رواية فصلية ولكن الفصل الثاني والعشرون بقلم سوزان ليث
خالد: رحت غسلت وصعدت فوك وكفت يم الباب واني ماكدر ادخل ظليت واكف ولازم يده الباب بس مفتحتها ظليت لحد مكلت ميخالف هي هم مالها ذنب وظليت اكذب على نفس حتى اقتنع ادخل بس اكذب اذا قتنعت بكلمه من الي كلته فتحت الباب تفاجئت بالبنيه نايمه طبعا ايست من جيتي ونامت اني من الباب شفتها نايمه سديت الباب ونزلت جوه للغرفه بدلت ومددت ظليت اتكلب بالكوه غفيت
كعدت صبح على امي تكعدي
خالة: يمه ليش نايم هنا مو يم عروستك
خالد: جانت نايمه من صعدت
خالة: يا سوده بوجهي اهلها حيجون شكول لامها
خالد: وشعليهم اهلها صدك جذب حتى بهاي حيدخلون
خالة: يمه لعد شون غير يريدون يشوفون بياضها
خالد: رحمه لاهلج يمه عوفيني بحالي
خالة: دكوم حبيب اصعدلها هسه كاعده لخاطري يله ياعيني
خالد: استغفر الله واتوب اليك ياربي اغسل واصعدلها
اخذت تليفوني دكيت على حياة بعده مغلق اوووف يجوز بعدها نايمه
كمت غسلت وطلعت صعدت للغرفه دكيت الباب ودخلت
صباح الخير
صباح النور
خالد: رحت كعدت عالجربايه وهي جانت واكفه يم الكنتور باوعتها شكلها زين حلو ظليت كاعد ومدنج راسي ماعرف شريد اسوي او شداسوي هنا
رغد : بارحه انه نمت ماحسيت عليك عمه كلتلي صعدت ولكيتني نايمه
خالد: اي عادي ماكو مشكله يله ننزل حتى نتريك
رغد: ماشي سوزان ليث
خالد: نزلت اني وياها جوه امي شافتنا نزلنا كامت تهلهل هي واختي سونا ريوك كعدنا ناكل بس الي لاحظتها هاي ماخذه عالوضعيه يعني حتى ماتستحي اذكر حياة اول مره جنا ناكل وحدنا ظلت تستحي تاكل اذكرت وابتسمت
بسمه : دضحكنا وياك
خالد: لا هيج ذكرت سالفه
بسمه : الي بالي
خالد: باوعت عليها كتلها اكو غيرها
هي افتهمت اني داقصد حياة
بسمه : لعد شوكت تجي امل
رغد : ليش بسمه وين امل رايحه
خالد: العصر اروح اجيبها
بسمه : اجي وياك خوي حتى اشوفها
خالد: اي هلا بيج يله الحمدلله شبعت
كمت اروح اغسل فالمغسله بالممره عالمطبخ سمعت رغد دكول لبسمه
رغد: مكلتيلي وين امل
بسمه : يم حياة بايته
رغد: مرته
بسمه : اي
رغد: وليش نايمه يمها
بسمه : هنا متعلمات دايما سوه فراحت امل نامت يمها
رغد: زين هي شوكت ترجع مرته
بسمه : مطول هاليومين
رغد : اني الحمدلله شبعت
خالد: باوعت على بسمه هي افتهمت نظرتي لان اني ماحب احد يدخل نفسه كالتلي
بسمه: انت تعلمها بعدها صغيره
خالد: عفتها وطلعت للكراج دكيت على حياة وهم مغلق ساعه ب 10 وماكو واعرف حياة متنام لهذا الوقت
حياة: ظليت كاعده لحد ماذن الفجر صليت ونمت بس احس نار بصدري كعدت على امل تكعدني ب11
امل: حياة يله كومي عفيه اريد اروح للحمام واستحي من عمو
حياة: اووو جان طلعتي ابويه كال اطلع من صبح روحي روحي ماكو احد
امل: خرب واني حاصره نفسي من تسعه لهسه انتظرج تكعدين
حياة: يله روحي باوعت عالساعه حيل ب11 بس جسمي مكسر ومابيه حيل اكوم
