رواية حرم الاسود الفصل الرابع والعشرون بقلم بتول ابو الليل
روح گد مابيك وأرجع تلگه حبك مستمر
الشمس مَتغير تفاصيل السمر ✨🤎.
.➛ ✿✿ ✿✿ ✿✿ ✿✿ ➛.
_طلكني تحررني من هل زواج لأن مختنكه منه مستحيل اتقبلك بحياتي بعد جاي اختنك تيمور تعبت منك ومن كلشي بحياتي عوفني الله يخليك اذا الي مكانه بحياتك ولوو شويه وتحبني تعوفني.
بقه صافن بوجهي عيونه ركزت بعيوني بلع ريكه بتوتر دار وجهه عني وهوه يسحب نفس بقوه ويمسح علئ راسه.
_انزل هسه واحجي الاهلي كلشي عن شغلك لوو طلكني؟
رجع دار وجهه عليه مستغرب من كلامي عقد حواجبه بغضب وكال
تيمور : اريانا شبيج صدك تحجين ليش هيج تسوين بيه بدال ماتوكفين وياي صرتي ضدي
_أي صدك احجي حياتك كلها بيدي هسه بكلمه وحده مني ادمرك واخليك تدخل سجن.
تيمور : ماستاهل هذا منج انتِ عرفتي ليش سويت هيج ولخاطر منوو هيج ماعندج گلب ماتحسين بيه تعذبت هواي ودمرت روحي خسرت ابوي واختي علمودج.
_مات گلبي اريانا ماتت تيمور شنوو طعم حياتي فهمني انتم مسويني لعبه بين اديكم دمرتوني واني مالي ذنب بشي دخلتوني بشغلكم الوصخ ورطتوني وياهم لوو ما انتَ مجان وصلت لهل مرحله انتَ بيدك دمرت عائلتك انتَ الي ختاريت هل طريق وهل خطاء خطئك انتَ وحدك اني مالي ذنب ماكدر اتحملك بحياتي اكثرر كافي الشفته والعشته وياك خلص تعبت ماكدر اكمل.
تيمور : اذا اطلكج ماسلم روحي للدوله ماكدر اخسرر الاثنين ع اقل اذا انتِ مرتي تبقين عندي امل اطلع واشوفج بس اذا طلكتج وانسجنت يروح هل امل وتصيرين بخطرر محد راح يحميج.
_طلكني ولاتسلم نفسك معليه بيك اني انتَ حر بحياتك عوفني بحالي خليني وحدي لاتتقرب لحياتي نهائياً
عيونه صارت تفتر داخل عيوني اباوع الاديه ترجف اجاني بسرعه لزم وجهي بين اديه نزل راسه علئ راسي صوته مخنوك كوه يحجي من العبره الي بداخله.
تيمور : خلينه نحجي خلينه نتفاهم لاتصعبين الامور عليه شويه تفهميني.
_شنحجي تيموور شنحجيييي بعددد طلكني هسسسه صار عندك عذر كلش قوي كوول ماريدها بعد هيه ماتحبني او تشك بعلاقتي ويه شذر دبرلك عذر وطلكني حررني منكك مااااريدك اني تعبببت منك.
تيمور : ولايوم حسيتي بشي اتجاهي كل هاي التضحيه وماتحبيني ؟
_اني اكرهك مايوم حبيتك ولا راح احبك.
احس هل كلمه حيل جرحته تقصدت احجي هيج اريده يكرهني ويطلكني ويحررني من هل زواج الدمرني.
عاف وجهي وابتعد عني خطوات يباوعلي بخيبة امل سحب نفس وكال.
تيمور : ماشي نطلكك خلص انتِ حره بحياتج مستحيل اجبرج تبقين وياي بعد شوفي حياتج بدوني.
_يلا انزل وكول الاهلي راح اطلكها
تيمور : بس ليله تبقين يمي وباجر نروح للمحكمه ونطلك طلاق رسمي واني بيدي ارجعج الاهلج ماكدر احجي كدام العالم عليج.
_ليش اني فضحتك كدام العالم تكدر تحجي بكل سهوله وتخليني موقف صعب
تيمور : ماتفهميني حته لوو شرحتلج فرق بيني وبينج كلش هوواي.
حجه هل كلام عافني ونزل جوه غمضت عيوني بقهر نزلت دموعي بحركه
اختنكت جاي اموت ليش هيج يصير وياي اني شنوو ذنبي اخوي شلوون يتورط وياهم احس نفسي انسطرت.
