رواية فصلية ولكن الفصل الواحد والعشرون بقلم سوزان ليث
خالد: نمت واني افكر بالي حيصير بعد وشنو الدنيا ظامتلي
حياة: كعدت صبح فتحت عيوني بسرعه دورت شفت خالد نايم يمي لو لا من شفته كلبي ارتاح عفته وكمت رحت سبحت واخذت ملابسه كويتهن ورجعتهن للغرفه شفته بعده نايم طلعت رحت اسوي ريوك شفت ابويه كعد
ابو حياة: صباح الخير
حياة: صباح نور
ابو حياة: خالد بعد نايم
حياة: اي بابا هسه اكمل ريوك واكعده
ابو حياة : بابا لازم يروح اليوم وراه هواي مشاغل وهو من البارحه صبح يمنا لليوم
حياة: بابا كلتله روح هو الي مقبل
ابو حياة: ميخالف احجي وياه هو باقي لان ميريد يزعلج وهو اصلا مراضي عالزواجه هو البارحه كلي وحجالي بس بعد صار امر واقع خلي يروح يشوف مشاغله
حياة:ابويه ديحجي هيج اني دموعي بسرعه نزلت جنت بالكوه كاتمتهن
ابوحياة: اعرف هذا الشي صعب عليج بس اتحملي لخاطر رجلج هو سوه كل هذا حتى انتي تبقين يمه
حياة: بابا داحاول والله داحاول اتحمل بس كلبي ديوجعني والله واني داحس خالد حيروح لغيري والله مداكدر استوعب هذا الشي
ابو حياة: انتي الي كتيله روح زوج فهذا هو تتحملين
حياة: اي صح اني الكلتله بس مجان اكو حل غيره هو ميقبل يعوفني ولا يعوف عشيرته جان شنو بيدي اسوي واني اشوفه الهم راكبه من راسه الرجله
ابو حياة: الصار صار وانتي سويتي الصح لاتكعدين تلومين نفسج وبسج بنيتي عاد مسحي دموعج ليكعد رجلج ويشوفج تبجين
وترى كتلني الجوع محتريكيني
حياة: اي هسه حسوي رحت غسلت وجهي وكملت الريوك رحت للغرفه اكعد خالد لكيته ديحجي بتليفون
خالد: كعدت صبح على دك التليفون كمت شفت حسين يخابر
الو
حسين : الو صباح الخير
خالد: هلا صباح النور
حسين : امل كلتلي انت بيت ابو حياة لعد شوكت تجي
خالد: اي ليش صاير شي
حسين: لا بس الكل هنا بس انت ماكو داريد اكلك ياسياره اخذها للتزيين
خالد: اي وحده
حسين: زين اكلك خابر امي ترى من بارحه ضغطها صاعد
خالد: ليش شبيها امي شصعده
حسين : يمعود ضاجت لان مرحت وياهم لبيت ابو سالم وام سالم ظلت تحجي لان انت مرايح
خالد: داحجي واجتي حياة دخلت اضطريت انهي الاتصال
ديله عود بعدين
حسين : شوكت تجي
خالد: اكمل شغلي واجي
حسين : ماشي مع السلامه
خالد: مع السلامه
حياة: صباح الخير
خالد: صباح النور
حياة: اجيت اكعدك حتى نتريك كلنا سوه بس زين شفتك كاعد
خالد: اي مو حسين خابرني
حياة: اكو شي
خالد: لا ديشوفني وين بايت ملاكيني بالبيت
حياة: خالد تريك وروح من البارحه انت يمي وبعدين بالليل عرسك وانت حتى حلاق مرايح ميكولون شون عريس هذا
خالد: شمسويتلي ريوك
حياة: ههه سويت مخلمه مثل الي تحبها
خالد: حغسل واجي
حياة: ماشي منتظريك ترى ذني ملابسك مغسولات ومكويات
خالد: هزيت راسي اي
خالد: كمت غسلت ورجعت للغرفه بدلت وطلعت
صباح الخير
ابو حياة : صباح النور
حياة: جنا كاعدين عالريوك كلنا ساكتين مجرد ناكل اني جنت ماريد خالد يكمل اكل لان وراها يروح فجنا مجرد ناكل بدون نفس اصلا
كملنا اكل ابويه كام غسل وراح للهول اني واخالد ظلينا كاعدين مجرد كاعدين منسوي شي لا دناكل ولا دنحجي كل واحد بغير عالم