شويه ورجعت امل
امل: حياة ابويه دك عليه وسئلني عليج كلتله نايمه كلي خل تفتح جهازها من تكعد
حياة: هزيت راسي اي ظليت بالفراش وامل كاعده صفط بفراشها
امل: يله كومي عاد مو متت جوع شنو محتريكيني
حياة: اي هسه كمت رحت للحمام ورحت للمطبخ امل يمي سوينا ريوك وكعدنا ناكل اني ماشتهي اكل
امل: بابا حيجي العصر ياخذني وكال عمه بسمه تجي تريد شوفج
حياة: هلا بيها بس ليش حتروحين ابقي يمي
امل: موزين ابويه خلاني ابات ماعرف شون اول مكلتله قنع هو يم خالاتي ميخليني ابات
حياة: هههه شتحبين تتغدين
امل: ممممم سويلي هذا تبسي المره سويتيه بالبيت ابو البتيته واللحم
حياة: ها اوكي تدللين
امل: شبي وجهج اصفر
حياة: مادري يجوز لان منايمه زين بارحه
امل: حسيت بالليل ملكيتج يمي كلت يجوز بالحمام
حياة: ماكدرت انام طلعت بره كعدت وصار الفجر صليت ونمت
امل: جان كعدتيني
حياة: لا حبي قابل شكو
امل: شوكت ترجعين للبيت
حياة: تنجت راسي ماعرف
امل: يعني شنو متعرفين
حياة: ماكدر ارجع
امل: وبابا حيقتنع بله
حياة: لازم يقتنع ماكدر اشوفه يم مره ثانيه واتقبل اني طول عمري الي يزوج على مرته اكول هاي مرته الاولى شون تتحمل اني لو منها والله مابقى دقيقه بس شوفي شون دارت بيه دنيا ونحطين بنفس المكان
امل: حياة ابويه سوه هذا الشي علمودج
حياة: واني علمود نفسي ماكدر ارجع لان اعرف شحيصير بيه
امل : بابا ميخليج والله
حياة: يتعلم
امل: واني شون اتعلم
حياة: انتي هم ان شاءالله تزوجين احمد وتروحين
حروح افتح جهازي
رحت فتحت جهازي شويه جتني رساله هذا الرقم اتصال عليك من تليفوني مغلق دقايق ودك خالد اظاهر اجته رساله اني فتحت جهازي
الو
هاي وين ليش غالقه جهازج ( بعصبيه)
نمت ونسيت افتحه
وليش غالقته اصلا
جان مابي شحن
وحق ربج اذا غلقتي مره ثاني والله اموتج
....... سكوت
حياة
نعم
تعرفين شون ظل بالي عليج لان غالقه جهازج الله يحبني امل يمج والا جان اجيتج بالليل
جريت حسره اي بعد ماغلقه
شبيج
مابيه
العصر اجي اشوفج واخذ امل
لا لتجي انت دز حسين
ليش ماجي
لاتنسى عريس ولازم تبقى يم عروستك
شهالحجي ياعريس يابطيخ ولج ليش تحجين ويايه هيج بيج شي
مابيه بس ماريد اشوفك هالايام
ولج شدكولين
خل هاليومين منشاوف
متردين شوفيني
جريت نفس اي
ماشي حياة براحتج يله مع السلامه
حياة: ماريد اشوف خالد لان ماكدر اتحمل اخلي يروح مره ثانيه واعرف هالمره حيروحلها وهي بالبيت ماكدر ولازم نتعلم اثنينا على عدم وجودنا بحياه بعض لان اني من يوم الطلعت واني قررت بعد مارجع صح حتعذب صح اظل يجوز اتندم لان مرجعت بس ماريد اكره نفسي بعدين وماريد احد يشمت بيه لازم اتحمل
ظليت احاول اتناسى واشتغل واسولف ويه امل بس جسمي جان يوجعني كلش واحس نفسي مكسره لحد الظهر تغدينا وراها بعد مكدرت اقاوم كتلها امل تعالي روح للغرفه اريد امدد شو تعبانه كلش
