رواية فصلية بديلة الفصل العشرون 20 بقلم ام ملكوت

شهم_

كمت منهه رحت للحمام اسبح واني متفاجئ من رده فعلهه وليش بقت ملازمه برقبتي تشم بيهه 

فكرت يجوز مشتاقتلي بس لا هيه تكرهني شلون تشتاقلي شنو السالفه تصرفهه غريب والمشكله ماكدر احرجهه واسالهه ليش سوت هيج ..

خليت وكملت سبح وطلعت لكيتهه باقيه على نومتهه عاريه انتبهت علي ولفت الشرشف على جسمهه واني جيت بدلت ملابسي وهيه كامت وكفت لحضه نوب طاحت ولزمتهه..

_سماء سماء شبيج سماء كعدي ..

ياربي شبيهه البنيه اليوم من غير الايام ماعذبتهه وطاحت علي وقبل اعذبهه وكلشي ماصار بيهه ادري شكو ولج سماء كعدي ..

خليت ولبستهه ملابسهه وجبت ماي وصرت ارش عليهه الى ان فزت ..

سماء_

فتحت عيوني واشوفه كبالي مخليني بحضنه ويكعد بيه ..

كعدت بس الدوخه بعدهه براسي 

واحس بروده مثل الثلج من بطني تصعد لراسي حاولت ارفع نفسي ولعبت روحي وبسرعه كتله..

_ طاسه راح اتقيأ

5 تع

خله عافني وكام بسرعه جاب طاسه من الحمام واخذتهه وبقيت اتقيأ وهوه عكس طبعه بقه وراي ويمسح على ضهري ..

غريبه الرجال اليوم مو طبيعي يعني لو يشدهه ويعذبني لو يحن علي ويريحني ماعرف شسوي من جهه خايفه اهتمامه هذا مؤقت ومن جهه خايفه لطفه وياي يخليني احن عليه واسامحه واتعذب اكثر..

شهم: ها شنو السالفه شماكله اليوم..

سماء: ماكدر دايخه الارض تفتر بيه بعدهه..

حجيت هيج وكضتني الرجفه

احس جمد جسمي من ساسي لراسي ضميت نفسي بالارض وحضنت روحي وكمت ارجف من البرد ..

شهم: شسالفه شبيج ترجفين بشنو تحسين

سماء: بردانه...بردانه دفيني جسمي ثلج..

شهم: ماكو حتى حرارتج طبيعيه مامرتفعه والغرفه حاره مابيهه بروده..

سماء_ 

ماتحملت بعد ردت بس شي يدفيني خليت وحضنته وكتله دفيني حباب بردانه..

شهم_ 

احجي وياهه وفجاتا حضنتني بقيت متصنم بمكاني معقوله هيج بردانه حتى تتجرء وتحضني ..

4 تع

كلت اسويهه تعويضا عن الليالي المره العيشتهه الهه..خليت وشلتهه بين اديه اخذتهه للحمام غسلت وجهه وحلكهه ورجعتهه على الجربايه نومتهه

ونمت بصفهه وغطيتهه باللحاف ودفنت نفسهه بيه وترجف خليت وحضنتهه وهيه حضنه وهيه نومه لليل..

سماء_

كعدت عركانه وميته حر وشي ضاغط على جسمي وخانكني ..فتحت عيوني ولكيته حاضني ونايم فزيت من مكاني مستغربه

شكو يحضني وينام يمي شكو يتصنع الاهتمام والحنيه ويضحك علي،،،، ..قصص ماي هوبس 

خليته نايم شفتهه الساعه ب٧ بليل كمت اخذت ملابسي ودخلت اسبح

واني قلبي يخفك وخايف من شعوره بالامان اتجاهه بقيت خايفه ان يضحك علي ويخليني احبه ويعذبني ويزيد مر عذابه ..

بقيت جوه الدوش افكر واكول لازم ماخلي قلبي يلين اله لازم ابقى اتذكر السواه بيه كل يوم وكل لحضه..

بقيت لحدما ارتاحيت طفيته ونشفت نفسي وردت اطلع بس خرب ملابسي طاحن بالماي هسه شسوي يارب يكون نايم يارب..

فتحت باب الحمام شويه شويه وطلعت لكيته كاعد خليت ورجعت للحمام ركض شلون اطلع هسه ..

واني افكر ماحس الا فتح باب الحمام علي واني فزيت من مكاني وسترت جسمي ب اديني..وبقيت صافنه عليه..

                      ..............

شهم_

فزيت على صوت الدوش لكيتهه مو يمي كاعد تسبح خليت وبقيت متمدد بمكاني مالي خلك اطلع ..

بقيت صافن بالفراغ شويه واشوفهه بالمرايه طلعت عاريه تذكرتهه بالفراش وياي مساع ..

ابتسمت وضحكت بقلبي عليهه خليت ودخلت للحمام ماعرف شنو الجذبني وخلاني اجيهه للحمام واني لا اريد اكول شي ولا اريد اسوي شي وكان شي سحبني الهه ..

فتحت باب الحمام وفزت وغطت نفسهه بادينهه ههه ..

بقيت بالباب واكف وصافن عليهه متردد ماعرف شنو اكول انتبهت على جمالهه ..

طلعت مرتي هيج حلوه واني مثل الاعمى ماجنت شايف هل جمال والترافه كبالي ..