بقيت كاعده بالغرفه مانزلت جوه ماكدر اباوع بوجهه اي شخص بعد الصار لازم اتحمل بس هل ليله وباجر اطلك منه اخلص من هل زواج .
احس روحي ظالمه تيمور ومايستاهل هل كلام مني بس ماكدامي غير حل ماكدر ابقه عايشه برعب وخوف طول عمري
لازم ابتعد عنه حته ابوي وامي اشرح الهم عن مسلم اخذ اليان ونسافر مانبقه وياهم ماريد أي شخص اروح لخالتي بتركيا.
شويه ودخلت عليه امي مسحت دموعي وكمت علئ حيلي اباوعلها بخوف اجت يمي وكالت.
جميله : يلا امشي
_وءء ين
جميله : سوايتج هاي محد مسويها بتاريخ العالم شتردين تبقين هنا موو ماتردينه يلا امشي.
_ماما اسمعيني
جميله : اشششش ولج اسكتي اريانا اسكتيييي كوه لازمه روحي منج هسه صغرتينه وخليتي روسنه بالطين اذا ممتاكده من الحجي شلوون تفضحين روحج ورجلج كدام العالم كلهااا وحته لووو صايره نحل الموضوع نطلكج بس بيناتنه احنه عوائل وهذا ستر بنيه ماخفتي الله وانتِ تفضحين بنيه مثلج الله موصي بالستر منوو انتِ وتسوووين هيج اني هيج علمتج هيج ربيتج مع الاسف عليج هسه اذا ماتت البنيه لوو اهلها سوولها شيء راح تكونين انتِ المسؤله عن كلشي انتِ
_شتردين منييي اسوي اني تعببببببت يمه تعبت والله انتِ متدرين بشي حقج تحجين عليه ماتعرفون بالي امر بيه انييي روحيي كل يوووم تحترك اني مجبوره بهذا الزواج ماكدر اكمل ويه تيمور بعدد مستحيل ابقه وياه بعدد باجر نطلك.
جميله : اييي عفيه عفيه تطلكي من ثاني يوم زواجكم حته تصير سيرتج علئ كل لسان وتبقين مكابلتني وكاعده منوو يگلبج بعددد منو يريدج طلع العالم الف سالفه عليج تدرين لوو ماتدريييين.
_ميهمني ميهمني أي شيء بعدد خلي الناس تحجي شتريد هاااي حياتي موو حياتهم اني الي اقرر شلوون اعيشها.
جميله : ولج لاتموتيني اريانا تخبلتي شجاج يايمه انتِ موو بعضمت لسانج گلتي احب تيمور واريده شتغير هسه فهميني.
اجيت احجي بس تذكرت كلامي اني كتله ماحجي شيء وطلكني وهوه وافق خليت ايدي علئ وجهي وكعدت علئ السرير ابجي جسمي كله صاار يرجف من العصبيه وحرگت الكلب.
جميله : كل زوج وزوجه يصير بينهم مشاكل محد يخله من المشاكل بس موو بكل مشكله يسوون فضيحه اكوو امور تنحل بالتفاهم بالصبر انتِ لانطيتي صبر ولانتظرتي يفهمج رجلج السالفه خربتي الاول والتالي.
_عوفيني يمه عووووفيني لاتخلووووني انتحررررر كااااافي كااافي مليت اني ماكدر اسمع شيء عوووفيني روحي.
انهاريت كلام امي يموتني فوك قهري هيه جايه تلوم بيه عافتني وطلعت من الغرفه بقيت وحدي ابجي وارجف.
وضعي حيل صعب جنت اتمنئ بس اعرف الحقيقه وهسه عرفتها وحتاريت اكثرر
من جهه اخوي ابن امي ومن جهه ثانيه الانسان الي حاول بكل طريقه يحميني ويخلصني منهم.
ساعه والبيت فرغ من العالم الكل راح حته اهلي جانو يردوني ارجع وياهم بس مارحت بقيت كاعده بالغرفه.
جنان سوت فلك صارت تحجي عليه اشكال انواع اني من فوك واسمع حجيها وساكته.
ساعه بـ 4 العصر كاعده بالغرفه وراسي دايخ من البجي والنوح والف سؤال براسي وحايره ودايخه يعني مادري شسوي بروحي
دخل تيمور للغرفه يركض شكله يخوف عيونه صايره بكصته اجاني كبل لزمني من كتافي بقيت اباوعله بخوف.