رحت مددت اول مخليت راسي نمت وجانت بارده كلش وجسمي يوجعني
خالد: سديت تليفون ويه حياة واني دمي فار لان حسيت حياة تريد تبتعد عني شويه شويه وتخليني اتعلم على غيابها طلعت من البيت رحت احل جم شغله عندي جنت ماجلها
ظليت للظهر رجعت تغديت وامي لازمتني اصعد لعروستك واصعد لعروستك كملت غده رحت مددت بالغرفه خابرت امل
الو
ها بابا شونك
الحمدلله انت شونج
الحمدلله
فد بالخمسه ادز عمج حسين ياخذج
بابا ميخالف ابقى اليوم شو حياة مدري شبيها يمكن مريضه
شبيها حياة شنو مريضه
مادري شو كالت مابيه حيل حمدد ونامت هسه جسمها حار يمكن مريضه
هسه جايج
ماشي بابا باي
خالد: كمت بسرعه بدلت وطلعت
خالة: وين رايح شو هم بدلت
خالد: عندي شغل يله مع سلامه
خالد: طلعت وركبت سياره ورحت عالبيت ابو حياة داشوف حياة
وصلت دكيت طلع ابوحياة السلام عليكم
ابو حياة: وعليكم السلام هلا حياك الله تفضل
خالد: والله سمعت من امل حياة مالها خلك جيت اشوفها
ابوحياة: اي والله شو مصخنه بس امل ماتركتها المسكينه
تفضل فوتلها بالغرفه كاعدين
خالد: فتت بسرعه رحت لغرفه حياة دكيت فتحت الباب لكيت امل وحياة نايمه
امل: هلو بابا شبسرعه جيت
خالد: اي ماكو زدحام شون صارت حياة .. تقربت عليها وخليت ايدي على كصتها لكيتها حاره
امل: بابا بعدها صبح جانت مابيها شي فجاه هيج صارت
خالد: حياة حبيبتي كومي غسلي
حياة: ماريد بارده مجنت اعرف خالد اجه طبعا مميز صوته لان الصخونه دمرتني
خالد: كومي يله اني اساعدج ميصير تبقين هيج .. كومتها بالكوه
حياة: ليش جيت
خالد: دكومي شون سالفه يله امل اخذيها للحمام خل تغسل وجها ايديها
حياة: جنت تعبانه كلش وعظامي يونن عليه بالكوه رحت غسلت ورجعت للفراش ارجف بارده
خالد: هسه اجيبلج دوه ماشي
رحت للصيدليه جبتلها دوه ورجعت
خالد: هي متغدايه
امل ي اي بابا اكلت بس مو كلش هواي
خالد: ميخالف المهم ماكله يله كومي حبيبتي اخذي دوه
حياة: ماريد بس غطوني بارده
خالد: دكومي عاد حكتلج
حياة: كمت بالكوه اخذت علاج ورديت نمت
محسيت بعد
خالد: ظليت كاعد اباع على حياة وجنت اتمنى انام وانيمها بحظني
طلعت يم ابو حياة كعدت الي خطيه نخبص اكثر مني على حياة وكلسع مطلعلي دوه من ادويته يكلي هاي تفيدها للفلاونزا
حياة: كعدت حسيت نفسي محتره كلش وعركانه شفت خطيه امل كاعده يمي
هاي صاير بيه حاره
امل: اي هاي فكتج الصخونه خل اصيح بابا
حياة: ليش بعده هنا
امل : اي بره حروح اصيحه
خالد: اجتي امل صاحتني رحت لحياة
ها حبيبتي شون صرتي
حياة: الحمدلله شعدك لهسه هنا
خالد: غير باقي علمودج ولو اني محاجي وياج بس لان هسه مريضه
حياة: باوعت على خالد 😒
خالد: جوعانه
حياة: لا اريد ماي
امل : هسه اجيبلج
خالد: كعدت يم حياة .. هيج تخوفيني عليج
حياة: مادري يمكن لان منمت البارحه ماعرف حجيتها وبدون مانتبه
خالد: ليش البارحه مو خابرت امل وكلتلي نايمه
