رواية لبوة الحياة الفصل الواحد والعشرون بقلم ساره العبيدي
تعال أوزن هموم وجيب ميزان
وشوف شگد عذاب الروح زايد
أنسحبوا من حياتي هواي خلان
بقيت بهاالزمان الوحدي أعاند
سواد الليل يبقى وتطفي الالوان
وأعيد بذكرياتك والمشاهــد
أذا كل طير عنده ثنين جنحان
أنا مكسور وعشت بجناح واحد
* كاظم أسماعيــل الگاطع*
فدوه بيبي شنو بيها طمني قلبي مثل النار ربي خسرت أبويه هيه صارت كلشي لي ماريد اخسرها هيه بعد ساعدني يارب
اخذني لها شكو مخليني اهنا ؤديني لها.
أسيد: كافي عمري مايصير هيج سوين ادعي تكوم بسلامه الله ارحم بحالها من عدنا ادعيلها حبيبتي
جوري: شدعي نار بيه اذا صار لها شي منو لي من بعدها منو حنين عليه مثلها منو يسال منو يهتم منو يوكف ويانا اموت اريح لي ربي شافيها لي يارب مالي غيرها.
زين شكال دكتور شنو بيها
أسيد: يكول جلطه بدماغ معرف ضغط صاعد لو واكعه الله واعلم
جوري: عزه بعيني صوج بيه عفتها وحدها خوالي بس بلاسم لوبيهم خير رجع واحد كعد معها عينهم بس على ورث عبالهم لفلوس تفيدهم عيونهم فارغه مايشبعها بس تراب ليش هيج الناس تغيرت ليش فدوه أخذني يمها خلي اروح
أسيد: ياعيني انتي هم حامل ومابقه شي للولاده ليش هيج تسوين بنفسج شنو ذنب لبطنج هسه اني اروح اشوفها شلون صارت واجي اكولج
جوري: فدوه روح طمني قلبي والله نار يغلي
راح أسيد واني ابجي وادعي ربي شافيها لي ماعدنا غيرها نضيع اني وياسمين بدونها بقيت ابجي وادعي نص ساعه واجه أسيد
وجه مايبشر بخير
جوري': شبيك شكو احجي صاير شي ردت اكوم اجه عليه
اسيد: لا تكومين ماكو شي بس دكتور محولها على بغداد يكول احسن عسى ولعل
تصير بخير
جوري: شنو قصدك عسى ولعل يعني ماكو امل
كمت الطم على وجهي واصرخ وهو يسكت بيه ربي اخذني معها شكو ابقه عايشه ابويه راح وام ماعندي هيه امي وابويه وكلشي عندي لا تاخذها مني والله مكدر على بعدها ربي
واسيد يسكت بيه هديت شويه كال خلي نطلع للببت ماقبلت كتله ؤديني على بيت جدي اريد ابقى الي ان ترجع مو كافي مارحت معها لبغداد
مارفض ؤداني لبيت جدي طبيت كعدت بلكاع ابجي لا اكل ولا شرب
لكت ياسمين ونسوان خوالي حيات يبجن جذب ماوحده بيهم كسرت خاطرها واجت كعدت معها ملتهيات بجذب ونفاق حسبي الله ونعم الوكيل
عفتهم رحت لغرفتها كعدت ابجي الي ان غفيت معرف شلون ولشوكت بقيت غافيه ولكت اسيد حارك جهاز اتصال والله مالي خلك ارد عفته وطلعت لكت الدنيا صبح شكد نايمه ياربي
ثكل بطني تعبني كلش ونفسيه تعبانه لتمن عليه
البنات مظفات البيت
نسوان مسوين غده
كتلهم ماكو خبر كالوا امي رايحه الصبح هيه وخالي وابن خالي عليها
ياهو اخابره مايرد بلاخير اخذت رقم ابن خالي خابرته
جوري: الو
حامد: الو منو
جوري: اني جوري شلون صارت بيبي شكد خابرت محد يجاوب شكو
حامد: جاين بطريق
جوري: بيبي شلون صارت
حامد: انطتج عمرها
سديت الخط صرت اصرخ امشي اصيح ولكم بيبي راحت امي راحت كامن كلهم يصيحون ويبحون ولتمت الجيران واني مابقيت لا شعر ولا خد لطم وهلس وبجي امي ربي ليش ابوي وامي منو لي بعد منو وين اروح منو يوكف وياي