تيمور : وييين اليان ؟؟
بلعت ريكي بخوف وماجاوبته نزلت عيوني عنه هزني بقوه وصاح بوجهي بعصبيه
تيمور : احجيييييي وياج اريانا وييين اليان وينهاا شسويتي انتِ فهميني شسووووويتي.
_عوف ايدي آه
تيمور : اريانا جاوبيني قبل لافقد عقلي قسم بالله أذيج خليني صابر وياج احجييييي وييين الياااان ويييييين
_اني ..
تيمور : شسويتي انتِ احجييييي ؟
_خليتها تنهزم من البيت ..
....
أليڤ : ها راح تروح للشغل
آرون : أي حبيبي طالع محتاجه شيء اجيبه وياي
أليڤ : لأ ماريد شيء بس من ترجع نطلع نغير جو ضايجه بالبيت
آرون : صار
أليڤ : تريد اسويلك ريوك قبل لاتطلع
آرون : لأ ماشتهي هناك اكل ارجعي نامي و أليڤ بويه اليان لاتتقربين صوبها لاتضوجينها لخاطري اني موو لخاطر أي شخص كم يوم وتروح والله.
أليڤ : استغفرالله هم اليان من الصبح
آرون : معليج بيها لاتسوين شيء اني وصيت رهف عليها هيه تكعد وياها انتِ عليج بس تسوين اكل وتنطيها بس هيج
أليڤ ; أي موو جايبني خدامه اني اخدم بيهن.
آرون : ترا الريوك جاهز بس جاي تسوينه والغده سهل أي شيء سوي او اطلبي واني ادفع اذا ماتردين طبخين
أليڤ : أي ع غده راح اطلب
آرون : ماشي يلا بويه رايح
دنك باسها براسها طلع من الغرفه وسد الباب راح علئ غرفة اخته نايمه اليان يمها فتح الباب ودخل يطمأن عليها.
جانت نايمه كعد علئ طرف السرير يمها يمسح علئ شعرها.
آرون : بس هل كم يوم وترجعين طبيعيه وعد مراح اخليج بهل حاله اني وياج اليان .
رهف : أيسر هذا انتَ
آرون : أي خويه
رهف : سالمين خما بيك شيء ساعه بـ 6 كاعد شكوو
آرون : رايح للشغل وگلت اطمأن علئ اليان قبل لا اروح ديري بالج عليها رهف ماوصيج بعد
رهف : لاتخاف حبيبي اني وياها وراح اهتم بيها اطلع وانتَ مرتاح.
آرون : خليها تسبح وتبدل منج ملابس وخليها تتريك واكو علاج تلگينه بالجراره مالتج هذا مهدئ للاعصاب راح يخليها ترتاح وتسترخي وتنام تخلينها تاخذ منه منا لحد مارجع واجيبلها وياي علاج يطلعها من هل حاله الي هيه بيها.
رهف : تمام
آرون : يلا حبيبتي نامي
هزت راسها بأي عافهم وطلع من الغرفه راح علئ شغله رجعت رهف نامت.
كعدت اليان بدون متدري بيها رهف كامت طلعت من الغرفه شويه حاسه بتحسن دايخه ممفتهمه أي شيء راسها يدور
اليان : وين اني شديصير.
رهف : الياااان اليااان وينج
دارت وجهه مصدومه شافت رهف طلعت بالعربانه بقت صافنه
اليان : اني وين؟ منوو انتم شديصير
رهف : تعاليي حبيبتي تعاي وياي رتاحي شويه
اليان : وخررري عنييي وخري منوو انتم منووو وييين اني بابا ويييين راح وييينه
رهف : هسه راح يجي ابوج بس تعالي وياي
اليان : عوفيني شتردين منيييي روحي روحي ماريد شيء منكم
رحيم : ياستار يارب شكوو بويه شبيها
رهف : بابا لازم تاخذ علاج مهدئات عدها انهيار عصبي تفقد وتصير تعيط بدون وعي وهذا تأثير الحبوب عليها
خلت اليان اديها علئ اذنها تسدهن وتبجي وترجف
رحيم : لاحول ولاقوه ألا بالله تعاي يبويه حسبي عليهم شمسوين بيج تعاي
لزم ايدها بهدوء دفعت ايده وركضت دخلت للغرفه راحو وراها
اليان : لاتتقربون منيييي عوووفوني عووفوني وين بابا صيحووو خلي يجي وييينه.