حياة: اي مو كعدت وراها
خالد : كعدتي وراها ولج عبالج ماعرفت بس اني اعلمج بعدني ممحاسبح على كلامج الي صبح بس هسه مريضه صيري زينه والله كريم
حياة:😒
امل: هاج هذا ماي
حياة: شكرا
ابو حياة: ها بابا شون صرتي
حياة: الحمدلله زينه
ابو حياة: طبعا تتمرضين بارحه الليل كله كاعده بله نمتي وره مصليتي
حياة: اي نمت 😥
خالد: دنجت عليها .. بسيطه
حياة: شوكت تروح
خالد: بعد يجوز ابقى يمج
حياة: لا روح صرت زينه
امل: بابا اني باقيه يمها
حياة: مادري ليش جنت مطايقه خالد كل ميحجي ويايه احس كلامه ينرفزني يمكن لان بارحه جانت زفته وجنت اتخيله ويه ذيج
خالد: ظليت لليل وراها حياة خلتني اروح بالكوه مدري شبيها ويايه
كلش ضجت من هاي تصرفتها
رجعت للبيت ونمت بالغرفه وحدي ومصعدت لرغد رغم اصرار امي عليه
ظليت هيج تقريبا اسبوع وكلشي متغير اول ماكعد اطلع للشغل وبالليل ارجع وحتى حياة بهاي الايام كل ماروحلها حتى ارجعها متقبل وتنطيني يوميا عذر لان اخابرها مجاوب واكثروحتى امل رجعت من عدها وامي كظتها ورايه ورايه حتى اخذ رغد بس مجان اكدر ابد
حياة: الايام الفاتت واني تغيرت كلش على خالد مجنت اعرف شسوي يمكن لان جان بالي هو يم غير او جنت اريد اعلمه على غيابي.. ابويه هاي الفتره كلش تعب واكثر من مره كام يتخربط وضغطه يصعد اعرف هو جان ينقهر عليه لان يشوفني مقهوره
خالد : مجان اكدر اسوي شي ضغط امي عليه خبلني اضطريت اخذ رغد بس جان ماعندي اي احساس ومشاعر شكد حاولت بس ماكدرت
بوكتها امي كلش فرحت بس اني اخذتها وبس وظليت انام بغرفتي اخذتها بس حتى اسكت امي
من يوم الي اخذتها واني مخابر حياة ولا امر اشوفها احس نفسي خنتها وماكدر اباع بعيونها دمرت كلش هاي الايام جنت اسمع اخبارها من امل
رجعت للشغل وحاولت التهي بي اخذت الكياعين الي تحت تصرف علي وحتى افلوس الايجارات الي هو كل شهر يروح يلمهن واصلا جان يجيب نصهن كلفت حسين يلمهن وراد يرجع للبيت بس مخليته يرجع وكتلهم اذا رجع اكسر رجله مادام طلع بدون سبب ماله رجعه
للبيت
وجنت مواعده اني الي انطيه فلوس حتى يشتري بيت اله شلت ايدي منه خليته يندم على الي سواه واجاني يتوسل بيه حتى اسامحه وارجع كلشي اله بس مهزني شعرايه
كلشي تغير حتى اني كلشي.. ماعده شي واحد حبي لحياة صار يزيد يوم عن يوم واشتياقي الها ماله حدود صار
حتى حياة مجانت دك عليه ولاتسئل كانما دتبتعد يوم عن يوم عليه
حياة: يوم الي اعتبره يوم اسود بحياتي كلها كعدت صبح سويت روتيني اليومي تنظيف وطبخ بهذا الوكت ابويه جان كلش مريض يعني انتكس كلش فتغدينا وابويه كلي حنام وكعديني بالربعه
فكملت شغلي طبيت سبحت وطلعت مشطت وكعدت اتفرج تلفزيون صارت بالربعه رحت اكعد ابويه
كعدته وبالكوه كام واحس من كعدته فز فزه عمري محنساها بابا شبيك اسم شون فزه
ابو حياة : اريد ماي