ولج ياسمين راحت الحنينه راحت امي منو لنا بعد نكسر ظهرنا صدك نكسر اخ ولج يمه فدوه لاسمج شلون انطاج كلبج تعوفيني وحدي مو كلتي راح اربي اطفالج مو جهزتي بيدج جهاز شنو جنتي تعرفين راح تموتين تعوفيني وين كلامج اروح وياج وتريد تسمي طه تالي رحتي عفتيني اخ يابه انت رحت وبيبي راحت
وياسمين حاضنتني وتبجي وخالتي ريم فقدت الوعي هيام قويه تبجي بس قويه مو نفس ريم وامي
بقيت ابجي والطم على وجهي وشعري
وصلت جنازه اني انتهيت نزلوها طلعت بلا شال ولا عبايه اخذتها بحظني
اكعدي بيبي اكعدي يمه اكعدي شلون عفتي بنتج انتي كلتي اني بمكان ابوج ابويه راح انتي غير تبقين معي كومي والله بعد وكت ماشبعت منج والله بعدني مكدر اعيش بلايه سند
اجه أسيد حظني ودخلني جوه واني ابجي والطم
غسلوا لها ودزيت اسيد للبيت يجيب كل عطور وبخور عندي
فرغتهم كلهم عليها كملوا تغسيل جنازه وطلعوا للمسجد حتى يصلون عليها بعدين للمقبره أسيد ماقبل أروح للمقبره
ودعتها من طلعت اخذتي روحي وياج يمه 😭
مسامحه ومودعه بالله يلحنينه
يافرح مالك فخر لمن تمر بينا
مادام جوه اللحد نامت غوالينا 💔🥺
نصبوا جادر العزاء ونسوان خوالي والبنات نقسموا
لي لزمت طبخ ولي شاي وكهوه وبعض توزع مي لنسوان
سوا احسن فاتحه لها بفلوسها وتعبه الله يرحمج يروحي انتي بعدج نكسر كلشي بيه مابقه بيه فرح
جدي خطيه بس يبجي هو متعود عليه عشرة عمر
وهيه عمرها ما اذته لو غثته بكلمه
اكيد هسه طه فرحان لان اجت يمه اخ اخ
ثاني يوم كعدت على وجع مو طبيعي متت
ذكرتها من توصي بيه كمت اصيح وابجي والله محتاجتج وياي منو لي هسه
منو يعلمني منو يطمني يكولي لا تخافين
اخ ياقلبي شيبت من الهموم
خابرت أسيد اجه كتلها شوفلي دكتوره اريد احجي وياها
خابرتها كتلها على الاوجاع كالت ب3العصر تمرين عليه للعياده
حجزت يمها ورحت لنوحي وحزني لنار قلبي
أسي:جوري اكلتي شي عمري
جوري: لا مالي خلك لاي شي أسيد نار بقلبي اذا صار عندي شي هسه منو يروح وياي منو لي بعد بهاي دنيا
أسيد: الله يرحمها حبيبتي مايصير هالشي اقري قرآن ادعي الله يرحمها ويغفر لها واني وين رحت اني وياج وسندج وابو بيتج واطفالج والله ليسمعج كلمه او يغثج احسب الله ماخلقه ياقلبي انتي افديج بروحي لعد اني شعندي غيرج ها غير تنتبهين لنفسج
وثاني شي ترا انتي هسه 3 اشخاص شنو ما تاكلين يعني شنو هالتصرفات دقيقه هسه اجي
راح ورجع جايب اكل وعصير كعد يأكلني بيده واني مالي نفس والله وهو غصب اكلي 🤦🏼♀️
الي ان خلص شبعت بعد مابيه. عافني واخذ الاكل
و وجع بطني يروح ويرجع
بقيت للعصر بالغرفه كمت غسلت ولبست عباتي
وردت اخذ شي من ملابسها حتى ابقي وياي لان قررت بعد ما اجي للبيت شعندي هيه وراحت واكيد هسه خوالي راح يرجعون ونسوانهم ما شاءلله عليهم
فتحت الكنتور حتى اخذ ملابس
طبت زوجة خالي علي وكعدت صيح وبعلاة صوتها عيب عليج بيبيتج بعد مايبس ترابها
