رواية فصلية بديلة الفصل الواحد والعشرون بقلم ام ملكوت
سماء_
طلعت سمر وكمت كوه سحيت روحي بدي ابقه نايمه اسبوع ..
شفتهه الساعه ب٨ كمت غسلت وبدلت ملابسي وطلعت للمطبخ واني اتثائب عبالك مانايمه ابد ..
رحت للمطبخ وشفت البنات بالمطبخ صبحت عليهم ورحت للصاله دخلت صبحت على الشيخه وبست راسهه..
_صباح الخير يمه
الشيخه: هلا يمه صباح النور ..شبيج يمه اشوفج تعبانه ماكاعد تنامين زين
سماء: لا والله ياشيخه من امس نايمه بس احس بروحي تعبانه واريد بعد انام كوه جريت نفسي من الفراش هسه
_على راحتج بنيتي احنه ماعدنه شي وانتي بعدج رجلج ماشفت تماما خليج على راحتج
_انشالله حبيبتي..
1 تع
بقيت شويه كاعده وكمت رحت للمطبخ يم البنات تريكت وغسلنه ماعين الريوك وبقينه كاعدين شويه ودخل هوه للمطبخ ..
التفتتله واجت عيني على رقبته مثل القط لمن يباوع للسمجه والاسد لمن يباوع على فريسته ..
6 تع
تخيلت نفسي دافنه وجهي برقبته واشم عطرهه وماسمعته شنو كال ولا شنو حجه ويه البنات..
شهم_
كعدت الصبح سبحت وبدلت ونزلت للمطبخ جوعان لكيتهه كاعده يم البنات وهيه التفتت علي وبقت عيونهه على رقبتي ماعرف على صدري بس بقت صافنه..خليت وحجيت ويه سمر..
سمر: اي خويه حاضر دقايق ويجهز
شهم_
لحدما خلصت كلامي وهيه تباوع لرقبتي عجيب امرهه..
عجيب معقوله عجبهه عطري لهل درجه ..خليت ورحت للصاله صبحت على امي وبقبت كاعد يمهه منا لاجه الريوك..
سماء_
خله وطلع واني رجعت للواقع كلت للبنات شنو راد وردن علي
سمر: يريد ريوك كايمه اسويله
سماء: هاا لا خلي عنج اني اسويله
سمر: لا حبيبتي انتي خليج مرتاحه لا تتاذه رجلج وبعدين اني متعوده اسويلهم ريوك حبيبتي
منا لصار وقت الغده وجانو مسوين مشاوي كبده وقلوب وغيرهه ... كمت ردت اغسل الاكباد وكلبت معدتي ماكدرت اتحمل منتظرهن رحت بسرعه للحمام استفرغت ..
سحر: يا خيه شنو بيج ليش لعبت روحج
سماء: خيه مادري لعبت تفسي من الاكباد ..ورجعت استفرغ واستفرغ لحدما ارتاحيت غسلت وفرجت اسناني وطلعت من الحمام اجتي الشيخه .
الشيخه : ها يمه شبيج اليوم تعب واستفراغ
سماء: بتعب..لا مابيه شي بس لعبت نفسي من الاكباد
_يووو بزر النستله من كلشي تلعب روحه هههه
الكل: ههههه
_لا يمه اول مره تلعب نفسي منهن
_حاضر يمه..
كمت واني بطني تاذيني ولعبانه روحي شويه لبست حجابي وعبابتي واجه دخل للغرفه حجه ويه الشيخه..
شهم: ها يمه شصاير وديتي علي بسرعه وليش مبدله
الشيخه: يمه اريدك تاخذني اني ومريتك نحللهه الغشيمه غايبتلهه شهرين وماتدري بروحهه
_شنو يعني يمه
_يمه اذا الله ماجذبني مريتك حامل
شهم وسماء: بتفاجئ..شنووو
واحد باوع للثاني وهوه مصدوم ولكل شخص افكاره الخاصه..
سماء_
كالت يمكن حامل ماعرفت شسوي واي شعور المفروض احسه حسيت بحزن وخوف و بنفس الوقت فرحانه وطايره
ماعرف شصار بيه لمن خمنت امي بحملهه اجه بالي مرتضى وهوه صغير هيج وارجع اشوف ابني مرتضى كبالي وصوت ضحكته ماليه البيت
راح ارجع وانادي باسمه بالبيت ..فرحتي بهذي اللحضه مامنطيهه لاحد ولا الدنيا واسعتلي تمنيت اطير بهذا الخبر واكول للناس كلهه بي ..
باوعتلهه واشوفهه فرحانه اعرف ان فرحهه مو بالطفل وانما بغير شي بس قررت ك رد اعتبار الهه واعتذار ماراح اعاملهه بقسوه بعد
و اذا ولدت الطفل بسلامه راح انطيهه كلشي تتمناه وحتى حق الاختيار بين عيشتهه وياي او انفصالهه عني بين حريتهه والطفل..
اي لاني ماكدر اتخلى عن طفلي بس اكدر اتغير واصيرلهم احسن زوج واب بالدنيا واعيشهم بسعاده..
وصلنه ودخلنه حللولهه وطلعت فعلا حامل وهنا ماتحملت خليت وطلعت بره وبمكان بعيد عن الانظار كمت ابجي
واكول واخيرا راح ارجع احضن مرتضى اشتاقيتله حيل هذا الطفل راح يجي كنسخه عن مرتضى اريده اريد احس اني رجعت اربي مرتضى وهوه صغير ..
8 ت
بجيت وارتاحيت ورجعت اخذتهم ورجعنه للبيت وهيه راحت دخلت ترتاح بالغرفه واني صعدت لغرفتي حضنت صوره وليدي ونمت...
سماء_
بعدما تاكدنه من الحمل رجعت واني فرحانه لاني راح اتخلص من عذابي رجعت للبيت والكل باركلنه وجنت كلش تعبانه ونعسانه كبل دخلت الغرفه ونمت ماكعدت منا لليل اجت هدى كعدتني..
خليت وكمت غسلت وبدلت وطلعت للمطبخ اجيت سولفت ويه البنات شويه تالي اخذنه صحون العشه للصاله
وجان هوه موجود ويباوعلي بس مو بخزره نضرته الي تختلف وكان زوج ينضر لزوجته عادي.. كملنه العشه وغسلنه ماعين ورجعت لغرفتي نمت ..
كعدت بليل عطشانه بس مو للماي لا عطشانه لعطر جسمه شفتهه ساعه ب ٢ بليل شلون ياربي وين اروح هسه ..
بقيت كالعاده اتكلب بالفراش احاول انام ماكدرت هل مره ماكدرت اسيطر خليت وصعدت فوك على امل ان اجيبلي قطعه من ملابسه اخليهه عندي كلما اريد اشتم عطرهه ..
فتحت باب غرفته على كيف وشفته نايم ..اباوع للغرفه اول مره ادخل بيهه كلش حلوه وفخمه الاثاث شنوو الترتيب ..
خليت ودخلت رحت لغرفه ملابسه اخذ قميص او تشيرت من ملابسه واخيرا لكيتلي تشيرت اخذته شميت ريحته احس ردت روحي ..
اخذته والتفتت وجان اشوف...