خليت وتقربت بخطواتي عليهه وهيه تبتعد لحدما حصرتهه بالحايط وهيه ترجف وخايفه مني ومنزله راسهه..

سماء: ااا اريد ابدل وانزل جوه

شهم : شلون صرتي

سماء : زينه

شهم : تردين اوديج للمستشفى 

شهم_ 

بقيت اسالهه وانه ادفن اصابعي بشعرهه وامسد عليه ردت علي وهي ترفع ايدهه تكول لا..

_متاكده

سماء: ااا اي 

شهم_

نزلت راسي لمستواها اتلمس ملامحها بوجهي سحبتهه وخليت وجهه برقبتي ردت اشوف رد فعلهه نفس مساع بالنومه لو تختلف ..او بالاحرى ردت اشوفهه ضعيفه بين اديه طواعيه مو كارهه..

سماء_ 

بقيت احجي وارجف توترت من طريقه كلامه وخجلانه لان مالابسه شي كدامه وزاد الطين بله بسوايته هاي وانه مادري اليوم شمالني بس اخدر على ريحه جسمه ..

بقيت امسد باصابعي على رقبته و اشم بريحته واحسهه تدخل بروحي مو بخشمي ..

وعيت على روحي و فتحت عيوني متفاجئه من تصرفي شلون استسلمت بسرعه وابتعدت باوعت بعيونه واشوفه غادي تراب فرد مره..

🛑🛑

ماحس الا اخذني بوس بحنيه وجسمي يسرسح ويا ومنا ريحته خدرتني وسطرتني ..

رفعني وعلك رجلي حوالين ضهره واخذني للفراش....

ورغم كل حنيته ومبادرته الا اني مابادلته باي شي جان همي بساعتهه بس اشم ريحته واتشبع بيهه بقيت متعلكه برقبته وما ودي اعوفهه

شهم_

خليت وجهه برقبتي حتى اخليهه تضعف كدامي بس اني الضعفت نوب انقضيت عليهه حسيت مشاعر الحنيه البقلبي كلهه 

طلعتهه بهذا اليوم واحس اكو بعد حنان يخصهه ماعرف اذا اسمي حنان او ندم او محاوله تعويض بس بالنسبه الي كلهن بنفس الوقت فاضن اتجاهه..

بعدما حسيتهه شبعت من عطري عفتهه وكمت سبحت وطلعت لكيتهه نايمه بتعب

عجيب قبل ساعه كعدت وهسه رجعت نامت ..

خليت رحت غطيتهه باللحاف وطفيت الاضويه وطلعت بره صحت لسمر..

سمر: ها خويه

شهم: خويه سماء تعبانه وعفتهه نايمه لحد يكعدهه ماشي

سمر: سماء هاا😉 ههههه حاضر خويه تامر امر..

شهم: ههه يله رايح اني ..

خليت ورحت صليت بالصاله وتعشيت وخلصت تالي رحت للديوان كعدت ويه ابوي وخواني وبقينه نسولف

احس شي خفيف انزاح عن قلبي ماكدر اطلب مسامحتهه ولا اكدر اعتقهه هسه بس راح اعاملهه بطيب منا ورايح كتعويض الهه عن الليالي المره الشافتهن وياي ولو جانت مستعده تبقى وياي لباقي العمر راح ابقى اعوضهه عن الشافته مني كل العمر واخلي هل ٤ اشهر درس بالنسبه الي حتى مانسى بيوم التحملته مني وانكرهه واتراجع عن تعويضي الهه ..

                  ...................

سماء_

كعدت الساعه ب١ بليل جسمي ثكيل واحس بعد بيه نعاس وبدي ارجع انام بس جوعانه ماكدرت انام هيج ..

خليت وكمت شفت نفسي باقيه على نومتي وعريانه بس متغطيه باللحاف خليت وكمت سبحت وبدلت وطلعت للمطبخ اكلي لكمه ..

فتحت الثلاجه جانو مخليلي عشاي بالثلاجه طلعته حميته وصبيت الاكل بالصحون وكعدت اكل واني ميته جوع ..

3 ت

اني يلي ماكدر اكل اكثر من نص خبزه هسه طيرتلي خبزتين ياله شبعت..خلصت وغسلت ماعيني ورجعت للغرفه ..

خليت راسي على المخده وطخت ريحته بخشمي اشتهيت اشم ريحه جسمه كلش توازيت عليهه وصرت اتكلب بفراشي مامرتاحه .

.اخر شي غصبا عني طلعت من غرفتي وصعدت فوك لاول مره وصلت لباب غرفته بس تراجعت

خفت منه خليت ورجعت نزلت لغرفتي لفيت راسي ونمت بالغصب منا للصبح..كعدت على صوت سمر..

سمر: سماء حبيبتي سماء 

سماء: بنعاس ...هممم

سمر: كعدي تريكي حبيبتي مو زين عليج من امس ماماكله شي

سماء: لا اكلت الفجر حبابه خليني نايمه تعبانه

سمر: شبيج حبيبتي اكو شي متعبج ضايجه من شي عجيب امرج من امس انتي نايمه

سماء: لا حبي مابيه شي هل كايمه بس اصحصح..

سمر: لا عمري نامي ارتاحي بس قلقت عليج

سماء: لا مابيه شي حبيبتي هل راح اكوم بس اصحصح لان عندي ملابس وشغل مايصير ابقى نايمه

سمر: تمام حبيبتي براحتج...