خالد
خالد: عيونه
حياة: لازم تروح
خالد: تريديني اروح
حياة: لو بيدي اخليك كل العمر يمي بس لازم تروح اكيد خاله هسه محتاجتك وبعدين وراك حلاق وترجع تسبح وتبدل وتكمل شغلاتك
خالد: جريت حسره ماشي
كمت غسلت ورحت سلمت على عمي وطلعنا اني وياه للكراج
حياة: وهو ديروح ظلينا واكفين بالكراج هو يباع عليه بس مجرد صافن عليه
خالد: جنت اباع على وجهه حياة ردت احفظ كلشي بي ردت صورته ا ظل بالي
حياة: حظل تباع عليه
خالد: تقربت منها بستها من كصتها احبج
حياة: اموت عليك
خالد: ديري بالج على نفسج ماشي ومن ادك عليج جاوبي
حياة: وانت هم دير بالك على نفسك
خالد: بالليل تجي امل يمج ماشي
حياة: هلا بيها يله روح تاخرت هسه خاله عبالها اني الي اخرتك
خالد: يلا مع السلامه
حياة: راح خالد واني احس روحي وياه راحت ماعرف اوصف الاحساس العندي ظليت الوكت كله اشتغل واعزل بالبيت بس حتى التهي وميكتلني القهر حتى عمتي اجتي يمي بس مكدرت اكعد يمها واسولف لان اعرف حكعد اظل ابجي فظليت اسوي نفسي مشغوله حتى اخلص
خالد: لما وصلت البيت جان هوسه خواتي جايات وعماتي والكل بس مجان الي واهس رحت لغرفتي رحت بدلت ورحت مددت فاتت اختي بسمه وجتي يمي
بسمه : هلا خويه وينك شو ماكو ممبين
خالد: هلا ام اكرم شونج خيتي
بسمه : انه بخير انت شونك شنو هاي حالتك لا رايح حلاق لا محضر ملابسك صدك جذب اخويه مايصير هيج
خالد: بعد وكت خيتي
بسمه : يابعد وكت البارحه امي صارت هلكدوتها كدام ام سالم لان مرحت
خالد: سوالف النسوان مالي بيها اني
بسمه : شونها حياة زين وديتها يم ابوها
خالد: والله لو عليه ماخليها تروح لمكان هذا بيتها بس هي طلبت مني تروح وماكدرت اكول شي
بسمه: يمه الله يساعد كلبها اني جان انجلطت
خالد: حياة كويه تظل تتحمل بكلبها وشوفيها فجاه تنهار
بسمه : اي يمه مالومها صعبه بس ان شاءالله تعدي هاي الايام وصير سوالف
داكلك عيني خالد ترى انت حصير عدك مره ثانيه هم لازم تخاف عليها مثل حياة ترى هي مالها ذنب وصغيره شوفها البارحه شون تركص وفرحانه وامها دكول مصدكت من كنالها ام الشيخ اختارتج للشيخ
خالد: طبعا ظليت اباع على بسمه وهي تحجي بس كلش ماثرت بيه
بسمه : يله كوم اخويه فوت اسبح وزين هاي لحيتك شكبرها صايره ومكبرتك ماظل وكت ب 12 ننصب الغده
خالد: هزيت راسي اي
طلعت بسمه من الغرفه واني ظليت اباع على دشداشتي وعباتي مال الشيوخ معلكه محضريها الي بوكتها كلت ليش مو حياة العروسه جان صار هسه جان هذا مو حالي
كمت دخلت سبحت حتى مزينت مالي خلك طلعت لابست دشداشه وطلعت تغدينا وكملنا وراها رجعت للغرفه ابدل خابرت حياة
الو
ها حبيبي شونك
موزين وانتي مو يمي
لازم صير زين
ليش انتي زينه
داحاول
لعد شبي صوتج دتبجين مو
لا مدابجي
حياة اعرفج اكثر من روحي شكلتلج اني اذا اتبجين شسوي
بعد مابجي هاهيه
حياة ولج انتي الي بالكلب
بدلت لو بعدك
لا بعدني هسه ابدل
خالد دزلي صورتك من تكمل اريد اشوفك
بلاها حبيبتي اعرفج حتنقهرين وضوجين
لخاطري اريد اشوفك