رهف : بابا خليك وياها اني راح اجيب الهاا علاج
هز راسه بأي عافته وراحت كعدت اليان علئ الارض لمت رجليها علئ صدرها ترجف وتهمس
اليان : بابا بابا اريد بابا.
رحيم : بنيتي اليان بابا اني هنا بمكان ابوج باوعيلي انتِ بأمان يمنه محد راح يأذيج كومي بويه كومي
هزت راسها برفض غمضت عيونها تبجي بصمت اجت رهف شايله شريط الحبوب انطته الابوها
رهف : شربها بابا
هز راسه بأي طلع حبايه واخذ كلاص مي وكعد يمها يمسح علئ راسها بهدوء
رحيم : هاج بويه هذا علاجج
رفعت راسها تباوعله بعيون مليانه دموع هزت راسها برفض حاول وياها بالكوه يلا خلاها تشربها شويه هدأت ورتاحت خلت راسها علئ صدر ابو آرون وغمضت عيونها بتعب
اليان : جيبولي بابا اريده
رحيم : اني ابوج هنا بنيتي انتِ حالج حال رهف والله كومي وياي يابويه
لزمها من ايدها كعدها علئ السرير تقربت يمهاا رهف
رهف : حبيبتي اليان لاتخافين احنه وياج ونساعدج تتخطين هل مرض وترجعين مثل الاول واحسن
اليان : انتِ اعرفج شايفتج اني وين اني شديصير راسي حيل يوجعني.
رهف : رتاحي ولاتضغطين علئ نفسج اني اختج اسمي رهف وهذا بابا ي شيء تردي كوليلي اسوي الج
اليان : جوعانه واريد مي
رهف : تدللين هسه اجيبلج اكل وناكل سويه تعاي طلعين وياي للمطبخ؟
هزت راسها برفض سحبت الغطه عليه تباوعلهم بخوف
رهف : هسه راح اجيبلج اكل
عافتها وطلعت من الغرفه راح وراها ابوها ساعدها بالريوك وأليڤ نايمه متدري بشي
الرجال سوه الجاي وطلع الجبن والمربه انطاهن لبنته فرغتهن بمواعين.
رحيم : اكعدي وياها بويه وخليها تاكل انه رايح شويه للسوك
رهف : تريك
رحيم : هسه اشرب جاي ماشتهي بس علمود العلاج واريد اطلع اتحرك احس روحي مكسر
رهف : تمام.
اخذ جاي شربه واكل شويه شال الصينيه اخذها لغرفة بنته علمود تاكل اليان وياها خلاها علئ الميز
رحيم : محتاجه شيء بويه اليان
هزت راسها بـ لأ ابتسم وباوع لبنته اشر الهاا تكعد وياها هزت راسها بأي عافهم وطلع من الغرفه سحبت الكرسي رهف وصارت مقابيل اليان
رهف : يلا موو گلتي جوعانه
اليان : ايي
رهف : اكلي
اليان : شاكل؟
رهف : هذا ريوك اكلي أي شيء تردي
اخذت صمونه خلت بيها جبن واكلت ابتسمت رهف بفرح صارت تعبيلها جبن بطن الصمونه وهيه تاكل بكل شهيه شويه ودخلت عليهن أليڤ
أليڤ : ماشالله صايرات دهن ودبس تاكلن وتشربن سويه بدون متكعدوني حته
رهف : صباح النور
أليڤ : عود تستهزئين حضرت جنابج
رهف : تعالي اكعدي تريكي ويانه
أليڤ : اني اكعد ويه هاي؟ شجاني تخبلت اصلاً كلش زين لكيتيلج وحده تتحملج وتكعد وياج
رهف : شقصدج
أليڤ : ماقصدي شي
رهف : انتِ هل فترا حيل متغيره مدري شبيج.
أليڤ : اهووو بلا رهف اسكتي موو حته انتِ تردين تتحكمين بيه
رهف : لا عيني شعليه بيج انتِ حره بنفسج سوي الي يعجبج شعليه اني
أليڤ : ايي احسن
اليان : اطلعي برااا حقيره انتِ وحده جذااابه بووواكه اخذتي بابا منييييي رووووحييي
أليڤ : احترمي نفسج هييي لاتخليني اشك حلكج منوو انتِ وتحجين هيج وياي فوك مامكعدينج بيتنه تحجين
اليان : اطلعي برااا روحييي.
كامت اليان من السرير وراحت علئ أليڤ طلع بيها مادري ليش هيج تصرفت يمكن لأن شافت تصرفها موو زين ويانه.