حياة : اي هسه اجيبلك .. رحت اجيب ماي وارجع لكيت ابويه راد نايم رحت يمي اكعد بيه بابا بابا بايا وابويه ميكعد ظليت اكعد بي واهز بي وابويه ماكعد اني كمت اعيط بابا بكل قوتي بسرعه لزمت تليفون رستا اجه بالي خالد اول واحد
خالد: جنت بسياره راجع للبيت دك تليفون شفته حياة ماصدك عيني حياة تخابرني بسرعه جاوبت
الو
خالد الحكني ابويه ماعرف شبي مديكعد الحكني
هسه جايج لتخافين مابي شي
بسرعه لفت سياره ورحت لبيت ابوحياة وصلت للبيت نزلت ادك جرس والباب وماكو احد يفتح هجمتها الباب وماكو اي احد دكيت على حياة وماكو يدك ومحد يجاوب ظليت ادك وماكو احد رجعت دكيت جرس والباب وماكو كدرت افتح الباب البره بالكوه دفرتها طبيت ادك بالباب جوه ماكو احد يفتح ظل بالي حيل
اذكرت رقم ابو محمد عدي رجل عمه حياة دكيت عليه
كلي مودين ابو حياة للمستشفى لحكتهم للمستشفى
حياة: بهاي الدقايق المرت واني بس ابجي ركضت للشارع على بيت عمتي هي جانت بصفنا بجم بيت
ركض رحت عليهم جنت اصرف بدون وعي جان بالي كله يم ابويه كتلهم لحكوني ابويه متخربط وماعرف شسوي الكل ركض بسرعه رجل عمتي ومحمد ابن عمتي وعمامي اخذو ابويه ورحنا للمستشفى حتى نسيت اني مخابره خالد
لماوصلنا المستشفى ابويه جان فاقد رستا طببو للطوارئ يفحصون بي اني جنت واكفه بالممر لان رجل عمتي مخلانا اني وعمتي ندخل جو لان كلهم زلم
ظليت واكفه وادعي لابويه يكوم بسلامه جنت مستعد كلشي اسوي بس ابويه ارجع اشوفه مفتح عينه شكد متخربط قبل بس هالمره مو مثل قبل ...
خالد: بسرعه رحت للمستشفى فتت للطوارئ لكيت حياة واكفه وعمتها كاعده بالكاع حياة واكفه مبينه خايفه رحت يمها هي شافتني اجتي ركض جلبت بيه مثل الطفله
حياة : لما شفت خالد رحتله ركض اكله خالد ابويه ماعرف شبي والله حموت
خالد: لتخافين مابي شي ظليت امسح بوجها هسه خل اشوف شصاير ظلي هنا
خالد: لما دخلت لكيت دكاتره فوك عمي ابو حياة ولا رجل عم حياة ابو محمد عده عرف بالمستشفى فالدكاتره جايين يفحصون ابو حياة
سئلت ابو محمد هلى حالته كلي جلطه دماغيه
اني كلش نقهرت على عمي ميستاهل ابد وجان بالي حياة شحسوي هي تعتبر ابوها امها وابوها ظليت واكف ماكدر اطلع لحياة اكللها
شويه وجانو ديشكلوله اجهزه وشغلات هوايه
ابو محمد كلي اطلع اكللهم لبره
جنت موقف صعب ماعرف شكللها لحياة طلعت اول مطلعت حياة شافتني ركض جتي عليه وهي تريد تسمع مني شي زين على ابوها
ظليت اكللها ماكو شي ومابي شويه ضغطه وجم يوم وهو هسه مثل الغيبوبه بس يكعد منها حاول اطمنها شكد ماكدر بس هي جانت بس خاله ايدها على حلكها وتبجي
ظل عمي على هاي الحاله تقريبا 4 ايام ولحد جنت اني ومحمد يمه بالردها وحياة جانت متقبل ترجع للبيت من شوف ردها فارغه تدخل لابوها شويه وتطلع بره توكف
فجاه عمي شهك شهكه فتح عيونه اني طفرت وكفت يمه لزمت ايده هو عصر ايدي حيل باع عليه و .........
