رواية انت البارود وانا النار الفصل الخامس والعشرون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
بهذا بيت الشعر كدرت اوصف مرض سگينه وحالها
تكول سگينه.....
متعـوبـه روحـي وگايـمه تلـوع..
وبيـه الـوجع بـادي مـن الضلوع...
ومطفيه روحـي ومامـش شمـوع...
خايبه هـوه المـرض شيريـد منـي...
وتلمـست بليوچعـني...
وبويـه بغـرفتـي ومايـهدنـي....
نبـض الگلـب سـرعه علـى سرعه...
گـل شهـر خـاب نطـيني چـرعـه...
مـا ضـل صبـر بـالوچع عتـنـي...
رايده امـوت وهلك متـنـي....
يمامه هيه الـكاضتنـي...
تگـلي يمـه شـويه صبـري...
ومـا تـدري محـضرين گبري..
خـايبيـن ويـن الگـه سيـد واشتگيله..
ونـات بيـه شـگد ثگيـله..
وجـني نصـبت يانـاس چيلـه...
وشـوفو الـحروزه تـارسـه البـيـت...
ونـيت انـا بـچـرح ونـيـت...
يـا گـون امـوتـن واخـلص بسـاع...
خايبـه ماوچـد ومـا ماشـيه على الکـاع...
خايـبه وعـلي اتلـمس الحـيطان گـل ساع...
متعـوبـه روحـي وگايـمه تلـوع..
وبيـه الـوجع بـادي مـن الضلوع...
ومطفيه روحـي ومامـش شمـوع...
خايبه هـوه المـرض شيريـد منـي...
وتلمـست بليوچعـني...
وبويـه بغـرفتـي ومايـهدنـي....
نبـض الگلـب سـرعه علـى سرعه...
گـل شهـر خـاب نطـيني چـرعـه...
مـا ضـل صبـر بـالوچع عتـنـي...
رايده امـوت وهلك متـنـي....
يمامه هيه الـكاضتنـي...
تگـلي يمـه شـويه صبـري...
ومـا تـدري محـضرين گبري..
خـايبيـن ويـن الگـه سيـد واشتگيله..
ونـات بيـه شـگد ثگيـله..
وجـني نصـبت يانـاس چيلـه...
وشـوفو الـحروزه تـارسـه البـيـت...
ونـيت انـا بـچـرح ونـيـت...
يـا گـون امـوتـن واخـلص بسـاع...
خايبـه ماوچـد ومـا ماشـيه على الکـاع...
خايـبه وعـلي اتلـمس الحـيطان گـل ساع...
يمـامه:
بعد ماكال الدكتور هيـچ .
خله ضرغام فاتح عيونه وساكت ماعرف شيسوي رجع حجه دكتور
الدكتور:اخذوها هسه للبيت هيه رجعت لوعيها
ضـرغام: دكتور اخذها اي مكان حتلو اطلع اسافر بيها سوي اي شي وانا ادفع الفـلوس.
الدكتور:للأسف مرضها وصل لمرحلة متقدمة جدًا، وجسم الوالدة ما عاد يتحمل العلاج.
ضـرغام:ابدوا بالكيمياوي دكتور انـا ادفع كل التكاليففففف
الدكتور:لو جان يفيدها، جان كتلك اضربها بس مايفيد
عصب ضرغام وكله.
ضـرغام:يعني شنو؟ تريد تكلي خل تموت عوفها بالبيت
الدكتور:لا العمار بيد الله بس أكلك لا تخلي آخر أيامها كلها ألم داخل المستشفى. الكيمياوي بهالمرحلة ما راح يفيدها وإنما راح يزيد تعبها وتتعلعل اخذها للبيت خلي آخر أيامها بين ريحة بيتها، وبين الناس اللي تحبهم. صدكني هاي أكبر رحمة إلها هسه.
راح الدكتور وكفت يم ضـرغام وحجيت
يمـامه: الله يشافيها لاتعذبها خطيه هيه محتاجتك انت وايـه يمهاا خلي تجي انشالله تتحسن .
ضـرغام:يااا ايه هاي واخوج مايقبل ارجعها اله ارجعج انتييييي
سكت مابيدي اي شي وشي اكيد سالم مايقبل ايه تجي لان يعرف ماترجع.
رجعنه للبيت وفرشنه الها وهيه تبجي ولازمه ايد ضرغام
مالومه ع حزنه ولا على حزنها شما صار تبقه امه ويبقه ابنها.
طلعت من الغرفه سويت الها شوربه ولبن
واجاني ضرغام
ضـرغام:المن هذا؟
يمـامه:امك تتعشه سويت الها.
عفته ورحت دخلت يمها هيه ساكته وفعلا مابيها حيل حته تشيل روحها خليت يمها ودخل ضرغام كتلها .
يمامه:هذا عشاج اكلي سويتلج شوربه خفيفه.
طلعت وخليت ضرغام يوكلها وانـا صعدت فوك وبعدني ضايجه من ضرغام ومن كلشي ومشتاقه اخواني هاي صار شكد انحرمت منهم ومانعرف شنو مصير واعتقد لو صح الي فرصه اعوف ضرغام وهذا البيت .