دفعتها أليڤ وكعدها علئ الارض وصاحت بوجهه
أليڤ : اكسر ايدج اذا تمدينها بنت الـ ***
اليان : لاتحجيييين علئ بابا
هجمت اليان علئ أليڤ تريد تضربها انب ماكدر احاجز بينهم الكرسي مقيدني صرت اصيح علئ أليڤ تروح ماراحت سوتها صدك واكمشي اليان من شعرها واليان اضربي أليڤ علئ وجهه وكعتها.
بس اليان دايخه متكدر تتحرك هواي اليڤ وكعت لوو تخبلت صارت تعيط وتصرخ
أليڤ : حقييييييره كح** والله ليووم اذبحج بيدي
رهف : أليڤ ولججج مررريضه عوووفيها خطيييه
أليڤ : وخرررري انتِ وخرررري لاتخليني امووتج وياها
دفعت الكرسي مالي طلعتني من الغرفه ودخلت وياها وسدت الباب عليهن اسمع بس العياط البينهن صار مادري شصاار بالغرفه
اني اضرب بالباب وابجي بصوت مسموع دخليك ربي هايي راح تموتها.
رهف : ألييييييڤ ولج افتحييي الباب مريضه عوووفيها لاتسوووين هيييج
فجأه اندك باب البيت مسحت دموعي بتوتر ورحت علئ الباب فتحته بصعوبه جان اخوي
آرون : شنوو هل عياط شكوو
رهف : خويه الحك أليڤ واليان يتعاركن بالغرفه
آرون. : شنووو
عافني وراح يركض علئ الغرفه قبل لايوصل للباب فتحته أليڤ وطلعت وجهه احمر وشعرها منكوش راح عليها اخوي لزمها من اكتافها
آرون : شسويتي ولججججج
أليڤ : كتلتها
دفعها عنه ودخل للغرفه رحت وراه انصدمت من شفت شكل اليان وجهه مخرمش وكله دم وشعرها كله مهلسته استغلت وضعها وضعفها البنيه مريضه وماخذه علاج مخليها متكدر حته تتحرك هاي شسوت ليش هيج
راح يركض عليها اخوي يمسح بوجهه من الدموع والدم يرفع بشعرها يضمها لصدره مايدري شيسوي.
اليان : ضربتني بابا ضربتني هوواي ماءء كدر
آرون : اشش خلص خلص كافي اني اسف والله اخليها تعتذر منج علئ كلشي سوته كومي وياي غسلي وجهج كافي بجي هاي شمسويه بيج
اليان : ماريد شيء ماااريد انتَ هم تكرهني عفتني وياهم روووح ماااريدك روووح عوووفني
صارت دفع بيه من صدره تبعده عنها وتبجي بصوت مسموع باوعلي بحيره وكال
آرون : موو امنتج عليها ليش هيج رهف
رهف : والله ماكدرت اسوي شيء هنه تعاركن
آرون : ااااخ أليڤ ااااخ منج ..اليان كومي وياي ماعوفج بعد والله كومي بويه
لزمها من ايدها اخذها للحمام يغسل وجهه من الدم والبجي طلعت من الغرفه اني.
أليڤ : ليوووم لووو انيييي لووو هايييي بالبيت اذا تبقه هنااا اني اطلع هسه تطلعها من بيتي هسسسسه احنه ملجأ مال ايتام ومعوقين شكوو واحد الدنيا زايعته جايبه عليه
بكل سالفه تقصدني لأن معوقه وماكدر اتحرك بلعت الغصه وسكتت.
آرون : كافي بجي يلا امسحي دموعج
اليان : راسي يوجعني وهيه كطعت شعري حيل تجره منا شوف شسوتله.
لزم راسها بين اديه باسها من شعرها ضمها لحضنه يهدي بيها حاوطت خصره من الجهتين تبجي.
آرون : اني اسف بنيابه عنهاا ختولي خبله ماتدري شتسوي معليج منها اوك اني وياج ماعوفج تمام.
اليان : لاتعوفني وياها تضربني
آرون : شحدها تمد ايدها عليج بعد
اليان : اني كتلها اخذتي بابا مني وضاجت وضربتني.
آرون : شگتلي؟
اليان : اني اريدك الي ماريدها ختولي اخذتك مني.
آرون : بويه هاي مرتي تغار لاتحجين هيج يلا تعاي
اليان : ماااا ماا انتَ الييي موو الهاااا انييي اريدك اليييي هيه اخذتك منيييي هيه حقيره.
