رواية فصلية ولكن الفصل العشرون بقلم سوزان ليث
مدري شون الله صبرني وماصار بيه شي واني اشوفه يجهزون لعرسه ويحضروله هو مجان يدخل بكلشي خال كلشي على خالتي وخالتي هي الي تشتري وجيب هي وحسين سوزان ليث
جنت اموت ويه كل شغله صير اخذو غرفه الفوك المتروكه الي جانت لام امل قبل فرشوها وجابو اثاث كله جديد امل جانت مقابله ابد لتصرفي ودايما دكلي حتتندمين لان قبلتي ودايما تجي تحضني ودكلي موبس مرت ابويه انت اختي وصديقتي ماكو غيرج تجي وصير بمكانج
جنت افرح بكلامها لان اني مو بس اغار على خالد جنت اغار على امل وخالتي خاف تجي العروسه ويحبوها اكثر مني
فترة كلش قليله جهزوا كلشي لعرس زوجي ماكدر اوصف هاي الايام شنو من عذاب نار بكلبي مادري بس جنت مخنوكه لدرجه بس اكعد وحدي ابجي بس خالد كل ميشوفني ويحس بيه ضايجه يكلي كليلي ابطل واني هسه اروح انهي كلشي بس لسوين هيج بنفسج
بس جنت ابينه ماكو شي واني شكد قويه بس لحد قبل يوم العرس بيومين اني انهاريت من صدك من شفت اهل العروس جابو ملابس العروسه حتى يخلوها وسمعت صوت هلاهل اني هنا كمت اشهك وابجي بغرفتي دخلت عليه امل شافتني منهاره حاولت تهديني بس شافت ماكو فايده طلعت
خالد: من يوم الي وافقت وانتي كل ميقترب اليوم اتندم على هذا القرار لان اعرف نفسي حظلم بت الناس ويايه لان محكدر اصير وياها مثل ماني ويه حياة وصيت الي بالبيت اي معالم عرس ميبين عليهم ماريد حياة تنقهر اكثر حتى امل جانت كلش صافه ويه حياة وكل مشوف حياة مقهوره وضايجه تجي تعاتبني ودكلي بابا بطل والله حياة متريدك تزوج جنت كل ماكول لحياة كليلي حتى ابطل بس هي جانت كلي اذا بطلت اعوف البيت واطلع اني طول فترى التجهيزات واني مشايف الي امي ختارتها من بنات ابو سالم الي اصلا ممهتم اشوفها ولا بنفسي اشوفها قبل العرس باايام جنت دارجع للبيت خابرتني امل دكلي بابا تعال بسرعه حياة بس تبجي وماكدر اسوي شي اني ماعرف شون وصلت بالبيت فتت بسرعه لغرفه لكيت حياة بالكاع كاعده وتبجي وتشهك وامل يمها دتبجي وياها اني رحت يمها كعدت
شبيج حبيبتي منو وياج
حياة: اني جنت منهاره من صدك احس خلصت دموعي واني ابجي ومن شفت خالد اجه كمت ابجي بزايد نوب حضنته وكمت ابجي
خالد: كليلي شبيج ليش دتبجين احجيلي مو مضوجج
امل: بابا يمكن ضاجت لان اهل رغد اجوي جابو غراضها
خالد: حياة كافي تبجين والله هسه اكوم اطردهم.. ومن صدك عصبت منهم مع العلم اني محذرهم من هاي سوالف كمت داطلع حياة لزمتني من دشداشتي
حياة: لتروح الله يخليك
خالد: باوعت على حياة رجعت كعدت يمها كتلها كافي حبيبتي محد يستاهل تنزلين هاي دموعج علموده وظليت امسح بدموعها واني احس كلبي مشتعل نار بستها من راسها خليته على صدري هي شويه هدت
حياة: خالد اريد اروح يم ابويه ابقى
خالد: وين تروحين اني سويت هذا كله حتى لتروحين
حياة: خالد ماكدر خليني بس اروح هاي الايام والله ماكدر حس بيه
خالد: اسوي العرس بيت عمي ومسمعين اي شي هنا بس لتروحين
حياة: ماكدر ماكدر اتحمل اول ليله وانت يمها خليني اروح بس يعدن هاي الايام اذا صدك تحبني
خالد: ماشي مثل متحبين بس كافي دموع كلشي تريدي اسويلجياه بس لضوجين وتنقهرين
عفت حياته تهدء وطلعت رحت لامي كتلها شون هيج سوين مدكول حياه تنقهر ليصير بيها شي من وره القهر
خالة: شكو صاير
خالد:مو كلت محد يوصل هنا من بيت ابو سالم
خالة: يمه غير بتهم عروسه وجوي جايبين غراضها وترى عكب باجر العرس
خالد: ظليت احجي واني صاير نار
حياة: لليل حضرت غراضي وجنت ناويه مارجع للبيت بعد بحيث احضر غراضي واني ابجي كلبي يريد يطلع من مكانه دخل عليه للغرفه اجه لزم ايدي يحجي ويبوس بايدي
خالد: تبقين انتي حب حياتي وماكو اي احد ياخذ حبه من هذا الحب
حياة: اكيد
خالد: شكين بهذا الشي
حياة: لا بس احب من دكلي ابقى احبج
خالد: تفرحين من شوفين شيخ خالد مهزوز كدامج
حياة: لا مو هيج احب حبك الي ..