وهيج ضليـت ضرغام ينام يم امه
نزلت الصبح نضفت وطبخت وجان ضرغام طالع رجع تغده ونام وكال عندي كعده رحت كويت اله دشداشه السـوده وكويت البشت الي يلبسه وخليت اله العگال يمهن وطلعت محبس الي يحبه ومكتوب عليهن اسماء الله وسبحته
ورشيتهن عطر ونزلت صعد لبسهن ماشالله وانـا صافنه عليه واشوف هيبته وهدوئه يمشي يشوفه يكول مستحيل هذا هدوئ وره هيج عاصفـه .
ضليت جوه ماصعدت فوك ضل بالي ع سگينه خاف يصير بيها شي منا للمغرب كمت سويت الها عشه لان عدها علاج وهيه بهذا المرض ضل شعرها يطيح وحواجبها وتغيرت ١٨٠ درجه
طبيت الغرفه لان بس انـا وياها ولازم اعيشها ماكدر انتضر ضرغام يجي .
كعدت يمها وهيه ساكته وكلتها شويـه وشربت ماي واخذت علاج ردت اكوم كالت
سكـينه:تعرفين أول ماشفتج بهالبيت، كلت هاي البنية الي تصير جنتي وحبيتج من حب ضـرغام انـا
يـمامه:وانـا من صرت جنته هذا البيت تمنيت ما أعيش بيه يوم واحد هسه
سگينه:سامحيني يمامه انـا وابني ظلمناچ صح انتو غلطتو بس انتي مالج ذنب بشي
ماعندي شي ارد بي عليها وهيه تطلب من سماح
سگينه:ضرغام مو هيچ والله مو هيچ انـا ربيت واعرفه بس صدگي هوه من مات ابو شاف الويُل ضرغام عنده 5 عمات بس من مات إيهاب راحن وشكد صارت مشاكل ع الورث بس جا انـا اشمن الهوه محد فك حلكه ويا وعذبنه هواي وعمه محسن اخخ ياچلب غدر بـ اخو وهم حارب تصدگين يكعد بين الديوان يكلهم ضرغام موش لازم يصير شيخ مامنه فايده ويسقط بي عبن انـا مخليته بالبيت أخافن عليه لهذا السبب ضرغام قسه عليـچ بس ابني يحبج صدگي .
يمـامه:وأنـا دفنت عمري كله وياه وانـا حجيتله الحقيقه بوكت كلها سگتت
سگينه:اطلب منج طلب إذا الله أخذ أمانتي لا تخلينه يعيش وحده ضرغام يهواج والله لاتعوفينه حاولي حته يستمر هذا الزواچ
يمـامه:شلون أبقى يم واحد كل يوم يذكرني بكسره اهلي وانا مالي ذنب والله مالي ذنب .
سگينه:لأن محد يكدر يرجع ضرغام مثل ماجان غيرچ إنتي راح يقسه بس تحملي اذا عرفتي شلون تحتوي مايقسه .
يمامه: يمكن بعدني أحب الذكريات اللي جانت بيني وبينه الانسان يضوج ع هذا الشي جنت انـا وضرغام هواي احلام عدنا مابيوم فگرت ضرغام يمد ايده عليه بس اليوم ضرغام اللي أعرفه اختفى ضرغام الي اتنخه بي فعلا عاملني وان دخيلة
سگينه:ابريلي الذمه انـا بريت الج الذمه بس ابوج لا بس مبريه الذمه انتي واخوانچ واريد اكتبلج وصيه واوصي حته ضرغام فلوسي وذهبي كله الج
انصدمت من حجايتها لان هيه من اهالي قبل وذهب الي عدها يخبل واثقال وشي فخم مو شي عادي
يمـامه:لا انا مااكدر
سگينه:انـا اكتب وصيه لاتخلين ذهباتي ياخذنهن عمات ضرغام وهذا البيت دورينه انتي و ايـه وضرغام ديري بالج عليهم يمامه.
جانت يمها ع جربايه كلشي طلعت دفتر صغير وكالت كومي ناوشيني القلم صغير هناك جبته الها وكتبت ذهب الي والبيت باسم ضرغام ويمامه وكالت من يجي ضرغام انطي هاي وصيه كمت اخذت صينيه الاكل وفتحت الباب ونصدمت بضرغام جان جاي واكف وشي اكيد سامع الحجي كله .عبرته ورحت رجعت
لكيت كاعد يم امه وشفت بيده الورقه وهوه يضغط عليها سمعتهم يحجون وهوه منزل وجهه ضليت واكفه وره الباب اسمعهم .
سگينه:ضرغام ارفع راسك خل أشوف وجهك
ضرغام:يمّه لا تحجين. كل كلمة تتعبج هاي هيه فهمتچ
سگينه:التعب مو من الحچي التعب من خوفي عليك انا ربيتك وانا خفت عليگ
ضرغام:لا تخافين انـا زين ويمج .
