتلك الخيار وبيضه والحلك جمار وانه امك جبتلك الخيار
كلش فرحانه جانت
صاح ابوي علي يعقد النه
اني سمعت راح اكعد يمه واگابله
وانه كمت ارجف
عمتي تكومني كومي يمةة
واني اصيح مااريد اخاف منكم
اخاف تذبحوني
كلها ضلت تتفرج وصار هدوء
واني اصرخ مااريدهم يذبحوني