ماشي اكمل وادزلج
ماشي .. احبك
اموتن عليج
لابست ملابسي وكملت دزيت صورتي اني وحياة ماخذيها من جنا بغداد واني حاضنها وهي مستحيه مني دزيتها وكتبتلها هاي احلا
حياة: جنت دابجي واني انتظر خالد يدزلي صورته اريد اشوفه شون طالع لمه دك تليفوني ركض فتحت الفايبر داشوف الصوره لكيته دازلي صورتنا اني وياه وكاتبلي هاي احلا بوكتها واني ابجي بتسمت لان عرفت هو ميريد يقهرني اذا شفته
خالد: طلعت خواتي شافوني وكامن يهلهلن ويهوسن وامي تهلهل الكل فرحان بس اني شفت امل كتلها وره مترجع الزفه كولي لعمج يوديج لحياة
امل: اي بابا كلتله
خالد: باعي ظلي سولفي وياها واحجي ولتخليها تبجي ماشي
امل: اي طبعا لعد شون
خالد: ظلينا شويه وراها طلعت
بره جماعتي كلها جايه وطلقات وهوسه والناس كلها تبارك وفرحانه واني حاير بزماني بس بوكتها جنت حاقد على علي اخويه جنت منتظر بس هاي الهوسه تفض واعرف شون اربيه من اول وجديد واخلي يعرف شون يطاول عليه
حياة: كظيت يومي شغل وتنظيف وصفنات وشويه ابجي وماعرف احس نفسي تايهه وكل ماظلم دنيا كلبي ينعصر اكثر واحس الخنكه حتموتني دخلت لغرفتي اباع شون جنا هنا بارحه هيج وكت نايمين عبالك حلم ....
خالد: صار وكت الزفه ورحنا لبيت ابو سالم حتى اخذ العروسه الي اصلا مشايفها ولا اريد اشوفها وصلنا للبيت العروس النسوان دخلت واني شويه ودخلت وكفت يم العروس بس مباوعت عليها مكدرت ادير وجهي حتى اشوفها شي ديمنعني ماكدر اخذناها وطلعنا امي كبعتها للعروس ركبنا السياره واني طريق كله بس مندار عالجامه وامي كاعده ليكدام وحسين ديسوق فرونا شويه وراها رجعنا للبيت دخلو العروس جوه واني بره واكف يم الزلم باوعت ساعه 6 ظليت بس اريد ادك على حياة بس مجان اكدر الكل فوك راسي نصبو العشه للمعازيم بهذا الوكت كدرت اوخر شويه الهوسه الكل ملتهي ياكل دزيت رساله لحياة 💬شدسوي
حياة: جنت كاعده اقره قران لان الشي الوحيد الي يصبرني اقراه قران واني دموعي تنزل ومداكدر اوكفها جاني مسج عبالي امل دكلي حجي لان كالت من اطلع من بيتنا ادزلج مسج فصدقت وكمت شفت رساله من خالد
جاوبته💬 جنت اقره قران انت شدسوي
خالد: 💬 افكر بيج
حياة: 💬 زفوكم
خالد: 💬 احبج
حياة: ابد مكلي خالد هو شديسوي ولا حسسني عبالك هو بعرس ولاجاب طاري اله دايما يحسسني ماكو شي شاغل باله بس اني برغم هو شايل همنا كلنا من الجبير للصغير
خالد: ظلو الربع شويه وبعدين راحو واني طبيت شفت حسين كتله يوصل امل يم حياة شافتني امي شافتني كالت
خالة: ها نزفكم لغرفتكم
خالد: صعدي البنيه فوك بعدين اني اصعد
خالة: يمه شبيك اضحك شويه شبيك عاكد حواجبك حتى ماحجيت كلمه ويه عروستك ترى حرام عليك سوي هيج وياها هي مالها ذنب
خالد : يمه شمسويلها كاتلها ذابحها كتلج صعديها واني بعدين اصعد كفرت خوما كفرت عفتها ودخلت لغرفتي نزعت عباتي وعكالي بقيت بس بدشداشتي ظليت ادخن جكاره وره جكاره محسيت ع الوقت لحد ما دخلت امي عليه
خاله: خلودي يمه شوكت تصعد ترى الكل راح ماظل احد بس بسمه وجهالها حتى امل راحت يم حياة دكوم يايمه اتوكل على الله عروستك تنتظرك فوك