سگينه:من جان عمرك عشرسنوات وإنت تجذب علي بنفس الحجايه انُا زين اريد اوصيك بشي بعد.
سگينه: وأوصيك بيمامه.
ضـرغام:يمّه لا توصيني عليها
سگينه:ليش؟
ضـرغام:لأن هيه بذمتي سواء وصيتي أو لا
سگينه:جا ديري بالك عليها لا تكسرها أكثر.
دكيت الباب وكلي ضرغام
ضرغام:ادخـلي
يمامه:من الغده ما ماكل شي ماجعت
ضرغام:مو جوعان
يمـامه:ليش اسويلك شنو تريد
ضرغام: كلت مو جوعان
عفته وطلعت وصعدت فوك للغرفه ونمت
دخل هوه سبـح وبدل ونزل ينام يم امه
وهيج مرن شهرين كاملات ع هذا الوضع
وانا ادري امه واكفه الها وكفه ماعفتها رغم كلشي صار
بيومها جـان مغرب وضرغام بره بالحديقه وانـا يم سكينه كعدت يمها وهيه فجاه فجاه تغير شكلها وصوتهاا كوه حجت صيحيلي ضرغام صحتله ودخل كالت كعدو يمي كعدنا يمها
وضرغام حس انو امه هسه راح تمـوت لزمت ايد ضرغام وباستها وهوه ضل يبچي ويبوس بايدها اخذت ايدي وباستها
سگينه:ابريلي الذمـه
يمامه:مبريه الذمـه عمه لاتكولين هيج انتي مثابه امي
سگينه:الله لايفرقكم .
باوعلي وضرغام واول مره اشوفه يبجي ومابيده اي شي يسوي اله ان خمس دقائق ع هاي حاله وهوه يريد ياخذها لمستشفى ماترضه وغمضت عيونها وماتت بحضني وبحضن ضرغام
يمكن حته بموت امي ماشفت هيج وجع كلبي وهيج تاذيت وضرغام صرخ بعلو صوته
ضـرغام:يممممماااااااا لاااااا يمّه افتحيييي عيونج فدوه رحتلججج لا تعوفينيي والله راح أسوي كل اللي تريدينه بس لا ترحين
ضرغام رجع صرخ بكل وجعه
يمــــــّه ولـجججججج يمــه .
حـاجيـني يمـه لاااااااا
اوصف هنا حال ضرغام على امه وهوه يكول
داريتـج يايـمـه وحسـبالـي تطيبـين
ومـا ادري مـن اديـه بسـاع تـرحيـن
عسـانـي ميـت انـا ولا تمـوتـين
انـا يـمه مقصـر بحگـج لاتزعلـين
يمـه فلـت العشـه ويـاج وهاي هيه يمـه
ماعرف شلون اوصف حالنا بهذيج لحظنه كلشي صار بسرعه بسرعه اخذنها لمستشفى وسو الها شهاده وفاه ضرغام حاله گلش بضيم وكلها أجت من الشيوخ وحته عماته اجن ضرغام ماعنده بس عم واحد وشارد محسن مادري
غسلوها وانا وياهم بالمستشفى ورادو ياخذوها للنجف كلهم ضرغام اروح اسبح سبحه ميت وارجع الكم انـا ادفنها بيدي اخذني ويا ورحنه هوه بضيم حاله دخل سبح وانـا هم سبحت سبحه الميت وطلعت لبست اسود وحجه ضرغام جان مبدل ولابس دشداشه السوده وحجه
ضرغام:يمامه وينج
يمامه:هـا ضرغام
ضرغام:إنـا رايح وانتي راح تبقين بالبيت وحدج.
يمـامه:اضل وحـدي؟ وانت رايح ضرغام وديني يم اخواني يم اهلي
بنبرة حادة حجـه
ضـرغام:كلت تبقين بالبيت
يمامه:جـا خاف يجون.
يقاطعني بعصبية
ضـرغام:يمامه لا تعانديني اليوم .
يمامه:مثل ما تريد
ضرغام:البيبان كلها تنسد وإذا أحد دك الباب لا تفتحين وإذا صار أي شي اتصلي بيه
يمامـه:صـار.
ضـرغام:اسمعي كلامي هالمرة وما أريد أعيده الباب ماينفتح حته عماتـي تضلين وحدچ واكلهم راحت لاهلها حته مايجن يمج هسه وديري بالج على نفسج.
