رواية فصلية بديلة الفصل الثاني والعشرون بقلم ام ملكوت
شهم_
حاولت انام بليل ماكدرت بقيت اتكلب بالفراش ساعات لحدما حسيت باب غرفتي انفتح بقيت على نومتي فتحت عيوني شويه
شفتهه بغرفتي استغربت شنو جايه تسوي هنا بقت عيني عليهه منا لدخلت غرفه الملابس خليت وكمت رحت وراهه بدون صوت واشوفهه اخذت من ملابسي وتشم بيهن ..
وكفت بحاله ذهول ماعرف شنو يلي خلاهه تتجرء وتصعد لغرفتي وتاخذ ملابسي هم..شويه والتفتت وفزت ..
_اسم الله شنو كاعد تسوين هنا
سماء: ااا ها ماسوي ..هيج ..ردت اشوفج خاف محتاج شي
_متاكده..
_ها اي اي متاكده يله تصبح على خير..
ردت اطلع وسحبني من ايدي وحصرني على الحايط ..
_ بخزره..شيسوي تشيرتي بيدج
_هاا ..اا ردت اغسله مو نضيف
_بعصبيه..سمااااء
_خفت وحجيتهه بخوف واني مغمضه..اخذته حتى كلما اتنسه على عطرك اشتم ملابسك..
_شنو يعني تتنسين
_يعني اتوحم على ريحتك الطفل يحب ريحه جسمك ..
_ الطفل شلون يعني
_ اي مرات المره تتوحم على اكله او عطر معين والوحام شي يحتاجه الطفل فيخلي الام تضل تلوب
الا تسوي ياله ترتاح وكان واكف فوك راس امه ويلح عليهه تسويله اكل او تجيبله عطر..
_يعني ابني محتاج عطري هسه
_ بتردد..اا اي لهذا السبب اجيت اخذ تشيرت منك
شهم_
حسيت من كلامهه ان ابني مرتضى يلي بداخلهه مشتاق لريحتي ولحضني محتاج اضمه واكون يمه رغم علاقتنه المعاقه اني وسماء
الا ان جانت اولويتي هيه طفلي بهذي اللحضه قصص ماي هوبس خليت وسحبتهه من ايدهه واخذتهه للجربايه نومتهه ونمت يمهه
365_c3e81b6ef2ce16e3c1
وخليت وجهه برقبتي بقت متشنجه بس لمن شمت عطري فعلا حسيتهه خدرت وارتاحت واني كوه لازم نفسي انفاسهه برقبتي خلتني احمه عليهه واشتهيهه
3 تعل
بقيت افكر بغير اشياء حتى ماشتهي واهجم عليهه ..شويه وشفتهه نامت خليت وبعدت وجهه عن رقبتي ياله ارتاحيت ونمت وراهه بدقايق..
حسيت واني حاضنهه اني حاضن ابني مرتضى ..مع ان جنت لمن اذكر ابني تحترك روحي واطلع ضيمي عليه بيهه
بس هسه لمن تذكرته حسيته موجود بطنهه احسه نخلق من جديد برحمهه حملهه برد روحي المشتعله نار ولمن اشوفه انشالله بين اديه راح يطفى نار صدري وحركه قلبي وتردلي العافيه...
#استمرت الايام على هذا الحال خليت سماء تنتقل تنام بغرفتي حتى اكون قريب على ابني وصرت حتى من اروح للدوام ٣ ايام
يبقى بالي يمهه واسال عليهه واوصيهه تدير بالهه على ابني جان بالي مشغول بس بابني ومنتضره على نار يمته احمله بيدي واضمه لصدري وانادي باسمى ...
خلصت ال٣ ايام ورجعت للبيت سلمت على اهلي وصعدت للغرفه لكيتهه كاعد ترتب بيهه .. كلت ..احم احم..
ودخلت وهيه التفتت واشوف بطنهه بارزه شويه بقت عيني عليهه ردت المس بطنهه واحس بطفلي بس شي منعني خليت ورحت ذبيت ملابسي
وهيه التفتت انطتني ضهرهه خليت ودخلت للحمام لكيتهه محضرتلي ملابسي بالحمام والخاوليه سبحت وطلعت لكيتهه طالعه من الغرفه ..
بدلت ونزلت جوه لكيتهه بالمطبخ كاعده تسوي زلاطه ويه البنات..
_خويه سمر تعالي
سمر: ها خويه
شهم: خويه ديربالج عليهه لاتخليهه تشتغل هواي وتعب نفسهه اخاف على الطفل ..
سمر: ولا يهمك خويه ماكاعد نخليهه تسوي شي بس الاشياء الخفيفه نخليهه تسويهن اذا اصرت علينه..
شهم: اي خويه خليهه تساعدكم بس مو باشياء تعب
سمر: انشالله..
7 تع
شهم: عفيه ..يله رايح اني بالديوان..
خليت ورحت للديوان وبقيت كاعد واسولف ويه ابوي وخواني الى ان صار وقت الغده وتغدينه وكلمن راح لغرفته..
#ومر ٣ اشهر على هذا الحال ..وبيوم دخلت للصاله وسلمت على امي وكعدت يمهه..
_مساء الخير يمه
الشيخه: هلا وليدي مساء النور
_شلونج بعد طوايفي
_الحمدلله يمه بس بالي شغله
_امري
_يمه مرتك صار عليهه ٥ اشهر لازم تاخذهه تشوف جنس الطفل ولد لو بنيه
_اي صحيح فاتتني ..ولا يهمج هسه اخذهه واروح
سماء_ خلصنه شغلنه اني والبنات وطلعنه بره بالحديقه نشم هوى العصر ..طبعا اني رجلي قبل شهر طابت وصرت امشي عليهه طبيعي بدون ماعرج ..