خالد: صار يمه هسه بس اغسل واصعدلها
طلعت امي اني شلت تليفون اخابر حياة لكيته مغلق رديت اخابرها مغلق خابرت على امل كتلها وين حياة كلتلي نايمه بوكتها طمنت عليها نايمه وصيت امل عليها
حياة: لما امل اتصلت عليه كلتلي اني بره طلعيلي طلعت فتحتلها الباب بس شفتها مدري ليش حسيت كلشي انتهى هاهيه زفوهم هاهيه هو هسه يم وحده غيري
طبينا جوه وعرفت ابويه على امل ودخلنا لغرفتي نطيتها دشداشه مني لان مملحكه جيب هدوم وياها
كعدنا ظلت تسولف وتحجي ومظلت سالفه ماحجتها بس تريد تلهيني تنسيني اني وره مجتي امل غلقت جهازي لان اعرف خالد حيظل يخابر فغلقته جنا نسولف ودك تليفون امل كالت
امل: هذا بابا
حياة: اذا سئلج عليه كليله نايمه
امل: ليش
حياة: مو غالقه جهازي دكليله هيج بعدين افهمج
فعلا امل جاوبته وهو سئل عليه وكلتله نايمه وسمعته يوصيها عليه
امل: ليش غالقه جهازج
حياة: ابوج اعرفه حيظل يخابر
امل: مجنت اتصور بابا هيج يحبج والله لو تعرفين شكد وصاني عليج كومه كومه ولج خوبن بارحه من بيبي راحت وحدها للحنه وابويه مقبل يجي
حياة: دقيقه دقيقه خالد مراح بارحه للحنه
امل: اي كلها لبيبي روحي وحدج ماجي مو جان يمج
حياة: اي يمي بس المغرب راح كتله روح للحنه
امل: لا ماجه حتى بيبي رجعت من الحنه ضغطها صاعد مدري هاي امها شحاجيه لان ابويه مجاي
حياة: لعد هو كلي رحت بس مطولت
امل: لا والله مراح متاكده داكلج بيبي حتى ضاجت من ابويه
حياة: لعد جان يجذب عليه وكلي رحت حتى يسكتني
امل: يجوز
حياة: امل عروسه حلوه
امل: زينه يعني مو تخبل بس زينه شكله عادي
حياة: زين شونها حبابه
امل: زينه يعني عادي اني مو كلش مختلطه وياها هي وخواتها جانن كومه بس بالمناسبات يجن ويظلن سوه كلهن اني جنت وحدي اظل بس من جنت اشوفهن هي وخواتها احسدهم اكول نيالهم كومه خوات بس عادي مكمت احسدهم هسه لان صارت عدي اخت
حياة: حبيبتي انتي اكثر من اختي
زين امل خاله تحبها
امل: المن
حياة: للعروسه
امل: بيبي عادي يعني اي يمكن مادري اوي كافي عوفج منها تعالي اسولفلج على احمد بارحه شفته واليوم صعدت وياه بسياره
حياة: ظلت امل سولفلي وتحجي على احمد بس اني جان بالي كله يم خالد وكلسع اكول هسه شديسون هسه وين كاعد يمها كاعد لو نايم ظليت هيج لحد ما حسيت امل دكلي
امل: حياة صارت ب 2 نعست بعد ماكدر خل نام
حياة: فرشت لامل والي بالكاع واول مخلت راسها امل نامت بس اني النوم هاي ليله طاير من عيوني ظليت بس اتكلب فكر كله يم خالد داحس اريد اموت كمت من فراشي رحت كعدت بالهول وحدي ظليت ابجي احس نفسي مختنكه ومضايقه كلش يربي ليش هيج ديصير ويايه يربي مصدكت حياتي تصير طبيعيه ليش هيج ظليت اعتب حظي دمرت هاي الليله كلشي انتهى ...
خالد: رحت غسلت وصعدت فوك وكفت يم الباب واني ماكدر ادخل ظليت واكف ولازم يده الباب بس مفتحتها ظليت لحد مكلت ميخالف هي هم مالها ذنب وظليت اكذب على نفس حتى اقتنع ادخل بس اكذب اذا قتنعت بكلمه من الي كلته فتحت الباب تفاجئت بالبنيه ......