طلع وقفلت الباب وجان دنيا لليل لان ماتت المغرب هيه متت من الخوف وحدي ماعرف شلون خلص الصبح وانـا نايمه كعدت الصبح شلت الفراش وغسلته وغسلت غرفه سكينه وشلت كل اغراضها الي امنتهن الي وقفلتها حسب ماعرفت ماتريد اي وحده من عمات ضرغام تدخل غرفتها ممكن الها نضره لمستقبل او تعرف شي
اخذت الذهب وضميته بغرفتي والفلوس وبقن بس الملابس
نضفت البيت كلـه وكاتلني الخوف وماعندي حته تلفون اتصل ع ضرغام
منا للظهر اندك الباب وصاح انا ضرغام فتحي
فتحت الـباب ولكيته عيونه حمر وهدومه كلهن تراب هذا اليوم كبره سنين ليكدام دخل ضرغام سديت الباب حجيت واحنه واكفين بالحديقه
يمـامه: الله يرحمها ويبرد كلبك ربي يصبرك على فراكها
ضـرغام:يصبرني وينه الصبر؟
خليته كله بالكبر وياهاا
نزل البشت جان لابسه وكتله
يمامه: انطيني إياها هسه اغسلهن الك
دخل جوه يسبح وانـا غسلت هدومه ومسويه الغده حضرت اله اكل لكيته يريد يدخل للغرفه شافها مقفوله
يمـامه:امك وصتني اشيل كلشي وواقفل الغرفه وهسه يجن النسوان وفاتحه ماردت تبقه غراضها بيد العالم
ضـرغام؛زين تسوين هسه يجن عماتي وتبدي الفاتحه
يمامه:حضرت الك اكل تعال اكل
حجه وهوه واكف يم غرفه امه وكلي
ضـرغام:إذا شفتيني منكسرلا تشوفيني بعين الشفقة
يمـامه:مستحيل أشوفك بهيج شي انـا نفسي اوكف وياك ع المره قبل الحلوه وانت وكفت وياي هواي بعدني انـا يمامه تحبك
راح انام للعصر اكعد يااكل هذا وامي جوه التراب يمامه وصعد نام
منا للعصر اجن نسوان وعماته وهوه بدل وراح الفاتحه بديوان
صارت ساعه ب 9بليـل راحن العمات وسمعت نسوان تكول محد حته بتها ماموجوده شلون فاتحه هاي رغم هواي اجن نسوان خلصت وراحن وعماته كالن باجر نجي مانبات هنا ضليت وحدي ضرغام بديوان لحد مانضفت ديوانيه لباجر تبقه نضيفه لان فاتحه7 ايام شويه واجه ضرغام
يمامه: الله يساعدك عماتك راحن كالن باجر نجي .
ضرغام:يمـااااامـه ثقيييي بااللهههه خاف ناوي اكتل ابوج هسه انوي ع كتل اخوج سالممم
يمـامه:شبيكككك رجعنااا اخواني شعليهممم
ضرغام:حارمممم اختيييي تجيييي طايح الحض ينكطع صله الرحم من هسهه عود اجونييي عبالهم انسه صـار بالله لو مازلم والشيوخ اطردهممم
يمُامه:ماترضه ع روحك لاترضه ع غيرك انت هم حارمني منهم شهور
ضـرغام:مو ضرغام يخلي اخته بهيج وضع انا باجر رايح اجيبها واشوف زلمه يوكف بوجهي ان جان اسعد لو سالم اجتله
يمـامه:كافييييي ضرغام كافييييي محد بقالك ولا انا احد بقاليييي انا اهلي ماتووو وضليت بس انت وانتتت محد بقالك حته اخ ماعندك وماعندك عم تشد بي ظهرك كافي دور مشاكل تخسر روحك ياهووو النه
ماعرف شلون طلعت هاي حجايه مني بس ماريد اخسره
وماريد اخسر اخواني يريد يعاركهم منو يوكف ويا منو يفزغله؟صح العشيره تحبه بس اكوحموله من العشيره ماتحبه بس شسوي
اجـاني وجرني من ايدي وصعدني فوك الغرفه
طبك الباب
ضرغام:تعيرني ليش انتي عندج اهل وعندج اخوان انـا المن عايش لاعندي طفل ولاشي امي ماتتتت وابوي ماتتتت ومن ورااااااااج
يمـامه:كااااافي ضرغام ولك هديتتتت حيلييي عقليييي راح يوكف موووتني كافييي الى متى تعيرررر بيه الى متى ولك موووتتتنيييييييي
احجي واصرخ وصوتي صار بي بحه من الصريخ
مابقالك احددد رجعني أهليييي المن عايش رجعنييييييي
ضرغام: راح افقد اعصابي بهل لليل وحق علييييي
يمامه:شتريددد مني كليييي شتريد
ضرغام:يمامه انصحج سكتين
يمامه:ماسگتتتتت لو اعرف تموتني لان تعبتتت تعبتتتت ولك تعبتتتتتتتتت موووتنييي صارلي شكثر صابره وجاي شوفني ميته ميته من وراك اريدك اريدددد ضرغام يلمني بين اديه ويكول انتي مالج ذنب.
ضـرغام:حاسبه روحج مرتي؟
يمـامه:انـا مرتك رضيت او لا بس انته هدمت كل علاقتناااا تكلي مالي احد ليش مالك احد انا مو مرتككككك انا باجر ام ابنك اذا رحت انـا ياهـو الي
ضـرغام:ياااا خـراا تحجين عنه يا ابن وينه ابنييي وينه؟
يمامـه:ليششش انت متقرب عليه حته يصير شي معترف بوجوديييي لو مخليني خادمه اغسل واطبخ الكك
ضـرغام:يعني تردين طفل مني وهسه انا الي مقصر بحقوقج مو وانتي الصح خوش تعالي
جرني من ايـدي لجربايه
يمامـه:تخبلتتتتت وخرررر عنيي جاي سووووي
ضـرغام:موووو تردين حقوقج مو تردين صيريننن المره ماديه حقوق رجلهااااا انطيني حقي
يمامه:مره اخذتني علمود تبين انا شريفه لو لا وهسه هيچ؟
كسر الغرفه والغراض وصاح....