آرون : اهدي شبيج تخبلتي هايني يمج يلا تعاي اكعدي هنا
اليان : لاتعوفني وتروح
آرون : ماعوفج
سحبها من ايدها مستغرب من كلامها كعدها علئ السرير دار وجهه يريد يطلع يحجي ويه مرته لزمت ايده اليان
اليان : لاتروح وتعوفني
آرون : هسه ارجعلج
اليان : مترووووح انتَ مووو كتلي ماعوووفج ليششش كلكم تعوووفوني ليششش تكرهوني انيييي شسمسووويه ليشش تخلوني وحددددي.
صارت تبجي بصوت عالي وتعيط بهستريه كعد يمها يهدي بيها.
آرون : اشش كافي خلص خلص اهدي كاعد يمج ماروح ماروح
اليان : ماااريدكم روووحو ماااريد شي عوووفوني وحددييييي بابااااااا عوووفوني.
شاف الحبوب علئ الميز كام بسرعه طلع حبايه وشال كلاص مي جاب الحبايه شربها كوه الهاا خنكها خنك يلا شربت صارت تكح بصوت عالي وكعت علئ الارض وهيه منهاره
كعد يمها خايف عليها صارت عيونهاا حمرر دم وتكح.
آرون : نعل علئ يومج أليڤ اليان اهدي كافي ولج راح تموتين شسويت انييي يالله دخيلك اليان اسحبي نفس كافي بويه
صار يمسح علئ ظهرها يحاول يخليها تجر نفس اختنكت أثر بيها العلاج شويه صارت تفتح وتغمض بتعب رفعت راسها تباوعله بعيون كلها دموع
اليان : لاتعوفني لاتعوفني
آرون : ماعوفج والله اهدي تعاي.
سحبها لحضنه يهدي بيها خلت راسها علئ صدره تسحب نفس وعيونهاا تسيل دموع منها بصمت يمشي ايده علئ ظهرها.
آرون : شسوي حيرتيني والله ليا صفحه الحك اني الشغل البيت انتِ ابوي اختي أليڤ كلكم يرادلكم واحد 24 ساعه مكابلكم وكاعد .
_اني اريدك يمي لاتعوفني وياهم يضربوني يأذوني هواي.
آرون : ماعوفج يمج اني لاتخافين من شيء
_اني احبك من زمان احبك وانتَ متدري بيه ههه اخذتك مني مادري وين اروح
صفن بكلامها باوعلها بستغراب شافها فاقده وتحجي وهيه مغمضه عيونهاا شالها من الارض وخلاها علئ السرير بقه واكف يمها بحيره سحب نفس قويي.
آرون : لازم احجي ويه اريانا واشوفلج مكان هاي الخبله اذا تبقين يمها راح تأذيج اكثر ..
...
تيمور : شسويتي؟
بلعت ريكي بخوف دنكت راسي عصر ايدي بقوه غمضت عيوني بألم
تيمور : احجي لاتخليني افرغ مسدس براسسسج احجيييي ولججج ويييين اليان ويييينها شسوويتي انتِ شلووون طلعينها ماتدرين بيهااا مريضه هسه شلوون هيج تصرفين
_خلصتها منك ومن الحبوب الي تنطي الهاا اول ماعرفت بيك تنطيها هل علاجات خليها تنهزم
صك علئ سنونه بغضب باوعلي بنظرات كلهاا حقد والنار تتطافر منهن اجاني لزمني من شعري بقوه جانت اول مره هيج يعاملني بعنف.
تيمور : منوووو سمحلج تصرفين هييييج منوووو مشترك وياااج احجيييي اريانا لاتخبليييييني احجييي منوو يعرف بهل موضوع غيرج
_عوووف شعري اااااي
تيمور : انتِ شلوون تصرفين بدون علمي شلوون ماحسيت عليج شمسويه واني مادري بيج وعامي عِيوني عن كلشي ملتهي ادافع عنج واحميج وانتِ تلعبين من وراي ؟
_لك عوووفني ااااي شعرييي ماسويت شيء غلط انتَ الغلطااان شتريد منييي اصافحك علئ هذا التصرف شفتك بعيني تشرب اليان حبوب اييي خليتها تطلع من البيت وترتاح منك ومن شرك.
دفعني علئ السرير خله ايده علئ راسه دايخ فتح ازار قميصه من كدام اختنك صاار يسحب نفس بقوه.