رحت كعدت بحضنه وظليت العب بشعره وامشي اصابيعي على وجهه وهو كلسع يريد يعض اصابيعي تعرف اني احبك اكثر من اي شخص بهاي دنيا واخاف عليك اكثر من روحي
خالد: واني ميت عليج اني داسوي كل هذا علمودك
حياة:ظل يبوس بيه ويسمعني كلام الحب الي من يكوله احس كلبي يدك قوي كانما ديسمعه اول مره وراها جرني ورحنا اني وياه بغير عالم جنت احس لهنا حينتهي كلشي ثاني
يوم صبح اخذني لبيت ابويه وطريق كله لازم ايدي وكلسع يكلي من اخابرج جاوبين بسرعه مو شلعين كلبي مثل كل مره اذا حتاجيتي شي خابريني اذا واذا واذا ظل يوصي بيه عبالك مسافره مو رايحه لابويه الي هو احن واحد عليه بهاي دنيا
ابويه جنت حاجيتله بالي صار واصلا كالعاده خالد رايحله للبيت وحاجيله الصار لابويه قبلي ومفهمه الموضوع
ابويه جان دايما يكلي تبقين انتي الاولى تبقين انتي الي يحبها جان دايما يواسي بيه
وصلت للبيتنا نزلت وهو نزل غراضي ودخلنا للبيت ابويه طبعا اول مشافني حضني واني لا ايراديا كمت ابجي بحضنه وهو ظل يمسح براسي ويكلي ميخالف حبيبتي ميخالف
خالد: مدري شون جنت موافق على الي ديصير شون اخلي حياة تطلع من البيت حتى لو مثل مكالت بس هالايام تعدي من شافت ابوها حضنته وكامت تبجي اني هنا كلشي بيه جمد ظليت اباع عليه وهي شون حاضنه ابوها تمنيت اني احضنها اني الي اطبطب عليها
اني الي اواسيها شكد جانت تبين قويه كدامي نهارت من شافت ابوها عبالك طفله
حياة: حاول ابويه يهديني بس اني كلتله جنت مشتاقتلك وبجيت حتى لاخلي يضوج بس هو اكيد مصدك كلامي
خالد ظل يمي للظهر وظلو كلسع واحد مخابره وهو يكللهم عندي شغل ماجي
جنت فرحانه هو موجود يمي كلش احب من اشوف خالد وابويه يمي لان اكثر اثنين احبهم يمي
يمكن هذا الوقت اني نسيت بالي صار ونسيت خالد حيزوج باجر ظليت اسولف وياهم وضحك وهمه احسهم مصدكو شافوني هيج ظلو يسولفون ويضحكوني وابويه كلسع حاجيله على شغله مسويتها واني صغيره وسوالف
تغدينا وخالد يمنا فاابويه عده عاده الا ينام وره الغده فستاذن من خالد وكله بيتك هذا ودخل ينام خالد ظل يتقرب مني لحد مشفت ايدة تمشي على ظهري ظليت اكله وخر لابويه يطلع شيكول علينا
خالد: شيكول غير مرتي
حياة : شفت كام صير حركاته جريئه كمزت .. عزه وخر ليشوفني ابويه
خالد: هههههه ولج قابل صديقج اني
حياة: ما استحي
خالد: دمشي راويني غرفتج 😉
حياة: عزه خالد كافي
خالد: ولج شكوانتي تفتهمين غلط لان تفكرين بهاي سوالف ردت بس اشوف غرفتج شون صايره
حياة: اني الي افهم غلط لو نبرت صوتك تبين شتريد
خالد: شريد
حياة: هههههه امشي اشوفك غرفتي بس امشي على كيفك حتى ليحس ابويه علينا
خالد: ولج انتي ليش محسستني جاي اشوف وحده مصاحبها
حياة: هههه ترى لعلمك ماكو رجال شايف غرفتي بس ابويه
خالد: وعايزه غير ابوج يشوفها جان دفنتج
فتحت الباب ودخلت لغرفتي
حياة: هاي غرفتي شنو رأيك
خالد: حلوه مثلج
حياة: مممم يله امشي نرجع للهول قبل ليحس ابويه علينا
خالد: سديت الباب وقفلتها وكمت اتقرب عليها
حياة: ليش قفلت البا ب افتحه عزه والله حيكعد ابويه اذا شافنا هنا شيكول