ضرغام:جااااا شسووووويييي غير اناااا مامسوي حقوقج اليوم اسويهنننن كلهننن
اخذنـي اله وسوه الي يريده وانـا هاي مره مابجيت بس كرهته ضرغام وحلفت مايمر عليه صبح هنااااا وحته طفل منه ماررريده وماتوقع يصير طفل من اول مره .
كام من يمي ضرغام واخذ ملابسه وراح يسبح
وانـا ع حطتي من الصدمه والوجع وهاي مره تاذيت كلش هواي كمت طلعت الي جنطه وخليت بيهن ملابسي وحلفت ماضل بعد سوه شفت الغرفه متكسره تگسر ماسويت بيها اي شي بس شلت الجربايه وعدلتها نزلت جوه وضليت بدوانيه وحلفت اليوم اطلـع لو شصير نام ضرغام فوك وانا ضليت جوه
شفتها ساعه بـ11 بليل صايره
ادري راح اسوي شي جبير بس ماكدر اصبر بعد صار لان كتله مانطيتني اي حق اليوم سوه الشي للمره ثانيه غصب عني وماحترم رأيي صح انـا مرته وحلاله بس وضع جان شي مو حلو مو بتكسير والصياح.
رحت لكيته نايم نزلت جوه وفتحت باب شارع وخايفه اخطي اي خطوه جان بيتنا قريب ع بيت جيرانه رجال جبير مامتزوج وماعنده اي احد اخته ميته واخته ثانيه هم ميته بس هوه غني
بس خطيه مايشوف عنده عين وحده وناس تحبه تطبخ اله وتودي اله اكل.
شافني واكفه بره وهوه جان واكف يرش الباب
عبـد الخالق:جاي سوين هنا بويه بره ليش واكفه جا وين ضرغام
بجيت وكتله
يمامه:عمو فدوه اخذني أهلي فدوه رحتلك عمـو
عبد الخالق:بويه شنهي مسويلج شي ضرغام گليلي اكسر رجلي
يمـامه: بس وديني أهلي فدوه ماكدر اطلع وحدي عمي الله يخليك والله انت كلها تخاف منك وتحجي الحق وديني
عبد الخـالق: وعد اوديج وهسه بس بشرط دخلي جوه وصييحلي ضرغام وانا اوديج
يمامه:لا عمو والله مايرضه اروح والله يكتلني
عبد الخـالق:صيحييييي الي وكليله عمك عبد الخالق بالباب يلا
صعدت للغرفه لكيته نايم وحجيت
يمامه: ضرغام ضرغام
ضرغام:همم
يمامه:عمو عبد الخـالق يريدك بالباب
ضرغام:شبي بي شييي؟طايح
يمامه:يكول خلي يجيني بره
نزل ضرغام بساع لان يحبه كلش هواي وخاف عليه حسباله صار بي شي
شفته دخلو لديوانيه وعاف الباب مفتوح ماكدرت اسمع يشوفني ضرغام بس الي تأكدت منه اكدر اروح اهلي
صارت ساعه ب١١ ونص
انـا كاعده بالمطبخ وايدي ترجف ورجليه يرجفن شراح يسوي ضرغام بعد مايدري بيـه ردت اطلع بدون علمه طلع ضرغام من. دوانيه واشرلي
صعدي فوك بدون صوت
خفت كلش خفت اصعد وسمعته يكول
ضـرغام:بالخدمه ماتطلع اله هيه وياك هسه اجيبها واجي
وهوه يخنزر بيه أصعد فوك وانا رافضه اصعد وكاعده عيوني يصبن دموع واهز براسي لاا
اجاني وحجه
ضرغام:الكاج فوك.
صعدت ركاض وانُا ابجي وخايفه هاي مره صدك خايفه غلطت شلون اطلع ياربي شلون افتح الباب واطلع وضرغام مامنعني هسه شيكول عني ياربي فدوه هدي ضرغام عليه
دخل ضرغام واول شي سوه
جرني من شعري وحجه
ضرغام:شلون تكسرررررين حجايتيييي وتخليي رجلج تعتب باب الشارع ولججج انا كرن كدامجججججج
يمامه:خفتتت والله خفتتت منك ومن كلشيييي ماكدر اتحملل بعد سويته
ضرغام:تتحملين غصبًا عليج تتحملينننننن
عاف شعري وانا ضليت بين كنتور واكفه وخايفه
يمامه: فدوه الله يخليك
لا تخليني أخاف منك كلبي راح يوكف من الخوف لاتسويلي شي
ضرغام:من شوكت انا أمشي بشور النسوان؟ ولج تخليني بهيج موقف كداممم زلمه انا حارمج من اهلج عبن تستاهلين بس هسه انـا الكم
لزمني وضربني راجدي بكل قوته وشفتي انشگت وصار بيها دم
ضرغام:هسه كوميييييي وروحي بيتتتتكمم
شوفيلج بيت يلفيج لاتخليني اكسر خشمج هم
دفعته وانا ابجي ونزلت ركاض عبد الخـالق شافني بهيج حاله وكال يلا بويه توكلي امشي
طلع ضرغام عينه مايخليها بعيني بس سمعته يكول
ضرغام:عمي اختي اذا ماجت يصير خير
عن حال يمامه قبل لا تطلع من البيت
خايب هـل مره احس ايدك ثگيـله.