تيمور : غلطت اييي غلطت بس جنت واحد سرسري ونذل لأن دافعت الج انتِ ماتستاهلين حبي هذا اني جان المفروض من الاول اخليهم يخلصون عليج.
كلامه خلاني اتجمد ماعرف ليش حيل أثر بيه اني اكرهه بس ممتعوده علئ جرحي بالكلام هيج.
تيمور : انتِ دمرتيني تدرين دمرتيني اريانا ولج ليش تسوين هيج بيه ليش صرتي انتِ والوكت عليه فكررري بيه فكررري شويه كوولي الصااار وياه غلط خليني اساعده يطلع من هل اخطاء الي هوه بيها خليني اكون وياه جان الي درع ماخله شيء يصيرلي شسويتي انتِ شلوون جازيتيني بالخيانه بالغدر بالكلام الطايح حضه بالاهانه كدام العالم هااييي جزات الي يحب من گلبه انيييي كلب ابن كلب شلوون اتورط وياج انييي المفروض مادافعلج المفروض اخليهم يقتلونج ويريحوني منج ع اقل جان زعلت كم يوم ونسيت موو هسه سوايتج هايييي راح تضل طابعه بگلبي كرهتيني باليوم الشفتج بيه وبالساعه العرفتج بيهااااااا.
عيوني صارت تمطر دموع ماكدرت ارد عليه اختنكت كلش درت وجهي عنه ارجف.
تيمور : وين اختي دليني مكانها لاتخافين بعد ماشربها شي راح اخليها ترجعلها صحتها واطلكج بااجر وعد رجال روحييي من حيااتي اطلعي مااااريدج بعددد ماااااريدج
درت وجهي اباوعله بقهر دموعي ترست وجهي صرت اجز نفس بصعوبه.
تيمور : طلعتي ملعبه اكثرر من الكل مجنت متوقعج هيج ابد .
_باجر اول ماطلكني اخليك تعرف مكان اليان.
تيمور : هيه بأمان؟
_أي
هز راسه باوعلي بنظرات قرف احسه حيييل كرهني عافني وطلع من الغرفه كعدت علئ السرير واني منهاره
كلامه زلزلني حيل أثر بيه بقيت ساعه كامله ابجي وحدي احس عيوني طفت.
شنوو الذنب السويته بحياتي حته هيج تصير حياتي وتنكلب فوك تحت.
بقيت بالغرفه لليل مانزلت ولاطلعت ابدد حبست روحي بالغرفه منتظره هل يوم ساعه ساعه اريد اخلص من هل زواج.
صارت ساعه بـ 10 بليل دخل تيمور للغرفه جان سكران كوه يمشي شكله يخوووف
رجعت خطوات ليورا واني ابلع ريكي بتوتر وخوف باوعلي من فوك لتحت ابتسم وكال.
تيمور : لعبت روحي منج بعد ماريدج
مجاوبته درت وجهي عنه كعدت علئ طرف القنفه من بعيد اباوعله راح هوه شمر روحه علئ السرير نام علئ وجهه.
بقيت هووواي كاعده واباوعله صافنه بوضعي بحالتنه ثنينه ليش هيج حياتنه لاهوه مرتاح ولا اني مرتاحه
ثنينه جاي نعيش بعذاب ومأسات احس افضل شيء راح يصير هوه الطلاك ع اقل لايشوفني ويحترك ولا اني احترك من تصرفاته.
لميت رجليه علئ صدري اباوعله بتعب مادري شلوون دخت وغفيت شويه حسيت بيه كام من مكانه وشالني احس بيه بس ماكدر اتحرك نعسانه وماريد احجي وياه بشي.
مددني علئ السرير غطاني زين وراح للحمام اخذ ملابس ودخل يسبح
عضيت شفتي بقهر هوواي يحبني ويخاف عليه بس تصرفاته كلهن غلط بغلط
عيني ماجاها نوم ابدد اخذله نص ساعه بالحمام شويه وطلع نشف شعره خله عطر واجه تمدد يمي سحبني علئ حضنه اني مسويه روحي نايمه شمني من ركبتي وهمس بهدوء
تيمور : هذا الوداع اريانا من اليوم راح يختفي عن حياتج تيمور حبيتج هواي بس ماشفت حب منج جان كلشي من طرف واحد بدون مقابل.
اهتمي بروحج ياروح تيمور لاتزعلين مني ضوجتج وأذيتج هوواي بس خلص لازم نوكف عد قرار واحد.