خالد: لزمتها من خصرها .. يكول رجال يريد يحجي ويه مرته فد كلام مهم وكمت ابوسها بكل لهفه هي ظلت تحجي وخايفه لابوها يحس بينا بس بعدين استسلمت الي ورحنا اني وياها بعالم مابي احد بس اني وياها
حياة: اكذب لو اكول قويه اني اضعف وحده كدامه كلبي يكوم يركص من يتقرب عليه ومن اشوف اللهفه عليه اذوب واني بين ايديه محسينا على نفسنا اخذتنا نومه للمغرب كعدنا على تليفون خالد يدك اني جنت نايمه على ايد خالد هو جاوب فجنت كلش قريبه عليه بحيث اسمع الي ديحجي صوته وضح
جانت امه دتكله شوكت تجي حتى روح نحني رغد من صبح مختفي وينك انت
هو كللها ماجي ولا اوصل مالي دخل اني روحي انتي حنيها ونهى المكالمه
وندار حضني
كلتله : لازم تروح مالها ذنب البنيه
خالد: اااااش نامي
حياة: كمزت ركض عزه ساعه بيش هسه ابويه كعد عزه بعيني شحيكول علينا نوب كمت ادور ملابسي جريت دشداشتي لابستها وهو خال ايديه جوه راسه ويباع عليه ويضحك يكلي
خالد: والله خوفتيني من ابوج من وره هاي تصرفاتج بت الاوادم
حياة: يله كوم البس حباب خل نطلع اني حطلع اشوف بالكي ابويه عباله رحت انت
خالد: وسيارتي البره عفتها هنا ورجعت تكسي
حياة: اي والله خرب كله منك
خالد: ولج شبيج سالفه عاديه كليله خالد راسه كام يوجعه ومكدر يرجع ونام حتى يهود
حياة: دكوم البس اني حطلع فتحت الباب وطلعت مثل الوحده بايكه جنت امشي على كيفي رحت للهول ماكو احد فتحت باب غرفه ابويه ماكو رحت للمطبخ لكيت ابويه كاعد ديشرب جاي شافني كلي
ابو حياة: ها كعدتي
حياة: اي بابا كعدت طبعا احجي وماباع عليه احسه حيعرف جنت اسوي
ابوحياة: عبالي راح خالد بس من طلعت بره شفت سيارته شنو نايم بعد
حياة: اي راسه يوجعه عاد كلتله دنام شويه هسه يهود
ابو حياة: خاف ضغطه
حياة: ماعرف يمكن هو هسه كعد هسه يجي اني رحت غسلت ورجعت عاد طلع خالد راح للحمام غسل وكلتله تعال للمطبخ
ابو حياة: ها شيخ صح نوم شون صار راسك
خالد: شبي راسي مابي شي
حياة: اني هنا ظليت اباع على خالد وبس عيوني تتحرك واغمز واسوي حتى افهمه
خالد: تقصدت احجي هيج اريد اشوف حياة شحسوي
ابوحياة: حياة كالت راسك يوجعك
خالد: جا بتك تستحي دكلك مقبلت اخلي يروح الا ينطيني حقوقي
ابو حياة: ها خوش اذا هيج
حياة: اني هنا اتمنى تنشك الكاع وتبلعني اتمنى اختفي عزه على الفشله ولك ياحقوق خرب ولا يحجي كدام ابويه بكل عين وكحه عزه بعيني اني كمت اسوي نفسي ماسمع سويت نفسي اصب جاي بس الخجل كتلني والله همه اصلا ظلو يضحكون
خالد: اني حجيت هيج وغمزت لابو حياة حتى اشوف حياة شحسوي كامت تنطي اللوان وكامت تباع عليه وتريد تكتلني
اني وابوها خربنا ضحك عليها ودكله لابوها والله جذب بابا وحسيتها رادت تبجي
اني وابوها هنا نتهينا من ضحك عليها عاد ابوها كللها عادي بابا غير زلمتج هو
حياة : ظل الكعده كلها خالد يذب بسامير كدام ابويه ويخلي ابويه يضحك صراحه مجنت اصور خالد وابويه هيج صير علاقتهم حتى تجي ايام جان من يرجع يكلي اليوم مريت على ابوج او ابوج خابرني راد هيج مني يعني علاقتهم حلوه