ولاتـدك بـابـي ولاتـجيله..
خايـب سايمه عليك الله وخليـله..
گـف منـي لاطـك روحـي چيـله...
ويـل مالـي حصـه من هـدايـاك..
خايـب باوع غـرورك وين وادك..
گـدامي بـس بعـيد خـلاك..
وياهـدس خـاطـر تحجي وياي...
ومـاضـل حجـي يتعـب على شفاي..
رحنه وانـا مامصدكه راح اشوف اخواني
عبد الخـالق:اخوانج ينتضرونچ خابرتهم
يمامه:اخواني يعني حته سالم
عبد الخـالق: سالم من ماتت امج رجع كعد وي أسعد بويه
محد بس همه
يمامه:جا وسعاد مرت ابوي
سكت ماجاوبني بس مايهمني كل يهمني اخوانييييي اهليييي
ضليت امشي وماعرف شنو ضرغام بس من تصرفاته وياي
وكل يوم جاي يقل حبه اله
صح عفته وره ظهري بس ماقصرت ودائما جنت واكفه ويا وكل تقصير ماسويت ويا حته من جان يجي احضر الكمه وانطيها اله .
وصلنا وجان الباب مفتوح فتحه ودخلت ولكيتهم بالحديقه ينتضروني شفتهم مامصدكه والله مامصدكه هذولللل اخواني ركضتلهم واجاني سالم شبكني بكل حيله وماهديته ومنزل راسه وحاضني
سالم:بعد عمر أخوج شبيج شصار بيج ليش هيچ صايرة
يمامه:اشتاقيتلكممم والله اشتاقيتلكمممم
اسعد:هاي أختي والله مامصدك ولج يمامه رجعتييي لحضنييي
اخذني اسعد وشبكته وطلعت ضيم الي بكلبي من البجي والقهر
يمُامـه:اسعد ولك اسعددد
أسعد:بس... بس لا تبجين
يمامه:تعبت والله تعبت خويه تعبتتت
عبد الخالق:يلا بويه انتي هسه بين اخوانج وانشالله كلشي محلول
عبد الخـالق:سالم تصرفك غلط وهسه لازم اخذ ايـه وتروح فاتحه اهلها
سالم:واذا مارجعتلي عمي انا ماحرمهاا بس تعرف الي صار صار ثار وحقد وهيج اطشرنا
عبد الخـالق:انا حجايتي محد يكسرها ولك سالم كتلك ارجعها اسكت .
دخلت جوه وشفت رنـا مامصدكه شفتها ركضتلي وشبكتها وهيه تبوس بيه
رنـا:يمههه ياخيتييي يارويحتييي
يمـامه:كاضتها وابجي ودموعي تصب وهيه تشرح وضعي.
رنـا:بسج ياروحي كلشي راح خلص گلبي رجعتي يمنا دخلي
شفت مسره وهم سلمت عليه
وسلمت عليها شلون ماجان تبقه اختي وماكدر اهملها ماكـدر.
نزلت ايه هيه وبطنها وشافتني وحجت
ايـه: الله لا يوفقج يايمامه عساها بحضج وبختج سويتي بينا
صرخت بعلو صوتي عليها ورديت
يمـامه:بسججججج كااافيييي مو حسبالجججج امج ماتتتتتت وانـا السببب ماتعرفينننن عشته وي ضرغام ماتعرفينننننن انـا عشت وي متوحششششش تندمتتتتت الف مره بيوم حبيتتهههه وخلي كل يسمع بعد ماعندي شي اخسره
سالم:ايـه هذا الحجي مووو وكته ترحين وترجعين بس تخلص الفاتحه
ايـه:لو ما ابني بطنك مارجعلك
عبد الخـالق:ادري اله متى تضل هيج عداوه بينكم ترا لازم يكون اكو حل تسامحو عمو بناتي لاتشيلون هيج كراهيه ترا باجر نصير جوه الكاع عليمن هل كراهيه ليش مو وأعيات جاي يصير
بعدين بنتي ايـه يمامه مالها ذنب وتعاقبت اكثر منكم كلكم وعاشت هواي امور وي زوجها وهذا الشي واضح ضرغام مصر ع الانتقام والاذيه
ايـه:كلشي يصير بيهم يستاهلون هاي سميتها اختي غدرتني وگسرت اخويييي
عبد الخـالق:ايـه امج راضيه عليها ترا الوصيه مالتها البيت والذهب وكلشي لـ يمامه.