واني كاعده ماحس الا شفته طلع للحديقه ..خفت كلش توقعته راح يجي يضربني نفس اول ايام خليت وكمت بسرعه واني ارجف من الخوف بداخلي ..رحتله وكتله..
_ بتوتر...ااا هنه طلعني بره اشم هوى زين للطفل..
شهم: اي عادي ليش خايفه..
_ها لا ماخايفه بس اكلك
_هاا اكول روحي بدلي ملابسج خلي اخذج للسونار نشوف الطفل ولد لو بنيه..
_هاا اي اي رايحه..
رحت بسرعه صعدت للغرفه لبست حجابي وعبايتي وجنت مخليه مكياج خفيف خليت ومسحته مالي خلك اترزل لو انضرب..
خليت ونزلت صعدنه بالسياره ورحنه للسونار وكالت بيج ولد وهوه كلش فرح وطار .
5 ت
.بقه يباوعلي عبالك يريد يجي يحضني او بالاحرى يحضن طفله..خلينه ورجعنه للبيت..بس كلش تعبت من الطريق ..
وصلنه وبشرنه العائله بالخبر وصعدت فوك بدلت ملابسي .. لبست دهداشه مال حوامل وبطني بارزه بيهه جبيره..
شويه ودخل للغرفه وسد الباب وبقه يباوع علي وعلى بطني ..
شهم_
شفتهه صعدت واني بقيت يم ابوي شويه ماكدرت اتحمل اكثر خليت واستاذنت وصعدت فوك ..
دخلت للغرفه وشفتهه لابسه دهداشه وبطنهه بارزه منهه وكلش حلوه عليهه طالعه بقيت اباوع لبطينهه والهه متردد ..
خليت وتقربت عليهه وسحبتهه من ايدهه ونومتهه على الجربايه وكعدت بصفهه وهيه تباوعلي متفاجاة عبالهه راح اسوي وياهه شي ..
سماء_ ياربي تعبانه بس لا يريد ينام وياي هسه..
شهم: لا تخافين ماريد اسوي شي ياذي الطفل ..
حجيت هيج ونزلت راسي وخليته على بطنهه متامل احس بحركته ..حسيت بوجوده غمضت عيوني واحس بيهه متشنجه ..رحت لغير عالم حسيت نفسي حاضن طفلي فعلا ..شويه وماحس الا شي تحرك فزيت وواحد باوع للثاني..
_وليش ماكايلتلي..
_هاا ماعرف
شهم_
رجعت حضنت بطنهه وكل شويه احسه يتحرك وهناك ورفسني رفسه خفيفه حسيت بوجوده فعلا وكان كبالي وكاعد العبه ..
بقيت تقريب النص ساعه هيج لحدما اندك الباب علينه..
_ منووو
سمر: اني خويه تعالو تعشو يكول ابوي
شهم: اي يله نازلين..
خليت وبس بطنهه يعني بست طفلي وكمت عدلت ملابسي وهيه هم كامت عدلت حجابهه ونزلنه تعشينه وكملنه
وصعدنه وهم نفس الشي صرت كل ليله قبل لا انام احضن بطنهه واضل احجي ويه طفلي وهوه تزيد حركته شهر بعد شهر الى ان مرت اشهر الحمل..
#بعد ٤ اشهر
سماء_
اليوم صارلي اسبوعين من دخلت بشهر التاسع والدكتوره من اخر زياره الهه طمنتني على صحه الطفل وانطتني موعد بعد ٣ اسابيع اروحلهه تولدني يعني بعد اسبوع ولادتي ..
وبعد حملي بشهرين رجع الخيل لرجلي المصابه وصرت امشي عليهه عادي بدون ما اعرج ..
واني من عرفت اني حامل لحد الان كلما يمر شهر احس اني اقتربت اكثر للحريه اقتربت اكثر من الرجوع لحياتي السابقه واهلي وبيت جدي وباقي اهلي وناسي ..
بقينه نشتغل اني والبنات بالمطبخ وجعني ضهري حيل بس كلت ميخالف يكولون زينه الحركه للمره بشهر التاسع ..
رغم الالم موتني بس طنشت وكلت عادي ..كملنه شغلنه وجهزنه الضيافه والجاي والماي ..
شويه واجو الناس ودخلن وياهم ٥ نسوان كبار و٣ بمتوسط العمر وياهم جهال صغار..
سمر: ياحبيبي شكلهه العائله كلهه جايه
سماء: اي صدك شسالفه الزلم عدهم مشكله النسوان شدخلهه تجي وياهم ..
سحر: خاف يردن يدخلن للديوان😆..
سماء: هههه لا يمكن راح يسون كعدت عشاير بالصاله😂
سمر: هههه يله ولجن عوفن التحشيش خلي نجيب الماي والضيافه عيب..
سماء: هههه يله امشن ..
رحنه جبنه الماي والضيافه واجيت انطيتهن ماي وحده وحده واني اوزع بيهن
حسيت بالم فضيع بطني دنكت انطي الماي للمره واحس شي طك جواي وفضت ماي وكضتني اللويه ومن الوجع ماتحملت..
_ بخوف..يمه تعاي يمه مدري شنو نزل علي يمه الطفل راح يطلع يمه..
كلت هيج وصارت خبصه كلهه التمت علي واني اتلوه من الالم ..
الشيخه: خيرج يمه بله اشوف..يا ولج سماء فلشج هاي طاك راس الهادي يمه صارت عندج ولاده..
سماء_
منا الوجع ومنا كلتلي هيج من الخوف زاد الالم وصرخت بصوت فزز حتى الميت..
_ ااااااااااااااخ يمااااااااااا