طبعا كاعدين تليفون خالد ابد مسكت كلسع داك وهو ميجاب بالاخير كلتله جاوب خاف اكو شي كام راح للهول وجاوب اني جنت امشي وراه بس هو ميدري
فجانت امه تحجي وياه سمعته يكللها كلتلج ماجي لاتلحين ترى والله اخرب كلشي حتى باجر ماجي وراها سده اني جنت وراه فكلتله خالد روح الله يخليك
خالد: ليش ضجتي مني
حياة: اضوج من العالم كلها ومنك ماضوج بس لازم تروح ميصير البنيه مالها ذنب بالي ديصير وانت لحد الان مرايح شايفها
خالد: ولا اريد اشوفها ماريد عيني شوف غيرج
حياة: خالد اليوم حنتك وانت كاعد يمي
خالد: ولج ياحنه مقبلت كلشي يصير بس هي امي ثبرتني الا روح نحني
حياة: ميخالف روح وحنيها لخاطري
خالد: اووووف استغفر الله وسكتت شويه.. ماشي اروح وارجع ماتاخر
حياة: بتسمت اله حسيته يريد يعوضني ويظل يمي حتى لا ضوج
خالد: مجنت اريد اعوف حياة بس امي ثبرتني ثبر بس مجنت اكدر مادام شغله مداخله عقلي ومو اختياري وصارت اجباري عليه ماكدر اتقبلها طلعت من حياة بس مارحت للبيت رحت يم جماعتي ظليت يمهم لل 11 ورجعت فبطريق خابرت امل
ها بابا شونك
- الحمدلله اكلج كولي لبيبتج اليوم مارجع للبيت
بابا لعد وين حتبات
_ يم حياة
بابا بيبي عصبيه صايره لان مجيت وياها للحنه وشافتني اني مرحت كامت تعيط عليه
- ليش مرحتي وياها
لامارحت بابا خفت تزعل مني حياة
— هسه باعي كليلها عود لبيبتج حتى ليظل بالها
ماشي بابا سلملي على حياة
حياة: وره مراح خالد ضجت وظليت الوم نفسي لان خليته يروح بس بعدين ظليت اسولف ويه ابويه وجتي عمتي وشويه لتهيت بس كلسع يجي بالي هسه شديسون لليل دك الجرس طلع ابويه فات وراه خالد باوعت على خالد هذا نفس ملابسه شنو رايح للحنه بيهن
هلو شونك زين متاخرت
خالد: اي قابل شكو
حياة: شو مابدلت رحت بذني
خالد: اي شبيهن قابل هي خمس دقايق وطلعت
حياة: تعشيت لو لا
خالد: لا والله
حياة: اوكي هسه اسوي عشه نتعشه اني وياك
خالد: ليش عمي متعشي
حياة: اي اكل هو وعمتي وره مرحت
رحت للمطبخ اسوي عشه جانت عمتي مسويه جلي فراي فحميته وكشرت بتيته كليتها وزلاطه فرحت صحتلها اجه للمطبخ كعدنا ناكل بس اني ظل سؤال بالي اريد اسئله وارجع اكول لا
حلوه العروسه
خالد: اني ممنتبه لسؤالها .. واني شعرفني
حياة: مشفتها من رحت حنيتها
خالد: لا مانتبهت خمس دقايق وطلعت ماظليت
حياة: امل خابرتني مرايحه للحنه
خالد: اي كلتلي دكول ماريد حياه تزعل مني
حياة: ظليت ساكته ماعرف شحجي
كملنا عشه خالد كام راح كعد يم ابويه اني لملمت العشه وغسلت الماعين وصبيت جاي لخالد ورحت يمهم ابويه وخالد مندمجين بالاخبار نطيته الجاي ورحت لغرفتي لملمتها لان وره مراح خالد المغرب مكدرت المها كملت وطلعت رحت جبت فاكه كعدت اكشر لابويه وخالد يعني جان احساس فد حلو همه اثنينهم يمي واوكلهم
للعشره ابويه عافنه وطب ينام خالد ظل يتفرج تلفزيون
حياة: حبيبي
خالد: عيونه
حياة: اعرف بيك متكدر تنام الا تسبح
خالد: اي والله
حياة: كوم اسبح واشوفلك شي من ابويه تلبسه ولو انت اضخم من ابويه
خالد: زين منشفه شي