انصدمو كلهمن هذا الحجي
ايـه:يمكن ضحكت ع امي وانطتها وانـا ماحتاج اي شي وحتلو احتاج هاي امي يمامه مالها حق باي شي
يمـامه:اخذيهننن صدكيني ماحتاجهننن
راحت ايـه وكعدت بالهول بس هلمره كلشي مختلف
لا ابوي لا امي ولا حته سعاد
كعد يمي اسعد وسالم وانا بالنص وابجي واشم ريحتهم ماريد اعوفهم
يمـامه:حرمني منكم والله ماريد اعوفكم بعد اريد ابقه يمكم
اسعد:اذاج ؟شنو صـار ضربج؟
يمـامه:اسعد انـا اسفه ع صار والله اسفه
سالم:احنه أسفين احنه ماخلصناج من ابوي
يمـامه: ضرغام تغير صاحبكم تغير مو نفسه تعرفونه اخذني علمود يحرك كلبي وكلبكم ماحباني ولا يوم حبني
حته وصلت مرحله شكت امه بشرفي واضطريت اثبت الهم
بجيت ونزلو راسهم
- اكو حجي ماكدر احجي انـا والله بس اختكم تعبانه وضعي انا وضرغام كلش خرب وخربتو من وراي
سالم:لازم يصير حيل ماشوفين ساكيتين انتي مرته واخته مرتي مانكدر نگبر الأمور مانعرف شنسوي والحق ويا بس ماعرف ياخويه احنه وكفنه بفاتحه وهوه سكت خاطر الشيوخ
يمـامه:بس راح يكتل ابونا تكدرون تسامحو اذا كتله؟
كلهم سكتو وماحجو كتلهم
يمامه:راح يجي هذا يوم خلو بالكم
اسعد:هسه لا تفكرين بشي.
ارتاحي.وبعدين لكل حادث حديث .
مر الوكت بسرعه وتأخر الوكت دخلت لغرفه امي ونمت ماعرفت اي شي ولاسئلت ومقهوره كلش من تصرف ايه وياي
ثاني يوم الصبح كعدتني رنـا وشمرت ادم فوكي كبار وشحلاته
رنـا:يلا كعدي سبحي وتعالي اتريكي
كمت سبحت وكعدنا بالهول كل احنه بس جسد بلا روح .
أسعد:شعجب ام ضرغام عافت كلشي الج يعني هيه جانت زينه وياج
يمُامه: الله يرحمها لا مو زينه وياي وحقها مالومها بس بعدين انـا داريتها بمرضها ولهذا السبب كالت كلشي الج
سالم:انـا اليوم اروح اجيب ايـه
أسعد:اكعد سالم يوم 2 من فاتحه امهااا شنهي تروح كنالك تخلص فاتحه ونجيبها .
سألم:انا ماريددد اتعارك وي ضرغام لهذا السبب ماريد اوديها شنو راح يصيررر
يمـامه:الدم مايبرد يخواني ونتحمل نتيجه افعال ابوي
اسعد:هوه ابوج وووووينـه محد يعرف بيا ديره هسه.
يمـامه:اكلكممم وين سعاد؟
حجولي شلون سعاد شردت وي محسن مانصدمت لان ادري بعلاقتهم وكلشي اتوقع من عائلتنـا بعد بس ضليت صافنه ع مسره شنو حالها؟وشراح يصير بيها ماعرف.
كامو اخواني ورنا طبخت
وانـا ملتزمه الصمت ماحجيت كعدت يمي رنـا وحجت
رنـا:جاي تفگرين ترجعين ضرغام
يمـامه:لا رنا سوه بيه مو قليل إذا رجع معصب يطلع كل حچيّه علي
رنـا:شيحجي.
يمامه كل يوم يذكرني بأبوي يوميه مامر يوم وماذكرني
رنـا:وشنو تكولين اله
يمامه:اسكت شسوي شنو أرد
إذا رديت يعصب وإذا سكت هم يعصب
رنـا:حته انا من خابرته بوكتها وكتله يمامه راح تموت كلي يطبها مرض ماعرف الله يساعدج شخص تحبي تغير وصار قاسي عليج
يمامه:شتحجين ياقاسي ضرغام كتلني رنـاا ضرغام جان يخاف عليه كل مانتعارك يمد ايده عليه ويموتني
رنا:وليش سكتييي هاي مده كلهااا هستوج اجيتييي
يمـامه:بعد ماشك بشرفي انطيته روحي واتزوچنا وحلف مايتقرب الي بس البارحه تعاركنـا وكتله انت حته مامنطيني أي حقوق وانـا خادمتك كلي تردين طفل وانا ماجان قصدي ع الطفل ولا ع شي
واخذني مره ثانيه غصبببب عني كسرني احسس ماتحملت شافني اصرخ وابجي واكله ماريدك بس ماهتم لدموعي كمل يريده وعافني
جزء مني يريده ويريد يشبكه وجزء مني يكول شوفي اتوحش عليج
رنًا:يمامه انتي حامل؟
يمـامه:لا ماعتقد مايصير حمل من اول مره وانشالله مو حامل
خلصت الفاتحه اسبوع وانا عد اهلي وماعرف شنو الوضع وسالم يفكر ب ايه ويراسلها وماترد
اسعد اليوم كالو الشيوخ راح تجي بيتنا ماعرف شنو يردون
ضلينه نتضرهم منا للعصر ودخلو
الشيخ:إحنا اليوم مو جايين نكبر المشكلة جايين نحلها
أسعد:تفضل شيخ شنو رايد بالخدمه
الشيخ:هاي البنية بذمة ضرغام وصارلها اسبوع ولازم ترجع رجلها .