راح اعوفج راح اتخله عن اغلئ شيء عندي تعبت بحياتي محد اهتم بيه جنت ادور اهتمام ولو بسيط من الاهل او الاصدقاء الكل يشوفني بنك يريد بس فلوس مني
ابوي ع شغل امي ملتهيه بروحهاا اخواني كل واحد وحياته الخاصه بيه دورت وحاولت الكه بنيه تهتم بيه داريني مالكيت كلهن تسليه جانن وتكضيت وكت بس انتِ سكنتي روحي غصباً علئ تيمور خليتي يركعلج وينزل من نفسه وكبريائه عليج خسرت بهاي الحرب وخسارتي جبيره.
يحجي وهوه مخليه وجهه برگبتي كزبر جسمي عيوني انملت دموع احس روحي اختنكت كلش شهكت بنص نومي ماكدرت اخفي دموعي.
من حس عليه كاعده ابتعد عني ودار وجهه سووه نفسه نايم
فتحت عيوني اباوعله بعيون كلها دموع خليت ايدي علئ حلكي اكتم صوتي ماريده يشوفني ضعيفه
درت وجهي عنه انطيته ظهري مسحت دموعي سحبت نفس بقوه
هذا احسن حل الاول مره راح يسوي تصرف يرضيني اني الي اريد هل طلاك اريد ارتاح منه تعبت هواي وتحملت هواي.
بقيت هوواي صافنه وافكرر دخت ونمت مادري بيه بعد هوه نام لا
كعدت ثاني يوم تعبانه كلش وراسي احسه مقسوم نصين من البجي البجيته لبارحه
فتحت عيوني اباوع علئ تيمور طالع برا البلكونه ويدخن.
كمت من مكاني اخذت ملابس ودخلت سبحت اريد شويه ارتاح بقيت ساعه كامله جوه الدوش.
كملت سبح لبست وطلعت مجان موجود بالغرفه شسورت شعري ومشطته ونزلت جوه تقريباً ساعه بـ 10 ونص الصبح
ام تيمور نايمه ماكاعده والولد كلهم طالعين للشغل تيمور كاعد بالحديقه يشرب كهوه
رحت للمطبخ اكلت شويه وشربت جاي بقيت كاعده بالمطبخ اتريك شويه ودخل تيمور للمطبخ
خله الفنجان علئ السنك مسح ايده بكلنس باوعلي بهدوء وكال.
تيمور : يلا جاهزه
_وين
تيمور : للمحكمه.
هزيت راسي بأي كمت من مكاني غسلت ايدي عافني وطلع للسياره صعدت فوك للغرفه اخذت جنطي لان بيها جنسيتي والعقد اخذت جهازي لكيت آرون متصل عليه هوااي تقريبا 6 اتصالات.
ماتصلت عليه خلي ارجع واحجي وياه واخلي يجيب اليان لبيتنه واخليها يمي منا لحد ماتصير زينه ورجعها الاخوها.
نزلت جوه طلعت للسياره جان تيمور مشغل السياره منتظرني بس اصعد صعدت وياه بالصدر ساق بسرعه
طول الطريق ساكت مافتح حلكه بحرف اني هم ماحجيت شي وياه.
درت وجهي علئ الجام اباوع علئ الجو شويه وصلنه للمحكمه.
نزلنه ثنينه سويه بعدنه ماداخلين للمحكمه وكف تيمور يتصل علئ المحامي.
تيمور : وينك تمام راح انتظرك باب المحكمه.
سد من عنده سحب نفس قوي طلع جكاره ودخن يباوع يمين ويسار.
_اريد مي عطشانه
تيمور : ابقي هنا هسه اجيبلج واجي
هزيت راسي بأي عافني وراح جان اكو محل كدام الشارع عبر عليه يشتري كعدت علئ مسطبه منتظرته.
شويه وطلع تيمور يركض من المحل وجهه احمر خفت كمت علئ حيلي صااح بصوت عالي عليهه
تيمور : ارييييياناااااا ادخلييي جوووه ادخلييييييي بسرررعه
ماعرفت شكوو رجليه ماتن والله صرت اباوع يمين يسار خايفه صااار اطلاق نار قريب علينه صرخت كعدت علئ ركبي وخليت اديه علئ اذني ارجف
اجاني تيمور يركض كبل حضني اول ماحضني حسيت طلقات احتلت احشائه شهك بصوت عالي من الألم باوعلي بنظرات كلها دموع صرخت بصوت عالي