حياة: دروح اسبح اني وراك اجيبلكياهن
خالد: ماشي
حياة: كمت جبت لاخالد منشفه جديده لان اعرفه مينشف باي منشفه اذا مو مالته. واخذت من ابويه تراك ورحت نطيته الملابس والمنشفه واخذت هدومه الوصخه غسلتهن وشريتهن رحت للغرفه لكيت خالد هسه طالع من الحمام ودينشف شعر
نعيما حبيبي
خالد: الله ينعم عليج هسه ارتاحيت والله
حياة: ههه هسه تنام براحه
خالد: خل اصلي ممصلي بعدني
حياة: عفته يصلي وطلعت قفلت البوب الباب الخارجي والجوه ومال المطبخ وسويت شغلي الي جنت اسوي قبل مازوج
ورجعت اخذت منشفتي وطبيت سبحت وطلعت لكيت خالد كاعد عالجربايه ويلعب بتليفون
دخلت مشطت شعري وجففته ورحت يمه كعدت حبي
خالد: عيوني
حياة: هاي جربايه متكفينا اني وانت نام عليه العصر كلسع احس نفس حوكع
خالد: ولج مو جنتي نايمه على صدري ونص جسمج فوكايه
حياة: اي انت جنت ماخذ جربايه كلها
خالد: ها صارت هيج
حياة: هههههه لا صدك خل افرش بالكاع حتى نام مرتاحين
خالد: بكيفج هنا هنا المهم انتي يمي
حياة: كمت فرشت بالكاع الي واله مددنا اني وياه
خالد: حبيبتي
حياة: نعم
خالد: انتي حتبقين شكد هنا
حياة: ظليت ساكته ماعرف شكله بس مجنت اريد ارجع لهناك حتى لاشوف العروسه
جم يوم بس يعدن هاي الايام
خالد: يعني شكد هاي جم يوم كليلي يومين 3 شكد
حياة: مادري خل تفض هاي الايام والله كريم
خالد: مو لان انتي هنا تاخذين راحتج طبه وطلعه ويه عمتج
حياة: ليش ميصير اطلع ويه عمتي
خالد: لا مطلعين ويه اي احد
وشغله ثانيه اذا اسمع واصله لبيت عمج والله اكسرها لرجلج افتهمتيني
حياة: خالد لتحجي ويايه هيج
خالد: داحذرج اني ياويلج اذا الكاج واصله صوبهم ترى متلومين الا نفسج
حياة: يعني اذا رحت شحيصير ترى اني كظيت عمري كله وياهم
خالد: حياة لتخليني اصير عصبي عليج بهذا الليل كتلج متوصلين وخلص
حياة: هزيت راسي اي
خالد: باعي باجر والله اذا عرفت باجيه لو نازله منج دمعه وروح العزاز كلهم اعوف كلشي واجيج
زين لو لا واخرب كلشي
حياة: لا مابجي
خالد: باجر اخلي امل تجيج عادي مو ابوج ميحجي
حياة: لا ميحجي بالعكس يحبها لامل هلكد ماحجي بيها كدامه
ظل ليل كل وصايه يوصيني وديري بالج ولاسوين هيج ولاتسمعين ولاتحجين لحد ماعفيت ماحسيت الا على واحد ديصعد بدي البجامه ماتي اني فزيت
خالد: شبيج حبي لتخافين
حياة: ليش منايم بعدك ً
خالد: نمت شويه وبعد ماكدرت انام
حياة: ساعه بيش
خالد: ب 4
حياة: دنام حبيبي بعد وكت
خالد: دكومي لظلين نايمه
حياة: شكوم ساعه ب 4 الفجر
خالد: ماتحملت جريتها عليه وظليت ابوس بشفتها وركبتها واكرصها هي جانت نعسانه حتى مابيها حيل تقاوب بس شويه وكامت تبادلني باوعت عليه لكيتها صحت
ظلينا هيج كانما واحد يريد يطلع حبه للثاني اكثر واحد ديريد يشبع من الثاني لحد ما 💏 وما عفتها ظليت وياها لحد ماصار الصبح حسيتها نعست وكامت تغفي عفتها تنام واني نمت بس هي بين احضاني واشم ريحتها يمي وجنت ماريد هاي الليله تخلص ابد واعوف حياة وكل ماذكر العرس مدري شيصير بيه ماعرف ليش هيج صار بينا وماعرف على شنو حتخلص ......