انصدمنا انا ورنـا عرفته سوه هيج حته يرجعني اله ويگسر خشمي بزايد جان بيدي تلفوني قديم رجعت اخذته بساع لكيت ضرغام كاتبلي.
وانا ردت اتصل ع ضرغام صاح الشيخ
الشيخ:وين البنية نسمع منها هم اذا تريد ترجع واذا ماتريد ماترجع أحنه مانريد جوابكم
رحت لبست عبايتي ودخلت
الشيخ:بنيتي إنتِ تريدين ترجعين لو لا لبيت رجلج
يمـامه:اي ارجع
صاح سالم
سـالم: والله ماترجععععع مرتيييي هناككك ومايرضه اجيبها ف اختي ماتطلع من هذا البيت لو اعرف اكسر رجليها واذا تردون زعلون زعلو
يمامه:سالمممم
سالم:بسجججج امشي وياي
جرني من ايدي ودخلني للهول
سالم :صح ضرغام زوجج بس انا اخوچ ومدام لعبها هيج وخله اخته يمه انـا هم اختي يمي لو اعرف اطلكج وماطلك ايـه واخليهم يتعذبون
صارت مشاكل وحجي وضرغام يودي حجي بيد الشيوخ مايچي ويگلهم نريد طلاك من سالم وسالم يكلهم
يطلك اختي
واطلك اخته لو يرجعن ماكو هيج حل سالم كلش اسودن وتخبل لان هم مرته حامل وحالف بس تجيب ياخذ ابنها .
وهيج انا ماكدرت اكسر بخوي مره ثانيه وارجع ضليت يمهم
يوم وره يوم ونفس حاله وگلام وضرغام يريد طلاك وسالم يحلف مايطلك وضرغام رافض يطلكني .
منا بيوم ساعه 12بليل اجانتني رساله من ضرغام
ضرغام: انـا بالبستان اول مره شفتج بي وعرفتج حيـه وجذابه تعالي طلعي.
كلهم جانو نايمين وطلعت حته بدون حجاب حته لايفكر ياخذني ويا .
رحت
يمـامه:انت شتريدددد ليش جاي تاذي اخوي رجع ايـه وانا تحلم ارجعلك تحلممم
ضرغام:صدگي لو اريد هسه اخذچ بأيدي وماتفكين حلكچ
يمـامه:ليش تريدني أرجع، وإنت رافض ترجع أختك وفوكاها حامل هيههه
ضرغام:هاي سالفة ثانية اختي تطلگ ماضل وانتي ترجعين وياي
يمامه:لا نفس السالفة. إذا تريد تاخذ مرتك. رجع أختك لبيت رجلها وانا وياك نرجع
ضرغام:لاتخليني افقد اعصابي لبسي شييي ستري نفسج وامشي گدامي
يمامه:تحلم اخطي خطوه وياك شعنديييي راجعه كلي المن شوف تذكر هذا مكان هنا حجيتلك الحقيقه حته ماتعوفني وشفت سويتت بيه رجعه مارجع
ضرغام:يعني هذا ردج
يمامه:هذا ردي
ضرغام:إذا هاي لغتكم يابت كاظم من هسه لا تلومون غير نفسكم على اللي راح يصير وبلغي أسعد
يمامه:بشنو ابلغه
ضرغام: خاف عباله يخلي مرتي ببيته وحسباله السالفة انتهت واسكت غلطان كلش
يمامه:أسعد ما أجبرني أبقى.
آنـا قررت وماريدككك
ضرغام:قرارج من دخلتي بيت أهلج، ماصار قرارج بيدج وحدج. هسه صارت سالفة سالفه زلم
يمامه:لا تدخل أخواني بالسالفة واصلا سالم الي كال ما تطلع من البيت اله ترجع ايـه
ضرغام:إذن خلي يتحمل نتيجة كلمته وشوفي شسوي
يمامه:تهدد حضرتك شيخ؟
ضرغام:نعم.
ردت اروح وماحس اله جرني من كصيبتي واخذ ايدي حسيت راح يكسرها الي من كد ماعصرها ولاويها
ضرغام:ثقي باااااالله مره جايه اكسرهااا
ترحين وياي لو اسوي...........
شاورني ونصدمت بالي كاله
.....
شنو الشي الي كاله ضـرغام يمـامه راح ترجع بسبب
هل شي لو لا انتضرو بارت قااااادم
